Song of Solomon 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1نِے ڢُلَوَ ثٜىٰ أَدَاجِنْ شَرُوانْ، ڢُلَوَ مَيْ ݣَنْ غَنِ عَݣُورِ؞

2كَمَرْ يَدَّ ڢُلَوَ مَيْ ݣَنْ غَنِ تَڢِے ڧَيُواْيِ، حَكَ ڧَوْنَتَثِّيَاتَ تَڢِے سَوْرَنْ یَنْ مَاتَا؞

3كَمَرْ يَدَّ إِتَاثٜىٰنْ رُمَّنْ يَڢِ سَوْرَنْ عِتَتُوَنْ كُرْمِ دَرَجَ، حَكَ ڧَوْنَتَثّٜىٰنَ يَڢِ سَوْرَنْ مَظَا؞ دَ ڢَضٍ ثِكِ نَذَوْنَ عَ إِنُوَرْسَ، یَیَنْ إِتَاثٜىٰنْسَ دَ ذَاڧِ سُكٜىٰ؞

4يَكَٰوُاْ مِنِ ضُوً إِنَبِنْ ڧَوْنَرْسَ، يَضُنْ‌غُمٜىٰنِ دَ ڧَوْنَرْسَ؞

5ڧُواْسَرْ دَنِے دَ دُنْڧُلٜىٰنْ بُوسَشّٜىٰنْ إِنَبِے، سَابُنْتَا نِے دَ ضُوً لٜىٰمُواْ، غَمَا إِنَ مُتُوَرْ ڧَوْنَرْسَ؞

6دَمَا حَنُّنْ هَغُنْسَ يَنَ ڧَرْڧَشِنْ كَيْنَ، حَنُّنْ دَامَنْسَ كُمَ يَضُنْ‌غُمٜىٰنِ!

7يَا كُو یَنْ مَاتَانْ عُرُوشَلِيمَ، كُرَنْڟٜىٰ دَ غَدَ دَ بَرٜىٰوَ مَاسُ ݣَنْ غَنِ عَتُدَّيْ، كَمَرْ يَدَّ عَكٜىٰ ضَنْڟٜىٰ دَ اللَّهْ مَيْ ضُنْدُنَا؞ كُرَنْڟٜىٰ ثٜىٰوَ بَذَاكُ دَامٜىٰمُبَ سَعَدَّ مُكٜىٰ جِنْ دَاطِنْ جُونَ!

8جِ! غَا مُرْيَرْ ڧَوْنَتَثّٜىٰنَ! غَاشِ يَنَ ذُوَا أَغُجٜىٰ عَكَنْ تُدَّيْ، يَنَ ڟَلّٜىٰ عَكَنْ تُدَّيْ ذُوَا وُرِينَ؞

9ڧَوْنَتَثّٜىٰنَ كَمَرْ بَرٜىٰوَ يَكٜىٰ، كُواْ كَمَرْ طَنْ غَدَ؞ غَاشِ ثَنْ، يَنَ ڟَيٜىٰ عَبَايَنْ كَتَنْ‌غَرْمُ، يَنَ لٜىٰڧٜىٰ تَتَغُواْغِ، يَنَ كَلُّواْنَ تَثِكِنْ لَبُلٜىٰ؞

10ڧَوْنَتَثّٜىٰنَ يَيِ مَغَنَ دَنِے؞ تَاشِ مُتَڢِے، يَا كٜىٰ ڧَوْنَتَثِّيَاتَ، كٜىٰ ݣَكْݣَوَتَ، مُتَڢِے؞

11غَمَا لُواْكَثِنْ سَنْيِ يَوُثٜىٰ، ضُوَ سَمَ كُمَ يَطَوْكٜىٰ يَتَڢِے؞

12غَا ڢُلَوَ سُنْ بَيَّنَ كُواْعِنَ عَڧَسَرْ، لُواْكَثِنْ رٜىٰرَ وَاڧُواْڧِ يَيِ؞ كُواْعِنَ عَڧَسَرْ لُواْكَثِ يَيِ، لُواْكَثِنْ جِنْ مُرْيُواْيِنْ كُرْثِيُواْيِ؞

13عِتَتُوَنْ ٻَوْرٜىٰ سُنْ ڢِتَ دَ یَیَ، إِتَاثٜىٰنْ إِنَبِے كُمَ يَنَ تُواْهُوَ يَنَ ڧَنْشِ؞ تَاشِ مُتَڢِے، يَا كٜىٰ ڧَوْنَتَثِّيَاتَ، كٜىٰ ݣَكْݣَوَتَ، مُتَڢِے!

14يَا كٜىٰ كُرْثِيَتَ، مَيْ ظَوْنٜىٰ عَثَنْ مَڢَكَرْ تُدَّيْ، عَٻُواْيٜىٰ عَثِكِنْ كُواْغُوانْ دُوڟٜىٰ، بَرِ إِنْ‌غَا ڢُسْكَرْكِ، إِنْكُمَ جِ مُرْيَرْكِ مَنَ! غَمَا مُرْيَرْكِ تَنَدَ دَاطِنْجِ، ڢُسْكَرْكِ كُمَ تَنَدَ ݣَنْ غَنِ؞

15كُكَامَ مَنَ ڧأَنَانً كَرْنُكَنْ دَاجِ، كَرْنُكَنْ دَسُكٜىٰ ٻَاتَ غُواْنَكِنْ إِنَبِے، غَمَا غُواْنَرْ إِنَبِنَ تَڢِتَرْدَ ڢُلَوَ؞

16ڧَوْنَتَثّٜىٰنَ نَوَنٜىٰ، نِے مَا تَاسَثٜىٰ! شِ كَطَيْ نٜىٰ يَنَ سَامُنْ جِنْ دَاطِے ثِكِنْ ڢُلَوَنَّنْ مَاسُ ݣَنْ غَنِ أَغُواْنَتَ؞

17كَاڢِنْ حَصْكٜىٰنْ رَانَ يَڢِتُواْ، سَعَدَّ دُهُ يَڢَارَ ٻَثٜىٰوَ يَا ڧَوْنَتَثّٜىٰنَ، كَجُويَا، كَغُدُ كَمَرْ بَرٜىٰوَ، كَمَرْ طَنْ غَدَ مَيْ ڟَلّٜىٰ كَنْ دُوَڟُو؞

← Chapter 1 Jump to: Chapter 3 →