Song of Solomon 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1إِنَا مِصَالِنْ ݣَنْكِ، يَا كٜىٰ ڧَوْنَتَثِّيَاتَ! كٜىٰ ݣَكْݣَوَاثٜىٰ ڨُورَيْ! دَغَ ثِكِنْ لُلُّٻِنْكِ عِدُوانْكِ سُنَ نُونَ حَنْكَلِنْكِ كَمَرْ نَكُرْثِيَ؞ كِڟُوانْكِ يَنَ لِلُواْ عَبَايَنْكِ كَمَرْ غَرْكٜىٰ مَيْ غَنْ‌غَرُواْوَ دَغَ بَبَّنْ تُدُنْ غِلٜىٰيَدْ؞

2هَڧُواْرَنْكِ ڢَرَرٜىٰ نٜىٰ كَمَرْ ڢَرَرْ تُنْكِيَ وَدَّ عَكَيِ مَتَ وَنْكَ تَيِ ڟَڢْ؞ دُكَنْسُ أَ جٜىٰرٜىٰ سُكٜىٰ، كُواْوَنّٜىٰ دَ طَنْعُوَنْسَ، بَعَرَسَ كُواْ طَيَبَ؞

3لٜىٰٻُنَنْكِ سُنَدَ ݣَنْ غَنِ كَمَرْ كِنْ يِمُسُ ݣُولِّيَ، بَاكِنْكِ أَبِنْ شَعَوَ نٜىٰ؞ عَبَايَنْ لُلُّٻِنْكِ، كُمَتُنْكِ سُنْيِ سُمُلْ كَمَرْ بَايَنْ یَیَنْ رُمَّنْ؞

4وُيَنْكِ مَيْ ڟَوُاْ مَيْ ݣَنْ غَنِ نٜىٰ كَمَرْ حَصُومِيَا تَ دَاوُدَ؞ سَرْڧُواْڧِنْ أَدُوانْكِ سُنَ أَ جٜىٰرٜىٰ أَوُيَنْكِ كَمَرْ غَرْكُوُاْيِ دُبُو دُبُو أَ جٜىٰرٜىٰ، كَمَرْ غِدَنْ كِبِيُواْيِنْ سُواْجُواْجِ مَاسُ عِيَ يَاڧِ؞

5نُواْنُوانْكِ بِيُ كَمَرْ تَڠُويٜىٰنْ غَدَ نٜىٰ، سُنَدَ شَعَوَرْ تَٻَوَ، وَطَنْدَ سُكٜىٰ سَامُنْ جِنْ دَاطِے ثِكِنْ ڢُلَوَ مَيْ ݣَنْ غَنِ؞

6كَاڢِنْ حَصْكٜىٰنْ رَانَ يَڢِتُواْ سَعَدَّ دُهُ يَڢَارَ ٻَثٜىٰوَ ذَنْ غُدُ ذُوَا تُدَّنْ ڧِرْجِنْكِ نَمُرْ، ذُوَا تُدَّنْ تُرَارٜىٰنْ لُبَّنْ مَيْ ڧَنْشِ؞

7كٜىٰ ݣَكْݣَاوَا ثٜىٰ، يَا ڧَوْنَتَثِّيَاتَ، بَابُ أَبِنْدَ بَيْيِ دَيْدَيْ بَعَ جِكِنْكِ!

8تَاشِ تَرٜىٰدَنِ دَغَ لٜىٰبَنُوانْ، يَا كٜىٰ أَمَرْيَتَ، دَغَ لٜىٰبَنُوانْ، كِتَاشِ تَرٜىٰدَنِ؞ كِغَنْ‌غَرُواْ دَغَ كَنْ بَبَّنْ تُدُنْ أَمَانَ، دَغَ كَنْ بَبَّنْ تُدُنْ سٜىٰنِرْ دَ نَ هَرْمُوانْ، دَغَ عِنْدَ كُواْغُنَنْ ظَكُواْكِ سُكٜىٰ، دَغَ كُمَ تُدَّيْ عِنْدَ دَامِسَ سُكٜىٰ دَ ذَمَ؞

9يَا كٜىٰ ذُوثِيَاتَ، أَمَرْيَتَ، كِنْ سَاثِ ذُوثِيَاتَ، دَ كَلُّوانْ عِدُوانْكِ سَوْ طَيَ، كِنْ سَاثِ ذُوثِيَاتَ، دَ سَرْڧَ طَيَ تَ أَدُوانْ وُيَنْكِ؞

10إِنَا مِصَالِنْ دَاطِنْ ڧَوْنَرْكِ، يَا كٜىٰ ذُوثِيَاتَ، أَمَرْيَتَ! إِنَا مِصَالِنْ دَاطِنْ ڧَوْنَرْكِ وَدَّ تَڢِے ضُوً إِنَبِے دَاطِے! إِنَا مِصَالِنْ ڧَنْشِنْ تُرَارٜىٰنْ جِكِنْكِ وَنْدَ يَڢِ كُواْوَنٜىٰ إِرِنْ تُرَارٜىٰ ڧَنْشِ!

11يَا كٜىٰ أَمَرْيَتَ، ذَاڧِنْ لٜىٰٻُنَنْكِ كَمَرْ ظُمَ يَكٜىٰ، مَدَرَ دَ ظُمَ سُنَ ڧَرْڧَشِنْ هَرْشٜىٰنْكِ؞ ڧَنْشِنْ تُڢَاڢِنْكِ يأَنَانً كَمَرْ نَڧَنْشِنْ تُرَارٜىٰنْ لٜىٰبَنُوانْ؞

12يَا ذُوثِيَاتَ، أَمَرْيَتَ، كٜىٰ كَمَرْ غُواْنَثٜىٰ دَ عَكَ كٜىٰٻٜىٰ دُواْمِنَ، غُواْنَرْ دَ عَكَ كٜىٰوَيٜىٰ دَ كَتَنْ‌غَ، مَٻُٻُّغَرْ ضُوً دَ عَكَ حَنَ وَ كُواْوَ؞

13ڟَكَانِنْ ثِنْيُواْيِنْكِ أَݣَويْ غُواْنَ كَمَرْ تَ عَيْدَنْ، غُواْنَ مَيْ یَیَ مَڢِے ݣَوْ، مَيْ یَیَنْ رُمَّنْ مَاسُ دَاطِے مَيْ كَايَنْ ڧَنْشِ كَمَرْ نَرْدِ دَ لَلّٜىٰ؞

14أَݣَويْ نَرْدِ دَ سَڢَرُوانْ دَ كَلَمُسْ، دَ سِنَمُوانْ دَ كُواْوَنٜىٰ إِرِنْ إِتَاثٜىٰ مَيْ ڧَنْشِ، دَ مُرْ دَ أَلُواسْ دَ دُكَنْ تُرَارٜىٰ مَڢِے ڧَنْشِ؞

15كٜىٰ ثٜىٰ مَٻُٻُّغَرْ ضُوَ ثِكِنْ غُواْنَ، رِجِيَ مَيْ ضُوً بَادَ رَيْ، ضُوَ مَيْ غَنْ‌غَرُواْوَ دَغَ لٜىٰبَنُوانْ؞

16ڢَرْكَ، يَا إِسْكَرْ أَرٜىٰوَ، ذُواْ، يَا إِسْكَرْ كُدُ! هُورَ عَكَنْ غُواْنَتَ، يَدَّ ڧَنْشِنْتَ ذَيْ بَظُو كُواْعِنَ؞ بَرِ ڧَوْنَتَثّٜىٰنَ يَذُواْ غُواْنَرْسَ، يَثِ یَیَنْ عِتَتُوَنْتَ مَڢِے ذَاڧِ؞

← Chapter 3 Jump to: Chapter 5 →