bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
John 11
John 11
Ilonggo (Maayong Balita nga Biblia (2012))
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 12 →
1
May isa ka tawo nga ginhingalanan kay Lazaro nga nagmasakit. Sia nagaestar sa Betania. Ang Betania amo ang banwa, sa diin nagaestar ang mag-utod nga si Maria kag si Marta.
2
Si Maria amo ang naghaplas sing pahumot sa tiil sang Ginoo kag dayon iya ginpahiran sang iya buhok, kag si Lazaro nga nagamasakit amo ang iya utod.
3
Gani ang mag-utod nga babayi nagpadala sini nga pahibalo kay Jesus: “Ginoo, ang imo hinigugma nga abyan nagamasakit.”
4
Sang pagkabati sini ni Jesus, nagsiling sia, “Ang resulta sa ulihi sini nga masakit indi ang kamatayon ni Lazaro, mahanabo ini agod mapahayag nga ang Dios gamhanan, kag paagi sini mapakita man sa mga tawo nga ang Anak sang Dios makatilingala.”
5
Palangga ni Jesus si Marta kag ang iya utod nga babayi, kag si Lazaro.
6
Pero sang nabatian ni Jesus nga si Lazaro nagamasakit, nagtener sia sing duha pa ka adlaw sa lugar diin sia.
7
Dayon nagsiling sia sa iya mga gintuton-an, “Dali, mabalik kita sa Judea.”
8
Ang mga gintuton-an nagsabat, “Manunodlo, sadtong pila lang ka adlaw batuhon ka kuntani sang mga Judio, kag karon mabalik ka pa didto?”
9
Si Jesus nagsabat, “Indi bala nga may dose ka oras sa isa ka adlaw? Gani kon ang tawo nagalakat kon adlaw indi sia makasandad, tungod kay makakita sia sang kapawa sining kalibutan.
10
Pero kon maglakat sia sa gab-i makasandad sia, tungod kay ang kapawa wala sa iya.”
11
Sang masiling ini ni Jesus, nagsiling pa gid sia, “Ang aton abyan nga si Lazaro nagakatulog, pero kadtuan ko sia kag pukawon.”
12
Ang mga gintuton-an nagsiling, “Ginoo, kon sia nagakatulog, magaayo sia.”
13
Naghunahuna sila nga si Jesus naghambal nahanungod sang katulogon, pero ang buot silingon ni Jesus nga si Lazaro napatay.
14
Gani ginsingganan sila ni Jesus sing maathag, “Napatay si Lazaro,
15
pero tungod sa inyo nagakalipay ako nga wala ako didto upod sa iya, agod nga magtuo kamo. Dali kadtuan naton sia.”
16
Si Tomas nga ginatawag ang Kapid nagsiling sa iban nga mga gintuton-an, “Dali, maupod kita tanan sa Manunodlo, agod mapatay upod sa iya!”
17
Sang pag-abot ni Jesus, nahibaluan niya nga apat na ka adlaw nga nalubong si Lazaro.
18
Ang Betania mga tatlo ka kilometro halin sa Jerusalem,
19
kag madamo nga mga Judio ang nag-abot sa paglipay kay Marta kag kay Maria tungod sang pagkapatay sang ila utod.
20
Sang pagkabati ni Marta nga nagapadulong si Jesus, naggwa sia sa pagsugata sa iya, pero si Maria nagpabilin sa balay.
21
Nagsiling si Marta kay Jesus, “Ginoo, kon yari ka lang diri, kuntani wala mapatay ang akon utod!
22
Pero nahibaluan ko nga bisan subong ang Dios magahatag sa imo sang bisan ano nga imo pangayuon sa iya.”
23
Si Jesus nagsiling sa iya, “Mabanhaw ang imo utod.”
24
Nagsabat si Marta, “Nahibaluan ko nga mabanhaw sia sa katapusan nga adlaw.”
25
Si Jesus nagsiling sa iya, “Ako amo ang pagkabanhaw kag ang kabuhi. Ang nagatuo sa akon, bisan pa nga mapatay sia, magakabuhi,
26
kag ang nagakabuhi kag nagatuo sa akon indi gid mapatay. Nagatuo ka bala sini?”
27
Nagsabat sia, “Huo, Ginoo! Nagatuo gid ako nga ikaw amo ang Cristo, ang Anak sang Dios, nga magaabot sa kalibutan.”
28
Sa tapos masiling ini ni Marta, nagbalik sia kag gintawag niya si Maria nga iya utod, kag ginhutikan, “Yari na ang Manunodlo, kag ginapangita niya ikaw.”
29
Sang pagkabati sini ni Maria nagtindog sia kag nagdalidali pa gwa sa pagsugata kay Jesus. (
30
Karon si Jesus wala pa makasulod sa banwa, kundi yadto pa sia sa lugar diin ginsugata sia ni Marta.)
31
Ang mga Judio nga yadto sa balay kaupod ni Maria nga nagalipay sa iya, nagsunod sa iya sang makita nila nga nagtindog sia kag nagdalidali pa gwa. Naghunahuna sila nga makadto sia sa lulobngan, agod didto maghibi.
32
Nag-abot si Maria sa lugar diin si Jesus, kag sang makita niya sia, nagluhod sia sa tiilan ni Jesus kag nagsiling, “Ginoo, kon yari ka kuntani diri, wala mapatay ang akon utod!”
33
Sang pagkakita ni Jesus nga si Maria nagahibi, kag ang mga Judio nga nag-abot upod sa iya nagahibi man, natandog ang iya tagipusoon kag natublag gid sia.
34
Nagpamangkot sia sa ila, “Diin ninyo sia ginlubong?” Nagsabat sila, “Ginoo, dali kag tan-awa.”
35
Si Jesus naghibi.
36
Gani ang mga Judio nagsiling, “Kita ninyo kon daw ano ang iya pagpalangga kay Lazaro!”
37
Pero ang iban sa ila nagsiling, “Indi bala nga gin-ayo niya ang mga mata sang bulag? Indi bala mahimo nga mapaiway man niya kuntani ang pagkamatay ni Lazaro?”
38
Si Jesus nga sa liwat natublag gid, nagkadto sa lulobngan. Ini nga lulobngan isa ka kweba nga natakpan sang bato.
39
Si Jesus nagsugo, “Kuhaa ninyo ang bato.” Si Marta nga utod sang napatay, nagsabat, “Ginoo, sa karon mabaho na sia, kay apat na ka adlaw nga nalubong sia!”
40
Si Jesus nagsiling sa iya, “Indi bala nga ginsiling ko sa imo nga kon magtuo ka, imo makita kon daw ano ka gamhanan sang Dios?”
41
Dayon ginkuha nila ang bato. Nagtangla si Jesus kag nagsiling, “Amay, nagapasalamat ako sa imo, kay ginapamatian mo ako.
42
Nahibaluan ko nga sa gihapon ginapamatian mo ako, pero ginasiling ko ini tungod sa mga tawo nga yari diri, agod nga magtuo sila nga ikaw ang nagpadala sa akon.”
43
Sa tapos sia makasiling sini si Jesus nagtawag sa matunog nga tingog, “Lazaro, gwa ka!”
44
Ang napatay nga tawo naggwa. Ang iya mga kamot kag mga tiil nasamburan sang panapton sa lubong, kag ang iya guya naputos sang panapton. Si Jesus nagsugo sa ila, “Hubari ninyo sia, kag palakta.”
45
Gani madamo sang mga Judio nga nag-abot sa pagduaw kay Maria ang nakakita sang ginhimo ni Jesus, kag nagtuo sila sa iya.
46
Pero may iban sa ila nagkadto sa mga Fariseo kag nagsugid sang ginhimo ni Jesus.
47
Gani ang mga Fariseo kag ang pangulo nga mga pari nagpatawag sa pagtilipon sang konseho kag nagsiling, “Ano ang aton himuon, kay ini nga tawo nagahimo sing madamo nga mga gamhanan nga buhat?
48
Kon aton lang sia pabay-an, ang tanan magatuo sa iya, kag ang mga manugdumala nga Romanhon magaabot kag magalaglag sang aton Templo kag sang bug-os naton nga pungsod!”
49
Ang isa sa ila nga ginahingalanan kay Caifas, ang Pinakamataas nga Pari sadto nga tuig, nagsiling, “Wala gid kamo sing may nahibal-an!
50
Wala bala kamo makatalupangod nga maayo para sa inyo nga may isa nga kinahanglan mapatay tungod sa mga tawo, sang sa malaglag ang bug-os nga pungsod?”
51
Wala niya ini ginsiling nga iyaiya lang, kundi subong Pinakamataas nga Pari sina nga tuig, gintagna niya nga si Jesus dapat mapatay para sa mga Judio.
52
Indi lamang para sa ila, kundi man sa pagtipon sing tingob sang tanan nga nag-alaplaag nga mga anak sang Dios agod sila mangin-isa.
53
Gani sugod sadto nga adlaw, ang mga pangulo sang mga Judio nagplano sa pagpatay kay Jesus.
54
Gani si Jesus wala na magpasayangsayang sa Judea, kundi nagkadto sia sa isa ka lugar malapit sa desierto, sa isa ka banwa nga ginatawag Efraim. Didto nagtener sia upod sa iya mga gintuton-an.
55
Karon malapit na ang piesta sang mga Judio nga amo ang Piesta sang Pascua. Madamo nga mga taga-uma ang nagtaklad pakadto sa Jerusalem sa pagtuman sang kinabatasan nga pagpaninlo sa wala pa ang piesta.
56
Ginpangita nila si Jesus, kag sang pagtipon nila sa Templo nagpinamangkutanay sila, “Ano bala sa banta ninyo? Maabot sia ayhan sa piesta ukon indi?
57
Ang pangulo nga mga pari kag ang mga Fariseo nagmando nga ang bisan sin-o nga nakahibalo kon diin si Jesus, dapat magsugid sa ila, agod madakop nila sia.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21