bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Amos 7
Amos 7
Ika 2018 Bible
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 8 →
1
Ọnwan wụ ihiẹn Di-nwọnni-ẹnyi wụ Osolobuẹ ghọsị m: M hụn k'ọ rị e ke igurube n'o zi wẹ d'e ripụ ihiẹn-akụnkụn ikpanzụụn rị e suepụhanị, ogẹn wẹ gi ghọrigụ ọka w'a tụnị eze.
2
E rigụ wẹ irurue rị alịnị, m nọ sị, “Di-nwọnni-ẹnyi Osolobuẹ, dodo gbagharị! Nị ụmụ Jekọpụ sa ẹka hụn isi? E mẹkẹkwọ wẹ ẹkẹrẹ!”
3
Ya kẹ Osolobuẹ nọ kụsị, sị, “Ihiẹnni emẹkọ.”
4
Ọnwan wụ ihiẹn Di-nwọnni-ẹnyi wụ Osolobuẹ ghọsị m: M hụn Di-nwọnni-ẹnyi wụ Osolobuẹ k'ọ rị a hị wẹ wẹhẹ ọkụn d'e ye ndị nke ẹ afụnfụn. Ọkụn nọ rapụ okẹn ohimin, rimẹ akpakalị.
5
Ya kẹ m nọ sị, “Di-nwọnni-ẹnyi Osolobuẹ, dodo kụsị! Nị ụmụ Jekọpụ sa ẹka hụn isi? E mẹkẹkwọ wẹ ẹkẹrẹ!”
6
Ya kẹ Osolobuẹ nọzị kụsị, sị, “Kẹ hụnnị emẹkọ.”
7
Ọnwan wụ ihiẹn Osolobuẹ ghọsịzị m: M hụn Osolobuẹ k'o wuzo ẹhụ-ẹjan zinrinchanrịnnị wẹ gi plọmụ lele, tụn; Osolobuẹ gihụ plọmụ ẹka.
8
Osolobuẹ nọ sị m, “Emọsụ, k'ị rị a hụn?” M nọ sị, “Plọmụ wẹ gi e lele kẹ ẹhụ-ụlọ e zinghọ.” Ya kẹ Osolobuẹ nọ sị, “Lee ẹ: m rị e bu plọmụ wẹ gi e lele ẹhụ-ụlọ e che imẹ igunrun ndị nke m, ndị Izrẹlụ; agbakọzị m wẹ nkịtịn:
9
Wẹ k'e tikpọchanrịn ụlọ-mmọn ụmụ Aziki, wiwi ebe ile wẹ nọ e fe ofufe imẹ Izrẹlụ Ẹbamịn-ugu; m k'e gi ọpịa-agha nụmanị ikpụlọ eze wẹ wụ Jerobụam.”
10
Ya kẹ Amazia, hụn eze tumẹ onyẹ nchụn-ẹjan obodo Bẹtẹlụ nọ zi ozi jẹnni Jerobụam eze Izrẹlụ Ẹbamịn-ugu, sị a, “Emọsụ rị e zun'i eje-umẹ, imẹ isi-alị ẹnyi ebeni kẹti-kẹti! Alịnị asakọkwọ ẹka din ihiẹn ile ọ rị e ku.
11
Emọsụ rị a sị, ‘Ọpịa-agha kẹ wẹ k'e gi gbu Jerobụam. Wẹ k'e wepụrịrị ndị Izrẹlụ alị wẹ, kpụnrụn wẹ shi alị ọzọ.’ ”
12
Amazia nọ nwan sị Emọsụ, “Ịyụ hụn rị a hụn ọhụn, pụ ebeni; lakin alị Juda d'a nọ ebẹhụ chọrị ihiẹn y'e gi e bi, y'a nọ ebẹhụ busọnmẹ amụma ị.
13
Ebuzilẹ amụma imẹ Bẹtẹlụ ebeni, kaka! Makẹni, ebeni kẹ eze nọ e fe ofufe, ebeni kẹ ụlọ ofufe alị-ezeni rịzị.”
14
Ya Emọsụ nọ shịarị Amazia, sị a, “Lee ẹnya: ẹlẹ m ụdị ndị-amụma ahụn ị rị e ku, kaka; a rị m ndị ahụn mụ ibu-amụma! M te wụ onyẹ e du anụ, m'e bechanzị osisi sikamọ,
15
Osolobuẹ nọ weri m ebe m rị e du anụ, sị m, ‘Jẹnmẹ d'e bumẹni ndị nke m wụ Izrẹlụ amụma.’
16
“Amazia, gọn nwan ntịn ihiẹn Osolobuẹ ku: ‘Ị sị, “Ebulẹ amụma nị eje-ihiẹn k'e mẹ alị Izrẹlụ; egizilẹ oku-Chuku a ma ikpụlọ Aziki ikpe.”
17
Ufiri ihiẹnni i ku, Osolobuẹ sị: Nwunyẹ i k'e họnrin ịgbaraja imẹ obodoni! Wẹ k'e gi ọpịa-agha gbu ụmụ i — kẹ ikẹnnyẹ kẹ ikpoho! Ndị ọzọ k'a kpachanpụ ẹnya keri alị ị — a ma a, e kebe; ịyụ lẹ enwẹn i wụ Amazia k'a nwụntọ alị ọzọ rụnị; wẹ k'e wepụrịrị ndị alịnị, ndị Izrẹlụ Ẹbamịn-ugu, alị wẹ, we wẹ shi alị ọzọ.’ ”
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 8 →
All chapters:
1
2
3
4
5
6
7
8
9