bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Deuteronomy 33
Deuteronomy 33
Ika 2018 Bible
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 34 →
1
Ọnwan wụ ngọzi Mozizi wụ odibo Osolobuẹ gọzisọnmẹ ndị Izrẹlụ n'o d'a nwụn.
2
Ọ sị: “Osolobuẹ gha Ugu Saịnaị bịa; Ugu Sẹẹ k'ọ gha tikpu ndị nke ẹ rịkẹ ebe eki nọ fọn; Ugu-Paranị kẹ ọghọ a gha nwunpụha. Ịya lẹ ndị-nsọ a nnụ ole-lẹ-ole wị gha azụụn ndịdan-mirin bịa; nkpọtu ugu Osolobuẹ kẹ wẹ gha bịa.
3
Eziẹ, ịyụ nwọn ihiẹn ọsụsụọ ndị nke i; ndị nsọ ile rị ị ẹka. Ụkụ ị kẹ wẹ ile a bịa d'e e gbu osekpu, oku i kẹ wẹ gi e dọn —
4
iwu ahụn Mozizi ye ẹnyi, ukuu ndị nke Jekọpụ.
5
Osolobuẹ họnrin eze Jẹshurunu, eze Izrẹlụ hụn o mẹ kụrụ ọtọ. Ogẹn ndị-ndu wẹ gi zugbama, wẹ lẹ ebọn ile rị Izrẹlụ.
6
“Rubẹni ya rị ndụn, y'a nwụnlẹ, kẹ ndị ebọn ẹ mẹhanlẹ ẹkẹrẹ.”
7
Nke Juda, Mozizi sị: “Euu, Osolobuẹ, nụkwọ ẹkwan Juda; y'e yen'ẹ ẹka lụaburu ndị nke ẹ. Ọ lụgụọnị enwẹn ẹ ọgụn; dodo, yen'ẹ ẹka lụsọn ndị-iṅẹnrẹn ẹ ọgụn!”
8
Nke Livaị, ọ sị: “Osolobuẹ, Utẹn i hụn wụ Tumim lẹ Urim wụ nke onyẹ hụn i mẹ ọhụnma ye ẹ. Masa k'i nọ lele ẹ, mirin Mẹriba kẹ ịyụ lẹ ịya nọ dọ.
9
Ọ nọ ku oku nẹdi ẹ lẹ nnẹ ẹ, sị, ‘Etukọ m wẹ.’ O tukwọnị umunẹ ẹ, o ledẹni ụmụ a ẹnya ihun; kama e kwọnkẹnmẹ wẹ oku-ọnụ ị, e chemẹ wẹ Iwu i, nkwerigbama ị.
10
Ọ rị nwan a kuzi ebọn Jekọpụ ụzọ ị, a kuzi Izrẹlụ iwu i. Ọ chụnyesọnmẹ n'i ẹjan nsẹnsi, a chụnyen'i ẹjan w'a dụn ọkụn elu ukpo nchụn-ẹjan ị.
11
Euu, Osolobuẹ, dodo gọzi ẹ imẹ ihiẹn ile ọ ma mẹ, ya nị ọrụn-ẹka a sụọ ị ụsụọ. Kpagichanrịn ogelemazụụn ndị ile a lụsọn ẹ ọgụn lẹ ndị ize ẹ e ze makẹ wẹ ghazị e lihi ọtọ.”
12
Nke Bẹnjamini, Mozizi sị, “Onyẹ Osolobuẹ gi e mẹ ẹhụ jẹnkọ d'e bi udọn lẹ ndọnkwa, makẹni o k'e chemẹ ẹ uhinhin lẹ efinaị; obi kẹ Osolobuẹ a pa onyẹ ihiẹn ẹ a sụọ a.”
13
Nke Josẹfụ, Mozizi sị, “Osolobuẹ ya gọzi alị Josẹfụ, ngọzi okẹn-oyiye wụ mirin igwere, lẹ mirin rị imẹ alị;
14
ngọzi kachanrịn mma anwụn a mụpụha lẹ ngọzi kachanrịn mma ifọn e tipụha;
15
ngọzi kachanrịn mma ugu ndị rị ẹdẹi e ye lẹ mkpụrụ kachanrịn mma elu-òke ndị rị ẹdẹi a mị;
16
ya ye ẹ ihiẹn kachanrịn mma hụn alị lẹ ihiẹn rịn'a e ye lẹ ọhụnma Onyẹ ahụn rị akụ-ọfịa ahụn rị e nwun ọkụn. Ngọzi ndịnị ile ya d'a nọkwasị Josẹfụ isi, ya nọkwasị etintin isi onyẹ hụ wẹ dọnmẹ ichẹn imẹ umunẹ ẹ.
17
Ọghọ rị a ẹhụ nọkẹ okẹn-efin ibuzọ, okẹn-efin ibuzọ nnẹ-efin mụ; mpịn a wụ mpịn efin-ọfịa rị a lụ ọgụn. O k'e gi wẹ lụsọn alị ichẹn-ichẹn ọgụn, d'e rudẹ ndị rị ebe ụwa ru. Ọhụn wụ okeri ẹbozo Josẹfụ: kẹ nnụ-uku iri nnụ-uku iri Ifrem mụ kẹ nnụ-uku nnụ-uku Manasẹ mụ.”
18
Nke Zẹbulọnụ, Mozizi sị, “Zẹbulọnụ, ihiẹn ịghọghọ jẹnkọ d'e sọn i ijẹn i. Nke i, Isaka, ihiẹn ịghọghọ jẹnkọ d'e sọn i iwe i.
19
Wẹ k'a kpọgbama ndị alị ichẹn-ichẹn ye elu ugu, nọ ebahụn chụnyesọnmẹ ẹjan rị mma ẹnya Osolobuẹ; wẹ k'e ri ihiẹn ndị ahụn bu ọda ohimin e ye, ihiẹn w'a chọ achọ hụn jun mkpẹnrẹn ohimin.”
20
Nke Gadị, Mozizi sị, “Ọjịja-mma ya rịnị onyẹ ahụn e weshịa alị Gadị! Gadị jẹnkọ d'e bi kẹ ẹwọrọ ebẹhụ, a tabepụsọnmẹ ẹka lẹ akpụkpọ-isi.
21
Alị kachanrịn mma k'ọ họrị; hụn ru onyẹ-isi kẹ wẹ latọn'a. Ogẹn ndị-isi Izrẹlụ gi zu, ọ nọ mẹ ihiẹn ahụn furuni Osolobuẹ chọ, dọnmẹ iwu Osolobuẹ yesọnmẹ Izrẹlụ.”
22
Nke Danị, Mozizi sị, “Danị nọ kẹ okoro ẹwọrọ, hụn gha Bashanị a tụpụha a maye wẹ.”
23
Nke Naf'tali, Mozizi sị, “Ọhụnma Osolobuẹ jun i ẹhụ, Naf'tali, ngọzi-ngọzi k'o gi e sọn i; weri alị ẹbamịn ndịdan-mirin d'e ru mirin Galili.”
24
Nke ebọn Asha, Mozizi sị, “Asha kẹ wẹ kachanrịn a gọzi imẹ umunẹ ẹ ikẹnnyẹ; umunẹ wẹ gikwọ ẹnya rị mma lee ẹ; ya gi udẹn-olivu chan ụkụ.
25
Igwe-igwe kẹ w'e gi fidọn ọnụ-mgbọn i, kẹ igwe mmaka kẹ igwe-bronzu; ndụn k'a rịferi i y'e we nwụn.
26
Onwọnni onyẹ rịkẹ Chuku Jẹshurunu, Chuku Izrẹlụ, hụn e nyinhẹn orukpu igwere rịkẹ ẹshin d'e yeni ụnụ ẹka, onyẹ hụn ikpẹn eze jun ẹhụ k'o nyinla orukpu.
27
Chuku rị ẹdẹi wụ igungun, ẹka itẹbitẹ ẹ hụ okpuru. O k'a chụpụnị ụnụ ndị iṅẹnrẹn ụnụ, a sị, ‘Tikpọ a!’
28
Izrẹlụ e bi udọn lẹ ndọnkwa; Izrẹlụ, isi-mirin hụn Jekọpụ mụpụha, e bi alị ọka lẹ manya ọhụn jun, alị hụn igwere e ziẹnye igirigi.
29
Osolobuẹ a gọzikẹkwọ ị, Izrẹlụ! Onyẹ nọzị nwan kẹ ụnụ, ndị Osolobuẹ zụọpụha? Ịya wụ akpaịn ụnụ lẹ Onyẹ-eyemẹka ụnụ, lẹ okẹn ọpịa-agha ụnụ. Ndị iṅẹnrẹn ụnụ jẹnkọ d'a manị ụnụ piripiri; ụnụ jẹnkọ d'a zọkpụkpọ ebe ile wẹ gi dọn ẹnya.”
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34