bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Deuteronomy 9
Deuteronomy 9
Ika 2018 Bible
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 10 →
1
Izrẹlụ, gọn ni ntịn! Ụnụ e d'e fetu nwan Iyi Jọdanị d'a narịn ndị ọzọ ka ụnụ ọda, ka ụnụ ikẹn, alị wẹ hụn nwọnsọnmẹ obodo shịagbu enwẹn wẹ, wẹ tụnhunmẹ mgbọn sụntụsọnmẹ elu-igwere.
2
Ndị ahụn ka-ẹhụ, sue usue; ndị Anakị adụn-aran rọ! Ụnụ a nụgụọ ukwere wẹ, nụ kẹ w'e ku oku wẹ, sị, “Onyẹ k'a s'ẹka che ndị Anakị ọgụn?”
3
Ka marịn nị nwan nị Osolobuẹ wụ Chuku ụnụ wụ onyẹ k'e buruni ụnụ ụzọ nọkẹ ọkụn rị a dụnnị. O k'e tikpọ wẹ; o k'e mẹrini ụnụ wẹ, ụnụ a chụpụ wẹ, gbupụ wẹ ozigbo, nọkẹ kẹ Osolobuẹ dọn kwe ụnụ nkwa.
4
Osolobuẹ wụ Chuku ụnụ chụpụgụn'ị wẹ, asịkwọlẹ enwẹn i, “M wụ onyẹ ezi-omumẹ haịn Osolobuẹ gi wẹhẹ m ebeni d'e weri alịnị.” Ẹlẹkwọ ya! Njọ ndị alị ndịnị haịn Osolobuẹ gi a chụpụnị ụnụ wẹ.
5
Ẹlẹ nị ụnụ wụ ndị ezi-omumẹ mọbụ nị ụnụ kụrụ ọtọ kẹ ụnụ gi bankọ d'e weri alị wẹ: kama, ufiri njọ ndị alị ndịnị wẹ kẹ Osolobuẹ wụ Chuku ụnụ k'e gi chụpụ wẹ, kẹn'o mẹzu ihiẹn ahụn o gi ufiri ẹ kun enwẹn ẹ kwe ndị nẹdi ụnụ kanị wụ Ebraham, Aziki lẹ Jekọpụ nkwa.
6
Ghọta nị nwan nị ẹlẹ nị ụnụ wụ ndị ezi-omumẹ kẹ Osolobuẹ wụ Chuku ụnụ gi rị e ye ụnụ alị ọmanị weri — kaka, ndị isi-ikẹn kẹ ụnụ wụ.
7
Nyanhan nị, azọkwọlẹ ni, kẹ ụnụ dọn kpasu Osolobuẹ wụ Chuku ụnụ iwe imẹ atụ. Gha ụhụọhịn ụnụ gha Ijiptu pụha d'e ru hụnnị ụnụ ru ebeni, isi-isi kẹ ụnụ rị e nupụnị Osolobuẹ.
8
Ụnụ kpasu Osolobuẹ iwe imẹ Horẹbụ hụn olulu gi bu ẹ nke wụ nị o te chọ n'o gbupụ ụnụ.
9
Ogẹn m gi nyinrin elu ugu ahụn d'e wẹhẹ ibe ọmụma ndị ahụn, ibe ọmụma ndị ahụn Osolobuẹ deye nkwerigbama hụn o gi kwọngbama ụnụ lẹ ya, m nọ elu ugu hụ akp'ọhịn ọgụnnaị, uhinhin lẹ efinaị, erini m ihiẹn-oriri, aranị m mirin.
10
Osolobuẹ nọ ye m ibe ọmụma ẹbụọ o gi ẹka ya lẹ enwẹn ẹ wụ Chuku deye ihiẹn. Iwu ahụn ile ọ gha imẹ ọkụn ahụn rị elu ugu ye ụnụ ụhụọhịn ụnụ zu ukun ugu ahụn k'o deye ibe-ọmụma ndị ahụn.
11
Akp'ọhịn ọgụnnaị ahụn a ghagụ, Osolobuẹ nọ ye m ibe ọmụma ẹbụọ ahụn, ibe ọmụma nkwerigbama.
12
Osolobuẹ nọ sị m, “Hidan ozigbo, nị ndị nke i hụn i gha Ijiptu wepụha a rụọlẹ. Ọ kẹrẹọlẹni wẹ latọ ihiẹn m sị wẹ mẹ, kpụrụ mmọn.”
13
Osolobuẹ nọzị sị m, “A hụngụọ m ndịnị, wẹ wụ ndị isi-ikẹn nke-esi!
14
Ha m ye nị m gbupụ wẹ, finchanpụ ẹfan wẹ elu-ụwa — e gi m'i họnrin okẹn alị ka-ẹhụ hụn k'a ka wẹ ọda!”
15
Ya m nọ gbehutọ, gha elu ugu ahụn rị e nwụn ọkụn hidan; ibe-ọmụma ẹbụbụọ ahụn wẹ deye nkwerigbama ahụn hụ m ẹka.
16
Ogẹn m gi lee ẹnya, a hụn m'a nị ụnụ e mẹọlẹ Osolobuẹ wụ Chuku ụnụ njọ — kpụrụ nwa-efin femẹ, nị ọ kẹrẹọlẹ ụnụ latọ ihiẹn Osolobuẹ gwa ụnụ,
17
ya m nọ tụ ibe ọmụma ẹbụọ ahụn m gi ẹka ye alị, wẹ nọ gungwọnpụ idẹnya ụnụ.
18
Ya m nọzị tụha enwẹn m ye alị, we ihun kpumẹ alị idẹnya Osolobuẹ akp'ọhịn ọgụnnaị, uhinhin lẹ efinaị; erini m ihiẹn-oriri, a ranị m mirin, makẹ njọ ile ụnụ mẹ ụnụ gi mẹ ihiẹn rịlẹni mma ẹnya Osolobuẹ, gi ẹ kpasu ẹ iwe.
19
Egun iwe-lẹ-ọnụma Osolobuẹ tụ m a tụ, makẹni ize ụnụ te ze ẹ hụn o te gi chọ n'o gbupụ ụnụ. Kanị, ọ nọ gọnzi m ntịn, gharị.
20
Ize Ẹrọnụ kpụn'a zezi Osolobuẹ hụn o te k'e gi gbu ẹ, kanị m nọ rịọdọnzin'ẹ ogẹn ahụn.
21
M nọzị weri eje-ihiẹn ụnụ ahụn, nwa-efin hụ ụnụ kpụ, dụn a ọkụn. M nọ kụkpọ a, gweriẹn ẹ, o riẹn kẹ ntụn, m nọ bụọ a ye imẹ mirin ohu gha elu ugu ahụn e hutu.
22
Ụnụ a kpasuzighọ Osolobuẹ iwe imẹ Tabera lẹ Masa lẹ Kibrọtụ-Hatava.
23
Ẹrịrazịkwọ, ogẹn Osolobuẹ gi nọ Kadẹshi-Bania zi ụnụ ozi, sị, “Shi ni alị ndịnị rị ugu d'e weri alị m ye ụnụ,” ụnụ nọ nupụnị Osolobuẹ wụ Chuku ụnụ isi. Ụnụ egin'ẹ dọn ẹnya, ụnụ emẹni ihiẹn ọ sị ụnụ mẹ.
24
Isi-isi kẹ ụnụ e nupụnị Osolobuẹ kete m'a marịnlẹ ụnụ.
25
M dinẹ we ihun kpumẹ alị ọrọgbọ akp'ọhịn ọgụnnaị ahụn — makẹni Osolobuẹ e kugụọ n'o k'e tikpọpụ ụnụ.
26
M nọ rịọ Osolobuẹ, sị, “Osolobuẹ ihiẹn ile rị okpuru ẹ, dodo, etikpọlẹ ndị nke i, ukuu i hụn i gi ikẹn hi-ogbe gbarị, hụn ị kpa ikẹn gha alị Ijiptu wepụha.
27
Nyanhan idibo i wụ Ebraham, Aziki lẹ Jekọpụ. Fepụ ẹnya isi-ikẹn ndịnị lẹ eje-obibi wẹ lẹ njọ wẹ mẹ.
28
Amamgbe ndị alị ị gha wepụha ẹnyi a sị, ‘Makẹni Osolobuẹ asanị ẹka we wẹ ru alị ahụn o kwe wẹ nkwa lẹ makẹni iwe wẹ rị a obi k'o gi wepụha wẹ d'e gbu imẹ atụ.’
29
Ndị nke i kẹ wẹ wụ, ukuu i hụn i gi ikẹn i hi-ogbe lẹ ikẹn i kpa wepụha.”
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34