bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Deuteronomy 7
Deuteronomy 7
Ika 2018 Bible
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 8 →
1
Osolobuẹ wụ Chuku ụnụ webangụ ụnụ alị ahụn ụnụ bankọ d'e weri, chụpụgụnị ụnụ ndị alị bu ọda: ndị Hẹti, ndị Gẹgashị, ndị Amọ, ndị Kenaanị, ndị Pẹrẹzi, ndị Hivu lẹ ndị Jebusu, alị ẹsa ka ụnụ ọda, ka ụnụ ikẹn,
2
o wegụ wẹ che ụnụ ẹka mẹri, gbuchanrịnkwọ nị wẹ ru alị. Y'e nwọnkwọlẹ ihiẹn k'e kwọngbama ụnụ lẹ wẹ! Emẹkwọlẹ ni omikẹn wẹ!
3
Ụnụ lẹ wẹ alụtarịkwọlẹ. Eyekwọlẹ ni wẹ ụmụ ụnụ ikpoho lụrụ; alụyekwọlẹ ni ụmụ ụnụ ikẹnnyẹ ikpoho wẹ —
4
makẹni wẹ jẹnkọ d'e mẹ ụmụ ụnụ gbakitọ m azụụn d'e femẹ mmọn-lẹ-iyi, e gi m ọnụma Osolobuẹ sọn ụnụ, tikpọ ụnụ ozigbo.
5
Lee ni ihiẹn ụnụ jẹnkọ d'e mẹ wẹ: tikpọpụ nị ukpo ndị wẹ n'a chụn ẹjan; kụkpọpụ nị ọmụma-nsọ wẹ, gbutu ni osisi wẹ zumẹsọnmẹ wẹ gi a rụa Ashẹra, ụnụ a dụn mmọn-lẹ-iyi wẹ ọkụn.
6
Makẹni ụnụ wụ ndị rị nsọ ẹnya Osolobuẹ wụ Chuku ụnụ. Imẹ ndị ile rị elu-ụwa, ụnụ kẹ Osolobuẹ họrị nị ụnụ wụrụ ndị nke ẹ pụ-ichẹn.
7
Ẹlẹkwọ ni ụnụ ka ndị ọzọ ọda haịn Osolobuẹ gi we ụnụ che ẹhụ, họrị ụnụ — ụnụ te kachanrịnkwọ ntịn imẹ alị ile.
8
Kanị, makẹni ụnụ rị Osolobuẹ obi lẹn'ọ chọ n'o mẹ ihiẹn o kun enwẹn ẹ kwe ndị nẹdi ụnụ kanị nkwa a haịn o gi gi ẹka-ikẹn wepụha ụnụ, gha imẹ alị ụnụ nọ wụ igbọn, ẹka Fẹro eze alị Ijiptu, gbarị ụnụ.
9
Marịn nị nwan nị Osolobuẹ wụ Chuku ụnụ wụ Chuku nke-esi; Chuku wẹ gi e dọn ẹnya k'ọ wụ: o gisọnmẹ ihiẹn-ọsụsụọ o kwe nkwa a e sọn ụmụ ndị ihiẹn ẹ a sụọ, ndị e mẹ ihiẹn o ku, o gi ẹ e sọn wẹ agbọ nnụ ole-lẹ-ole.
10
Nke ndị hụn ize ẹ e ze, o mẹgwarị wẹ idẹnya wẹ hụn o gi tikpọ wẹ; ẹghẹẹ, o mẹgwarị ndị ahụn ize ẹ e ze idẹnya wẹ, a ra lee ẹnya azụụn.
11
Kpachanpụ nị nwan ẹnya mẹ ihiẹn ndịnị m rị a gwa ụnụ tannị, ihiẹn ndị ọ sị ụnụ mẹ lẹ uhi lẹ iwu ndịnị.
12
Ụnụ gọn ntịn iwu ndị ahụn o ye ụnụ, kpachanpụ ẹnya sọn wẹ, Osolobuẹ wụ Chuku ụnụ k'e mẹ nke ẹ, gi ihiẹn-ọsụsụọ a ahụn sọn ụnụ, hụn ahụn o kun enwẹn ẹ kwe ndị nẹdi ụnụ kanị nkwa a.
13
Ihiẹn ụnụ k'a sụọ a, ọ gọzi ụnụ, mẹ ụnụ ba ụba. O k'e gi ụmụ gọzi ẹkpa-nwa ụnụ, gi ihiẹn-ugbo gọzi alị ụnụ — kẹ ọka kẹ manya ọhụn kẹ ofugbọn-olivu, gi ụmụ-efin gọzi igunrun efin ụnụ, gi ụmụ atụnrụn gọzi igunrun atụnrụn ụnụ, imẹ alị ahụn o kunni ndị nẹdi ụnụ kanị enwẹn ẹ n'o k'e ye ụnụ.
14
O k'a gọzi ụnụ karị ndị alị ọzọ ile; onwọnni okẹnnyẹ mọbụ okpoho ụnụ k'a wụ agan, ụmụ akọkọ anụ ụnụ.
15
Osolobuẹ anịkọ ọrịa ọwụlẹ ru ụnụ ẹhụ. Ọ tụkọ ụnụ eje-emu ndị ahụn ụnụ hụn alị Ijiptu; kama, ndị ile e we iwe ụnụ k'o k'a tụ eje-emu ndị ahụn.
16
Gbuchanrịn nị ndị ile Osolobuẹ wụ Chuku ụnụ k'e buche ụnụ ẹka mẹri. Emẹlẹ ni omikẹn wẹ mọbụ femẹ mmọn-lẹ-iyi wẹ, makẹni ọhụn k'a wụrụnị ụnụ ọnyan.
17
Ikẹnkwọ ụnụ hụ a sị enwẹn ụnụ, “Ndị alị ndịnị wẹ ka ẹnyi ikẹn. Nanị ẹnyi a dọn nwan s'ẹka chụpụ wẹ?!”
18
Ka atụlẹ ni egun wẹ; nyanhankwọ nị ihiẹn Osolobuẹ wụ Chuku ụnụ mẹ Fẹro eze Ijiptu lẹ ndị Ijiptu ile.
19
Ụnụ e gighọ ẹnya ụnụ hụn okẹn nlele lẹ ihiẹn-nghọsị lẹ ahụnlele ndị ahụn a tụ ẹnya lẹ ẹka-ikẹn lẹ ịkpa-ikẹn hụn Osolobuẹ wụ Chuku ụnụ gi wepụha ụnụ. Ẹrịra kẹ Osolobuẹ wụ Chuku ụnụ k'e mẹzi ndị alị ndị ahụn ile ụnụ rị nwan a tụ egun wẹ.
20
Ẹlẹdẹ ọhụn sụọ, Osolobuẹ wụ Chuku ụnụ k'e zi ẹkpa-ẹnwụnmẹnwụn ye igunrun wẹ d'e runi ndị te wanahịngụ ụnụ, warị, a gụchanrịn.
21
Atụkwọlẹ ni egun wẹ, makẹni Osolobuẹ wụ Chuku ụnụ, hụn rị imẹ igunrun ụnụ, wụ Chuku hi-ogbe, hụn e mẹ ihiẹn a tụ egun.
22
Osolobuẹ wụ Chuku ụnụ k'e gi ẹkẹrẹ-ẹkẹrẹ chụpụnị ụnụ ndị alị ndị ahụn. Ọ nịkọ ụnụ gbupụchanrịn wẹ mgbe ohu, makẹ eje-anụ gha a barahị ebe ụnụ rị.
23
Kanị Osolobuẹ wụ Chuku ụnụ k'e wekwọ wẹ che ụnụ ẹka mẹri, o ru, o bu okẹn isusu tọnị wẹ d'e ru ni ụnụ e tikpọchanrịn wẹ.
24
O k'e bu ndị-nze wẹ che ụnụ ẹka, ụnụ e finchanpụ ẹfan wẹ elu-ụwa. Onwọnni onyẹ k'a s'ẹka wuzo che ụnụ ọgụn ụnụ e we tikpọgụ wẹ.
25
Dụnpụ nị mmọn wẹ ile wẹ kpụ ọkụn. Anịlẹ ni siliva lẹ goru rị mmọn ndị ahụn ẹhụ la ụnụ ẹnya; ewelẹ ni wẹ, makẹni ọnyan rọ, makẹni arụ k'ọ wụ ẹnya Osolobuẹ wụ Chuku ụnụ.
26
Ewebanhanlẹ ni ihiẹn Osolobuẹ a sọ iwe ụnụ, amamgbe ụnụ e sọn ẹ wụrụ ihiẹn Osolobuẹ jẹnkọ d'e tikpọ. Wẹ wụrụnị ụnụ ihiẹn rụchanrịnnị, ụnụ a sọchanrịn wẹ, makẹni ihiẹn Osolobuẹ jẹnkọ d'e tikpọ kẹ wẹ wụ.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34