bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Ecclesiastes 7
Ecclesiastes 7
Ika 2018 Bible
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 8 →
1
Ezigbo ẹfan ka ezigbo udẹn mma — ẹrịra kẹ ụhụọhịn ọnwụn dọn ka ụhụọhịn ọmụmụ mma.
2
Ọ ka mma ijẹn ụlọ wẹ nọ a kwan ozun karị ijẹn ụlọ wẹ nọ e ri oriri, makẹni ọnwụn rị e che ịhịan ile; ndị rị ndụn furu nị w'a nyanhan a.
3
Ẹkwan ka ẹmụ mma, makẹni ihun ẹmụ rịlẹni bannị obi erere.
4
Obi onyẹ marịn ihiẹn rị ụlọ wẹ nọ a kwan ozun, kanị obi onyẹ-nzuzu rị ụnọ wẹ nọ e ri, a ra.
5
Ọ ka mma ịnarịn ọjụgbọ onyẹ nwọn uche jụgbọ ị karị igọn-ntịn ẹbụ ndị nzuzu rị e gi e tuchan ị.
6
Ogun rị okpuru ite a gbahụ kpata-kpata imẹ ọkụn lẹ ẹmụ ndị-nzuzu wụ ohu. Ọnwan wụzịkwọ ihiẹn ọlaliwi.
7
Mmẹgbu e mẹ onyẹ marịn ihiẹn e họnrin onyẹ-nzuzu; egho-azụụn e wiwi obi ịhịan.
8
Isi-njẹndemẹ ihiẹn ka mkpa karị isi mbidọn ẹ, ndidin ka mma karị mpache.
9
Ebukẹnrinlẹ olulu, nị onyẹ-nzuzu kẹ olulu bi imẹ ẹ a kị.
10
Ajụkwọlẹ, “Kị haịn ogẹn mbụ gi ka ogẹnni mma?” Makẹni, ẹlẹkwọ ajụjụ onyẹ marịn ihiẹn.
11
Amamihiẹn hụghọ mma nọkẹ ukuu, ndị rị ndụn e legha ẹnyanwụn e ri uru ẹ.
12
Amamihiẹn wụ igungun e kpumẹ ịhịan nọkẹ kẹ egho dọn e kpumẹ ịhịan, kanị amamihiẹn ka, makẹni amamihiẹn e dọnmẹ onyẹ nwọnn'ẹ ndụn.
13
Weri ihiẹn kẹ Chuku dọnmẹ ẹ: Onyẹ k'a s'ẹka tịnpụ ihiẹn Chuku mẹmẹ n'ọ gọrị?
14
Elu rị mma, y'a ghọghọ; kanị elu jọ njọ — y'a nyanhan nị Chuku ya mẹmẹ hụn rị mma mẹmẹzikwọ hụn jọ njọ. Ya wụ, ịhịan asakọ nwan ẹka marịn ihiẹn jẹnkọ d'e mẹ ihun ọ nwụnhụngụ.
15
Imẹ ndụn ọlaliwini m rị, a hụngụọ m ihiẹn ẹbụbụọnị: onyẹ ezi-omumẹ hụn nwụntọ imẹ ezi-omumẹ ẹ lẹ eje-ịhịan hụn nwọn isi-nka imẹ eje-obibi ẹ.
16
Emẹlẹ ezi-omumẹ ghafe okẹn mọbụ nwọnkarị enwẹn i uche — k'i k'e gbuni enwẹn i?
17
Ewelẹ enwẹn i kwanị eje-ihiẹn, kanị, awụkwọlẹ onyẹ nzuzu; k'ị k'a nwụnnị bụ ogẹn i eke ru?
18
Ọ rịka mma n'ị kwọndọnsọnmẹ oku ẹbụọnị n'o nwọnni hụn ị latọ. Onyẹ a tụ egun Chuku e kwọndọn wẹ ẹbụbụọ ẹka.
19
Amamihiẹn e mẹ onyẹ nwọnn'ẹ a ka madụ iri rị a kị obodo ikẹn.
20
Onwọnni kaka akpụ onyẹ ohu rị ọchan elu-ụwa, hụn e mẹchanrịn ihiẹn rị mma sụọ bụ o mẹtuni njọ.
21
Ẹlẹ ihiẹn ile wẹ ku k'i sikọ d'e kwọndọnchanrịn, amamgbe y'a nụ kẹ odibo i rị a kpọ ị iyi —
22
Ịyụ nwẹn a marịnghọ ọhụnma-ọhụnma nị y'a kpọgụọ ndị ọzọ iyi mgbe ole-lẹ-ole.
23
Akọ-lẹ-uche kẹ m gi lele ihiẹnni ile, m nọ sị, “M chọ nị m marịnkwama kẹ ihiẹn ile nọ” kanị ọ karị m ẹka.
24
Ihiẹn ọwụlẹ amamihiẹn wụ, o te ete, o mikẹ — onyẹ k'a s'ẹka chọ a hụn a?
25
Ya m nọ wepụha obi m — ni m ghọta, nị m leban ẹnya, chọkpọ alị amamihiẹn marịn kẹ ihiẹn ichẹn-ichẹn nọ, ghọtazịkwọ kẹ njọ dọn wụ nzuzu lẹ kẹ nzuzu dọn wụ ẹra.
26
O nwọnghọ ihiẹn m hụn ka ọnwụn njọ: okpoho hụn wụ ọnyan: hụn obi ẹ wụ ọnyan, ẹka a wụ ẹgan. Okẹnnyẹ ihiẹn ẹ sụọ Chuku a wanahịn a, kanị o k'a nwụndọn onyẹ e mẹ njọ.
27
Onyẹ-nkuzi sị, “Lee ẹ, ọnwan wụ ihiẹn m chọpụha: Ebe m nọ e ro azụụnnị lẹ azụụnnẹi nị m chọpụha kẹ ihiẹn ichẹn-ichẹn nọ —
28
a chọ bụ m'e ke hụnkwọ a — m nọ hụn akpụ okẹnnyẹ ohu sụọ obibi ẹ kụrụ ọtọ imẹ madụ nnụ-uku, kanị ahụnnị m kaka akpụ okpoho ohu obibi ẹ kụrụ ọtọ imẹ wẹ ile.
29
Ọnwan sụọ kẹ m chọpụha: Kẹ Chuku ke ịhịan, ịhịan zinrin ezinrin, kanị ihiẹn bu ọda kẹ ịhịan rị nwan e ro.”
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 8 →
All chapters:
1
2
3
4
5
6
7
8
9
10
11
12