bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Exodus 4
Exodus 4
Ika 2018 Bible
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 5 →
1
Mozizi nọ sị Osolobuẹ, “O mẹ nwan nị ndị Izrẹlụ ekwerini nị ihiẹn m gwa wẹ wụ ezioku mọbụ nị egọnni wẹ m ntịn? Omẹni wẹ sị m, ‘Ntụ, onwọnni ogẹn i gi hụn Osolobuẹ’?”
2
Ya kẹ Osolobuẹ nọ sị Mozizi, “Kị wụ ihiẹn ahụn rị ị ẹka?” Ọ nọ sị, “Ọkpọ rọ.”
3
Osolobuẹ nọ sị, “Tụ a ye anị.” Mozizi a tụ a ye alị, ọ nọ họnrin agwọ; ya Mozizi nọ gbazụkan'a.
4
Osolobuẹ nọ sị Mozizi, “Tịnpụ ẹka, n'i kwọndọn ẹ ọdụndụn.” Ya Mozizi nọ tịnpụ ẹka, kwọndọn agwọ hụ ọdụndụn; ọ nọ nọ a ẹka họnrinzi ọkpọ.
5
Osolobuẹ nọ sị, “Ihiẹnni kẹ y'e gi ghọsị wẹ nị ya hụngụọ Osolobuẹ, Chuku ndị nẹdi wẹ — Chuku Ebraham, Chuku Aziki, Chuku Jekọpụ.”
6
Osolobuẹ nọ sịzị Mozizi, “Rụ ẹka ye imẹ ẹwuru i.” Mozizi nọ mẹ ẹ. O sepụha ẹka a, ọ nọ hụn a nị oti a fụkpogụọ a ẹka — ẹka a hụ a chan kẹ ẹkwa ọchan.
7
Ya kẹ Osolobuẹ nọ sị, “Rụzị a ye imẹ ẹwuru i.” Ya Mozizi nọ rụzị ẹka ye ẹwuru ẹ. O sepụha a nwan, ọ nọgụọzị kẹ akpụkpọ-ẹhụ a.
8
Osolobuẹ nọ sị “Omẹni ekwerini wẹ ihiẹn i ku mọbụ nị egini wẹ ahịma ibuzọ ahụn dọn, ikẹnkwọ nị wẹ gi ahịma hụnnị dọn.
9
Wẹ jụchanrịn n'e gikọ wẹ ahịma ẹbụbụọnị dọn, jụ n'e gọnkọ wẹ i ntịn, y'e weri ẹkẹrẹ mirin imẹ Iyi Naịlị, hu ẹ ye alị; mirin ahụn i weri imẹ Iyi Naịlị k'e họnrin ẹdeke ebẹhụ i hutọ a.”
10
Kanị Mozizi a sị “Euu, Osolobuẹ, amatuni m ku oku — kẹ mbụ kẹ hụnnị ị gwama mmẹ odibo i oku. M'a ta oku ata; m'a sụ nsụ.”
11
Osolobuẹ nọ sị a, “Onyẹ ye ịhịan ọnụ? Onyẹ e mẹ ịhịan anụlẹ ihiẹn mọbụ ekulẹ oku? Onyẹ e mẹ ẹ legha ụzọ mọbụ họnrin ẹnya-ishi? Ẹlẹ mmẹ wụ Osolobuẹ rọ?
12
Jẹnmẹ nwan; m jẹnkọ e yeni i ẹka ku, gwazịkwọ ị ihiẹn i jẹnkọ d'e ku.”
13
Kanị Mozizi nọ sị, “Euu Osolobuẹ, dodo zijẹn onyẹ ọzọ!”
14
Ya kẹ Osolobuẹ nọ buni Mozizi olulu, sị, “Nwẹnẹ i wụ Ẹrọnụ onyẹ ebọn Livaị arịa? A marịnghọ m n'ọ maghọ ku oku ọhụnma. Ọ rị nwan ụzọ lala d'e kunrun i; ọ hụn ị, ẹfọ sikọ d'a sụọ a ụsụọ.
15
I jẹnkọ d'a rị a gwa a oku, e ye ẹ ihiẹn o sikọ d'e ku. M jẹnkọ e yeni ụnụ ẹbụọ ẹka ku oku, gwazịkwọ ụnụ ihiẹn ụnụ jẹnkọ e mẹ.
16
Ịya k'a rị a gwa wẹ ihiẹn i ku — o k'a wụ ọnụ ị, yụ nwẹn a wụrụn'a Chuku wẹ rị e kuni, a gwa a ihiẹn o k'e ku.
17
Weri ọkpọnị i jẹnkọnị, hụn i k'e gi rụn ọrụn atụmẹnya.”
18
Ya kẹ Mozizi nọ kin azụụn d'e kunrun ọgọ a wụ Jẹtro hụn w'a kpọzị Rẹwuẹlụ, sị a, “Nị m laburu ndị nke m imẹ alị Ijiptu, nị m lele kẹ o nwọnghọzị onyẹ rị ndụn imẹ wẹ.” Jẹtro nọ sị a, “Jẹnmẹ nwan. Ijẹn ẹwẹrẹ.”
19
Ogẹn ahụn Mozizi gi rị alị Midianị, Osolobuẹ sị a, “Lakin Ijiptu, nị ndị ile te chọ nị wẹ gbu i a nwụnchanrịngụọ.”
20
Ya kẹ Mozizi nọ nwan weri nwunyẹ ẹ lẹ ụmụ a ẹbụbụọ. Wẹ ẹbụbụọ wụ ikẹnnyẹ. O bu wẹ che elu jaki, buli, shikọ alị Ijiptu. O gihụ ọkpọ Osolobuẹ ahụn ẹka.
21
Osolobuẹ nọ sịzị Mozizi “I ruzi alị Ijiptu, hụnkwọ a nị ị nọ idẹnya eze rụnchanrịn ọrụn atụmẹnya ile m ye i ikẹn rụn. Kanị m jẹnkọ d'a kpọkin ẹ obi, amamgbe ọ nị ndị Izrẹlụ la.
22
Ogẹn hụ, y'a sị a, ‘Lee ihiẹn Osolobuẹ ku: Izrẹlụ wụ okẹnnyẹ ibuzọ m.’
23
M sị ị, ‘Hatu nwa m n'ọ la kẹni ọ hụn ụzọ fe m’ y'a jụ; m jẹnkọ nwan d'e gbu okẹnnyẹ ibuzọ ị.”
24
Kẹ wẹ jẹnkọ alị Ijiptu, ebe wẹ kụsị nị wẹ ranhịn imẹ uhinhin, Osolobuẹ nọ bịa d'e kunrun Mozizi, chọma n'o gbu ẹ.
25
Kanị Zipora nwunyẹ ẹ nọ gi ọmụma tụ nkọ wẹ gi e be ihiẹn kwa nwa a ugun ozigbo. Ọ nọ we ihiẹn o bepụha mẹtụ Mozizi ụkụ, sị, “Di m gi ẹdeke gbarị k'ị wụ nwan.”
26
Ya kẹ Osolobuẹ nọ hatu Mozizi. Ogẹn ahụn kẹ Zipora gi gi ufiri ugun hụ sị “Di wẹ gi ẹdeke gbarị”.
27
Osolobuẹ gwa Ẹrọnụ sị, “Shi imẹ atụ d'e kunrun Mozizi.” Ya kẹ ọ nọ jẹn d'e kunrun Mozizi Ugu Osolobuẹ, dide ẹ.
28
Ya kẹ Mozizi nọ gwachanrịn Ẹrọnụ ihiẹn ile Osolobuẹ zi ẹ d'e ku lẹ ọrụn atụmẹnya ile ọ sị a d'a rụnghọsị wẹ nị wẹ gi wẹ kweri.
29
Ya kẹ Mozizi lẹ Ẹrọnụ nọ shi alị Ijiptu. Wẹ nọ kpọkikomẹ ndị-isi Izrẹlụ;
30
Ẹrọnụ nọ gwachanrịn wẹ ihiẹn ile Osolobuẹ gwa Mozizi. Ya Mozizi nọ rụn ọrụn atụmẹnya ndị hụ idẹnya ndị Izrẹlụ,
31
wẹ nọ kweri. Ogẹn wẹ gi nụ nị Osolobuẹ a bịagụọ d'a tụnị wẹ ụya, lẹni ọ hụngụọ ụya wẹ rị e ri, wẹ nọ kụnị Osolobuẹ isi alị.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40