bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Exodus 9
Exodus 9
Ika 2018 Bible
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 10 →
1
Ya kẹ Osolobuẹ nọ sị Mozizi, “Jẹn d'e kunrun Fẹro; sị a, ‘Lee ihiẹn Osolobuẹ Chuku ndị Hibru ku: “Hatu ndị nke m, nị wẹ lama, kẹni wẹ fe m.
2
Ị jụ nị y'a hatukọ wẹ, nị y'a tọ e gbọndọn wẹ,
3
mmẹ wụ Osolobuẹ jẹnkọ a tụ anụ ụnụ ile emu k'e gbuni wẹ, kẹ ẹshin kẹ jaki kẹ anyịnyan-mkpukpuke ụnụ, uwẹ lẹ efin lẹ atụnrụn lẹ ewu ụnụ.
4
Kanị m k'e mẹ nị ihiẹn rị ichẹn rị ẹgbata anụ ndị Izrẹlụ lẹ nke ndị Ijiptu, nke wụnị onwọnni anụ ọwụlẹ wụ nke ndị Izrẹlụ jẹnkọ d'a nwụnnị.” ’ ”
5
Ya kẹ Osolobuẹ nọ kaye ogẹn, sị, “Ekile kẹ m jẹnkọ d'e mẹ ihiẹnni imẹ alị Ijiptu.”
6
Eki e fọn, Osolobuẹ nọ mẹ ya wụ ihiẹn: ihiẹn-uriri ile ndị Ijiptu nwọn nọ nwụnhụn, kanị o nwọnni akpụ anụ ohu nwụnnị imẹ nke ndị Izrẹlụ.
7
Eze nọ zi ndị ọrụn a d'e lee k'o mẹ; ọ nọ hụn a n'o nwọnni akpụ anụ ohu nwụnnị imẹ nke ndị Izrẹlụ. Kanị obi anịn'a gbehutọ; ọ jụ n'ọ hatukọ ndị Izrẹlụ.
8
Osolobuẹ nọ sị Mozizi lẹ Ẹrọnụ, “Nọ nị ẹnya-ọkụn kọrịsọnmẹ ẹnwụnrụn-ụkọ jun ẹka ole-lẹ-ole; Mozizi ya nọ idẹnya Fẹro bụọshi ẹ elu nị ufere buru ẹ.
9
O jẹnkọ d'e riẹn kẹ ntụn, ghagbarịcharịn alị Ijiptu ile — ẹsusue dọnmẹ ẹbụn e jun ịhịan lẹ ihiẹn-uriri ẹhụ.”
10
Ya wẹ nọ nọ ẹnya-ọkụn kọrị ẹnwụnrụn-ụkọ; wẹ nọ bịa d'e turu ihun eze. Mozizi nọ bụọshi ẹ elu ye imẹ ufere, ẹsusue kụma ẹbụn nọ suesọnmẹ ịhịan lẹ ihiẹn-uriri ẹhụ.
11
Ndị ahụn a gwọ ọgụn asanị ẹka turu ihun Mozizi, makẹni ẹsusue ahụn suesọnmẹ wẹ nwẹn ẹhụ — kẹ wẹ kẹ ndị Ijiptu ile.
12
Kanị Osolobuẹ nọ kpọkin obi Fẹro, o gọnni Mozizi lẹ Ẹrọnụ ntịn; o mẹhụ kẹ Osolobuẹ gwa Mozizi.
13
Ya kẹ Osolobuẹ nọ sị Mozizi, “Zọtẹnhin ekile, y'e jẹn d'e chekin Fẹro ụzọ; y'e sị a, ‘Lee ihiẹn Osolobuẹ, Chuku ndị Hibru ku: “Hatu ndị nke m nị wẹ lama, kẹni wẹ fe m.
14
Ị jụ ujeni, m jẹnkọ d'e yesọnmẹ yụ lẹ e nwẹn i lẹ ịhaịmẹ i lẹ ndị nke i afụnfụn ndịnị, ọ tụ ụnụ ọnụ, kẹni ị marịn nị onwọnni onyẹ ọwụlẹ rị kẹ mmẹ elu ụwa ile.
15
Nkẹ e weshigụọ m ẹka elu mẹ yụ lẹ ndị nke i ihiẹn; nkẹ a zachanpụgụọ ụnụ elu ụwa.
16
Kanị, ihiẹn m gi hatu i ye wụ ọnwan: kẹni m ghọsị ị ikẹn m lẹni ẹfan m kpọgbarị ụwa ile.
17
Echẹn kẹ ị rịkwọ e mẹni ndị nke m bugan-bugan, jụ nị y'a hatukọ wẹ nị wẹ la.
18
Ufiri ẹ, mgbeni ekile, m jẹnkọ d'e mẹ ẹkwan-igwere dan — ụdị hụn dantulẹni imẹ alị Ijiptu kete wẹ e pumẹlẹ ẹ.
19
Gwakwọ wẹ nwan weban ihiẹn-uriri i lẹ ihiẹn ọzọ ọwụlẹ wụ nke i hụn rị ogbe imẹ mmụlọ. Makẹni ya wụ ẹkwan-igwere jẹnkọ a dankwasị onyẹ ọwụlẹ lẹ anụ ọwụlẹ wẹ webanlẹni mmụlọ hụn o k'e kunrun ogbe; o k'a dangbu wẹ.” ’ ”
20
Ịhaịmẹ Fẹro hụn tụ egun ihiẹn Osolobuẹ ku nọ jẹnmẹ ozigbo-ozigbo d'e weban igbọn wẹ lẹ ihiẹn-uriri wẹ mmụlọ.
21
Kanị ndị gilẹni ihiẹn ahụn Osolobuẹ ku dọn nọ na igbọn wẹ lẹ ihiẹn-uriri wẹ tọ ogbe.
22
Ya kẹ Osolobuẹ nọ sị Mozizi, “Weshi ẹka ị zinmẹ igwere kẹni ẹkwan-igwere dan imẹ alị Ijiptu ile, dankwasị ịhịan lẹ ihiẹn-uriri lẹ ihiẹn-akụnkụn ile rị ugbo imẹ alị Ijiptu.”
23
Ogẹn Mozizi gi bu ọkpọ a zinmẹ igwere, Osolobuẹ nọ zihẹ akpara lẹ ẹkwan-igwere; amụma hụ e beye alị. Ẹrịra kẹ Osolobuẹ gi mẹ ẹkwan-igwere zue kẹ mirin alị Ijiptu;
24
ẹkwan-igwere hụ a dan, amụma hụ ebejẹn ebelụa. Ẹbi jọgbu enwẹn ẹ ẹnịna akpọtuni imẹ alị Ijiptu kete wẹ e pumẹlẹ ẹ.
25
Ebe ọwụlẹ imẹ Ijiptu, ẹkwan-igwere ahụn hụ a dangbuchanrịn ihiẹn ile rị ogbe kẹ ịhịan kẹ anụ, dangbuchanrịn ihiẹn-akụnkụn ile rị ugbo, tigichanrịn osisi ile.
26
Azụụn Goshẹni ebe ndị Izrẹlụ rị sụọ kẹ ẹkwan-igwere danlẹni.
27
Ya kẹ Fẹro nọ zi wẹ d'a kpọ Mozizi lẹ Ẹrọnụ. Ọ nọ sị wẹ, “Ujeni, e mẹọlẹ m njọ; mmẹ lẹ ndị nke m kẹ ikpe ma, ẹlẹ Osolobuẹ.
28
Dodo, mẹ ekpere rịọ Osolobuẹ, makẹni akpabọnị lẹ ẹkwan-igwereni e higụọ ẹnyi! M jẹnkọ d'a hatu ụnụ nị ụnụ lama; ẹnyi egbọndọnkọzị ụnụ.”
29
Mozizi nọ sị a, “Hụn m gihụ gha imẹ obodoni pụ, m jẹnkọ d'a kịshi ẹka elu zinmẹ Osolobuẹ, mẹ ekpere. Akpabọnị jẹnkọ d'a kụsị; ẹkwan-igwere a danbehi, kẹni i marịn nị ụwa wụ nke Osolobuẹ.
30
Kanị a marịnghọ m nị kẹ ịyụ kẹ ịhaịmẹ i e ke tụmakwọ egun Osolobuẹ wụ Chuku.”
31
Ẹkwan-igwere ahụn wiwi osisi-flasị wẹ gi a kpa ẹkwa lẹ ọka-bali, makẹni bali a changụọ, flasị nkẹ a mịmagụọ obobo.
32
Kanị ọka-witi lẹ ọka-spẹtị ewiwini, makẹni w'e ke mịma — w'a ra mẹmẹ ẹgwa.
33
Ya Mozizi nọ na eze tọ, gha imẹ obodo pụ. Ọ nọ kịshi ẹka enu zinmẹ Osolobuẹ; akpara lẹ ẹkwan-igwere nọ kụsị; mirin rị e zueni nọ zuebehi alị ahụn.
34
Ogẹn Fẹro gi hụn nị mirin ahụn rị e zueni lẹ ẹkwan-igwere lẹ akpara a kụsị, ọ nọ mẹzi njọ — ịya lẹ ịhaịmẹ ẹ nọ kpọkin obi wẹ.
35
Ya wụ, obi Fẹro kpọkin akpọhịn, o kwerini hapụ ndị Izrẹlụ nị wẹ lama. O mẹhụ kẹ Osolobuẹ dọn ku ghahanị Mozizi.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40