bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Ezekiel 36
Ezekiel 36
Ika 2018 Bible
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 37 →
1
“Nwa-ịhịan, buni ugu ndị rị Izrẹlụ amụma. Sị wẹ: Ugu ndị rị alị Izrẹlụ, gọn ni ntịn ihiẹn Osolobuẹ ku!
2
“Osolobuẹ Nwọn Ihiẹn Ile sị: Makẹni ndị-iṅẹnrẹn sị, ‘Ẹhẹn! Ugu ẹdẹi ndị hụ e họnringụọ nwan nke ẹnyi!’
3
Bu nwan amụma, sị: Osolobuẹ Nwọn Ihiẹn Ile sị, Makẹni e tikpọgụọ wẹ ụnụ la iwi, gha azụụn ile maye ụnụ, nke wụnị ụnụ e họnringụọ nke alị ndị ọzọ, wụrụ ihiẹn wẹ gi a ta ẹtụ lẹ ihiẹn wẹ gi a ka ụka,
4
ugu ndị rị Izrẹlụ, gọn ni nwan ntịn ihiẹn Osolobuẹ Nwọn Ihiẹn Ile ku: Ọ rị a gwa ugu lẹ òke lẹ mgbugbu lẹ ọdanmgbugbu Izrẹlụ oku, ọ rị a gwazị obodo ndị gba nwan okpokoro imẹ ẹ lẹ ndị hụn ịhịan gba tọ. Alị ndị ọzọ fihunmẹ Izrẹlụ rị nwan e mẹ k'ọ sụọ wẹ, a mụ wẹ ẹmụ:
5
Osolobuẹ Nwọn Ihiẹn Ile sị: E gigụọ m okẹn olulu m lẹ ẹnya rị a fụnị m ku ihiẹn m k'e mẹ alị ndị ọzọ lẹ Ẹdọm ile, ndị rị e mẹ alị m lekẹsị nke wẹ rọ, ọ hụ a sụọ wẹ, lelịa Izrẹlụ, e weri ọfịa ndị wẹ nọ a zụn anụ rịn'a.”
6
Osolobuẹ sị, “Bu nwan amụma banyeni alị Izrẹlụ, sị ugu lẹ òke lẹ mgbugbu lẹ ọdanmgbugbu: Osolobuẹ Nwọn Ihiẹn Ile sị: E gigụọ m ọnụma lẹ ẹnya rị a fụnị m ku oku yeni mkpari ụnụ rị a narịn ẹka alị ndị ọzọ.
7
Osolobuẹ Nwọn Ihiẹn Ile sị nwan: m rị a kịshi ẹka elu e kun enwẹn m nị alị ndịnị fihunmẹ ụnụ sikọ d'a narịnrịrị mkpari nke wẹ!!
8
“Kanị, ugu Izrẹlụ, osisi ndị rị elu i k'a wasọnmẹ agalaba, a mịnị ndị nke m wụ Izrẹlụ mkpụrụ, makẹni w'e d'a lụahama.
9
Lee ẹ, m nọyeni ụnụ anọyeni, m k'e lee ụnụ ẹnya ihun: wẹ k'a dụkpọzị alị ụnụ, rụnzị a ugbo,
10
m k'e mẹ ịhịan ba ụba elu ụnụ imẹ Izrẹlụ ile; ịhịan k'e bizi obodo ndị rị Izrẹlụ; wẹ k'a tụnkin ndị hụ wẹ tikpọ la iwi.
11
M k'e mẹ kẹ ịhịan kẹ anụmanụ ba ụba elu ụnụ, mụ ụmụ ọda-ọda, barahị. M k'e mẹ ịhịan biri elu ụnụ kẹ wẹ dọn bi ẹ mbụ, mẹ ihiẹn rịnị ụnụ mma karị k'ọ rị mbụ. Ogẹn ahụn, ụnụ a marịn nị mmẹ wụ Osolobuẹ.
12
M k'e mẹ ịhịan, ndị nke m Izrẹlụ, jẹn ijẹn elu ụnụ wụ ugu Izrẹlụ. Wẹ k'e nwọnrin ụnụ, ụnụ a wụrụ nke wẹ; ụnụ egbukọzị ụmụ wẹ.
13
“Osolobuẹ Nwọn Ihiẹn Ile sị: Ebe o mẹ ni ndị alị ọzọ rị a sị ụnụ wụ ugu Izrẹlụ, ‘Ụnụ e gbu ịhịan, e gbunarịn ndị nke ụnụ ụmụ wẹ,’
14
ụnụ egbukọzị nwan ịhịan mọbụ gbunarịn ndị nke ụnụ ụmụ wẹ. Ya kẹ Osolobuẹ Nwọn Ihiẹn Ile ku.
15
Emẹkọzị m ụnụ a narịn mkpari ẹka alị ndị ọzọ, alị ndị ọzọ elegberikọzị ụnụ; ụnụ emẹkọzị ndị alị ụnụ dan. Ya kẹ Osolobuẹ nwọn ihiẹn Ile ku.”
16
Osolobuẹ nọzị gwa m oku, sị m:
17
“Nwa-ịhịan, ogẹn ndị Izrẹlụ te gi bi alị wẹ, wẹ gi obibi wẹ lẹ eje-ihiẹn ndị wẹ rị e mẹ mẹrụ a. Obibi wẹ nọ m kẹ ezi okpoho rị a sọ.
18
Ya kẹ m nọ gi ọnụma m mẹ wẹ ihiẹn yeni ọchụn wẹ gbu alị wẹ lẹ mmọn ndị wẹ gi mẹrụ a.
19
M nọ feyịya wẹ ye alị ndị ọzọ, wẹ nọ rị alị ichẹn-ichẹn ndị hụ. Ya wụ, obibi wẹ lẹ eje-ihiẹn ndị wẹ mẹ kẹ m gi kin wẹ ikpe.
20
“Ebe-lẹ-ebe wẹ ru imẹ alị ndị ahụn, e wiwi wẹ Ẹfan m rị nsọ, makẹni w'e ku oku wẹ, a sị, ‘Ndịnị wụ ndị nke Osolobuẹ, kanị a ghakwọ wẹ alị a kpụnhan wẹ ebeni.’
21
Ya kẹ m nọ nwan romẹ banyeni Ẹfan-nsọ m, hụn ndị Izrẹlụ rị e wiwi imẹ alị ndị ọzọ wẹ rịsọnmẹ.
22
“Sị nwan Izrẹlụ nị Osolobuẹ Nwọn Ihiẹn Ile sị: ‘Ẹlẹkwọ ụnụ wụ ndị Izrẹlụ haịn m k'e gi mẹ ihiẹn m chọ nwan nị m mẹ, Ẹfan-nsọ m ụnụ rị e wiwi imẹ alị ndị ọzọ ụnụ rị haịn.
23
M k'a ghọsị nị Ẹfan m rị nsọ, ezigbo ẹfan m hụn ụnụ wiwigụ nwan imẹ alị ndị ọzọ, Ẹfan m ụnụ wiwigụ ẹnya wẹ. Alị ndị ọzọ k'a marịn nị m wụ Osolobuẹ ogẹn m'e gi mẹ ihiẹn k'a ghọsị nị m rị nsọ imẹ igunrun ụnụ idẹnya wẹ.’ Ya kẹ Osolobuẹ Nwọn Ihiẹn Ile ku.
24
“M sikọ nwan d'e weri ụnụ imẹ alị ndị ọzọ, e wegbama m ụnụ welụa alị ụnụ.
25
E fekpu m ụnụ mirin nwunni, gi ẹ fepụ ụnụ ụrụ ile ụnụ rụ lẹ mmọn ile ụnụ fe.
26
M k'e ye ụnụ obi ọhụn, bu mmọn ọhụn che imẹ ndụn ụnụ; e wepụ m obi-ọmụma imẹ ụnụ, ye ụnụ obi rị alụlụa.
27
M k'e bu Mmọn m che imẹ ndụn ụnụ, e mẹ ụnụ e dọnmẹ Iwu m, e gi usọnrọn m e bi.
28
Ụnụ e biri alị ahụn m ye ndị nẹdi ụnụ kanị, ụnụ a wụrụ ndị nke m, mmẹ nwẹn a wụrụ Chuku ụnụ.
29
“M k'a zụọpụha ụnụ imẹ ụrụ ile ụnụ rụ. M k'a sị ọka ụnụ k'e ri ya jun, m'ẹ barahị; ewẹhẹkọnị m ụnụ ụnwụn.
30
M k'e mẹ mkpụrụ-osisi lẹ ihiẹn-ugbo barahị, nke wụnị onwọnni ogẹn ụnwụn e gizi kpọrị ụnụ ihun alị ndị ọzọ.
31
Ogẹn ahụn, ụnụ a nyanhan eje-obibi ụnụ lẹ eje-ihiẹn ndị hụ ụnụ mẹ, ize enwẹn ụnụ a ban ụnụ yeni njọ ụnụ lẹ arụ ile ụnụ mẹ.
32
“Osolobuẹ Nwọn Ihiẹn Ile sị, m chọ nị ụnụ marịn nị ẹlẹkwọ ụnụ haịn m gi rị e mẹ ihiẹnni. Obibi ụnụ ya mẹgbu ụnụ ifẹnrẹn, fa ụnụ, ụnụ ndị Izrẹlụ.
33
“Osolobuẹ Nwọn Ihiẹn Ile sị: ‘Ụhụọhịn ahụn m k'e fepụ ụnụ ẹhụ njọ ile, m k'e mẹzi ịhịan bikin obodo ichẹn-ichẹn rị alị ụnụ, mẹ wẹ tụndọnzi ndị tikpọnị;
34
a rụnmazị wẹ ugbo alị ndị hụ wẹ latọ te wụ ihiẹn la iwi ẹnya ndị ile a ghafen'ẹ.
35
Wẹ k'a sị, “Alịnị wẹ te lagụ iwi a nọgụọ nwan kẹ ugbo Idẹni! Obodo ndị nwẹn te lagụ iwi, gba okpokoro, dankpọchanrịn, kẹ wẹ tụnhunmẹgụ nwan mgbọn, biri!”
36
Ogẹn ahụn kẹ alị ndị nọkunmẹ ụnụ hụn k'a họdụnị e gi marịn nị mmẹ wụ Osolobuẹ a tụndọnzigụọ ihiẹn tikpọnị, rụnzị alị te lagụ iwi ugbo. Mmẹ wụ Osolobuẹ e kuọl'a; m k'e mẹ ẹ.’
37
“Osolobuẹ Nwọn Ihiẹn Ile sị: ‘M k'a nịzị ndị Izrẹlụ rịọ m mẹni wẹ ihiẹn; m k'e mẹ ndị nke wẹ barahị nọkẹ atụnrụn,
38
nọkẹ atụnrụn ndị wẹ gi a chụn ẹjan, lekẹ atụnrụn ndị ahụn e jun Jerusalẹm ogẹn mmẹmmẹ-nsọ wẹ rị ichẹn-ichẹn. Ẹrịra kẹ ịhịan k'e jun imẹ obodo ndị hụ te lagụ iwi imẹ Izrẹlụ. Ogẹn ahụn, wẹ k'a marịn nị m wụ Osolobuẹ.’ ”
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48