bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Ezekiel 48
Ezekiel 48
Ika 2018 Bible
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
1
“Ndịnị wụ ebọn ichẹn-ichẹn lẹ ebe wẹ k'e keye wẹ: “Alị Dan k'a rị isi ẹ ẹbamịn-ugu. Ya lẹ Hamatị sikọ d'a nọ okẹn, gha nkọ ọwụwa-ẹnyanwụn d'e ru nkọ ọdịdan-ẹnyanwụn. Okẹn wẹ wụ Ụwaya Hẹtịlọnụ. Ọ gha Lebo-Hamatị rị ẹka-ekpẹn gbasọnmẹ d'e ru Haza-Ẹnanị gbasọnmẹzi d'e ru Damaskọsụ ẹbamịn ọwụwa-ẹnyanwụn. Nke ebọn Danị k'a wụ ohu.
2
“Nke ebọn Asha k'a wụ ohu. Asha lẹ Danị jẹnkọ d'a nọ okẹn, gha ẹbamịn ọwụwa-ẹnyanwụn d'e ru ẹbamịn ọdịdan-ẹnyanwụn.
3
“Nke ebọn Naf'tali k'a wụ ohu. Naf'tali lẹ Asha jẹnkọ d'a nọ okẹn, gha ẹbamịn ọwụwa-ẹnyanwụn d'e ru ẹbamịn ọdịdan-ẹnyanwụn. Nke Naf'tali k'a wụ ohu.
4
“Nke ebọn Manasẹ k'a wụzị ohu. Manasẹ lẹ Naf'tali jẹnkọ d'a nọ okẹn, gha ibe ọwụwa-ẹnyanwụn d'e ru ọdịdan-ẹnyanwụn.
5
“Nke ebọn Ifrem k'a wụzị ohu. Ifrem lẹ Manasẹ jẹnkọ d'a nọ okẹn, gha ẹbamịn ọwụwa-ẹnyanwụn d'e ru ọdịdan-ẹnyanwụn.
6
“Nke ebọn Rubẹni k'a wụzị ohu. Rubẹni lẹ Ifrem jẹnkọ d'a nọ okẹn, gha ẹbamịn ọwụwa-ẹnyanwụn d'e ru ọdịdan-ẹnyanwụn.
7
“Nke ebọn Juda k'a wụzị ohu. Juda lẹ Rubẹni jẹnkọ d'a nọ okẹn, gha ẹbamịn ọwụwa-ẹnyanwụn d'e ru ọdịdan-ẹnyanwụn.
8
“Hụn sọn alị Juda k'a wụ ebe ụnụ gi kwanị Osolobuẹ. Nke Juda lẹ nke Osolobuẹ k'a nọ okẹn gha ẹbamịn ọwụwa-ẹnyanwụn d'e ru ẹbamịn ọdịdan-ẹnyanwụn. Ụshịa a k'a wụ maịlị ẹsatọ lẹ ụzọ ohu imẹ ụzọ ẹtọ (8⅓), ya lẹ nke ebọn ohu-ohu k'e suehan; Ụlọ-nsọ k'a rị ahanmahan a.
9
“Hụn rịchanrịn etintinnaị imẹ hụnnị ụnụ k'e gi kwanị Osolobuẹ k'a wụ maịlị ẹsatọ lẹ ụzọ ohu imẹ ụzọ ẹtọ (8⅓), ụshịa a k'a wụ maịlị ẹtọ lẹ ụzọ ohu imẹ ụzọ ẹtọ (3⅓).
10
“Ndị wẹ k'e ye azụụnnị rị nsọ ụnụ k'e ye Osolobuẹ wụ ndị nchụn-ẹjan. Usue ẹ ẹbamịn-ugu lẹ ẹbamịn-ndịdan k'a wụ maịlị ẹsatọ lẹ ụzọ ohu imẹ ụzọ ẹtọ (8⅓), ụshịa a ẹbamịn ọdịdan-ẹnyanwụn lẹ ẹbamịn ọwụwa-ẹnyanwụn k'a wụ maịlị ẹtọ lẹ ụzọ ohu imẹ ụzọ ẹtọ (3⅓). Ụlọ-nsọ Osolobuẹ k'a rị etintinnaị a.
11
Ndị nchụn-ẹjan wẹ sikọ d'e ye ẹ wụ ụmụ Zadọkụ hụn dọnmẹ Iwu m, hụn jụ nị agbakịtọkọ wẹ m azụụn lekẹ ndị Livaị ibe wẹ ogẹn ndị Izrẹlụ gi kpahu.
12
Ebẹhụ kẹ wẹ k'e ye wẹ, ebe kachanrịn nsọ imẹ hụn rị nsọ wẹ ye Osolobuẹ. Ya lẹ nke ndị Livaị wụlẹni ndị nchụn-ẹjan k'a nọ okẹn.
13
“Ndị Livaị wụlẹni ndị nchụn-ẹjan lẹ ndị nchụn-ẹjan k'a nọ okẹn. Usue nke wẹ k'a wụ maịlị ẹsatọ lẹ ụzọ ohu imẹ ụzọ ẹtọ (8⅓), ụshịa a k'a wụ maịlị ẹtọ lẹ ụzọ ohu imẹ ụzọ ẹtọ (3⅓). Ya wụ, usue ẹ ile k'a wụ maịlị ẹsatọ lẹ ụzọ ohu imẹ ụzọ ẹtọ (8⅓), ụshịa a maịlị ẹtọ lẹ ụzọ ohu imẹ ụzọ ẹtọ (6⅔).
14
“Alịnị kachanrịn mkpa a rị: erekọ wẹ hụn ọwụlẹ imẹ ẹ; aghatarịkọ w'a; ọ bankọ ẹka onyẹ ọzọ; ọ rị nsọ makẹni wẹ gi ẹ kwanị Osolobuẹ.
15
“Ebe họdụnị, hụn wụ maịlị ẹsatọ lẹ ụzọ ohu imẹ ụzọ ẹtọ (8⅓), ụshịa a maịlị ohu lẹ ụzọ ẹbụọ imẹ ụzọ ẹtọ (1⅔), k'a wụ alị wẹ gi e mẹ ihiẹn mmaka — alị w'e bi lẹ azụụn w'a nọ a kpa anụ k'a rị ebẹhụ. Isi-obodo k'a rị etintinnaị a.
16
Ẹnịna kẹ isi-obodo k'a han: O k'a wụ maịlị ohu lẹ mkpikpi, maịlị ohu lẹ mkpikpi ẹbamịn-ẹnịnọ: ẹbamịn-ugu, ẹbamịn-ndịdan, ẹbamịn ọwụwa-ẹnyanwụn lẹ ẹbamịn ọdịdan-ẹnyanwụn — k'a wụchanrịn maịlị ohu lẹ mkpikpi.
17
Ọfịa wẹ k'a nọ a kpa anụ isi-obodo hụ hụn k'a rị a azụụn ẹnịnọ k'a wụ amụkụ mmisẹn kwasị ọgụn-ẹsatọ (175) ẹbamịn ẹnịnọ.
18
Ebe k'a họdụ imẹ isi-obodo hụ azụụnnị lẹ azụụnnị wụ maịlị ẹtọ lẹ ụzọ ohu imẹ ụzọ ẹtọ (3⅓), ẹbamịn ọwụwa-ẹnyanwụn lẹ ẹbamịn ọdịdan-ẹnyanwụn. Ndịnị ile lẹ azụụn hụ rị nsọ wẹ gi kwanị Osolobuẹ nọsọnmẹ okẹn. Ịya kẹ ndị rị isi-obodo a nọ a rụnrụn ugbo e nwọnhẹn ihiẹn w'e ri.
19
Onyẹ ọwụlẹ a rụn ugbo bi isi-obodo nwọn ikẹn rụn a otuni ebọn Izrẹlụ ọ gha bịa.
20
“Ya wụ, alịnị ile hụn wụ maịlị ẹsatọ lẹ ụzọ ohu imẹ ụzọ ẹtọ ẹbamịn a ẹnịnọ (8⅓) kẹ ụnụ sikọ d'e gi kwanị Osolobuẹ — kẹ azụụn hụn rị nsọ rịn'a kẹ isi-obodo lẹ ihiẹn ile wụ nke isi-obodo.
21
“Alị họdụnị wụ nke onyẹ-ọkịkị. Ọ rị azụụnnị lẹ azụụnnị — kẹ ebẹhụ rị nsọ wẹ gi kwanị Osolobuẹ kẹ isi-obodo lẹ ihiẹn ẹ ile rị etintinnaị. Gha okẹn ya lẹ wẹ d'e ru ebe alị Izrẹlụ ru azụụnnị lẹ azụụnnị wụsọnmẹ maịlị ẹsatọ lẹ ohu imẹ ụzọ ẹtọ (8⅓).
22
“Ya wụ, wezụka alị ndị Livaị lẹ isi-obodo ya lẹ ya rị etintin, alịnị ile rị ẹgbata nke Juda lẹ nke Bẹnjamini wụchanrịn nke onyẹ-ọkịkị.
23
“Nke ebọn isẹn họdụnị: “Nke ebọn Bẹnjamini lẹ hụn ahụn ile wẹ gi kwanị Osolobuẹ jẹnkọ d'a nọ okẹn, gha ẹbamịn ọwụwa-ẹnyanwụn d'e ru ẹbamịn ọdịdan-ẹnyanwụn. Nke Bẹnjamini k'a wụzịkwọ ohu.
24
“Ebọn Simiọnụ lẹ Bẹnjamini jẹnkọ d'a nọ okẹn, gha ẹbamịn ọwụwa-ẹnyanwụn d'e ru ẹbamịn ọdịdan-ẹnyanwụn. Nke Simiọnụ k'a wụ ohu.
25
“Ebọn Isaka lẹ Simiọnụ jẹnkọ d'a nọ okẹn, gha ẹbamịn ọwụwa-ẹnyanwụn d'e ru ẹbamịn ọdịdan-ẹnyanwụn. Nke Isaka k'a wụ ohu.
26
“Ebọn Zẹbulọnụ lẹ Isaka jẹnkọ d'a nọ okẹn, gha ẹbamịn ọwụwa-ẹnyanwụn d'e ru ẹbamịn ọdịdan-ẹnyanwụn. Nke Zẹbulọnụ k'a wụ ohu.
27
“Ebọn Gadị lẹ Zẹbulọnụ jẹnkọ d'a nọ okẹn, gha ẹbamịn ọwụwa-ẹnyanwụn d'e ru ẹbamịn ọdịdan-ẹnyanwụn. Nke Gadị k'a wụ ohu.
28
“Ebọn Gadị k'a rị isi ẹ ẹbamịn-ndịdan. O k'a gha Tama rị ẹka-nni pụ mirin-Mẹriba rị Kadẹshi, ghasọnmẹ pụ Iyi Udu-mirin mkpẹnrẹn Ijiptu, gbasọnmẹ d'e ru Ohimin-uku wụ Mẹditerenia.
29
“Ịya wụ alị ụnụ jẹnkọ d'e keyesọnmẹ ebọn Izrẹlụ ile; o k'a wụ nke wẹ.” Ya kẹ Osolobuẹ Nwọn Ihiẹn Ile ku.
30
“Ndịnị wụ ebe wẹ k'a ghasọnmẹ a banhan, a pụ isi-obodo: “Ẹbamịn-ugu, hụn wụ maịlị ohu lẹ mkpikpi;
31
ọnụ-mgbọn ẹtọ k'a rị a azụụnnị: ọnụ-mgbọn Rubẹni, ọnụ-mgbọn Juda lẹ ọnụ-mgbọn Livaị.
32
“Ẹbamịn ọwụwa-ẹnyanwụn, hụn wụzị maịlị ohu lẹ mkpikpi; ọnụ-mgbọn ẹtọ k'a rịzị a: ọnụ-mgbọn Josẹfụ, ọnụ-mgbọn Bẹnjamini lẹ ọnụ-mgbọn Danị.
33
Ẹbamịn ndịdan wụzị maịlị ohu lẹ mkpikpi; ọnụ-mgbọn ẹtọ k'a rịzị a: ọnụ-mgbọn Simiọnụ, ọnụ-mgbọn Isaka lẹ ọnụ-mgbọn Zẹbulọnụ.
34
“Ẹbamịn ọdịdan-ẹnyanwụn wụzị maịlị ohu lẹ mkpikpi; ọnụ-mgbọn ẹtọ k'a rị a: ọnụ-mgbọn Gadị, ọnụ-mgbọn Asha lẹ ọnụ-mgbọn Naf'tali.
35
“Azụụn ẹnịnọ obodo hụ k'a wụ maịlị isin. Gha ogẹn ahụn jẹnmẹ, ẹfan obodo hụ k'a wụ ‘Osolobuẹ Rị Ebẹhụ.’ ”
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48