bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Ezekiel 40
Ezekiel 40
Ika 2018 Bible
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 41 →
1
Ahụa nke isẹn kwasị ọgụn wẹ kpụnhan ẹnyi Babilọnụ, Osolobuẹ mẹtụ m ẹka, we m shi Jerusalẹm imẹ ọhụn. Nke akpọhịn iri daị imẹ ifọn ibuzọ kẹ ihiẹnni mẹ. Ahụa hụ mẹzi ẹ ahụa mmẹnọ wẹ tikpọ Jerusalẹm.
2
Imẹ ọhụn hụ gha ẹka Osolobuẹ bịa, Osolobuẹ nọ we m shi alị Izrẹlụ, bu m che elu-ugu jẹngbu enwẹn ẹ elu. O nwọn ebe nọ kẹ obodo elu ẹ ebẹhụ, ẹbamịn ndịdan.
3
Ọ nọ we m shi ebẹhụ nọ kẹ obodo. E lee okẹnnyẹ ohu rị e nwun goru-goru lekẹ igwe-bronzu! Ụdọ wẹ gi linẹni kpa lẹ ẹgbe wẹ gi a ma ihiẹn hụ a ẹka. O wuzohụ ọnụ-mgbọn wẹ gha a banye ebẹhụ.
4
Okẹnnyẹ hụ nọ sị m, “Nwa-ịhịan, shịapụ ẹnya ị lẹ ntịn ị ọhụnma, y'e bu obi che ihiẹn ile m sikọ d'a ghọsị ị, makẹni ya kẹ wẹ wẹhẹni i ebeni — kẹni i hụn ụzọ gwa Izrẹlụ ihiẹn ile i sikọ d'a hụn.”
5
A hụn m mgbọn fihunmẹ Ụlọ-nsọ. Usue ẹgbe ahụn okẹnnyẹ hụ gi ẹka wụ ụbụkụ iri lẹ mkpikpi (10½). Ọ nọ ma mgbọn ahụn: ulu ẹ wụ ẹgbe ohu, ojijẹn-elu ẹ wụ ẹgbe ohu.
6
Ọ nọ shi ọnụ-mgbọn hụn bu ihun zinmẹ ọwụwa ẹnyanwụn. Ọ nọ kẹ ụlọ. O nyinrin mgbanyinrin ẹ. Ọ ma ọnụmụzọ rịchanrịn ihun: ulu ẹ wụ ẹgbe ohu.
7
Usue mmughẹ ndị-nche wụsọnmẹ ẹgbe ohu-ohu, ụshịa wẹ wụzịkwọ ẹgbe ohu-ohu. Ẹhụ-ụlọ ndị rị ẹgbata mmughẹ lẹ mmughẹ wụ ụbụkụ ẹsatọ lẹ hụn kazị mkpikpi (8¾). Ulu ọnụmụzọ azụụn shi ẹtu-ụlọ rị ibe azụụn wụzị ẹgbe ohu, ụshịa a ẹgbe ohu.
8
Ọ nọ nwan ma ẹtu-ụlọ ahụn rị ibe azụụn: ụshịa a wụ ụbụkụ mmẹnọ.
9
Ụshịa ẹtu-ụlọ ahụn wụ ọbụkụ mmẹnọ. Ẹhụ-ụlọ rị a isini lẹ isini, ẹhụ-ụlọ ndị ahụn wụsọnmẹ ọbụkụ ẹtọ lẹ mkpikpi. Ẹtu-ụlọnị rị ibe azụụn pụ ezi-ọgwa ibuzọ rị ụlọ-nsọ.
10
Mmughẹ ndị nche hụ rị ẹtọ azụụnnị, ẹtọ azụụnnị, ẹworo-ụzọ hụ etintinnaị; mmughẹ ndị ahụn wụchanrịn ahanmahan, ẹhụ-ụlọ rịsọnmẹ ẹgbata wẹ wụzị ahanmahan.
11
Ọ ma ọnụ-mgbọn hụ lẹ enwẹn ẹ, ụshịa a wụ ụbụkụ mmẹsa lẹ mkpikpi, usue ẹworo-ụzọ wụ ụbụkụ ẹbụọ kwasị ọgụn lẹ hụn kazị mkpikpi (22¾).
12
Ebe wẹ e ṅọndan rịsọnmẹ ihun mmughẹ ndị-nche ndị ahụn. Ojijẹn-elu wẹ lẹ ulu wẹ wụsọnmẹ ọbụkụ ohu-lẹ-mkpikpi, ọbụkụ ohu-lẹ-mkpikpi. Usue mmughẹ ndị ahụn lẹ ụshịa wẹ wụ ahanmahan: ọbụkụ iri lẹ mkpikpi, ọbụkụ iri lẹ mkpikpi.
13
Ọ nọ makwama ọnụ-mgbọn, gha isi mmughẹ rị azụụnnị d'e ru isi hụn rị azụụnnị hụn bu ihun zinmẹ ẹ: ụbụkụ ẹtọ kwasị ọgụnnaị lẹ hụn kazị mkpikpi (43¾) rọ.
14
Ọ ma ojijẹn-elu ẹhụ-ẹjan ọnụ-mgbọn hụ, ojijẹn-elu ẹ wụ ọbụkụ isẹn kwasị ọgụn-isẹn. Ezi-ọgwa ibuzọ hụ w'a gha a abanye e ruzịghọ a azụụnnị lẹ azụụnnị.
15
Ọnụ-mgbọn hụ ile wụ ụbụkụ ẹsa lẹ mkpikpi kwasị ọgụn ẹnọ, gha ihun d'e ru azụụn a.
16
Windo ndị shịalẹni rịsọnmẹ ẹhụ-ụlọ mmughẹ ndị-nche hụ lẹ ẹhụ-ụlọ ndị rị ẹgbata wẹ. Ẹrịra kẹ wẹ rịsọnmẹ ẹhụ-ụlọ ọnụ-mgbọn hụ ile lẹ ẹtu-ụlọ a. Wẹ seyesọnmẹ nkụ ẹhụ-ụlọ ndị ahụn.
17
Okẹnnyẹ hụ rị a ghọsị m ihiẹn nọ nwan gha ọnụ-mgbọn ahụn webanhan m ezi-ọgwa hụ w'e bu ụzọ e ru imẹ Ụlọ-nsọ. Elee mmughẹ-mmughẹ lẹ mgbankpo wẹ rụn ghahunmẹ ezi-ọgwa hụ ile ohi-ohi! Mmughẹ iri-kwasị-ọgụn kẹ wẹ rụnye elu mgbankpo hụ.
18
Mgbamkponi rịsọnmẹ ọnụ-mgbọn Ụlọ-nsọ azụụnnị lẹ azụụnnị; ebe ọnụ-mgbọn ndị ahụn sueru kẹ wẹ sueru. Kanị, mgbamkponi ka alị a lụa.
19
Ọ nọ ma ezi-ọgwa ibuzọ, ya wụ ẹgbata ọnụ-mgbọn ibuzọ, hụn ka alị a lụa, hụn ẹnyi gha nwan banhan lẹ ọnụ-mgbọn nke ẹbụọ hụn shi ezi-ọgwa rị imẹ: ụbụkụ mmisẹn kwasị ọgụn ẹsatọ (175). Nke ẹbamịn ọwụwa ẹnyanwụn a gụ. O ru nwan hụn sikọ ẹbamịn-ugu.
20
Okẹnnyẹ hụ nọ nwan ma usue lẹ ụshịa ọnụ-mgbọn hụn bu ihun zinmẹ ẹbamịn-ugu, hụn wẹ ghazị a banhan ezi-ọgwa ibuzọ.
21
Mmughẹ ẹtọ-ẹtọ rịzị azụụnnị lẹ azụụnnị imẹ ẹ; ẹhụ-ụlọ rịsọnmẹ ẹgbata mmughẹ lẹ mmughẹ; ẹtu-ụlọ rị a ihun lẹ azụụn. Ya lẹ ọnụ-mgbọn ibuzọ hụ wụ ahanmahan: usue ẹ wụ ụbụkụ ẹsa lẹ mkpikpi kwasị ọgụn-ẹnọ; ụshịa a, ụbụkụ ẹtọ kwasị ọgụnnaị lẹ hụn kazị mkpikpi (43¾).
22
Kẹ windo ẹ kẹ ẹtu-ụlọ a rị a ihun lẹ azụụn kẹ nkụ wẹ seyesọnmẹ ẹ, wẹ lẹ ndị rị ọnụ-mgbọn bu ihun zinmẹ ibe ọwụwa-ẹnyanwụn wụchanrịn ahanmahan. Mgbanyinrin nwọn agba ẹsa kẹ wẹ gi e nyinrin ẹ wẹ kebe ru ẹtu-ụlọ rị ihun ẹ.
23
Ọnụ-mgbọnni e nwọnzighọ hụn bu ihun zinmẹ ẹ, hụn pụ ezi-ọgwa rị imẹ-imẹ, lekẹ kẹ ọnụ-mgbọn rị ẹbamịn ọwụwa-ẹnyanwụn dọn nwọn. Okẹnnyẹ hụ nọzị ma ezi-ọgwa ibuzọ nkọnị, ẹgbata ọnụ-mgbọn ẹbụbụọnị: ọ rịzị ụbụkụ mmisẹn kwasị ọgụn ẹsatọ (175).
24
Ya okẹnnyẹ hụ nọ we m shi ẹbamịn ndịdan. E lezi ọnụ-mgbọn azụụn hụ! Ọ nọ ma ẹhụ-ụlọ rịsọnmẹ ẹgbata mmughẹ lẹ mmughẹ lẹ ẹtu-ụlọ rị a ihun lẹ azụụn: wẹ lẹ ndị ibuzọ wụ ahanmahan.
25
Windo rịchanrịn a kẹ ẹtu-ụlọ kẹ ẹhụ ile k'o dọn rị ndị ibuzọ. Usue ẹ wụ ụbụkụ ẹsa lẹ mkpikpi kwasị ọgụn-ẹnọ, ụshịa a ụbụkụ ẹtọ kwasị ọgụnnaị lẹ hụn kazị mkpikpi (43¾).
26
Mgbanyinrin ọnwan nwọnzi agba ẹsa wẹ gi e nyinrin ẹ wẹ kebe ru ẹtu-ụlọ rị a ihun; wẹ sesọnmẹ nkụ ye ẹhụ-ụlọ rịsọnmẹ ẹgbata mmughẹ ndị rịn'a azụụnnị lẹ azụụnnị.
27
Ọnụ-mgbọnni e nwọnzighọ hụn bu ihun zinmẹ ẹ hụn pụ ezi-ọgwa rị imẹ-imẹ. Okẹnnyẹ hụ nọzị ma ezi-ọgwa ibuzọ hụn rị nkọnị, ẹgbata ọnụ-mgbọn ẹbụbụọnị: ụbụkụ mmisẹn kwasị ọgụn ẹsatọ (175) rọzị.
28
Ya kẹ okẹnnyẹ hụ nọ nwan gha ọnụ-mgbọn ahụn pụ imẹ-imẹ hụn rị ẹbamịn-ugu webanhan m ezi-ọgwa rị imẹ-imẹ. Ọ nọ ma ọnụ-mgbọnni: ya lẹ ndị ọzọ wụ ahanmahan.
29
Mmughẹ ndị rịn'a, ẹhụ-ụlọ hụn rịsọnmẹ ẹgbata wẹ lẹzi ẹtu-ụlọ rị a ihun lẹ azụụn lẹ ndị hụn-ẹbọ wụzị ahanmahan. Windo hụzị ọgwa a ẹhụ ile. Usue ọnụ-mgbọnni wụzị ụbụkụ ẹsa lẹ mkpikpi kwasị ọgụn-ẹnọ, ụshịa a wụzị ụbụkụ ẹtọ kwasị ọgụnnaị lẹ hụn kazị mkpikpi (43¾).
30
Usue ẹtu-ụlọ ndị rị a ihun lẹ azụụn wụsọnmẹ ụbụkụ ẹsatọ lẹ hụn kazị mkpikpi, ụshịa wẹ wụ ụbụkụ ẹtọ kwasị ọgụnnaị lẹ hụn kazị mkpikpi (43¾).
31
Ẹtu-ụlọ rị ihun bu ihun zinmẹ ezi-ọgwa ibuzọ. Wẹ seyezi nkụ ẹhụ-ụlọ ndị rịn'a. Agba ẹsatọ kẹ mgbanyinrin wẹ gi e nyinrin hụnnị nwọn.
32
Ọ nọ webanhan m ezi-ọgwa rị imẹ-imẹ ghahanị ẹbamịn ọwụwa-ẹnyanwụn a. Ọ ma ọnụ-mgbọn ẹ rị ẹbamịn hụ: ya lẹ ndị hụn-ẹbọ wụ ahanmahan.
33
Kẹ mmughẹ ndị rịn'a kẹ ẹhụ-ụlọ rịsọnmẹ ẹgbata wẹ kẹ ẹtu-ụlọ rị a ihun lẹ azụụn — wẹ ile lẹ ndị rị ọnụ-mgbọn hụn-ẹbọ wụ ahanmahan. Windo rịzị ẹtu-ụlọ a lẹ mmughẹ ile rịn'a. Usue ẹ wụ ụbụkụ ẹsa lẹ mkpikpi kwasị ọgụn-ẹnọ, ụshịa a wụ ụbụkụ ẹtọ kwasị ọgụnnaị lẹ hụn kazị mkpikpi (43¾).
34
Ẹtu-ụlọ rị ihun bu ihun zinmẹ ezi-ọgwa ibuzọ; wẹ seyezi nkụ ẹhụ-ụlọ ndị hụ suepụha a ihun azụụnnị lẹ azụụnnị. Agba ẹsatọ kẹ mkpọnyin wẹ gi e nyinrin hụnnị nwọnzikwọ.
35
Ọ nọ wẹhẹ m ọnụ-mgbọn rị nkọ ẹbamịn-ugu hụn wẹ ghazị a banhan ezi-ọgwanị rị imẹ-imẹ. Ọ ma a: ya lẹ ọnụ-mgbọn ndị hụn-ẹbọ wụ ahanmahan.
36
Mmughẹ ndị rịn'a, ẹhụ-ụlọ hụn rịsọnmẹ ẹgbata wẹ lẹ ẹtu-ụlọ rị a ihun lẹ azụụn lẹ ẹhụ-ụlọ rị ndị ọzọ wụ ahanmahan. Windo rịsọnmẹ ẹ ẹhụ ile. Usue ẹ wụzị ụbụkụ ẹsa lẹ mkpikpi kwasị ọgụn-ẹnọ, ụshịa a wụzị ụbụkụ ẹtọ kwasị ọgụnnaị lẹ hụn kazị mkpikpi (43¾).
37
Ẹtu-ụlọ rị ihun ẹ bu ihun zinmẹ ezi-ọgwa w'e bu ụzọ e ru; wẹ seyezi nkụ ẹhụ-ụlọ ndị hụ suepụha a ihun azụụnnị lẹ azụụnnị. Agba ẹsatọ kẹ mkpọnyin wẹ gi e nyinrin hụnnị nwọnzikwọ.
38
Mmughẹ w'a nọ a chanchan ẹjan w'a dụn ọkụn rịsọnmẹ ọnụ-mgbọn ndịnị shi ezi-ọgwa rị imẹ-imẹ. Ọnụmụzọ wẹ rị ẹtu-ụlọ ọnụ-mgbọn ndịnị.
39
Kanị, imẹ ẹtu-ụlọ hụ wẹ gha a banye, teburu ẹbụọ-ẹbụọ rị azụụnnị lẹ azụụnnị. Elu teburu ndị hụ kẹ wẹ nọ e gbu anụ wẹ gi a chụn ẹjan w'a dụn ọkụn, ẹjan-njọ lẹ ẹjan ndọnzi.
40
Kanị teburu ẹbụọ-ẹbụọ hụzị azụụnnị lẹ azụụnnị ihun ọnụ-mgbọnni, ẹka-nni lẹ ẹka-ekpẹn onyẹ nyinkọ mgbanyinrin shikọ ẹtu-ụlọ ọnụ-mgbọnni.
41
Ya wụ, teburu ẹnọ rị azụụnnị, ẹnọ azụụnnị: wẹ ile rị teburu ẹsatọ hụn wẹ nọ e gbu anụ wẹ gi a chụn ẹjan.
42
O nwọnghọzị teburu ẹnọ ọzọ gbashịarị ẹjan w'a dụn ọkụn. Ogbe ọmụma kẹ wẹ gha bepụha teburu ẹnọnị. Usue lẹ ụshịa wẹ wụsọnmẹ ụbụkụ ẹbụọ lẹ mkpikpi, ojijẹn-elu wẹ wụ ụbụkụ ohu lẹ hụn kazị mkpikpi. Elu wẹ kẹ w'e dọnmẹzi ihiẹn ndị wẹ gi e gbu anụ ndị wẹ gi a chụn ẹjan w'a dụn ọkụn lẹ ẹjan ndị ọzọ.
43
Wẹ buchesọnmẹ mkpụkpọ ndị suehan kẹ ubẹka ẹhụ-ụlọ ile mmughẹ hụ. Elu teburu ndị ahụn kẹ w'e butọ anụ wẹ gi chụn ẹjan.
44
Okẹnnyẹ hụ nọ nwan gha ọnụ-mgbọn webanhan m ezi-ọgwa rị imẹ-imẹ. Mmughẹ ẹbụọ rị ezi-ọgwanị rị imẹ-imẹ. Ohu rị ụsụọ ọnụ-mgbọn ẹbamịn-ugu, o bu ihun zinmẹ ẹbamịn ndịdan. Hụn ẹbọ rị ụsụọ ọnụ-mgbọn ẹbamịn ndịdan, o bu ihun zinmẹ ẹbamịn-ugu.
45
Ọ nọ sị m, “Mmughẹ hụn bu ihun zinmẹ ẹbamịn-ugu wụ nke ndị nchụn-ẹjan hụn e lepụ Ụlọ-NSỌ ẹnya.
46
Mmughẹ hụ bu ihun zinmẹ ẹbamịn ndịdan wụ nke ndị nchụn-ẹjan hụn e lepụ ukpo nchụn-ẹjan ẹnya. Ndịnị wụ ụmụ Zadọkụ. Uwẹ sụọ wụ ndị ebọn Livaị sikọ d'a nọkunmẹ Osolobuẹ d'a rụnn'a ọrụn.”
47
Ya ọ nọ ma ezi-ọgwa ahụn rị imẹ-imẹ. Usue ẹ lẹ ụshịa a wụ ahanmahan: usue ẹ wụ ụbụkụ mmisẹn kwasị ọgụn ẹsatọ (175), ụshịa a, ụbụkụ mmisẹn kwasị ọgụn-ẹsatọ (175). Ukpo nchụn-ẹjan Osolobuẹ hụ ezi-ọgwanị ihun Ụlọ-NSỌ.
48
O wẹhẹ m Ẹtu-ụlọ Ụlọ-NSỌ. Ẹhụ-ụlọ rị a isini lẹ isini; ọ ma ulu ẹhụ-ụlọ ẹbụbụọ hụ: ulu wẹ wụsọnmẹ ụbụkụ ẹsatọ lẹ hụn kazị mkpikpi. Ụshịa ọnụmụzọ Ụlọ-NSỌ wụ ụbụkụ ẹnọ lẹ mkpikpi kwasị ọgụn. Ihun ẹhụ-ụlọ azụụnnị lẹ azụụnnị wụ ụbụkụ isẹn lẹzi hụn rulẹni mkpikpi.
49
Usue Ẹtu-ụlọ hụ lẹ enwẹn ẹ wụ ụbụkụ mmisẹn kwasị ọgụn, ụshịa a wụ ụbụkụ ohu kwasị ọgụn; agba iri kẹ mgbanyinrin wẹ gi e nyinrin Ẹtu Ụlọ-NSỌ nwọn. Adansụn ohu-ohu turu azụụnnị lẹ azụụnnị.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 41 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48