bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Galatians 2
Galatians 2
Ika 2018 Bible
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 3 →
1
Ahụa mmẹnọ a ghagụzị, m nọ shizi Jerusalẹm. Mmẹ lẹ Banabasị wị ogẹn ahụn, m werizi Taịtọsụ.
2
M jẹn ebẹhụ makẹni Osolobuẹ ghọsị m ihiẹn; m nọ kọwanị wẹ oziọma m rị e zi imẹ igunrun ndị wụlẹni ndị Ju. Kanị nzuzue kẹ m nọ mẹ ẹ — ẹgbata mmẹ lẹ ndị wẹ weri nị wẹ wụ ndị-isi sụọ, amamgbe ọ wụrụ nị m rị a gba ọsọ ọlaliwi mọbụ nị hụn m gbapụ a lagụọ iwi.
3
Awadẹni wẹ ịkwa-ugun ye Taịtọsụ mmẹ lẹ ịya wị olu, ọsụọn'a nị ẹlẹ onyẹ Ju, nị onyẹ Griki rọ —
4
kanị ndị ahụn gi nzuzue banhan, e mẹ nọ kẹ sị wẹ wụ ndị kwerini, e te kughọ oku ịkwa ugun. Wẹ bịa d'e lele ụdị inwọnrin-enwẹn hụn ẹnyi nwọn imẹ Kraịstị Jizọsị, kẹni wẹ buzi ẹnyi che imẹ igbọn.
5
Kanị, ẹnyi ekweyenini wẹ kaka akpohu, makẹni ẹnyi chọ nị ẹnyi kwọnkẹnmẹni ụnụ ezioku rị oziọma, kẹni ụnụ marịn a, marịn a k'ọ rịchanrịn.
6
Ndị ahụn nọ kẹ sị wẹ wụ ndị-ndu enwọnni ihiẹn ọhụn wẹ bucheni m. Ihiẹn ọwụlẹ wẹ wụ enwọn ihiẹn ọ wụ ebe m rị, makẹni Osolobuẹ ara lee ịhịan ẹnya ihun.
7
Kama, o weghọdẹ wẹ ẹnya nị Osolobuẹ e bugụọ ọrụn izi ndị alị ọzọ kwalẹni ugun oziọma che m ẹka k'o dọn ye Pita ọrụn izi ndị Ju kwa ugun oziọma.
8
Makẹni, onyẹ ohu ahụn gi Pita a rụn ọrụn onyẹ-ozi pụ-ichẹn imẹ igunrun ndị Ju, hụn wụ ndị kwa ugun, ịya gizikwọ mmẹ nwẹn a rụn ọrụn onyẹ-ozi pụ-ichẹn imẹ igunrun ndị alị ọzọ, hụn wụ ndị kwalẹni ugun.
9
Ogẹn Jemisi lẹ Pita lẹ Jọnụ, ndị wẹ weri kẹ ndị-isi, gi hụn nị ẹka Osolobuẹ rị imẹ m, wẹ nọ na mmẹ lẹ Banabasị ẹka, nị ẹnyi lẹ wẹ wụ ohu, nị ẹnyi gha a rụn imẹ ndị wụlẹni ndị Ju, hụn wụ ndị kwalẹni ugun, wẹ nwẹn hụ a rụn imẹ ndị Ju, hụn wụ ndị kwa ugun.
10
Ihiẹn ohu sụọ kẹ wẹ sịhụ ẹnyi mẹ: ẹnyi hụnkwọ a nị ẹnyi a nyanhan ndị-igbẹnnyẹ — hụn wụzịkwọ ihiẹn m'a chọ ọda-ọda.
11
Ogẹn Kẹfasị wụ Pita gi bịa Antịọkụ, m jụgbọ a elee-m, elee-i, makẹni o mẹfie hụn wẹ hụn ẹnya ogẹn ahụn.
12
Makẹni, kẹ ndị ahụn Jemisi zihẹ kelẹni bịa ebẹhụ, Pita e sọn ndị wụlẹni ndị Ju e ri ihiẹn-oriri. Kanị, a bịagụ wẹ, Pita nọ nọye nkọ, o duzini ndị wụlẹni ndị Ju ri, egun ndị e mẹ oku ịkwa-ugun anịzịn'a.
13
Ndị Ju ibe ẹ rị ebẹhụ nọ sọn ẹ mẹmẹ ihunnaị ahụn, nke wụ nị Banabasị lẹ enwẹn ẹ nọzị mẹmẹ ihiẹn nwẹn!
14
Ogẹn m gi hụn a nị ihiẹn wẹ rị e mẹ lẹ ezioku rị oziọma a dangbamanị, m nọ nọ idẹnya wẹ ile sị Pita, “Onyẹ Ju k'ị wụ, kanị ị rị e bi kẹ ndị wụlẹni ndị Ju, y'a rị e bi kẹ ndị Ju. Kị ị rị nwan a gwanị ndị wụlẹni ndị Ju nị wẹ k'e birịrị kẹ ndị Ju?”
15
M nọzị sị Pita, “Ndị Ju mụ ẹnyi nwẹn; ẹnyi ẹlẹ ndị w'a kpọ ‘ndị wụlẹni ndị Ju, ndị omẹ-njọ.’
16
Bụ ẹnyi a marịnghọ nị ẹlẹ Iwu ịhịan dọnmẹ kẹ Osolobuẹ gi e kun'ẹ ọhụnma, kanị ikwerini Jesu Kristi, gi ẹ e dọn ẹnya. Ẹnyi lẹ enwẹn ẹnyi e kwerigụọ nị nwan Jesu Kristi, kẹni Osolobuẹ gi ọhụn kuni ẹnyi ọhụnma ẹlẹ nị ẹnyi e dọnmẹ Iwu Mozizi. Makẹni, onwọnni onyẹ Osolobuẹ k'e kuni ọhụnma makẹni o dọnmẹ Iwu.
17
Kanị, o mẹ nwan nị ebe ẹnyi nọ rị a chọ nị Osolobuẹ kuni ẹnyi ọhụnma makẹni ẹnyi rị imẹ Kraịstị, a hụn w'a nị ẹnyi lẹ enwẹn ẹnyi wụ ndị njọ, ya wụ nị Kraịstị a kwadọn njọ? Kaka!
18
M tụndọnzimẹ ihiẹn m tikpọgụ, m rị a ghọsị nị m dan Iwu ebe m nọ tikpọ a.
19
Makẹni, e gigụọ m ihiẹn rị imẹ Iwu nwụnnahịn Iwu, kẹni m hụn ụzọ rịnị Osolobuẹ ndụn.
20
A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.
21
Emẹkọ m ẹfọma Osolobuẹ la iwi, makẹni, omẹni idọnmẹ Iwu kẹ Osolobuẹ te gi e kuni ịhịan ọhụnma, ya wụ nị ọnwụn Kraịstị nwụn wụ ihiẹn la iwi!”
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 3 →
All chapters:
1
2
3
4
5
6