bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Joshua 9
Joshua 9
Ika 2018 Bible
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 10 →
1
Ndị nze ile rị ẹbamịn ọdịdan-ẹnyanwụn Iyi Jọdanị a nụgụọ ihiẹn ndịnị rị e mẹni: kẹ ndị rị ugu ndị rị alị hụ kẹ ndị rị ukun ugu azụụn shikọ Ohimin kẹ alị ile rịchanrịn mkpẹnrẹn Ohimin hụ — d'e rukwọrị Lẹbanọnụ — ya wụ ndị-nze Hẹti, Amọ, Kenaanị, Pẹrẹzi, Hivu lẹ Jebusu.
2
Ya wẹ nọ kịgbama d'a lụsọn Joshụa lẹ ndị Izrẹlụ agha.
3
Kanị, nke ndị Gibiọnụ, ogẹn wẹ gi nụ ihiẹn Joshụa mẹ Jẹriko lẹ Aị,
4
wẹ nọ mẹ ẹro: ụfọdụ nọ buli lekẹ ndị wẹ hanjẹn alị teni, wẹ lẹ ihiẹn-oriri wẹ buche ẹkpa kagụ ẹgẹdi, dọyesọnmẹ elu jaki wẹ lẹ ihiẹn manya ndị kahịgụnị wẹ kwakin;
5
wẹ yihụ akpụkụ kahịgụnị wẹ kwakin lẹ ẹkwa akan; ihiẹn-oriri ile wẹ bu a kpọgụọ-nkụn, kunchanrịn mbu.
6
Ya wẹ nọ jẹn d'e kunrun Joshụa ebẹhụ ndị Izrẹlụ ziẹntọ imẹ Gil'galụ, sị ịya lẹ ikẹnnyẹ Izrẹlụ, “Ẹnyi gha alị teni bịa; ẹnyi bịa kẹni ẹnyi kịgbama.”
7
Kanị ndị Izrẹlụ nọ sị ndị ebọn Hivu hụ wụ ndị Gibiọnụ, “Ikẹnkwọ ebe ụnụ bi rị ẹnyi nsue; nanị ẹnyi e dọn nwan kwemẹ ụnụ nkwa ẹnyi e gi e mẹgbama?”
8
Kanị wẹ nọ sị Joshụa, “Ẹnyi bịa d'e we enwẹn ẹnyi che okpuru i.” Ya Joshụa nọ sị wẹ, “Onyẹ kẹ ụnụ wụ? Elebe kẹ ụnụ gha bịa?”
9
Wẹ nọ sị a, “Ẹnyi ndị idibo i gha alị tegbu enwẹn ẹ bịa ebeni makẹni ẹnyi a nụgụọ otiti Osolobuẹ wụ Chuku ụnụ, ihiẹn ile o mẹ imẹ alị Ijiptu
10
lẹ ihiẹn ile o mẹ ndị-nze ẹbụbụọ kị ndị Amọ hụn rị nfetu Iyi-Jọdanị, Sihọnụ wụ eze Hẹsh'bọnụ lẹ Ọgụ wụ eze Bashanị hụn nọ imẹ Ash'tarọtụ kị.
11
Ya ndị-ichẹn ẹnyi lẹ ndị ile bi alị ẹnyi nọ sị ẹnyi, ‘Weri ni ihiẹn-oriri ụnụ k'e ri ụzọ-ijẹn; jẹn ni d'e kunrun wẹ, sị nị wẹ, “Ẹnyi wụ idibo ụnụ; nị ẹnyi lẹ ụnụ e mẹgbama.” ’
12
Brẹdi ẹnyini te rị a nụ ọkụn kẹ ẹnyi buche wẹ imẹ ẹkpa ụhụọhịn ẹnyi buli d'e kunrun ụnụ. Lee nwan k'ọ kpọgụ nkụn, kunpụ mbu;
13
Ihiẹn akpụkpọ-anụ ndịnị ẹnyi gi gbaye manya te wụ nke ọhụn kẹ ẹnyi gbajun wẹ, kanị, lee nwan kẹ wẹ kahịchanrịn; ẹkwa ẹnyi lẹ akpụkụ ẹnyi a kahịgụọ yeni ụzọ ote.”
14
Ya ndị Izrẹlụ nọ lele ihiẹn-oriri wẹ, kanị ajụnị wẹ Osolobuẹ kị wẹ k'e mẹ.
15
Joshụa nọ na wẹ ẹka, kwe wẹ nkwa nị Izrẹlụ egbukọ wẹ; ndị-ndu Izrẹlụ nọ kunni wẹ ẹfan Osolobuẹ gi biye ẹ ẹka.
16
O mẹpụ akp'ọhịn ẹtọ wẹ kwetarị nkwa w'e gi e mẹgbama, ndị Izrẹlụ nọ marịn nị wẹ ile gba nọkunmẹ, nị wẹ rị nsue.
17
Ya Ndị Izrẹlụ nọ buli, nke akp'ọhịn ẹtọ, wẹ nọ ru obodo ndị rị alị Gibiọnụ: ndịnị wụsọnmẹ obodo wẹ: Gibiọnụ, Kẹfira, Biẹrọtụ lẹ Kiriatị-Jiarim.
18
Kanị ndị Izrẹlụ amayeni wẹ ọgụn, makẹni ndị-ndu Izrẹlụ e kungụọ Osolobuẹ wụ Chuku Izrẹlụ kwe wẹ nkwa. Ya ndị Izrẹlụ ile nọ dẹnnwịnwịnmanị ndị-ndu Izrẹlụ.
19
Kanị ndị-ndu ile nọ sị igunrun Izrẹlụ, “Ẹnyi e kungụọnị wẹ Osolobuẹ wụ Chuku Izrẹlụ, onwọnni ogẹn ẹnyi e gi mẹtụ wẹ ẹka.
20
Lee ihiẹn ẹnyi sikọ d'e mẹ wẹ: Ẹnyi egbukọ wẹ, amamgbe Osolobuẹ e gi ọnụma mẹ ẹnyi ihiẹn makẹni ẹnyi emẹni ihiẹn ẹnyi kunni ẹfan a.”
21
Wẹ nọ sịzị, “Egbulẹ ni wẹ. Kama, wẹ k'a rị a kpanị Izrẹlụ ile nkụn, a kwọnị Izrẹlụ mirin.” Ya kẹ ndị-ndu Izrẹlụ gi dọnmẹ nkwa wẹ kwe wẹ.
22
Joshụa nọ kpọ ndị Gibiọnụ, sị wẹ, “Kị haịn ụnụ gi tụ ẹnyi ntụ, sị, ‘Ebe ẹnyi bi te ọda-ọda,’ bụ ụnụ bikụnma ẹnyi ebikụnma?
23
Ụnụ a wụrụọlẹ nwan ndị wẹ bụ ọnụ: ụnụ k'a wụferi igbọn a wa nkụn a kwọ mirin Ụlọ Chuku m.”
24
Wẹ nọ sị Joshụa, “Wẹ gwachanrịn ẹnyi ndị idibo i kẹ Osolobuẹ wụ Chuku ụnụ dọn gwa odibo ẹ wụ Mozizi we alị ile ye ụnụ; ya gbupụchanrịnnị ụnụ ndị ile bi imẹ ẹ. Ya okẹn egun nọ tụma ẹnyi nị ụnụ k'e gbu tan ẹnyi. Ya haịn ẹnyi gi mẹ ihiẹnni ẹnyi mẹ.
25
Ẹnyi rị ị nwan ẹka. Mẹ ẹnyi ihiẹn ọwụlẹ rị ị mma, furuni.”
26
Ẹrịra kẹ Joshụa gi zụọpụha wẹ ẹka ndị Izrẹlụ, wẹ nọlẹni gbu wẹ.
27
Ụhụọhịn hu kẹ Joshụa mẹ ndị Gibiọnụ họnrin ndị sikọ d'a rị a wa nkụn lẹ ndị a kwọ mirin — a kwọnị ndị Izrẹlụ ile mirin, a kwọ hụn wẹ gi a rụn ọrụn ukpo nchụn-ẹjan Osolobuẹ, ebahụn Osolobuẹ jẹnkọ d'a họrị nị ndị Izrẹlụ a nọdị e fe ẹ. Ya kẹ ndị Gibiọnụ wụkwọ nwan d'e ru tannị.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24