bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
2 Corinthians 11
2 Corinthians 11
Ilokano (Ti Biblia (1973))
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
1
Sapay coma ta anusandac iti bassit a kinacuneng; wen cadi anusandac.
2
Ta agimunac gapu cadacayo iti nadiosan nga imun; ta intulagco nga iyasawacayo iti maymaysa a lalaki, tapno iparangcayo ken Cristo, a cas balasang a nadalus.
3
Ngem maamacac, di la ket ta cas iti panangulbod daydi uleg ken Eva iti kinasicapna, casta met dagiti panunotyo madadaelda, ken maisinada iti nadalus a singgalut a maipaay ken Cristo.
4
Ta no adda umay, mangicasaba ti sabali a Jesus, isu a dicam incascasaba, wenno awatenyo ti naiduma nga Espiritu, isu a saanyo nga inawat, wenno naiduma nga evangelio a dicay inawat, anusanyo a nalaing.
5
Ngem pagarupec nga iti uray ania saanac a maatiw cadagita cangatoan nga apostol.
6
Ta uray no nagubalac iti panagsao, ngem saan iti pannacaammo: no di ket, iti isu-amin imparparangarangmi cadacayo, babaen cadagiti isu-amin a banag.
7
Nacabasolac aya iti panagpacumbabac met laeng, tapno madaydayawcayo coma idi, agsipud ta incascasabac cadacayo ti evangelio ti Dios nga awan tangdanco?
8
Pinadagsenac dagiti sabali nga Iglesia, a nangalaac ti tangdan, tapno pagservic cadacayo;
9
Ket idi addaac cadacayo, ket nagcurangac ti gastoen, saanac a nagbalin nga awit iti uray siasino; ta ti nagcurangac, pinunnoan dagiti cacabsat a naggapuda sadi Macedonia; ket iti isu-amin inannadac ti saan a paawit cadacayo, ket annadacto.
10
Idinto ta adda caniac ti kinapudno ni Cristo, awanto ti mangiccat caniac itoy a dayaw, cadagiti isu-amin a dagdaga ti Acaya.
11
Ania ti gapu? ta saancay nga ayaten? Ti Dios ammona.
12
Ngem ti ar-aramidec, aramidecto laeng, tapno iccatec ti gundaway dagiti agtarigagay nga aguyaw; tapno maipapan iti panagpasindayawda masaracan ida a cas met cadacami.
13
Ta sinan Apostol dagita, managsicsicapda, nga agparangda a cacas la apostol ni Cristo.
14
Ket saan a nacascasdaaw; ta uray ni Satanas agbalin a cas la angel ti lawag.
15
Saan ngarud a pacasdaawan a dagiti catulunganna agparangda a cacas la catulungan ti kinalinteg; a ti panungpalanda maiyannurotto cadagiti aramidda.
16
Cunac manen: Awan coma ti mangipagarup a nanengnengac; ngem no casta ti panangipagarupyo, awatendac met a cas la nanengneng, tapno agpasindayawac met bassit.
17
Ti sao-ec, saanco a sao-en cas mayannugot iti Apo, no di ket babaen ti kinanengneng, ken panagtalged ti panagpasindayaw.
18
Yantangay adu dagiti agpasindayaw cas iti lasag, agpasindayawacto met.
19
Ta anusanyo a siraragsac dagiti nacuneng, idinto a masiribcayo.
20
Ta anusanyo no adda mangadipen cadacayo, no pagagumannacayo, no pangawatannacayo, no idayawna ti bagina, no tungpaennacayo.
21
Agsaoac a mayannurot iti pannacaumsi a cas la nagbalincami a nacapsut. Ngem iti uray aniaman a pagturedan ti siasino, (agsaoac babaen ti kinucuneng,) maituredco met.
22
Hebreosda aya? Castaac met. Israelitasda aya? Castaac met. Kaputotan ida ni Abraham? Castaac met.
23
Ministro ida ni Cristo? (Agsaoac a cas la napucawan ti nakem) Nangnangronaac: ad-aduan cadagiti panagbannog, ad-aduan ti pannacabalbalud, cadagiti pannacababaot nasuroc unay, cadagiti nganngani ipapatay namin-adu.
24
Iti biang dagiti Judio, naminlima a nabaotac ti uppat a pulo, agcurang maysa,
25
Namitlo a nasaplitac cadagiti pang-or, naminsan naoborac, namitlo a narbaac, maysa nga aldaw ken maysa a rabii naglanglangoyac iti taaw;
26
Cadagiti panagviviage, namin-adu; dagiti pegpeggad cadagiti carcarayan, dagiti pegpeggad cadagiti tulisan, cadagiti pegpeggad ti biang dagiti Gentil, cadagiti pegpeggad idiay ciudad, cadagiti pegpeggad idiay let-ang, cadagiti pegpeggad idiay baybay, cadagiti pegpeggad iti tengnga dagiti sinan cacabsat;
27
Iti bannog ken rigrigat, cadagiti puypuyat namin-adu, iti bisin ken waw, iti saan a panpannangan namin-adu, iti lam-ec ken iti kinalamolamo.
28
Mainayon pay cadagiti banbanag iti ruar, ti mamarigat caniac nga inaldaw, isu ti panangaywanco a sidadanag cadagiti isu-amin nga Iglesia.
29
Siasino ti cumapuy ket diac makipagricna? Siasino ti maiculbo, ket diac bumara iti pungtot?
30
No masapul ti agpasindayag, agpasindayagacto cadagiti banag nga agtaud iti kinacapuyco.
31
Ti Dios ken Ama ni Apo Jesus, isu a madaydayaw iti agnanayon, ammona a diac agulbod.
32
Idiay Damasco, daydi gobernador iti babaen ni ari Aretas, inaywananna ti ciudad dagiti taga Damasco, tapno tiliwennac:
33
Ngem naibabaac, iti maysa a curibut, iti maysa a tawa iti pader ket nacalapsutac cadagiti im-imana.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
All chapters:
1
2
3
4
5
6
7
8
9
10
11
12
13