1 Corinthians 13

Mien Bible (Thai Script) © Thailand Bible Society, 2007

← Chapter 12 Jump to: Chapter 14 →

1สี ก๊อง เยีย ไฮ่ ก๊อง เหฑ่ง ลู่ง เดี๊ย เมี่ยน เญย หว่า, หย่า ไฮ่ ก๊อง ฟิน-เมี่ยน เญย หว่า, มป่า เยีย ไม้ ฮนั้ม เมี่ยน, เยีย ก๊อง เญย หว่า ฯฒฯ ฮนั้ง เบ๊าะ ล่อ มองๆ เญย, หย่า ฮนั้ง ฆ้าบ ธ่าว เฒ้ย บุย แธนๆ วั้ว นอ.

2สี ก๊อง เยีย ม่าย ฒี่ง เหญ่ย ไฮ่ โต่ว ทิน-ฮู่ง เญย หว่า, หย่า ไฮ่ เม่ง แปะ เหยียด ฒู้ง ไม้ แก้ง บย๋าง ย่าง เญย สี่, หย่า ม่าย หญู่งๆ ว่วน ฒาง, หย่า ม่าย เสียน ฟิม เฮ้น, ฒู้ง ไฮ่ เห่ว ตุ๊ บง ถุย, มป่า เยีย ไม้ ฮนั้ม เมี่ยน, เยีย ฯฒฯ ไม้ หฒี่ ฒิ่น อ๊ะ.

3สี ก๊อง เยีย เฒาะ เยีย ม่าย เญย เหยียด ฒู้ง กะน้าย ปุน เมี่ยน จ่ม เมี่ยน, เลี่ยม กั้น เญย ซิน จิว ปุน เมี่ยน ปั๊ว กวั่ง, มป่า เยีย ไม้ ฮนั้ม เมี่ยน นอ, เยีย โหฒว เญย เหยียด ฒู้ง เซ ไม้ เถง เยีย ตุ๊ หลง.

4สี ก๊อง ฮนั้ม เมี่ยน, ฯฒฯ โหฒว ตุ๊ เฮญี้ยว ด๊าว หย่า โหฒว หลง ปุน เมี่ยน. สี ก๊อง ฮนั้ม เมี่ยน, ฯฒฯ ไม้ เหมว่ย เจี๊ยะ, ไม้ เธง-โฮล, ไม้ โหฒว เหมา,

5ไม้ โหฒว ฮนั้ง ไม้ เฒียะ เล์ย นอ. สี ก๊อง ฮนั้ม เมี่ยน, ฯฒฯ ไม้ โต้ว กั้น ตุ๊ หลง, ไม้ เฉีย เจี์ย เซี้ยบ, ไม้ จั๋ง เมี่ยน โหฒว ต่อง เญย สี่.

6สี ก๊อง ฮนั้ม เมี่ยน, ฯฒฯ ไม้ อะเฮน้ย หว่าย เญย สี่, ขูง อะเฮน้ย เฒียน เล์ย ฮนั้ง.

7สี ก๊อง ฮนั้ม เมี่ยน, ฯฒฯ เยียม หม่าน สี่ ไฮ่ เตี๊ย ตุ๊, เยียม หม่าน สี่ ม่าย เสียน ฟิม, เยียม หม่าน สี่ ม่าย ลั่ม ฮนั้ม ต๋อง, เยียม หม่าน สี่ หย่า ม่าย หน่อย.

8ฮนั้ม เมี่ยน เญย วั้ว หญู่ง เฮญี้ยว เหยียด ลิ์ว ไม้ ไฮ่ เหฑ่ง. โต่ว ทิน-ฮู่ง เญย หว่า มป่า ไม้ ตุ๊ เหยียด ลิ์ว โต่ว, ฒู้ง อ๋อย เจี๋ย เหฑ่ง. ม่าย ฒี่ง เหญ่ย ก๊อง กั้น หญู่ง หว่า, มป่า ม่าย นอม ฮนอย น้าย เต๋ย หว่า ฒู้ง อ๋อย หฒุ ป่า อ๊ะ. ม่าย ว่วน ฒาง มป่า อ๋อย ด๊อด เหฑ่ง,

9เหว่ย หฒุ บัว เญย ว่วน ฒาง เซ ไม้ ตุ้น ยุ่น. บัว โต่ว ทิน-ฮู่ง เญย หว่า หย่า โต่ว ไม้ ตุ้น ยุ่น.

10มป่า ตุ้น ยุ่น เญย เยี้ยด เถา, ไม้ ตุ้น ยุ่น เญย ฯฒฯ เจี๋ย หมี่ อ๊ะ.

11เยีย โหฒว ฝุเจว๊ย เญย เฒี่ยง โห่, เยีย ก๊อง หว่า ฮนั้ง ฝุเจว๊ย, เฮญี้ยว หย่า ฮนั้ง ฝุเจว๊ย, ต๊า หฒะเอ๋ย หย่า ฮนั้ง ฝุเจว๊ย เญย หฒะเอ๋ย นอ. มป่า เยีย เป๋น ต้ม เมี่ยน เยีย ฯฒฯ กวั่ง, ไม้ โหฒว ฝุเจว๊ย เญย สี่.

12อี้ หฒั่น บัว ฮนั้ง หมั่ง กี๋ง นอ, ขูง ปวัด โล่วๆ วั้ว. มป่า เถา วั้ว หฒั่น บัว ฯฒฯ ปวัด เฮมียน ต๋อย เฮมียน. เยีย อี้ หฒั่น ฮิ้ว ตุ๊ เต๋ย, เถา วั้ว หฒั่น เยีย ฯฒฯ ฮิ้ว ตุ๊ เหฑ่ง, ฮนั้ง ทิน-ฮู่ง ฮิ้ว เหฑ่ง เยีย นอ.

13มป่า อี้ หฒั่น หธ่อ ม่าย ปัว หญู่ง เยียม เจี๊ยน. ม่าย เสียน ฟิม, ม่าย ลั่ม ฮนั้ม ต๋อง, ม่าย ล่าน ฮนั้ม ล่าน. มป่า เก้า โฮล เจี๋ย เซ ล่าน ฮนั้ม ล่าน.

← Chapter 12 Jump to: Chapter 14 →