2 Corinthians 10

Mien Bible (Thai Script) © Thailand Bible Society, 2007

← Chapter 9 Jump to: Chapter 11 →

1เยีย, เปาโล, เหว่ย กั้น โท้ เม่ย บัว. เมี่ยน ก๊อง เยีย เหธา เม่ย บัว เยียม เญย เฒี่ยง โห่ เยีย ส่วน เญย, ฮ่อ น่อ เญย, มป่า ไม้ เหธา เม่ย บัว เยียม เยีย ปู๋ง หล่าง เญย. กีตู่ เซ ส่วน เญย, ฮ่อ น่อ เญย, เยีย ฯฒฯ เขา นิ่น

2โท้! เม่ย บัว, เยีย มี่ง เถา เม่ย บัว หน่าย, ไม้ ตู๋ง ปุน เยีย อ๋อย หฒุ ปู๋ง หล่าง ก๊อง, ฮนั้ง เยีย ฮนั้ม ต้าย เยีย อ๋อย หฒุ ก๊อง ต้ง เฆ่ม เยีย บัว ขูง เอย ป้าม เมี่ยน เญย เอ๋ย โหฒว วั้ว เต๋ย เมี่ยน.

3เยีย บัว เยียม ป้าม เกน เฒ์ย เญย, มป่า เยีย บัว ไม้ หล่ง ป้าม เมี่ยน เญย เอ๋ย เบ๊าะ จ๋า.

4เยีย บัว หล่ง เญย หวัวะ กิ่น เซ ไม้ เฒ์ย ป้าม เกน เญย หวัวะ กิ่น, เซ ทิน-ฮู่ง เฮ้น ไห่ เญย หวัวะ กิ่น เหว่ย ผอ หว่าย วิน-วั้ง ว้วน ไห่ เญย ต๋อง. เซ ผอ หว่าย เมี่ยน แฑง เญย หญู่งๆ จ๊า สี่

5เหธา เธง-โฮล เญย หญู่งๆ, ต้ง ล่าน เจี๊ยน ไม้ ปุน เมี่ยน ฮิ้ว ตุ๊ ทิน-ฮู่ง เญย สี่. เยียม เฮญี้ยว ฮนั้ม ธ้วด เหยียด ฒู้ง เญย หฒะเอ๋ย เยีย บัว อ๋อย ฮี่ง เจี๋ย ปุน เกวย กีตู่ เหฑ่ง.

6เยีย บัว หลิ่ว เล์ย เหฒียง ฒั้ว เม่ย บัว เก้ง เอย เจี๊ยน เยีย บัว เญย หว่า. หาย เต้า ไม้ หมวัง, เยีย บัว ฯฒฯ ตี่ง วั้ว เต้า เญย ฒุ์ย.

7เม่ย บัว ขูง หมั่ง เป้ย หฒั่ง ฮนั้ง. เยียม เม่ย บัว หน่าย ม่าย หาย เต้า ฝุน นิ่น เป๋น กีตู่ เญย เมี่ยน ไฟ? นิ่น อ๋อย หฒุ แอ๋ง หลงๆ เญย ฮนั้ม ก๋า, เหว่ย หฒุ เยีย บัว โหฒว กีตู่ เญย เมี่ยน ฮนั้ง นิ่น นอ.

8เฒี้ยว เหธย หัด ม์า ปุน เยีย บัว, เยีย ฯฒฯ เธง-โฮล ติ๊ เตียน มเปย, มป่า เยีย ไม้ ไญ้. เฒี้ยว ปุน เญย หัด ม์า เซ เหว่ย เหธย เม่ย บัว, ไม้ เฒ์ย ป่าย เม่ย บัว.

9เยีย ฮนั้ง น้าย นอ ก๊อง เหว่ย หฒุ ไม้ อ๋อย เม่ย บัว หล่าย เยีย เฟี้ย เฝียน แฮะ เม่ย บัว.

10ม่าย เต๋ย เมี่ยน ก๊อง, “เปาโล เฟี้ย เญย เฝียน เฮนี้ย เญย, เจี๊ยน เญย, มป่า ต๋อย เฮมียน ปวัด นิ่น ไม้ ม่าย หาย หญู่ง โมว. นิ่น ก๊อง หว่า หย่า ไม้ หฒี่ ฒิ่น.”

11ก๊อง น้าย หญู่ง หว่า เญย เมี่ยน อ๋อย หฒุ ฮิ้ว ตุ๊, เยีย บัว ไม้ เหธา เม่ย บัว เยียม เญย เฒี่ยง โห่ เฟี้ย เฝียน ก๊อง หาย หญู่ง, เยีย บัว เถา เม่ย บัว หน่าย เยีย บัว หย่า โหฒว วั้ว หญู่ง อ๊ะ.

12เยีย บัว ไม้ ก๊าม ฝุน เยีย บัว เหธา เธง กั้น โฮล วั้ว เต๋ย เป๋น เหยียด ฮ่อง เมี่ยน, หย่า ไม้ ต้อ กั้น เป๊ย นิ่น บัว. นิ่น บัว หฮงง ไห่ อ๊ะ. นิ่น บัว หล่ง กั้น โหฒว ธิ-หธุน เดาะ กั้น เหธา กั้น, เป๊ย กั้น เหธา กั้น.

13เยีย บัว ไม้ ปู๋ง หว่า-เหมา เจี๋ย ด่าง โสว โหม่ว. ขูง หฒิว ทิน-ฮู่ง ตี่ง ปุน เยีย บัว เญย เต่ย-จ๋าย โหฒว เญย กง ปู๋ง หว่า-เหมา ฮนั้ง. เม่ย บัว หย่า เยียม เยีย บัว เญย เต่ย-จ๋าย กะญั์ว.

14เยีย บัว มี่ง เม่ย บัว หน่าย, เยีย บัว ไม้ เจี๋ย ด่าง เยีย บัว หอบ หฒุ เยียม เญย เต่ย-จ๋าย, เหว่ย หฒุ เยีย บัว โหฒว ต้าว กวั้น ฒุ่น กีตู่ เญย คู้ เฝียน ปุน เม่ย บัว หมวัง.

15เยีย บัว ไม้ เฒ์ย ปู๋ง หว่า-เหมา ก๊อง กั้น เต๋ย เมี่ยน เจี๋ย ด่าง เยีย บัว เญย เต่ย-จ๋าย โหฒว เญย กง. มป่า เยีย บัว ม่าย ลั่ม ฮนั้ม เม่ย บัว จา เสียน เฮ้น เจี๊ยน ฝาว, เยีย บัว ฯฒฯ ตุ๊ เยียม เม่ย บัว บุด๋ง โหฒว กง จา ธั้ม เจี๊ยน ฝาว,

16เยีย บัว ฯฒฯ ไฮ่ ฒุ่น คู้ เฝียน เจี๋ย ด่าง เม่ย บัว เญย เต่ย-จ๋าย. เหว่ย หฒุ เยีย บัว ไม้ อ๋อย เฒาะ กั้น ล่าน เมี่ยน เยียม เญย เต่ย-จ๋าย โหฒว ลิ์ว เญย กง ปู๋ง หว่า-เหมา.

17มป่า ฮนั้ง กีง-โซว ก๊อง นอ, “หาย เต้า อ๋อย ปู๋ง หว่า-เหมา, อ๋อย หฒุ ปู๋ง หว่า-เหมา ก๊อง เฒี้ยว โหฒว เญย สี่.”

18เหว่ย หฒุ เธง กั้น เญย เมี่ยน ไม้ หฒี่ ตุ๊ ท่าย. หฒี่ ตุ๊ ท่าย เญย เซ ต้ง เฒี้ยว เธง วั้ว เต้า.

← Chapter 9 Jump to: Chapter 11 →