2 Corinthians 12

Mien Bible (Thai Script) © Thailand Bible Society, 2007

← Chapter 11 Jump to: Chapter 13 →

1เยีย อ๋อย หฒุ ปู๋ง หว่า-เหมา, ไม้ กุ๊น น้าย เต๋ย หว่า-เหมา ไม้ เถง หาย หญู่ง. มป่า อี้ หฒั่น เยีย อ๋อย ก๊อง เยียม เฒี้ยว ต้าย เญย หิ่น ย่าง เหธา หล่าว ย่าง เญย สี่.

2เยีย ฮิ้ว ตุ๊ เต้า กีตู่ เมี่ยน, ฒิ่น ด่าง เหฒียบ เฝย หฮญัง ทิน-ฮู่ง ฒิบ ฝาว เถา ตะฟาม ฑั่ง ทิน-ต้อง. เยีย ไม้ ฮิ้ว ตุ๊ เลี่ยม ซิน มี่ง ไฟ ไม้ มี่ง, ทิน-ฮู่ง กั้น ฮิ้ว ฮนั้ง.

3เยีย ฮิ้ว ตุ๊ ทิน-ฮู่ง ฒิบ หน่าย เต้า เมี่ยน มี่ง ออน-เหลาะ หฮวีง มป่า เยีย แอ๋ง ก๊อง, เลี่ยม ซิน มี่ง ไฟ ไม้ มี่ง เยีย ไม้ ฮิ้ว, ขูง ทิน-ฮู่ง ฮิ้ว ฮนั้ง.

4เยียม วั้ว นิ่น ไฮ์ ต้ง ป้าม เมี่ยน เลี่ยม ไม้ ม่าย หว่า ก๊อง หย่า ก๊อง ไม้ ตุ๊ เญย หว่า.

5เยีย อ๋อย เหว่ย น้าย เต้า เมี่ยน ปู๋ง หว่า-เหมา มป่า เหว่ย เยีย กั้น เยีย ไม้ ปู๋ง หว่า-เหมา, ธ้วด ลิ์ว ก๊อง เยีย เมา เญย ต๋อง.

6สี ก๊อง เยีย อ๋อย ปู๋ง หว่า-เหมา, เยีย ไม้ เฒ์ย โหฒว เมี่ยน หฮงง เมี่ยน เหว่ย หฒุ เยีย ขูง ก๊อง เฒียน ฮนั้ง. มป่า เยีย ไม้ อ๋อย ปู๋ง หว่า-เหมา เหว่ย หฒุ ไม้ อ๋อย หาย เต้า ท่าย เยีย เก้า โฮล นิ่น บัว ปวัด เยีย โหฒว เญย สี่, ไฮ์ เยีย ก๊อง เญย หว่า.

7เหว่ย หฒุ เยีย ตุ๊ ปวัด หล่าว ย่าง เญย สี่ ด่ง หน่าย ธั้ม, เยีย ไฮ่ เธง-โฮล, มป่า เยีย หฒุ ฮนั้ง ติ้ว เหธย ป๊ะ เจี๊ยน เยีย เญย ซิน นอ. น้าย ติ้ว เหธย เซ ฮนั้ง ซาตาน เญย โปว, ห่อย เจี๊ยน เยีย, ปุน เยีย ไม้ ไฮ่ เธง-โฮล เจี๋ย จ๋า.

8เหว่ย น้าย เต๋ย สี่ เยีย เต๋า เก๋า ปัว หฑุ่น โท้ เฒี้ยว เฒาะ น้าย ติ้ว เหธย ธ้วด เยีย เญย ซิน มี่ง.

9มป่า เฒี้ยว เตา เยีย, “เม่ย ตุ๊ เยีย เญย เอน ฯฒฯ เก๋า อ๊ะ. เหว่ย หฒุ เม่ย เมา เญย เฒี่ยง โห่ เยีย เญย ชะ เซ เก้า เฮ้น เจี๋ย.” ฮนั้ง น้าย, เยีย อะเฮน้ย ปู๋ง หว่า-เหมา ก๊อง เยีย เมา เญย ต๋อง เหว่ย ตุ๊ กีตู่ เญย ชะ เฑีย เจี๊ยน เยีย.

10เยีย ฯฒฯ เหว่ย กีตู่ ปวั๊ง เฮญี้ยว เตี๊ย เมา, หฒุ เมี่ยน ก๊อง โตะ, หฒุ โค้ว หน่าน, หฒุ เมี่ยน โหฒว โตะ, หฒุ เฮ้ย สี่, เหว่ย หฒุ เยีย หาย หฒั่น เมา, วั้ว หฒั่น เยีย ฯฒฯ เฮ้น อ๊ะ.

11เยีย ปู๋ง น้าย เต๋ย หว่า-เหมา เยีย โหฒว ฮนั้ง เมี่ยน หฮงง เมี่ยน นอ, มป่า เม่ย บัว กั้น อ๊าบ เยีย โหฒว. เซ เม่ย บัว หอบ หฒุ เธง เยีย. ไม้ กุ๊น เยีย เฒี่ยง ไม้ เป๋น หาย หญู่ง เมี่ยน, เยีย หย่า ไม้ เก้า ไฝ เหยียด เต๋ย วั้ว เต๋ย “ต้ม กง-โฒ่.”

12เยีย เยียม เม่ย บัว บุด๋ง หล่ง หญู่งๆ หน่อย หย่า โหฒว จั๋ง-โห่, โหฒว บัวะ ฮ่อง เหธา ม่าย ชะ เญย สี่ ปิ๋ว เม่ง เยีย โหฒว กง-โฒ่.

13เยีย เควย หฒุ เม่ย บัว, โหฒว ไม้ ฮนั้ง เยีย โหฒว ปุน วั้ว เต๋ย จิว-ปาง ไฟ? ธ้วด ลิ์ว เยีย ไม้ เฝย หลุ่ย เม่ย บัว เถง ญ่าน เยีย. เยีย ฮนั้ง น้าย นอ เควย เม่ย บัว, โท้ เม่ย บัว กวั่ง ฆอย โอ่.

14อี้ หฒั่น เยีย เบ่น เหฒียง มี่ง เม่ย บัว หน่าย ตะฟาม หฑุ่น. เยีย มี่ง หย่า ไม้ อ๋อย เฝย หลุ่ย เม่ย บัว หาย หญู่ง. เยีย อ๋อย หล่ง เญย เซ เม่ย บัว กั้น, ไม้ เฒ์ย เม่ย บัว เญย ฒิ่น ญ่าน, เหว่ย หฒุ ฝุเจว๊ย ไม้ เฒ์ย อ๋อย หฒุ เลี่ยว ญ่าน ปุน ต้ม เมี่ยน. หอบ หฒุ ต้ม เมี่ยน เลี่ยว ปุน ฝุเจว๊ย.

15เยีย อะเฮน้ย หล่ง เยีย ม่าย เญย หญู่งๆ หย่า หล่ง เยีย กั้น เหว่ย เถง เม่ย บัว. เยีย เหยียด เฒย ฮนั้ม เม่ย บัว, ต๋าว หฑวน เม่ย บัว เหยียด เฒย ไม้ ฮนั้ม เยีย ไฟ?

16ฮนั้ง หาย หย่า ป่า, เยีย ไม้ เฝย หลุ่ย เจี๋ย เม่ย บัว. มป่า ม่าย เมี่ยน ก๊อง เยีย กู๊ ไกว๋ ไห่, ดั๊ว เม่ย บัว หมี่ อ๊ะ.

17เยีย ฮนั้ง หาย นอ ดั๊ว เม่ย บัว? เยีย พ้าย เมี่ยน มี่ง เม่ย บัว หน่าย, เยีย หล่ง นิ่น บัว หาย เต้า โหฒว เควย เม่ย บัว?

18เยีย โท้ ทิตัด มี่ง เม่ย บัว หน่าย แอ๋ง พ้าย กั้น เต้า ก๋อ-โย์ว เหธา เจี๊ยน นิ่น มี่ง. ทิตัด โหฒว เควย เม่ย บัว ไฟ? นิ่น เหธา เยีย ไม้ เฒ์ย ต้ง ติ่ว เอ๋ย หย่า เหธา เยีย โหฒว ฟี่ ฮนั้ง เญย ไฟ?

19เหฑีย เม่ย บัว หฒั่นๆ หล่าย เยีย บัว ขูง ต๋อย เม่ย บัว ก๊อง น้าย เต๋ย หว่า ไจ๊ ซิน ฮนั้ง. ฒู้ง ไม้ เฒ์ย. เยีย บัว เยียม ทิน-ฮู่ง เญย หฑะเฮมียน ก๊อง ฮนั้ง กีตู่ อ๋อย เยีย บัว ก๊อง นอ. ฮนั้ม เญย ก๋อ-โย์ว อ่า, เยีย บัว โหฒว เญย หญู่งๆ เซ ขูง เหว่ย เหธย เม่ย บัว ฮนั้ง.

20เยีย เฑ่า เหย เยีย มี่ง เถา เญย เฒี่ยง โห่ ฯฒฯ ปวัด เม่ย บัว กั้น หญู่ง, ไม้ ฮนั้ง เยีย อ๋อย ปวัด เญย. เม่ย บัว หย่า ปวัด เยีย กั้น หญู่ง, ไม้ ฮนั้ง เม่ย บัว อ๋อย ปวัด เญย. เยีย เฑ่า เหย ปวัด เม่ย บัว แฑง จ๋า, เหมว่ย เจี๊ยะ, เฉีย เจี์ย, แฑง ฮี่ง, ต้าน เมี่ยน, ก๊อง หว่า-ฮู้, โหฒว เหมา, เหธว หลุ่น.

21เยีย เฑ่า เหย เยีย แอ๋ง เถา เม่ย บัว หน่าย, เยีย เญย ทิน-ฮู่ง อ๋อย ปุน เยีย เยียม เม่ย บัว เญย หฑะเฮมียน หฒุ ไญ้. เยีย อ๋อย หฒุ เฑ่า เมี่ยน ธั้ม เหว่ย หฒุ ฒิ่น ด่าง นิ่น บัว ป์าม ฒุ์ย หย่า ไม้ ก๊อย เฮญี้ยว กวั่ง นิ่น บัว โหฒว ไม้ ธีง-เหฑ่ง, เหฮยียน เซียะ เหฮยียน ตอน เหธา ปวั้ง เลี่ยว เญย สี่.

← Chapter 11 Jump to: Chapter 13 →