2 Corinthians 13

Mien Bible (Thai Script) © Thailand Bible Society, 2007

← Chapter 12 Jump to:

1น้าย เซ เยีย อ๋อย มี่ง เม่ย บัว หน่าย ตะฟาม หฑุ่น. กีง-โซว ก๊อง, “โก๋ เมี่ยน เญย สี่ อ๋อย หฒุ ม่าย อี ปัว ล่าน ฒอง-เหฒง เมี่ยน ต้ง โจ๋ว หว่า ก๊อง หธีง ฝุน เฒียน.”

2เยีย ต๊น เจี๋ย ฒิ่น ด่าง ป์าม ฒุ์ย วั้ว เต๋ย เหธา หฒวัง เมี่ยน. อี้ หฒั่น เยีย ไม้ เหธา เม่ย บัว เยียม หน่าย, เยีย แอ๋ง ต๊น หฑุ่น, ฮนั้ง เยีย มี่ง ตะเหญ่ย หฑุ่น ต๊น เจี๋ย วั้ว นอ. เซ เยีย แอ๋ง มี่ง หฑุ่น เม่ย บัว หน่าย, เยีย ฒู้ง ไม้ หญ่าง นิ่น บัว หาย เต้า ป์าม ฒุ์ย เญย เมี่ยน อ๊ะ.

3ฮนั้ง หน่าย, เม่ย บัว ไฮ่ สัม ตุ๊ ธ้วด กีตู่ หล่ง เยีย ก๊อง นิ่น เญย หว่า. กีตู่ เบ่น เม่ย บัว เญย สี่ นิ่น หย่า ไม้ เมา. ต๋าว หฑวน นิ่น อ๋อย เยียม เม่ย บัว บุด๋ง ธ้วด นิ่น เญย ต้ม ชะ.

4ไม้ กุ๊น กีตู่ เหว่ย เมา หฒุ ตีง เหฒียบ หฑั่ง จ๋า, ทิน-ฮู่ง เญย ต้ม ชะ ปุน นิ่น เฒี่ยง เจี๊ยน. เยีย บัว หย่า ฮนั้ง นิ่น นอ เมา. มป่า เยีย บัว เหว่ย ทิน-ฮู่ง เญย ชะ ตุ๊ เหธา กีตู่ เฒี่ยง เจี๊ยน ฯฒฯ เขา นิ่น เบ่น เม่ย บัว เญย สี่.

5เม่ย บัว อ๋อย หฒุ ฒ่า กั้น หมั่ง ก๋า, เม่ย บัว หฒะเก้ง เสียน เยซู กีตู่ ไฟ ไม้ เสียน. อ๋อย หฒุ เค้า เม่ย บัว กั้น. เม่ย บัว ไม้ ฮิ้ว ตุ๊ กีตู่ เยซู เยียม เม่ย บัว กะญั์ว ไฟ? ธ้วด ลิ์ว เม่ย บัว เค้า ไม้ ตุ๊ นอ, เม่ย บัว ฮิ้ว เญย.

6เยีย เสียน เม่ย บัว ฮิ้ว ตุ๊ เยีย บัว หย่า เค้า ตุ๊ เญย.

7เยีย บัว เต๋า เก๋า เถง เม่ย บัว โท้ ทิน-ฮู่ง, ไม้ อ๋อย เม่ย บัว โหฒว หาย หญู่ง หว่าย สี่. น้าย ไม้ เฒ์ย เหว่ย ปุน ธีง เยีย บัว เค้า ตุ๊ หลง, เซ เหว่ย ปุน เม่ย บัว โหฒว ตุ๊ หอบ, ไม้ กุ๊น ปวัด ฮนั้ง เยีย บัว เค้า ไม้ ตุ๊.

8เยีย บัว ไม้ ไฮ่ โหฒว หาย หญู่ง แฒะ เฒียน เล์ย, ขูง เหว่ย เฒียน เล์ย โหฒว ฮนั้ง.

9เยีย บัว หาย หฒั่น เมา, เม่ย บัว เฮ้น, เยีย บัว อะเฮน้ย เญย, ฯฒฯ เต๋า เก๋า โท้ ทิน-ฮู่ง ปุน เม่ย บัว เป๋น ตุ้น ยุ่น เญย เมี่ยน.

10เหว่ย น้าย เยีย ไม้ เหธา เม่ย บัว เยียม เญย เฒี่ยง โห่ เยีย หธีง เฟี้ย น้าย เฒ้ย เฝียน. ฒั้ว เยีย เถา เม่ย บัว หน่าย เยีย ฯฒฯ ไม้ หฒุ หล่ง เฒี้ยว ปุน เยีย เญย หัด ม์า เฮนี้ยๆ เญย เบ่น เม่ย บัว เญย สี่. เฒี้ยว ปุน เยีย เญย หัด ม์า เซ เหว่ย เหธย เม่ย บัว, ไม้ เฒ์ย เหว่ย แธะ เม่ย บัว.

11เซ้ด เมว์ย เยีย แอ๋ง ม่าย เต๋ย หว่า. หฒวัง ก๋อ-โย์ว อ่า, แป้ง ออน เญย เยียม โอ่. อ๋อย หฒุ โหฒว เถา เป๋น ตุ้น ยุ่น เญย เมี่ยน. อ๋อย หฒุ เอย เจี๊ยน เยีย ขวิน เญย หว่า โหฒว. อ๋อย หฒุ หอบ ฟิม ต้ง เอ๋ย, แป้ง ออน เญย เยียม. ฮนั้ม บัว หย่า เหธย แป้ง ออน ปุน บัว เญย ทิน-ฮู่ง ฯฒฯ เหธา เม่ย บัว เยียม.

12เม่ย บัว อ๋อย หฒุ โหฒว เฮญี้ยว ธีง-เหฑ่ง, หล่ง ฒม เฮมียน หน่าย แป้ง ออน.

13เสียน ทิน-ฮู่ง เญย หฒวัง เมี่ยน จั๋ง เถา เม่ย บัว.

14โท้ เฒี้ยว เยซู กีตู่ เหธย เอน ปุน เม่ย บัว หฒวัง เมี่ยน. โท้ ปุน เม่ย บัว ฮิ้ว ตุ๊ ทิน-ฮู่ง ฮนั้ม เม่ย บัว, หย่า โท้ สีง ลี่ง ปุน เม่ย บัว ล่าน เหธา ล่าน จิว ทง.

← Chapter 12 Jump to: