1 John 5

Kamba (Mbivilia) 1956

← Chapter 4 Jump to:

1O mũndũ ũla wĩtĩkĩlaa atĩ Yesũ nĩwe Klĩsto ũsu nũsyaĩtwe nĩ Ngai: na o ũla ũmwendaa ũla wamũsyaie nĩwendaa ũla ũsyaĩtwe nĩwe.

2Ũndũnĩ ũũ nĩtũũmanya kana nĩtũsyendete syana sya Ngai, tũkĩmwenda Ngai na kwĩka mĩao yake.

3Nũndũ kũmwenda Ngai nĩ kũũ, tũkwatae mĩao yake: na mĩao yake ti mĩito.

4Nũndũ o kĩla kĩsyaĩtwe nĩ Ngai nĩkĩkĩlasya nthĩ vinya: na kĩla kĩkĩlasya nthĩ vinya, nĩ mũĩkĩĩo witũ.

5Na ũla ũkĩlasya nthĩ vinya nũũ, ate o ũla wĩtĩkĩlaa kana Yesũ nĩ Mwana wa Ngai?

6Ũũ nĩ ũla wokie kwa manzĩ na nthakame, nake nĩwe Yesũ Klĩsto; ndaaũka ũndũ wa manzĩ oka, ĩndĩ nĩwokie ũndũ wa manzĩ vamwe na nthakame.

7Na nĩ Veva ũla ũkũsĩĩaa, nĩkwĩthĩwa Veva nĩwe w’o.

8Nũndũ nĩ atatũ ala makũsĩĩaa, ũla Veva, na manzĩ, na nthakame: na asu atatũ nĩmew’anaa ũndũ ũmwe.

9Ethĩwa nĩtwĩtĩkĩlaa ũkũsĩ wa andũ, ũkũsĩ wa Ngai nĩ mũnene mbee: nũndũ ũkũsĩ wa Ngaĩ nĩw’o ũũ, nĩwakũsĩĩe Mwana wake.

10Ula ũmwĩtĩkĩlaa Mwana wa Ngai ũsu e na ũkũsĩ nthĩnĩ wake: na ũla ũtamwĩtĩkĩla Ngai emũtw’a e ũvũngũ; nĩkwĩthĩwa ndaaĩtĩkĩla ũkũsĩ ũla Ngai wanenganie ũndũ wa Mwana wake.

11Na ũkũsĩ nĩw’o ũũ, kana Ngai nĩwatũnengie thayũ wa tene na tene, na thayũ ũsu wĩ nthĩnĩ wa Mwana wake.

12Ũla wĩ na Mwana e na thayũ ũsu; na ũla ũte na Mwana wa Ngai nde na thayũ ũsu.

13Maũndũ asu namũandĩkĩa, nĩ kana mũmanye mwĩ na thayũ wa tene na tene, inyw’ĩ ala mwĩtĩkĩlaa syĩtwa ya Mwana wa Ngai.

14Na ũũ nĩw’o ũnyiau ũla twĩ naw’o vala ũĩ, ethĩwa tũkavoya ũndũ kwĩanana na kwenda kwake, nũtwĩw’aa:

15na ethĩwa nĩtwĩsĩ kana nũtwĩw’aa o ũndũ tũũvoya, nĩtwĩsĩ kana maũndũ ala twavoya twĩ namo.

16Ethĩwa mũndũ eona mwana‐a‐ĩthe aiĩka naĩ ĩte ya ũvikĩa kĩkw’ũ, navoye, na Ngai akamũnenga thayũ o na ala mekwĩka naĩ ĩte ya ũvikĩa kĩkw’ũ. Kwĩ naĩ ya ũvikĩa kĩkw’ũ: na ndikwasya navoye kwondũ wa ĩsu.

17Ũndũ w’onthe ũte ũlũngalu nĩ naĩ: na kwĩ naĩ ĩte ya ũvikĩa kĩkw’ũ.

181 Yoa 3.9; Yoa 17.15. Nĩtwĩsĩ kana o mũndũ ũla ũsyaĩtwe nĩ Ngai ndekaa naĩ; ĩndĩ ũla ũsyaĩtwe nĩ Ngai nĩwĩsũvĩaa mwene, na ũla mũthũku ndamũkiita.

19Nĩtwĩsĩ kana twĩ ma Ngai, na nthĩ yonthe ĩtwĩe nthĩnĩ wa ũla mũthũku.

20Na nĩtwĩsĩ kana Mwana wa Ngai nĩwokie, na nũtũnengete ũmanyi, nĩ kana tũmũmanye we ũla wa w’o, naitũ twĩ nthĩnĩ wa ũsu ũla wa w’o, nthĩnĩ wa Mwana wake Yesũ Klĩsto. Ũũ nĩwe Ngai wa w’o, na thayũ wa tene na tene.

21Syana syakwa nini, isũvĩei mĩvw’anano.

← Chapter 4 Jump to: