bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Genesis 24
Genesis 24
Kamba (Mbivilia) 1956
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 25 →
1
Na Avalaamu aĩ mũkũu, na wa myaka mingĩ: na Yeova ethĩwa aathimĩte Avalaamu maũndũnĩ onthe.
2
Na Avalaamu amwĩa mũthũkũmi wake, ũla waĩ mũkũu nyũmbanĩ yake, ũla waiĩtwe ĩũlũ wa syonthe ila waĩ nasyo, Nĩngũũvoya, ĩkĩa kw’oko kwaku ungu wa waswa wakwa:
3
nakwa nĩngũkwĩavĩthya kwa Yeova, Ngai wa ĩtu na Ngai wa nthĩ, ndũkatwaĩe mwana wakwa mũka eĩtunĩ ma Akanaani, ala nĩtũaa katĩ woo:
4
ĩndĩ ũkaenda kũvika nthĩ yakwa, na ũkonĩ wakwa, ũtwaĩe mwana wakwa Isaka mũka.
5
Na mũthũkũmi amwĩa, Nokwĩthĩwa mũndũ mũka ndakenda kũmbikĩla kũvika nthĩ ĩno: no mũvaka nĩmũtũnga ĩngĩ mwana waku nthĩ ĩla waumie?
6
Na Avalaamu amwĩa, Ĩsũvĩe ndũkaamũtũnge mwana wakwa kũu ĩngĩ.
7
Yeova, Ngai wa ĩtu, ũla wanumisye nyũmbanĩ ya asa wakwa, na kuma nthĩ ĩla nasyaĩwe, ũla waneenie nakwa, na eembĩtĩa, akyasya, Ũsyao waku ngoonenga nthĩ ĩno; we akatũma mũlaĩka wake mbee waku, naku ũkatwaĩa mwana wakwa mũka kuma kw’o.
8
Na ethĩwa mũndũ mũka ndekwenda ũkũvikĩla, ũkaekewa wĩvĩto ũũ wakwa: ĩndĩ ndũkaamũtũnge mwana wakwa kũu ĩngĩ.
9
Na mũthũkũmi eekĩa kw’oko kwake ungu wa waswa wa Avalaamu vwana wake, na amwĩavĩa ũndũnĩ ũsu.
10
Na mũthũkũmi oosa ngamĩle ĩkũmi, ngamĩlenĩ sya vwana wake, na akũsya e na syĩndũ syonthe nzeo sya vwana wake kw’okonĩ kwake: na ookĩla, na aenda Mesovotamia, kũvika ndũanĩ ya Naoli.
11
Na atulĩthya ngamĩle ndu ũtee wa ndũa kĩthimanĩ ĩvinda ya wĩoo, ĩvinda yĩla aka maendaa kũtava manzĩ.
12
Nake asya, Ame Yeova, Ngai wa vwana wakwa Avalaamu, nĩngũũvoya, mbaĩlĩlya ũmũnthĩ, wĩke vwana wakwa Avalaamu nesa.
13
Sisya, nyie nĩũngamĩte nthongonĩ ya manzĩ; na eĩtu andũ ma ndũa nĩmekũka kũtava manzĩ:
14
nĩkwĩthĩwe, mwĩĩtu ũla ngũmũtavya, Aũa kĩtete kyaku kya yũmba, nĩngũũvoya, nĩnyw’e; nake akambĩa, Nyw’a, na nĩngũnyithya ngamĩle syaku nasyo: ũsu nĩethĩwe ũla wamũnyuvĩe mũthũkũmi waku Isaka; nĩw’o nĩmanya kana nũmwĩkĩte vwana wakwa nesa.
15
Na kweethĩwa, atanamina kũneena, sisya, Leveka aumaala, ũla wasyaĩwe Mbethueli mwana wa Milika, mũka wa Naoli, mwana‐a‐inyia wa Avalaamu, e na kĩtete kyake kĩtuonĩ kyake.
16
Na mwĩĩtu aĩ mwanake mũno kwa kũsiw’a, mũtheu, o na vatyaĩ mũndũ mũũme waamũmanya; nake atheea nthongonĩ, ausũsya kĩtete kyake, na ambata.
17
Na mũthũkũmi asemba kũmũthaũa, amwĩa, Nenga nĩnyw’e, nĩngũũvoya, tũmanzĩ kuma kĩtetenĩ kyaku.
18
Nake asũngĩa, Nyw’a, mwĩaĩi wakwa: nake eekalaata, na atheesya kĩtete kyake kw’okonĩ kwake, na amũnenga anyw’e.
19
Na amina ũmũnenga anyw’e, amwĩa, Nĩngũtavĩa ngamĩle syaku nasyo, mũvaka ilaũke.
20
Na eekalaata, oonosya kĩtete kyake mũvalatĩnĩ, na asemba ĩngĩ kĩthimanĩ kũtava, na atavĩa ngamĩle syake syonthe.
21
Na ũla mũndũ amũketeea, akilĩtye, amanye kana Yeova nũmwaĩlĩlye kyalo kyake kana ti w’o.
22
Na kweethĩwa, ngamĩle syalaũka, ũla mũndũ oosa ngome ya thaavu, ũito wayo nyunzu ya sekeli, na itang’a ilĩ kwondũ wa moko make ũito wa thaavu wa sekeli ĩkũmi,
23
akũlya, Wĩ mwĩĩtu waũ, we? Nĩngũkwĩsũva, ndavya. Ve ũthei nyũmbanĩ ya au wa ũtũ-komya?
24
Nake amũsũngĩa, Nĩ mwĩĩtu wa Mbethueli mwana wa Milika, ũla wamũsyaĩe Naoli.
25
Na ĩngĩ amwĩa, Twĩ na ũa o na ũĩthyo mwĩanĩu, na ũthei wa kũmũkomya.
26
Na ũla mũndũ akunamya mũtwe, na athaitha Yeova.
27
Nake asya, Nataĩwe Yeova, Ngai wa vwana wakwa Avalaamu, ũla ũtaaeka ũseo wake wĩ wendo na w’o wake kwa vwana wakwa: nakwa, Yeova nũndongoesye nzĩanĩ kũvika nyũmba ya ana‐a‐inyia ma vwana wakwa.
28
Na mwĩĩtu asemba, atavan’ya nyũmbanĩ ya inyia wake o ndeto isu.
29
Na Leveka aĩ na mwana‐a‐inyia, na syĩtwa yake eetawa Lavani: na Lavani asemba vala ve ũla mũndũ, kũvika nthongonĩ.
30
Na kweethĩwa, yĩla wonie ngome, na itang’a mokonĩ ma mwĩĩtu‐a‐inyia, na eew’a ndeto sya Leveka, mwĩtũ‐a‐inyia, akyasya, Ũla mũndũ andavya ũna na ũna; ooka vala ve ũla mũndũ; na, sisya, aũngamĩte na ngamĩle nthongonĩ.
31
Na amwĩa, Lika, we, ũathimĩtwe nĩ Yeova; ũũngamĩte nza nĩkĩ? Nũndũ nĩnzeũvisye nyũmba, na vandũ va ngamĩle.
32
Na ũla mũndũ avota nyũmbanĩ, na athasya ngamĩle; na anenga ngamĩle ũa na ũĩthyo, na manzĩ ma ũthambya maũũ make na maũũ ma andũ ala maĩ nake.
33
Na vaiwa lĩu mbee wake aye: ĩndĩ asya, Ndiya, ndanatavan’ya ũndũ ndũmiwe. Na asũngĩa, Neena ĩndĩ.
34
Nake asya, Nyie nĩ mũthũkũmi wa Avalaamu.
35
Na Yeova nũathimĩte vwana wakwa mũno; na nũtw’ĩkĩte mũnene: nũmũnengete ndĩthya sya mbũi na malondu na sya ng’ombe, na vetha na thaavu, na athũkũmi aũme na eĩtu, na ngamĩle na mang’oi.
36
Na Sala mũka wa vwana wakwa nĩwamũsyaĩe vwana wakwa mwana yĩla waĩ mũkũu: nake amũnengete syonthe ila wĩ nasyo.
37
Na vwana wakwa nĩwatumie nĩvĩta, akĩmbĩa, Ndũkaamũtwaĩe mwana wakwa mũka eĩtunĩ ma Akanaani, ala nĩtwĩe nthĩ yoo:
38
ĩndĩ ũkathi nyũmbanĩ ya asa wakwa, kwa ũko wakwa, na ũkamũtwaĩe mwana wakwa mũka.
39
Nakwa namwĩa vwana wakwa, Nokwĩthĩwa mũndũ mũka atakambikĩla.
40
Nake ambĩa, Yeova, ũla nĩendaa mbee wake, akatũma mũlaĩka wake vamwe naku, akwaĩlĩlye nzĩa yaku; naku ũkamũtwaĩa mwana wakwa mũka wa ũko wakwa, na wa nyũmba ya asa wakwa:
41
nĩvo wĩekewa wĩvĩto wakwa, wavika kwa ũko wakwa; na malea ũkũnenga, ũkaekewa wĩvĩto wakwa.
42
Na nĩnũkie mũnthĩ ũũ nthongonĩ, nasya, Ame Yeova, Ngai wa vwana wakwa Avalaamu, ethĩwa yu nũũmbaĩlĩlya nzĩa yakwa ĩla nĩendaa:
43
sisya, nĩũngamĩte nthongonĩ ya manzĩ; na nĩkwĩthĩwe, mwĩĩtu ũla ũnũũka kũtava, ũla ngũmwĩa, Nenga nĩnyw’e, nĩngũũvoya, tũmanzĩ kuma kĩtetenĩ kyaku:
44
nake akambĩa, Nyw’a, we, na ngamĩle syaku nasyo nĩngwitavĩa: ũsu nĩethĩwe mũndũ mũka ũla Yeova ũnyuvĩe mwana wa vwana wakwa.
45
Na ndanamina kũneena ngoonĩ yakwa, sisya, Leveka aumaala na kĩtete kyake kĩtuonĩ kyake; na atheea nthongonĩ, na atava: nakwa namwĩa, Nenga nĩnyw’e, nĩngũkwĩsũva.
46
Nake eekalaata, atheesya kĩtete kyake kuma kĩtuonĩ kyake, na ambĩa, Nyw’a, na nĩngũnyithya ngamĩle syaku nasyo: nakwa nanyw’a, na anyithya ngamĩle nasyo.
47
Na namũkũlya, nasya, Wĩ mwĩĩtu waũ, we? Nake asũngĩa, Nĩ mwĩĩtu wa Mbethueli, mwana wa Naoli, ũla Milika wamũsyaĩe: nakwa namwĩkĩa ngome ĩnyiũũ, na itang’a moko.
48
Nakwa nakunamya mũtwe, nathaĩtha Yeova, na nataĩa Yeova, Ngai wa vwana wakwa Avalaamu, ũla wandongoesye nzĩanĩ ya w’o nĩmũtwaĩe mwana wa vwana wakwa mwĩĩtu wa mwana‐a‐inyia wake.
49
Na yu ĩndĩ ethĩwa mũkeeka vwana wakwa nesa na w’o, ndavyai: na ethĩwa ti w’o, ndavyai; nĩthyũũe kw’okonĩ kwa aũme, kana kwa aka.
50
Nĩvo Lavani na Mbethueli masũngĩie na masya, Ũndũ ũũ wumĩte kwa Yeova: tũitonya kũneena naku ũthũku kana ũseo.
51
Sisya, Leveka e mbee waku, mwose, ũende, ethĩwe mũka wa mwana wa vwana waku, o tondũ Yeova waĩtye.
52
Na kweethĩwa, mũthũkũmi wa Avalaamu eew’a ndeto syoo, eekunamĩsya Yeova kũvika nthĩ.
53
Na ũla mũthũkũmi aumya mĩio ya wanake ya vetha, na thaavu, na ngũa, na amũnenga Leveka: o na mwana‐a‐inyia na inyia amanenga syĩndũ syĩ vata mũno.
54
Nao maya na manyw’a, we na andũ ala maĩ vamwe nake, na mekala ũtukũ w’onthe; na mookĩla kĩoko, nake asya, Ekai nĩthi kwa vwana wakwa.
55
Na mwana‐a‐inyia na inyia masya, Mwĩĩtu ekale naitũ matukũ mavũthũ, ta ĩkũmi; ĩtina wa ũu akathi.
56
Na amea, Mũikanziĩĩe, nũndũ Yeova nũmbaĩlĩlye nzĩa yakwa; ekai nĩthi kwa vwana wakwa.
57
Nao masya, Nĩtũkwĩta mwĩĩtu, tũmũkũlye ũndũ ũnũkwasya.
58
Na mamwĩta Leveka, mamũkũlya, Nũkũenda na mũndũ ũũ? Nake asũngĩa, Nĩngũthi.
59
Na maeka Leveka mwĩĩtu‐a‐inyia woo athi, na mũei wake, na mũthũkũmi wa Avalaamu, na andũ make.
60
Na maathima Leveka, mamwĩa, We mwĩĩtu‐a‐ia, wĩthĩwe wĩ inyia wa ngili kũndũ ngili makũmi, na ũsyao waku nĩũmesye mbingĩlo ya ala mamamenaa.
61
Na Leveka ookĩla, na athũkũmi make eĩtu, na matũla ngamĩle, mamũvikĩla ũla mũndũ: na mũthũkũmi oosa Leveka, akwata nzĩa yake athi.
62
Na Isaka ooka na nzĩa ya Mbeeli‐laai‐loi; nũndũ atũaa nthĩ ya ngalĩ ya Ĩtheo.
63
Na Isaka aumaala akasũanĩe kĩsesinĩ wĩoo: na ookĩlya metho, oona, na, sisya, kwaĩ ngamĩle syũkĩte.
64
Na Leveka ookĩlya metho, na oona Isaka, auma ngamĩlenĩ.
65
Na amũkũlya mũthũkũmi, Mũndũ ũya nũũ ũnũkũtambũka kĩsesinĩ atũthaũĩte? Na ũla mũthũkũmi amwĩa, Nĩwe vwana wakwa: na oosa suka wake mũvũthũ, eekunĩkĩlya.
66
Na ũ mũthũkũmi atavya Isaka maũndũ onthe ala wĩkĩte.
67
Na Isaka amũete ĩeemanĩ ya inyia wake Sala, na oosa Leveka, na atw’ĩka mũka wake; na amwenda: na Isaka akiakiw’a ĩtina wa kĩkw’ũ kya inyia wake.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50