bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Genesis 30
Genesis 30
Kamba (Mbivilia) 1956
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 31 →
1
Na Lakeli oona kana ndaamũsyaĩa Yakovo syana, Lakeli amwĩw’ĩa mwĩĩtu‐a‐inyia kĩwĩu; na amwĩa Yakovo, Nenga syana, ethĩwa ti ũu ngakw’a nyie.
2
Na Yakovo amũthatĩa Lakeli: na akũlya, Nyie nĩ vandũ va Ngai, ũla ũkũvatĩte ũsyao wa ĩvu?
3
Nake asya, Sisya, Mbila, mũthũkũmi wakwa mwĩĩtu, lika kwake; nĩ kana asyaĩe maunĩ makwa, nose syana nũndũ wake.
4
Na amũnenga Mbila mũthũkũmi wake mwĩĩtu, ethĩwe mũka wake: na Yakovo alika kwake.
5
Na Mbila aya ĩvu, na amũsyaĩa Yakovo mwana.
6
Na Lakeli asya, Ngai nĩwanzilĩla katĩ, na ĩngĩ nĩwew’a wasya wakwa, na anenga mwana: kwondũ wa ũu anwĩta syĩtwa yake Ndani.
7
Na Mbila mũthũkũmi wa Lakeli, mwĩĩtu, aya ĩvu ĩngĩ, na amũsyaĩa Yakovo mwana wa kelĩ.
8
Na Lakeli asya, Nakĩlan’ya na mwĩĩtu‐a‐ia na mokĩlan’yo manene, nakwa nakĩlya: na amwĩta syĩtwa yake Navitali.
9
Nake Lea oona kana nũekete ũsyaa, oosa Nziliva mũthũkũmi wake, mwĩĩtu, anenga Yakovo ethĩwe mũka wake.
10
Na Nziliva mũthũkũmi wa Lea, mwĩĩtu, amũsyaĩa Yakovo mwana.
11
Na Lea asya, Nĩ ĩvuso yakwa! Na amwĩta syĩtwa yake Ngati.
12
Na Nziliva mũthũkũmi wa Lea, mwĩĩtu, amũsyaĩa Yakovo mwana wa kelĩ.
13
Na Lea asya, Nĩ mũtanu nyie! Nũndũ eĩtu makambĩta mũtanu: na amwĩta syĩtwa yake Aseli.
14
Na mĩthenya ya ũketha nganũ, Leuveni athi oona mũũndanĩ mosyao ma kwendana, na amũetee Lea inyia wake. Nĩvo Lakeli wamwĩie Lea, Ame, nenga ala mosyao ma kwendana ma mwana waku.
15
Nake amwĩa, Nĩ ũndũ ũnini we kũmbena mũũme wakwa? Na ĩngĩ nũkwenda kwosa mosyao ma kwendana ma mwana wakwa namo? Na Lakeli asũngĩa, Kwa ũu akakoma naku ũtukũ ũũ nũndũ wa mosyao ma kwendana ma mwana waku.
16
Na wĩoo Yakovo ooka aumĩte mũũndanĩ, na Lea athi kũmũthaũa, na amwĩa, Mũvaka ũlike kwakwa: nũndũ nĩ w’o nĩkumĩsye ĩtuvi ya mosyao ma kwendana ma mwana wakwa. Na akoma nake ũtukũ ũsu.
17
Na Ngai amwĩthukĩĩsya Lea, nake aya ĩvu, na amũsyaĩa Yakovo mwana wa katano.
18
Na Lea asya, Ngai nĩwanenga ĩtuvi yakwa, nĩkwĩthĩwa nĩnĩmũnengete mũemewa mũthũkũmi wakwa, mwĩĩtu: na amwĩta syĩtwa yake Isakali.
19
Na Lea aya ĩvu ĩngĩ, na amũsyaĩa Yakovo mwana wa thanthatũ.
20
Na Lea asya, Ngai nĩwanenga mũthĩnzĩo mũseo; yu mũemewa akekalaa nakwa, nũndũ nĩnĩmũsyaĩe ana thanthatũ: na amwĩta syĩtwa yake Nzevuluni.
21
Na ĩtina asyaa mwĩĩtu, na amwĩta syĩtwa yake Ndina.
22
Na Ngai amũlilikana Lakeli, na Ngai amwĩthukĩĩsya, na amũnenga kũsyaa.
23
Nake aya ĩvu, na asyaa mwana: na asya, Ngai nũmbetee nthoni syakwa:
24
na amwĩta syĩtwa yake Yosevu, akyasya, Yeova nambongele mwana ũngĩ.
25
Na kweethĩwa, Lakeli asyaa Yosevu, Yakovo amwĩa Lavani, Eka nĩthĩ, nĩ kana nĩende vandũ vakwa mwene, na nthĩ yakwa.
26
Nenga aka makwa na syana syakwa ila nakũthũkũmĩe, noindeka nĩthi: nũndũ nĩwĩsĩ ũthũkũmi wakwa ũla nakũthũkũmie.
27
Na Lavani amwĩa, Ethĩwa ĩndĩ nĩnonete ũseo methonĩ maku, ĩkala: nũndũ nĩnamanyie kana Yeova nũngathimĩte kwondũ waku.
28
Na asya, Weta ĩtuvi yaku, nakwa nĩngumya.
29
Nake amwĩa, Nĩwĩsĩ ũndũ nakũthũkũmie, na ũndũ indo syaku syekalile nĩ nasyo.
30
Nũndũ mbee wa ndanoka waĩ na nini, nasyo syongeleka syeethĩwa nyingĩ; na Yeova nũkũathimĩte o kũla naendie nyie: na yu ĩndĩ ngamombanĩsya ĩndĩĩ asu ma nyũmba yakwa mwene nao?
31
Nake akũlya, Ngũnenge kyaũ? Na Yakovo asũngĩa, Ndũkanenge kĩndũ: ethĩwa ũkambĩka ũndũ ũũ, ngaĩthya ndĩthya yaku ya mbũi na malondu.
32
Ũmũnthĩ ngavĩtĩla ndĩthyanĩ yaku yonthe, ngyumya vo kĩla ĩmwe yĩ kĩtathe na yĩ maa, na kĩla yĩmwe yiũ malondunĩ, na ila syĩ maa na ila syĩ kĩtathe mbũinĩ: nĩsyo ikeethĩwa ĩtuvi yakwa.
33
O ta ũu ũlũngalu wakwa ũkangũsĩĩa ĩtina, yĩla wĩũka kwondũ wa ĩtuvi yakwa yĩla yĩ mbee waku: kĩla ĩmwe ĩte kĩtathe kana maa mbũinĩ, kana yĩte yiũ malondunĩ, ĩkyoneka kwakwa, ĩsu ĩkatalwa nĩyoyiwe.
34
Na Lavani asũngĩa, Sisya, nenda kwĩthĩwe o ta ndeto yaku.
35
Na mũthenya ũsu aumya nthenge ila syaĩ matw’ana na maa, na mbũi nga syonthe ila syaĩ kĩtathe na maa, o kĩla ĩmwe yaĩ na weũ, o na maiũ onthe malondunĩ, ainengane mokonĩ ma ana make:
36
nake ataanĩsya na Yakovo mũendo wa matukũ atatũ: na Yakovo aĩthya ndĩthya sya mbũi na malondu sya Lavani ila syatialile.
37
Na Yakovo oosa ndata sya mĩtĩ ya mĩlivina mĩũ, na ya mĩlosi na ya mĩalamoni; na aisyũlya nzoa nzaũ, na atuma weũ ũla waĩ ndatanĩ woneka.
38
Na aia ndata ila wasyũlĩtye tũmĩtalũnĩ mĩvalatĩnĩ kwelekela ndĩthya sya mbũi na malondu, vala ndĩthya syokaa kũnyw’a; na syaya mavu yĩla syookaa kũnyw’a.
39
Na i ndĩthya syaya mavu syĩ o mbee wa ila ndata, na i ndĩthya syasyaa tũtena twĩ matw’ana, na kĩtathe, na maa.
40
Na Yakovo avathan’ya tũtena twa malondu, na ekalya mothyũ ma ndĩthya melekele ila syaĩ matw’ana na ila nziũ syonthe sya ndĩthya ya Lavani: nake avathan’ya maĩthya make mwene, o na ndaavulan’ya na ndĩthya ya Lavani.
41
Na kweethĩwa, ila sya ndĩthya ila syaĩ na vinya mbee syaya mavu, Yakovo aia ila ndata mbee wa metho ma ndĩthya tũmĩtalũnĩ, nĩ kana iye mavu syĩ katĩ wa ila ndata;
42
ĩndĩ yĩla ĩĩthya yĩtaĩ na vinya, ndaayiĩa: na ĩndĩ ila itaĩ na vinya syeethĩwa sya Yakovo.
43
Na mũndũ ũsu ongeleka mũno, na aĩ na ndĩthya nene sya mbũi na malondu, na athũkũmi eĩtu na aũme, na ngamĩle na mang’oi.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50