bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Genesis 47
Genesis 47
Kamba (Mbivilia) 1956
← Chapter 46
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 48 →
1
Na ĩndĩ Yosevu alika na atavya Valao, na amwĩa, Nau na ana‐a‐asa, na ndĩthya syoo sya mbũi na malondu, na ndĩthya syoo sya ng’ombe, na syonthe ila me nasyo, nĩmaumĩte nthĩ ya Kanaani; na, sisya, me nthĩ ya Ngoseni.
2
Na oosa andũ atano kuma katĩ wa ana‐a‐ĩthe make, amonan’ya kwa Valao.
3
Na Valao akũlya ana‐a‐ĩthe make, Wĩa wenyu nĩ mwaũ? Na mamwĩa Valao, Athũkũmi maku nĩ aĩthi, ithyĩ, o na aasa maitũ.
4
Na mamwĩa Valao, Tũkĩte kwĩkala ũeni nthĩ; nĩkwĩthĩwa vati ũĩthyo wa ndĩthya sya mbũi na malondu sya athũkũmi maku; nũndũ yũa nĩ ĩnene nthĩ ya Kanaani: na yu ĩndĩ, nĩtũũkũvoya, athũkũmi maku matũe nthĩ ya Ngoseni.
5
Na Valao aneena na Yosevu, akĩmwĩa, Au na ana‐a‐au nĩmakũkĩe;
6
nthĩ ya Misili yĩ mbee waku; tũsya au na ana‐a‐au nthĩ ĩla nzeo mbee: nĩmatũe nthĩ ya Ngoseni: na ethĩwa nĩwĩsĩ andũ amwe me ũtonyi katĩ woo, matw’e ĩndĩ anene ĩũlũ wa indo syakwa.
7
Na Yosevu aete Yakovo ĩthe wake nthĩnĩ, na amwia mbee wa Valao: na Yakovo amũathima Valao.
8
Na Valao akũlya Yakovo, Nĩ meana ata matukũ ma myaka ya thayũ waku?
9
Na Yakovo asũngĩa Valao, Matukũ ma myaka ya ũeni wakwa nĩ myaka ĩana na mĩongo ĩtatũ: matukũ ma myaka ya thayũ wakwa meethĩwe mavũthũ na mathũku, o na matyaaĩanĩa matukũ ma myaka ya thayũ wa aasa makwa matukũnĩ ma kwĩkala ũeni kwoo.
10
Na Yakovo amũathima Valao, na auma vala ve Valao.
11
Na Yosevu amekalya ĩthe na ana‐a‐ĩthe make, na amanenga wĩkalo nthĩ ya Misili, katĩ wa nthĩ ĩla nzeo mbee, nthĩ ya Lamesesi, o tondũ Valao weaie.
12
Na Yosevu aĩthya ĩthe, na ana‐a‐ĩthe, na andũ onthe ma ĩthe wake na lĩu, kwĩanana na mĩvĩa yoo.
13
Na kũtyaĩ lĩu nthĩ ĩsu yonthe; nũndũ yũa yaĩ ĩnene mũno, o na nthĩ ya Misili na nthĩ ya Kanaani nĩsyanyalĩte kwondũ wa yũa.
14
Na Yosevu oomban’ya mbesa syonthe ila syoonekie nthĩ ya Misili, na nthĩ ya Kanaani, kwondũ wa lĩu wa mbaa ngetha ũla mathooie: na Yosevu atwaa ila mbesa nyũmbanĩ ya Valao,
15
Na yĩla mbesa syonthe syathelile nthĩ ya Misili, na nthĩ ya Kanaani, Amisili onthe mamũkĩa Yosevu, na mamwĩa, Tũnenge lĩu: tũkw’e wene nĩkĩ? Nũndũ mbesa sitũ nĩ nthelu.
16
Na Yosevu amea, Umyai indo syenyu: nakwa ngamũnenga kwondũ wa indo syenyu, ethĩwa mbesa nĩ nthelu.
17
Na mamũetee Yosevu indo syoo; na Yosevu amanenga lĩu vandũ va mbalasi, na va ndĩthya sya mbũi na malondu, na va ndĩthya sya ng’ombe, na va mang’oi: na amanenga lĩu vandũ va indo syoo syonthe mwaka ũsu.
18
Na mwaka ũsu wathela, mamũkĩa mwaka wa kelĩ, na mamwĩa, Tũtiũmũvitha mwĩaĩi wakwa, ũndũ mbesa sitũ ĩthelete vyũ; na ndĩthya sya indo nĩ sya mwĩaĩi wakwa; vati kĩndũ kĩtiele mbee wa mwĩaĩi wakwa; ate o mĩĩ yaitũ, na nthĩ sitũ:
19
tũkw’e wene nĩkĩ, ithyĩ o na nthĩ yaitũ? Tũthooe ithyĩ na nthĩ yaitũ kwondũ wa lĩu, na ithyĩ na nthĩ yaitũ tũkeethĩwa athũkũmi ma Valao: naku tũne mbeũ, nĩ kana twĩkale thayũ, tũikakw’e, na nthĩ ndĩkethĩwe nthei.
20
Na ĩndĩ Yosevu amũthooea Valao nthĩ yonthe ya Misili; nũndũ Amisili mathooisye kĩla mũndũ mũũnda wake, nũndũ yũa yamakwatie mũno: na nthĩ yatw’ĩka ya Valao.
21
Nao andũ, amathamĩĩsya ndũanĩ kuma ũtee ũmwe wa mũvaka wa Misili kũvika ũtee ũla ũngĩ wayo.
22
No nthĩ ya athembi ũtaathooa: nũndũ athembi maĩ na kya ũya kyoo kuma kwa Valao, na maya kya ũya kyoo kĩla Valao wamanengie; kwondũ wa ũu matyaathoosya nthĩ yoo.
23
Na ĩndĩ Yosevu amea andũ, Sisya, mũnthĩ ũũ nĩnamũthooa inyw’ĩ, na nthĩ yenyu kwondũ wa Valao: sisya, vaa ve mbeũ kwondũ wenyu, nenyu mũkavanda nthĩ.
24
Na kũkeethĩwa ngethanĩ, mũkanenga Valao kĩlungu kya katano, na ilungu inya ikeethĩwa syenyu ene, sya mbeũ sya mĩũnda, na sya lĩu wenyu, na wa ala ma nyũmba syenyu, na sya lĩu wa syana syenyu nini.
25
Nao mamwĩa, Nũtũtangĩĩĩte mathayũ maitũ; twone ũseo mbee wa mwĩaĩi wakwa, naitũ tũkeethĩwa athũkũmi ma Valao.
26
Na Yosevu atw’a mwĩao kũvika ũmũnthĩ ũũ ũndũ wa nthĩ ya Misili, kana Valao ethĩwe na kĩlungu kya katano; no nthĩ ya athembi yoka ĩtaatw’ĩka ya Valao.
27
Na Isilaeli atũa nthĩ ya Misili, nthĩ ya Ngoseni; na meeyosea mothwii kw’o, na mongeleka na maingĩva mũno.
28
Na Yakovo ekala nthĩ ya Misili myaka ĩkũmi na mũonza: na ĩndĩ matukũ ma Yakovo, myaka ya thayũ wake, yaĩ myaka ĩana na mĩongo ĩna na mũonza.
29
Na ĩvinda ya kũkw’a kwa Isilaeli yathengeea: na amwĩta mwana wake Yosevu, na amwĩa, Ethĩwa yu nĩnona ũseo mbee waku, nĩngũkwĩsũva, ia kw’oko kwaku ungu wa waswa wakwa, ũmbĩke nesa na w’o: nĩngũkwĩsũva, ndũkaanthike kũũ Misili;
30
ĩndĩ nakoma vamwe na aasa makwa, ũkangua kuma Misili, ũkanthike vandũ voo va ũthikwa. Na asũngĩa, Ngeeka ũndũ wasya.
31
Nake amwĩa, Ĩndavĩe: nake amwĩavĩa. Na Isilaeli eekunamya mũtwenĩ wa ũkomo.
← Chapter 46
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 48 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50