bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Genesis 31
Genesis 31
Kamba (Mbivilia) 1956
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 32 →
1
Nake eew’a ndeto sya ana ma Lavani, makyasya, Yakovo nũtwaĩte syonthe ila syaĩ sya asa waitũ; nake nĩwĩyoseete ũthwii ũũ w’onthe kuma ũla waĩ wa asa waitũ.
2
Na Yakovo asisya ũthyũ wa Lavani, na, lĩlĩ, ndwailyĩ kwake ta tene.
3
Na Yeova amwĩa Yakovo, Syoka nthĩ ya aau, na kwa ũko waku; nakwa ngeethĩwa vamwe naku.
4
Na Yakovo atũmana ameta Lakeli na Lea moke kĩsesinĩ ndĩthyanĩ yake,
5
na amea, Nĩngwona ũthyũ wa ĩthe wenyu, kana ndũilyĩ kwakwa ta tene; ĩndĩ Ngai wa nau eĩ nakwa.
6
Na inyw’ĩ nĩmwĩsĩ kana nĩthũkũmĩte ĩthe wenyu na vinya wakwa w’onthe.
7
Na ĩthe wenyu nũngengete, na kũalyũla ĩtuvi yakwa mavinda ĩkũmi; ĩndĩ Ngai ndaamũeka ambĩke naĩ.
8
Ethĩwa nĩwaisye ũũ, Ila syĩ kĩtathe ikeethĩwa ĩtuvi yaku; nĩvo ndĩthya yonthe yasyaie syĩ kĩtathe: na ethĩwa nĩwaisye ũũ, Ila syĩ matw’ana ikeethĩwa ĩtuvi yaku; nĩvo ndĩthya yonthe yasyaie syĩ matw’ana.
9
Ũu nĩw’o Ngai waumisye indo sya ĩthe wenyu, na anenga.
10
Na kweethĩwa yĩla ndĩthya yaĩe mavu, nookĩlya metho, noona ndotonĩ, na, sisya, nthenge ila syatũlĩĩlaa ndĩthya syaĩ matw’ana, na kĩtathe, na ĩumbĩ.
11
Na mũlaĩka wa Ngai ambĩa ndotonĩ, Yakovo: nakwa nasũngĩa, Nĩ vaa.
12
Nake ambĩa, Yu ũkĩlya metho, wone: nthenge syonthe ila itũlĩĩlaa ndĩthya syĩ matw’ana, na kĩtathe, na ĩumbĩ: nũndũ nĩnonete w’onthe ũla Lavani ũkwĩkĩte.
13
Ninyie Ngai wa Mbethi‐eli, vala wetĩkĩsye kĩtuĩ mauta, vala weembĩtĩe wĩvĩto: yu ũkĩla, wume nthĩ ĩno, ũsyoke nthĩ ĩla wasyaĩwe.
14
Na Lakeli na Lea masũngĩa mamwĩa, Kwĩ kĩanda kĩngĩ kana ũtiĩwa witũ nyũmbanĩ ya asa waitũ?
15
Tũtitalawa nĩwe ta andũ ma nthĩ ĩngĩ? Nũndũ nũtũthooetye, nake aya vyũ thooa witũ.
16
Nũndũ ũthwii w’onthe ũla Ngai wosie kwa asa waitũ, nĩw’o witũ na wa syana sitũ: na yu ĩndĩ, o ũla Ngai ũkũtavĩtye, wĩke.
17
Nĩvo Yakovo wokĩlile, na atũlya ana make na aka make ĩũlũ wa ngamĩle;
18
na atwaa indo syake syonthe, na ũthwii wake w’onthe ũla wombanisye, indo ila weyosee, ila wombanĩsye kũu Vatani‐alamu, nĩ kana aende nthĩ ya Kanaani kwa Isaka ĩthe wake.
19
Na ĩndĩ Lavani ethĩwe anaenda kũtila malondu make w’ĩa: na Lakeli nĩwoyie telavimu ya ĩthe wake.
20
Na Yakovo nĩwamwĩvithĩie Lavani Mũsilia na athi, nĩkwĩthĩwa ndaamũtavya kana nũnũũkĩa.
21
Na ĩndĩ akĩa we na syonthe ila waĩ nasyo; na ookĩla, na ainga ũla Ũsĩ, na eelekelya ũthyũ kĩĩmanĩ kya Ngileati.
22
Na mũthenya wa katatũ Lavani atavw’a kana Yakovo nũkĩĩte.
23
Na aendan’ya na ana‐a‐ĩthe, na amũatĩĩa mũendo wa matukũ mũonza; na amwĩthĩa kĩĩmanĩ kya Ngileati.
24
Na Ngai amũkĩa Lavani Mũsilia ndotonĩ ya ũtukũ, na amwĩa, Ĩsũvĩe ndũkaneene na Yakovo ũseo kana ũthũku.
25
Na Lavani avika vala ve Yakovo. Na Yakovo ethĩwe anamba ĩeema yake kĩĩmanĩ: na Lavani vamwe na ana‐a‐ĩthe make amba maeema kĩĩmani kya Ngileati.
26
Na Lavani amwĩa Yakovo, Wĩkĩte ata, we, wathi wĩmbithĩte, na watwaa eĩtu makwa wathi nao ta mĩtavo ya ũvyũ?
27
Nĩkĩ ũkĩie kĩmbithĩ, na kwĩmbũyĩa, o na ndũneendavya, nĩ kana nĩkumaasye na ũtanu na mbathi, na tũthembe na mbeve;
28
o na ndũneenenga ũthei nĩmamumunye ana makwa na eĩtu makwa? Yu ĩndĩ nĩwĩkĩte ũtumanu.
29
Nĩ na ũtonyi kw’okonĩ kwakwa wa ũkwĩka naĩ: ĩndĩ Ngai wa au nũneenie nakwa ũtukũ, akĩmbĩa, Ĩsũvĩe ndũkaneene na Yakovo ũseo kana ũthũku.
30
Na yu ĩndĩ, o na ethĩwa nũkwenda kũthi, nĩkwĩthĩwa wĩ na mea mũno ma nyũmba ya au, nĩkĩ ĩndĩ ũnooyie ngai syakwa?
31
Na Yakovo asũngĩa na amwĩa Lavani, Nĩkwĩthĩwa nĩnĩnakũkĩaa: nũndũ nĩnaasya, Nokwĩthĩwa ũkambena eĩtu maku na vinya.
32
O ũla ũkwona e na ngai syaku, ũsu ndakekala thayũ: ana‐a‐asa maitũ me vo manya kĩla kyaku kĩ kwakwa, wĩyosee. Nũndũ Yakovo ndaamanya kana Lakeli nũnasyũyĩte.
33
Na Lavani avota ĩeemanĩ ya Yakovo, na ĩeemanĩ ya Lea, na ĩeemanĩ ya athũkũmi elĩ eĩtu; ĩndĩ ndaasyona. Na auma ĩeemanĩ ya Lea, na avota ĩeemanĩ ya Lakeli.
34
Nake Lakeli nĩwosete telavimu, na akaia nthĩnĩ wa matandĩko ma ngamĩle, na akamĩkalĩla. Na Lavani avavata ĩeemanĩ kw’onthe, o na ndaamyona.
35
Nake amwĩa ĩthe, Mwĩaĩi wakwa ndakanthatĩe nũndũ nditonya kũkĩla mbee waku; nũndũ mwĩkalĩle wa aka wĩ nakwa. Nake amantha mũno o na ndaaona ĩla telavimu.
36
Na Yakovo aĩ mũthilĩku mũno, na akandanĩa na Lavani: na Yakovo asũngĩa na amwĩa Lavani, Ĩvĩtyo yakwa nĩ yaũ? Naĩ yakwa nĩ myaũ, ũndũ wangatĩĩa na ũthatu?
37
Ũndũ wavavata mĩionĩ yonthe yakwa, wona mũio mwaũ wa nyũmba yaku yonthe? Ia vaa mbee wa anaasa na ana‐au nĩ kana matũsilan’ye ithyĩ elĩ.
38
Myaka ĩno mĩongo ĩlĩ naĩ kwaku; malondu maka maku na mbũi nga syaku ityaavuna, o na ndũũme sya ndĩthya syaku sya malondu ndyaaya.
39
Ĩla yavũnyangiwe nĩ nyamũ mbai ndyaakũetee; nyie nĩnoosie wasyo wayo; kw’okonĩ kwakwa nĩwamĩandũie, ethĩwa yooyiwe mũthenya kana ethĩwa yooyiwe ũtukũ.
40
Nethĩiwe ũu; mũthenya mũnyao nĩwaminie, na mbevo ũtukũ; na too nĩwanthelile methonĩ.
41
Myaka ĩno mĩongo ĩlĩ naĩ nyũmbanĩ kwaku; nĩnakũthũkũmie myaka ĩkũmi na ĩna kwondũ wa eĩtu maku elĩ, na myaka thanthatũ kwondũ wa ndĩthya yaku ya mbũi na malondu: naku nũalyũlĩte ĩtuvi yakwa mavinda ĩkũmi.
42
Keka Ngai wa asa wakwa, Ngai wa Avalaamu, na Kĩkĩo kya Isaka, kwĩthĩwa vamwe nakwa, nĩ w’o yu wĩthĩwa wandũngilye nde na kĩndũ. Ngai nĩwonete thĩna wakwa na wĩa wa moko makwa, nake akũkan’ya ũtukũ ũũ.
43
Na Lavani asũngĩa na amwĩa Yakovo, Eĩtu nĩ eĩtu makwa, na syana nĩ syana syakwa, na ndĩthya nĩ ndĩthya syakwa, na syonthe ila ũkwona nĩ syakwa: na eĩtu aa makwa ndonya kũmeka ata ũmũnthĩ, o na syana syoo ila masyaie?
44
Na yu ĩndĩ ũka, tũtianĩe ũtianĩo, nyie naku; naw’o wĩthĩwe ũkũsĩ katĩ wakwa naku.
45
Na Yakovo oosa ĩvia, ayĩũngamya kĩtuĩ.
46
Na Yakovo amea ana‐a‐ĩthe, Ũmban’yai mavia; na moosa mavia, moomban’ya mbumbu: na maĩsanĩĩa vu mbumbunĩ.
47
Na Lavani amĩta Yekali‐saatutha: ĩndĩ Yakovo amĩta Ngaleeti.
48
Na Lavani asya, Mbumbu ĩno nĩ ũkũsĩ katĩ wakwa naku ũmũnthĩ. Kwondũ wa ũu syĩtwa yayo yeetwa Ngaleeti;
49
na Misiva, nũndũ aisye, Yeova nasyaĩĩsye katĩ wakwa naku, twataanĩsya ũmwe na ũngĩ.
50
Ethĩwa ũkathĩn’ya eĩtu makwa, na ethĩwa ũkatwaanĩsya aka angĩ vamwe na eĩtu makwa, vati mũndũ wĩ vamwe naitũ; sisya, Ngai nĩwe ngũsĩ yakwa naku.
51
Na Lavani amwĩa Yakovo, Sisya mbumbu ĩno, na sisya kĩtuĩ, kĩla naũngamya katĩ wakwa naku.
52
Mbumbu ĩno ĩthĩwe ũkũsĩ, na kĩtuĩ kĩĩ nakyo kĩthĩwe ũkũsĩ, kana nyie ndikakĩla mbumbu ĩno nũke kwaku, o naku we ndũkakĩla mbumbu ĩno o na kĩtuĩ kĩĩ wũke kwakwa, kwondũ wa ũthũku.
53
Ngai wa Avalaamu, na Ngai wa Naoli, nake nĩwe Ngai wa ĩthe woo, asile katĩ waitũ. Na Yakovo eevĩta kwa Kĩkĩo kya ĩthe wake Isaka.
54
Na Yakovo athemba nthembo kĩĩmanĩ, na ameta ana‐a‐ĩthe moke maye lĩu: nao maya lĩu, na mekala ũtukũ mũima kĩĩmanĩ.
55
Na kĩoko tene Lavani ookĩla, na amamumunya ana make na eĩtu make na amaathima: na Lavani auma vau, asyoka kwake.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50