bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Lamentations 3
Lamentations 3
Kamba (Mbivilia) 1956
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
1
Ninyie mũndũ ũla wonete thĩna nũndũ wa ndata ya ũthilĩku wake.
2
Nĩwandongoesye na kũtuma nĩkinya kĩvindunĩ, na ti kyeninĩ.
3
Vate ndĩi nũnthyũũĩaa kw’oko kwake ĩngĩ na ĩngĩ mũthenya w’onthe.
4
Nyama yakwa na kĩkonde kyakwa nĩwitw’ĩkĩthĩtye ngũũ; nũtũlĩte mavĩndĩ makwa.
5
Nĩwambakĩĩe, na kũnthyũlũlũkya na nyongo na thĩna.
6
Nũmbĩkalĩtye kũndũ kwĩ kĩvindu, o ta ala makwie tene.
7
Nũnziĩĩĩte, ũkethĩa nditonya kumaala; nũtw’ĩkĩthĩtye mũnyololo wakwa mũito.
8
Ĩĩ, yĩla ngũkaya na kwĩtya ũtethyo, nũnũũsiĩĩa mboya yakwa.
9
Nũvingĩte nzĩa syakwa na mavia masũvye; nũthyoeketye nzĩa syakwa.
10
Ailyĩ kwakwa ta nduva ĩkyoveesya, ta mũnyambũ kũndũ kwa syĩmbithĩ.
11
Nĩwelelũkilye nzĩa syakwa, na kũndembũanga ilungu; nũndw’ĩkĩthĩtye mũthei.
12
Nũkootete ũta wake, na kũmbia ta ũvano wa kũathwa na mũsyĩ.
13
Nũtumĩte mĩsyĩ ya thyaka wake ilĩka kĩlilikanonĩ kyakwa.
14
Nĩnĩtw’ĩkĩte wa kũthekwa kwa andũ makwa onthe, na wathi woo mũthenya w’onthe.
15
Nũmbusũĩtye na ũũ, nũmbũnĩthĩtye vyũ na kĩndũ kĩ ũũ.
16
Nũtũlĩte maeo makwa na tũvila twa thaathai; nũmbakangĩte mũu.
17
Nũvetete ngoo yakwa kũasa na mũuo; noolwa nĩ ũunĩko.
18
Nakwa naisye, Vinya wakwa nĩwaĩte, o na wĩkwatyo wakwa vala ve Yeova.
19
Lilikana ũnyamao wakwa na thĩna wakwa, kĩndũ kĩ ũũ na nyongo.
20
Kũvika na yu ngoo yakwa nĩnĩkũmalilikana, na kwĩnyivĩsya nthĩnĩ wakwa.
21
Ũu nĩngũlilikana; kwondũ wa ũu nĩ na wĩkwatyo.
22
Nũndũ wa moseo me wendo ma Yeova tũtikũminwa, nĩkwĩthĩwa matei make matithelaa.
23
Nĩ meũ kĩla kĩoko; kĩthito kyaku nĩ kĩnene mũno.
24
Yeova nĩ kĩanda kyakwa, yĩasya ũu ngoo yakwa; kwondũ wa ũu ngamwĩkwatya.
25
Yeova nĩ mũseo kwa ala mamweteelaa, kwa ngoo ĩla ĩmũmanthaa.
26
Nĩ ũseo mũndũ ethĩwe na wĩkwatyo na kweteela na ũuu ũtangĩĩo wa Yeova.
27
Nĩ ũseo kwa mũndũ kũkua ĩsoki wananĩ wake.
28
Nĩekale e weka na kũvindya, nĩkwĩthĩwa nũmwilĩĩle yo.
29
Nĩekĩe kanyw’a wake kĩtoonĩ, ethĩwa nĩw’o kũtonya kwĩthĩwa wĩkwatyo.
30
Nanengane ĩtau yake kwa ũla ũnũũmũkũna; nausũwe ki nĩ kũvũthw’a.
31
Nũndũ Mwĩaĩi ndakekya ũtee tene na tene.
32
O na kau nũnũkwĩw’ĩthya woo, ĩndĩ akeew’ĩa tei kwĩanana na wingĩ wa moseo make me wendo.
33
Nũndũ ndathĩnasya na kwenda, kana kũmew’ĩthya woo ana ma andũ.
34
Kũkinyangĩa ala ove onthe ma nthĩ ungu wa maũũ,
35
Kwathũkya kĩanda kya mũndũ mbee wa ũthyũ wa Ũla Wĩ Ĩũlũ wa Onthe,
36
Kũmũvĩtĩthya mũndũ ũvoonĩ wake, Mwĩaĩi ndetĩkĩlaa.
37
Nũũ ũla ũneenaa, na ũkekĩka, yĩla Mwĩaĩi ũtanawĩaĩa?
38
Kuma kanyw’anĩ wa Ũla Wĩ Ĩũlũ wa Onthe kũtyumaa ũthũku na ũseo?
39
Nũndũ wa kĩ mũndũ wĩ thayũ nũnyungunyĩasya, o mũndũ nũndũ wa ũsilĩlo wa naĩ syake?
40
Tũthianei na kũtata nzĩa sitũ, na kũmwĩthyũũĩa Yeova ĩngĩ.
41
Tũmũkĩlĩlyei Ngai ũla wĩ matunĩ ngoo sitũ vamwe na moko maitũ.
42
Nĩtũvĩtĩtye o na kũng’enda; ndwaaekea.
43
Nĩwĩvw’ĩkĩte ũthatu na kũtũatĩĩa; nĩwũaĩte, ndwaew’ĩa tei.
44
Nĩwĩvw’ĩkĩte ĩthweo, ũkethĩwa mboya o na yĩva ndĩtonya kũvĩta.
45
Nũtũtw’ĩkĩthĩtye ũvaavao na mavutĩ katĩ wa ngo sya andũ.
46
Amaitha maitũ onthe nĩmatwathamĩsye kanyw’a woo mũno.
47
W’ĩa na yĩla ĩima nitũkĩe, o na kĩtuu na wanangĩko.
48
Itho yakwa nĩyĩkũnyũlũlũkya tũlũsĩ twa methoĩ, ũndũ wa wanangĩko wa mwĩĩtu wa andũ makwa.
49
Itho yakwa nĩyĩkonosya, na yĩtikũeka, vate kũtĩĩa,
50
Kũvika yĩla Yeova wĩsisya nthĩ, na kwona e ĩtunĩ.
51
Itho yakwa nĩyĩũthĩn’ya ngoo yakwa, nũndũ wa eĩtu onthe ma ndũa yakwa.
52
Nĩmanzyĩmĩte mũno ta nyũnyi, ala me amaitha makwa vate kĩtumi.
53
Nĩmavetete thayũ wakwa kasũmbanĩ ke nthĩnĩ wa nthĩ, na kwĩkya ĩvia ĩũlũ wakwa.
54
Manzĩ maingĩ nĩmavĩtĩle ĩũlũ wa mũtwe wakwa; naisye, Nyĩe nĩ mũvete.
55
Nĩneekaĩlile syĩtwa yaku, ame Yeova, nĩ kasũmbanĩ ke nthĩnĩ wa nthĩ mũno mbee.
56
Nĩweewie wasya wakwa: ndũkavithe kũtũ kwaku ũndũ wa kũveva kwakwa, ũndũ wa kũkaya kwakwa.
57
Nĩwathengeeie mũthenya ũla nakwĩkaĩlile; waisye, Ndũkakĩe.
58
Ame Mwĩaĩi, nĩwateteie maũndũ ma ngoo yakwa; nĩwoovoisye thayũ wakwa.
59
Ame Yeova, nĩwonete ũndũ nĩkĩtwe; sila ũvoo wakwa.
60
Nĩwonete kwĩĩvanĩsya kwoo kw’onthe na mosũanĩo moo onthe ĩũlũ wakwa.
61
Nĩwĩw’ĩte kĩvũthya kyoo, ame Yeova, na mosũanĩo moo onthe ĩũlũ wakwa,
62
Ilomo sya ala mambũkĩlĩle, na ũsũanĩo woo ĩũlũ wakwa mũthenya w’onthe.
63
Sisya kwĩkala nthĩ kwoo, na kũkĩla kwoo; ninyie wathi woo.
64
Ũkamatũngĩa wĩkũle, ame Yeova, kwĩanana na wĩa wa moko moo.
65
Ũkamanenga wũmũ wa ngoo, kĩumo kyaku kwoo.
66
Ũkamaatĩĩa wĩ mũthatu, na kũmananga maume ĩtheo wa matu ma Yeova.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
All chapters:
1
2
3
4
5