bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Proverbs 16
Proverbs 16
Kamba (Mbivilia) 1956
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 17 →
1
Maũndũ maseũvye ma ngoo nĩ ma mũndũ; Ĩndĩ ũsũngĩo wa ũĩmĩ wumaa vala ve Yeova.
2
Mĩendele yonthe ya mũndũ nĩ mĩtheu methonĩ make mwene; Ĩndĩ Yeova athimaa maveva.
3
Mwiĩe Yeova mawĩa maku, Na mosũanĩa maku makalũlũmĩlw’a.
4
Yeova nũseũvĩtye kĩla kĩndũ na kĩtumi kyakyo; Ĩĩ, o na athũku kwondũ wa mũthenya wa ũthũku.
5
Kĩla mũndũ ũla wĩ na ngathĩĩo ngoonĩ nĩ ũthatyo kwa Yeova: O na ethĩwa kw’oko kũkakwatana na kw’oko, ndakatĩa kũkũnwa.
6
Kwondũ wa tei na w’o ũthũku nũvw’ĩkĩkaa; Na kwondũ wa kũmũkĩa Yeova andũ nĩmatiaa ũthũku.
7
Yĩla mĩendele ya mũndũ yendeesya Yeova, Atumaa o na amaitha make methĩwa na mũuo nake.
8
Kavaa kĩndũ kĩnini, vamwe na ũlũngalu, Kwĩ motandĩthyo manene vamwe na ũsili ũte wa katĩ.
9
Ngoo ya mũndũ nĩsũanĩaa nzĩa yake; Ĩndĩ Yeova atongoeasya matambya make.
10
Ũvuan’yo mwaĩlu wĩ ilomonĩ sya mũsumbĩ; Kanyw’a wake ndũkavĩtya kũtw’anĩ.
11
Kĩthimi kya w’o na latili sya w’o nĩ sya Yeova; Mavia onthe ma mũvuko ala mathimaa nĩ wĩa wake.
12
Nĩ ũthatyo kwa asumbĩ kwĩka ũthũku; Nũndũ kĩvĩla kya ũsumbĩ nĩkĩlũmaw’a nĩ ũlũngalu.
13
Ilomo ila ineenaa ũlũngalu nĩ ũtanu wa asumbĩ; Na mamwendaa ũla ũneenaa w’o.
14
Ũthilĩku wa mũsumbĩ nĩ ta atũmwa ma kĩkw’ũ; Ĩndĩ mũndũ mũĩ akoousya.
15
Kyeninĩ kya ũthyũ wa mũsumbĩ ve thayũ; Na kwonan’ya kwake kwa ũseo nĩ ta ĩthweo ya mbua ya uũa.
16
Kaĩ nĩ kavaa mũno kwĩthĩwa na ũĩ kwĩ thaavu! Ĩĩ, nĩ kavaa kũnyuva kwĩthĩwa na ũmanyi kwĩ vetha.
17
Lelũ wa ala alũngalu nĩ kũtia ũthũku; Ũla ũsũvĩaa mũendele wake nũsũvĩaa thayũ wake.
18
Ngathĩĩo nĩtongoeasya wanangĩko, Na veva wa wĩng’athĩlĩlyo nũtongoeasya kũvalũka.
19
Nĩ kavaa kwĩthĩwa na veva wa wĩnyivyo vamwe na ngya, Kwĩ kũaana mũtavo na ekathĩĩi.
20
Ũla wĩthukĩĩasya ndeto akona ũseo; Na ũla ũmũĩkĩĩaa Yeova nĩ mũtanu.
21
Ala oĩ ngoonĩ maketwa ma kĩlĩko; Na mũyo wa ilomo nĩwingĩvasya momanyĩsyo.
22
Ũmanyi nĩ mbuluti ya thayũ kwa ũla wĩ naw’o; Ĩndĩ kwonw’a mavĩtyo kwa ndia nĩ ũtumanu wasyo.
23
Ngoo ya ũla mũĩ nĩmanyĩasya kanyw’a wake. Na kwongela ũmanyĩsyo ilomonĩ syake.
24
Ndeto nzeo nĩ ta ĩwa, Syĩ mũyo kwa ngoo, na nivoasya mavĩndĩ.
25
Ve nzĩa ĩla ĩilyĩ ta ya w’o kwa mũndũ, Ĩndĩ mũminũkĩlyo wayo nĩ nzĩa sya kĩkw’ũ.
26
Nzaa ya mũthũkũmi nĩthũkũmaa kwondũ wake; Nũndũ kanyw’a wake nũmũthing’ĩĩsya.
27
Mũndũ ũte kĩĩĩ nũsũanĩaa ũthũku; Na ilomonĩ syake kwĩ ta mwaki ũvĩvasya.
28
Mũndũ wĩ ngũlũ nũnyaĩĩkasya ĩteta; Na ũla ũneenaa na kĩwe ataanasya anyanya anene.
29
Mũndũ mũng’endu asengasengaa mũtũĩ wake, Na kũmũtongoesya mũendelenĩ ũte mũseo.
30
Ũla ũlalasya metho make, nĩwĩkaa ũu asũanĩe maũndũ ma ngũlũ: Ũla ũtumanasya ilomo syake nũtumaa ũthũku wĩthĩwa.
31
Mũtwe wĩ mbuĩ nĩ ngovia ya ũsumbĩ ya ndaĩa; Ũkooneka nzĩanĩ ya ũlũngalu.
32
Mũmĩĩsya wa kũthata e kavaa kwĩ ũla wĩ na ũtonyi; Na ũla ũsumbĩkaa veva wake, e kavaa kwĩ ũla ũkwataa ndũa.
33
Mũlimano nĩwĩkĩtwe ngũanĩ; Ĩndĩ ũndũ ũkethĩwa no kwondũ wa Yeova.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31