bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Proverbs 8
Proverbs 8
Kamba (Mbivilia) 1956
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 9 →
1
Ũĩ ndũkayaa, Na ũmanyi kumya wasya waw’o?
2
Ĩũlũ wa kũndũ kũtũlu nzĩanĩ, Vala nzĩa ikomanĩe, nũũngamaa;
3
Vakuvĩ na mbingĩlo, ũlikĩlonĩ wa ndũa, Ũlikĩlonĩ mĩomonĩ, nĩwũkĩlĩlasya wasya mũnene:
4
Inyw’ĩ aũme, nĩngũmwĩta; Na wasya wakwa nĩ kwa ana ma andũ.
5
Inyw’ĩ mũte ũmanyi, manyai ũĩ; Na, inyw’ĩ ndia, ĩthĩwai na ngoo yĩ ũmanyi.
6
Ĩw’ai, nũndũ nganeena maũndũ manene; Na kũtumũka kwa ilomo syakwa kũkeethĩwa maũndũ ma w’o.
7
Nũndũ kanyw’a wakwa ũkaneena w’o; Na ũthũku nĩ ũthatyo kwa ilomo syakwa.
8
Ndeto syonthe sya kanyw’a wakwa nĩ ndũngalu; Vati ũndũ mũthyoeku kana ngũlũ nthĩnĩ wasyo.
9
Syonthe syĩ ũtheinĩ kwa ũla ũmanyaa, Na sya w’o kwa ala monaa ũmanyi.
10
Osa ũmanyĩsyo wakwa, na ti vetha; Na ũmanyi kwĩ thaavu mũseo mũno.
11
Nũndũ ũĩ nĩ kavaa kwĩ tũvila twa maliani; Na syĩndũ syonthe ila itonya kwendua ititonya kũelekanw’a naw’o.
12
Nyie ũĩ, nĩndw’ĩte kĩlĩko vandũ vakwa va ũtũa, Na kũmantha ũmanyi na ũi wa kĩlĩko.
13
Kũmũkĩa Yeova nĩkw’o kũmena ũthũku: Ngathĩĩo, na wĩnenevyo, na mũendele mũthũku, Na kanyw’a wĩ ngũlũ, isu nĩngwimena.
14
Ũtao nĩ wakwa, na ũĩ mwĩanĩu: Ninyie ũmanyi; nĩ na ũtonyi.
15
Kwondũ wakwa asumbĩ nĩmasumbĩkaa, Na anene me mbee ũsumbĩnĩ nĩmatusaa katĩ.
16
Kwondũ wakwa anene me mbee ũsumbĩnĩ nĩmasumbĩkaa, Na ala me ndaĩa, o na asili onthe ma nthĩ.
17
Nĩnĩmendaa ala mambendaa; Na ala mamanthaa na kĩthing’ĩĩsyo makambona.
18
Ũthwii na ndaĩa syĩ nakwa; Ĩĩ, ũthwii ũla wĩkalaa na ũlũngalu.
19
Ũsyao wakwa nĩ mũseo kwĩ thaavu, ĩĩ, kwĩ thaavu mũseo mũno; Na wongeleko wakwa kwĩ vetha mũseo.
20
Nĩendaa nzĩanĩ ya ũlũngalu, Katĩ wa nzĩa sya ũsili wa katĩ;
21
Nĩ kana nĩtume ala mambendaa matiĩwa ũthwii, Na nĩ kana nusũsye kũndũ kwoo kũla kwiawa ũthwii.
22
Yeova aĩ nakwa mwambĩlĩlyonĩ wa nzĩa yake, Mbee wa mawĩa make ma tene.
23
Nĩnookĩlilw’e kuma tene tene, kuma mwambĩlĩlyonĩ, Nthĩ ĩtanamba kwĩthĩwa.
24
Yĩla kũtaĩ syũngũ, nyie nĩnaumĩlĩtw’e, Yĩla kũtaĩ nthongo syĩ na manzĩ maingĩ.
25
Iĩma itanamba kũlũlũmĩlw’a, Mbee wa tũlĩma nyie nĩnaumĩlĩtw’e;
26
Yĩla ũtaĩ anamba kũtw’ĩkĩthya nthĩ, kana isesi, Kana mwambĩlĩlyo wa kĩtoo kya nthĩ.
27
Yĩla walũmilye matu, naĩ vo: Yĩla waiie kilinge ĩũlũ wa ĩ kyũngũ,
28
Yĩla walũmilye matu ĩũlũ, Yĩla nthongo sya ĩ kyũngũ syatw’ĩkie syĩ vinya,
29
Yĩla wanengie ũkanga mũvaka waw’o, Kana manzĩ matikavĩtye mwĩao wake, Yĩla watwie myambĩlĩlyo ya nthĩ;
30
Ĩvinda yĩu naĩ vakuvĩ nake, mũthũkũmi mũnene; Na naĩ ũtanu wake kĩla mũthenya, Ngĩtanĩa mavinda onthe mbee wake,
31
Ngĩtanĩa nthĩ yake ĩtwĩe andũ; Na ũtanu wakwa waĩ na ana ma andũ.
32
Yu kwondũ wa ũu, ana makwa, mbĩthukĩĩsyai; Nũndũ nĩ aathime ala makwataa nzĩa syakwa.
33
Ĩw’ai ũmanyĩsyo, na ĩthĩwai oĩ, Na mũikolee.
34
Nĩmũathime mũndũ ũla ũmbĩw’aa, Akĩsyaĩĩsya kĩla mũthenya mbingĩlonĩ syakwa, Akyeteela mĩtĩnĩ yĩ ndee sya mĩomo yakwa.
35
Nũndũ ũla ũmbonaa nĩwonaa thayũ, Na akoona ũseo kwa Yeova.
36
Ĩndĩ ũla ũmbĩtanĩasya nĩwĩkaa ngoo yake mwene naĩ: Na onthe ala mamenaa nyie mendaa kĩkw’ũ.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31