bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
John 2
John 2
Kamba (MBIVILIA ŨVOO MŨSEO)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
1
Ĩtina wa mĩthenya ĩlĩ, kwaĩ mũtwaano ndũanĩ yĩtawa Kena nthĩ ya Kalilii, na Inyia wa Yesũ aĩ vo.
2
Yesũ vamwe na amanyĩw'a make o namo nĩmathoketw'e mũtwaanonĩ ũsu.
3
Yĩla ndivai yathelile, inyia wa Yesũ nĩwamwĩie atĩĩ, “Nĩmathelelwa nĩ ndivai.”
4
Yesũ amũkũlya atĩĩ, “Mwaitũ, wĩnthĩnĩsya kĩ ũndũnĩ ũũ? Saa wakwa ndũnamba kũvika.”
5
Nĩvo ĩndĩ inyia wa Yesũ wameie andũ ala mathũkũmaa atĩĩ, “Ũndũ ũla ũkũmwĩa mwĩke, wĩkei.”
6
Vau vaĩ mbisũ thanthatũ sya mavia syatw'ĩĩkanĩtw'e vo, na kĩla ĩmwe yaĩ ĩtonya kũlika maleve elĩ kana atatũ ma kĩw'ũ. Mbisũ isu syaiĩtwe vau kwondũ wa vata wa Ayuti wa kwĩthesya kwĩanana na kĩthĩo kyoo.
7
Yesũ nĩweeie ala athũkũmi atĩĩ, “Usũsyai mbisũ ĩsu na kĩw'ũ.” Namo mautĩĩa kĩw'ũ syausũa ki.
8
Nĩvo ĩndĩ wameie atĩĩ, “Tavai kĩmwe yu mũtwaĩe mũũngamĩi wa kyathĩ.” Nĩmeekie ũu,
9
nake mũũngamĩi wa kyathĩ asama kĩla kĩw'ũ kĩalyũlĩtwe kĩkatw'ĩka ndivai. Ndaamanya vala yauma (no ala athũkũmi mautĩte kĩw'ũ meesĩ), na kwoou athi amwĩta mũtwaani,
10
amwĩa atĩĩ, “Andũ onthe maumaalasya ndivai ĩla nzeo mbee, na aeni manyw'a mũno ayumaalya ĩndĩ ndivai ĩla ĩte nzeo mũno, ĩndĩ we wiie ndivai ĩla nzeo wĩse kũmyumaalya yu.”
11
Kĩĩ nĩkyo kyama kya mbee kĩla Yesũ weekie, na akĩkie ndũanĩ ya Kena nthĩ ya Kalilii; vau nĩwoonanisye ũkumyo wake na amanyĩw'a make mamũĩkĩĩa.
12
Ĩtina wa ũu, Yesũ nĩwatheeie Kavelinaũmu e na inyia wake, ana-a-inyia make, amanyĩw'a make, na mekala kw'o matukũ mavũthũ.
13
Ĩvinda ya mboka ya Ayuti ya Vasaka nĩyathengeeie, na kwoou Yesũ athi Yelũsalemu.
14
Kũu Ĩkalũnĩ nĩweethĩie andũ maithoosya ng'ombe, malondu na ndumbũ, na angĩ ala mavunzasya mbesa mailyĩ nthĩ.
15
Nĩwaseũvisye mũsalisa wa ndii na amalũngya onthe kuma Ĩkalũnĩ, vamwe na ng'ombe na malondu moo. O ta ũu, nĩwavalaanilye mbesa sya ala mavunzasya na ang'uthũlanga mesa syoo.
16
Nĩvo ĩndĩ weeie andũ ala mathooasya ndumbũ atĩĩ, “Vetangai syĩndũ ii vaa; mũtonya ata kũtw'ĩkĩthya nyũmba ya Asa wakwa ndũnyũ?”
17
Amanyĩw'a make nĩmalilikanile kana nĩkũandĩkĩtwe Maandĩkonĩ Matheu: “Wendo wakwa kwa nyũmba yaku nũũndya.”
18
Nĩvo ĩndĩ atongoi ma Ayuti mamũkũlilye Yesũ atĩĩ, “Wĩĩka kyama kĩva kya kũtwony'a kana wĩ na ũkũmũ wa kwĩka ũndũ ũũ?”
19
Yesũ nĩwameie atĩĩ, “Anangai Ĩkalũ yĩĩ na ngayaka ĩngĩ na mĩthenya ĩtatũ.”
20
Namo mamũkũlya atĩĩ, “Ĩkalũ yĩĩ yaakiwe vandũ va myaka mĩongo ĩna na thanthatũ, we nũkũyaka na mĩthenya ĩtatũ?”
21
Ĩndĩ ĩkalũ yĩla Yesũ waneenaa ĩũlũ wayo nĩ mwĩĩ wake.
22
Kwoou yĩla wathayũũkie kuma kwa akw'ũ, amanyĩw'a make nĩmalilikanile kana nĩwawetete ũndũ ũsu, na maĩkĩĩa kĩla kyaandĩkĩtwe Maandĩkonĩ Matheu na ila ndeto Yesũ waneenete.
23
Yesũ e Yelũsalemu ĩvindanĩ ya Mboka ya Vasaka, andũ aingĩ nĩmamũĩkĩĩie nũndũ wa kwona syama ila weekaa.
24
Ĩndĩ Yesũ ndaameyĩelela, nũndũ nĩweesĩ andũ.
25
Ndaĩ na vata wa kũtavw'a nĩ mũndũ ĩũlũ wa andũ, nũndũ we mwene nĩweesĩ kĩla kĩ ngoonĩ sya andũ.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21