bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Lamentations 3
Lamentations 3
Kamba (MBIVILIA ŨVOO MŨSEO)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
1
Ninyie nakwatie mathĩna, nũndũ wa ũkũno wa ũthatu wa Mwĩai Ngai.
2
Nĩwandongoeisye atuma nĩsĩla kĩvindunĩ, vandũ va kwĩsĩla kyeninĩ.
3
Kwa w'o mũthenya w'onthe, nũtambũũkasya kw'oko kwake ĩũlũ wakwa, nĩ kana angũne ĩngĩ na ĩngĩ.
4
Nũtumĩte kĩkonde kyakwa na nyama syakwa syĩthĩwa syĩ ngũũ, na nũtũlangĩte mavĩndĩ makwa.
5
Nũnthyũlũlũkĩte na akambĩlingĩla na woo na mathĩna.
6
Nũtumĩte nĩkala kĩvindunĩ, ta ala makwie tene.
7
Nũnthyũlũlũkĩlye ũkũta nĩ kana ndikakĩe; nũmbovete na nyololo ndũmu.
8
O na yĩla neetana kana nakaya nĩtetheew'e, ndethukĩĩasya mboya yakwa.
9
Nũvingĩte nzĩa syakwa na mavia manene, na nũkonzete nzĩa syakwa.
10
Kwakwa ailyĩ ta nyamũ yĩtawa nduva yovetye yĩvithĩte; ta mũnyambũ wĩvithĩte.
11
Nĩwambelelũkilye kuma nzĩanĩ yakwa; andw'ĩkĩthya kĩema na andia nde kĩndũ.
12
Nĩwakootie ũta wake, na andw'ĩkĩthya kĩndũ kyake kya kũatha na maangi make.
13
Nũtonyete ngoo yakwa, na maangi kuma thyakanĩ wake.
14
Nĩtw'ĩkĩte kĩndũ kya kũthekeewa nĩ andũ onthe, mainaa mbathi sya kũmbũthya mũthenya w'onthe.
15
Nũtumĩte nĩthĩna mũno ta mũndũ ũnyw'ĩthĩtw'e kĩndũ kĩ wũũ. Nũmbũnĩthĩtye na nyongo.
16
Nũtumĩte ndanyuka tũvila twa thaathai na maeo makwa, na kũnginyangĩa kĩtoonĩ.
17
Thayũ wakwa nũvetewe mũuo, nĩnũlĩtwe nĩ ũtanu.
18
Kwoou nĩasya atĩĩ, “Ũkumyo wakwa na wĩkwatyo wakwa vala ve Mwĩai Ngai nĩ mũthelu.”
19
Nalilikana thĩna na kwanganga kwakwa, nĩw'aa wũũ ta nanyw'a mũtĩ wĩ wũũ kana nyongo.
20
Thayũ wakwa nũlilikanaa maũndũ asu kĩla ĩvinda, na ngĩkw'a ngoo.
21
Ĩndĩ nĩnĩlilikanaa ũndũ ũũ ũmwe, na kwoou ngĩthĩwa na wĩkwatyo:
22
Kana wendo ũtaolekaa wa Mwĩai Ngai ndũthelaa, matei make maithelaa.
23
Methĩawa meũ kĩla kĩoko; ũĩkĩĩku wake nĩ mũnene mũno.
24
Naĩtye ngoonĩ yakwa atĩĩ, “Mwĩai Ngai nĩwe kyonthe kĩla nĩ vata nakyo, kwoou ngamwĩkwatasya.”
25
Mwĩai Ngai nĩ mũseo kwa ala mamwĩkwatasya, nĩ mũseo kwa ũla ũmũmanthaa.
26
Nĩ ũseo mũndũ kweteela na wũmĩĩsyo, ũtangĩĩo wa Mwĩai Ngai.
27
Nĩ ũseo mũndũ emanyĩsye kwĩthĩwa na mwĩkalo mũseo kuma e mũnini, ũndũ nzaũ yĩkĩawa ĩsoki yĩmanyĩsye wĩa.
28
Nĩekale nthĩ e weka avindĩtye, yĩla Mwĩai Ngai waeka akwatwa nĩ maũndũ maito.
29
Nĩenyivye kwa kũkoma nthĩ na ĩvu, no kwĩthĩwa ve o wĩkwatyo.
30
Nĩamũthyũũĩe ĩtau yake ũla ũkũmũkũna, na ayũmĩĩsya kũumangwa.
31
Nĩkwĩthĩwa Mwĩai ndakekya andũ ũtee tene na tene.
32
Ĩndĩ o na aete kyeva akeew'a tei ĩngĩ, kwĩanana na wingĩ wa wendo wake ũtaolekaa.
33
Nĩkwĩthĩwa ndendeeaw'a nĩ kũthĩny'a andũ, kana kũmaetee kyeva.
34
Mwĩai ndendeeaw'a ala ove ĩũlũ wa nthĩ maithĩnw'a na kũkinyangĩwa nthĩ,
35
kana mũndũ akĩimwa kĩla kĩmwaĩlĩte, na kũvĩtya mĩao ya Ngai Ũla wĩ Ĩũlũ Mũno.
36
O na ndendaa ĩkoani ya mũndũ yĩyelelũkw'a kotinĩ.
37
Nũũ ũtonya kwĩaa ũndũ ũkekĩka, Mwĩai atavangĩte wĩkĩke?
38
Ũla wĩ Ĩũlũ Mũno nĩwe ũtonya kwĩaa, maũndũ maseo na maũndũ mathũku makekĩka.
39
Mũndũ ũla wĩ thayũ anyungunyĩasya nĩkĩ, yĩla wakanw'a nũndũ wa naĩ syake?
40
Nĩtũsisyei na kũsũanĩa ĩũlũ wa mwĩkalĩle witũ, na tũimũsyokea Mwĩai Ngai.
41
Nĩtũmũvoyei Ngai ũla wĩ ĩtunĩ na ngoo sitũ, tũmũkĩlĩlye moko maitũ tũyasya atĩĩ:
42
“Nĩtũvĩtĩtye na kũng'enda, ĩndĩ we Mwĩai ndũnamba kũtũekea.
43
“We Mwĩai Ngai nĩwĩvw'ĩkĩte ũthatu ta ngũa, ũkatũatĩĩa ũkatũaa vate tei.
44
Nĩwĩvw'ĩkĩte ĩtu ũkethĩa vai mboya ĩkũvikĩa.
45
Nũtũtw'ĩkĩthĩtye mavuti na ĩko, katĩ wa andũ ĩũlũ wa nthĩ.
46
“Amaitha maitũ onthe nĩmatũthekeeaa.
47
Nĩtũkwatĩtwe nĩ w'ĩa na tũkakwatw'a nĩ mũteo, nĩtwanangĩtwe na tũkaminwa.
48
Metho makwa metĩte methoi ta kĩw'ũ, nũndũ andũ makwa nĩ amine!
49
“Methoi makwa meendeea kwĩtĩka mate kũthela, maikaeka kwĩtĩka,
50
nginya yĩla Mwĩai Ngai wĩsisya e ĩtunĩ, na ayona thĩna witũ.
51
Yĩla noona mathĩna ala makwataa aka ma ndũa yakwa, nĩngwatawa nĩ kyeva.
52
“Nĩnĩsyĩmĩtwe ta nyũnyi, nĩ ala mamenaa vate kĩtumi.
53
Nĩmambĩkisye ĩimanĩ nĩ thayũ, na mangimanga na mavia.
54
Kĩw'ũ nĩkyambw'ĩkie nginya mũtwe, na nasũanĩa nasya atĩĩ, ‘Ũũ nĩw'o mũminũkĩlyo wakwa.’
55
“Nĩneekaĩlile ĩsyĩtwa yaku we Mwĩai Ngai, nĩ ĩimanĩ yĩu ĩliku.
56
Nakwĩkaĩlile ngyasya atĩĩ, ‘Ndũkavinge matũ maku ũlee kwĩw'a ngĩkwĩkaĩla.’
57
Yĩla nakwĩtie, nĩwookie vakuvĩ nakwa, na wambĩa atĩĩ, ‘Ndũkakĩe.’
58
“We Mwĩai nĩwandeteie, na watangĩĩa thayũ wakwa.
59
We Mwĩai Ngai nĩwonete mothũku ala nĩkĩtwe; ndw'ĩĩe sila wa katĩ.
60
Nĩwĩsĩ ũndũ amaitha makwa mamenete, na ũndũ mambangĩaa mĩvango mĩthũku.
61
“We Mwĩai Ngai nĩwĩw'ĩte moumangano moo, na mĩvango yoo mĩthũku ĩũlũ wakwa.
62
Amaitha makwa maneenaa na kũsũanĩa mũthenya mũima ũndũ matonya kũmina.
63
Kĩla ĩvinda o na mayĩka ata, mainaa mbathi sya kũmbũthya.
64
We Mwĩai Ngai maĩve kwĩanana na meko moo.
65
Tuma methĩwa na ilĩko ngomu, na ũimaumanĩa!
66
Maatĩĩe wĩ mũthatu na ũimamina, mavete ĩũlũ wa nthĩ.”
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
All chapters:
1
2
3
4
5