Hosea 6

Kalenjin Bible Revised (BUKUIT NE TILIIL Sireet ne Dutero Kanon)

← Chapter 5 Jump to: Chapter 7 →

1“Obwa, keeweekyigei Kamuktaindet ne Toroor: amu ki kogereerech ak konyaech; ki kobirech ak inyaech.

2Isoobech ye ibata peetuusyek aeng'u: ak kong'eeteech eng' peetuut ne po somok, ak kesapche eng' tainnyi.

3Ongenai anyun, ongetestai kenai Kamuktaindet ne Toroor; mong'u iman ko uu ye eechei: ak nyoonjinech ko uu ropta, ko uu ropta ne po let ne ibisi ng'wony.”

4Ee Ephraim, ayaun nee? Ee Judah, ayaun nee? Amu uu myeeindong'wong' pooldet ne po karon, ak ko uu rewoot ne sip kobetei.

5Ki awai anyun icheek eng' maotik; ki abare icheek ng'aleegap kutinnyu: ak uu kirwoogutiguk lapkeiyet ne mong'u.

6Amu amache rireenetapkei, ma mache tiseiywot; ak amache naet konai Kamuktaindet kosiir kagoochinoik che kibeelei.

7Ago ki kobistoe icheek kayomiset ko uu Adam: ki koberbera eng' olooto.

8Gilead ko nganaseetap icheek che yaei tengekto, ki kimurwon eng' korotiik.

9Ko uu ye sapchin lugosyegap rebiik chii, ko uu nooto kweanetap tisiik, parisyoti eng' ooreet ne tokyingei Shekem; ee, ki koyai yaityet.

10Ki ageer kiit ne samis eng' kootap Israel: mi kugoinatet, Ephraim: ki king'wanit Israel.

11Ee Judah, mi kogeny kesisyet ne kigeng'atun, ye tuun amutu kogeny piikyuk che kigeluul.

← Chapter 5 Jump to: Chapter 7 →