bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Deuteronomy 11
Deuteronomy 11
Kalenjin Bible (BUKUIT NE TILIL)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 12 →
1
Cham anyun Jehovah Kamuktaindeng’ung’, ak irib kotigonennyi, ak konetisiosiekyik, ak kiruogutikyik, ak ng’atutikyik kotugul.
2
Onai ra: amu mang’alaljini lagokwok che tom konai, che tom kogeer kotigonetab Jehovah Kamuktaindeng’wong’, etunatennyi, ak kamuktaennyi, ak eunnyi ne chuulat,
3
ak kaborunoikyik, ak boisionikyik, che kiyachi Parao laitoriatab Misri ak emennyi komugul, eng’ kwenutab Misri;
4
ak kit ne kiyachi lugetab Misri, ak mbartanyisiekwak, ak karisiekwak: ko u ye kiigochi komaluuch beekab Nyanjet ne Birir ye kiisubwok, ak kiiwong’ Jehovah ichek ko u noto agoi rani;
5
ak kit ne kiyaiywok eng’ ong’atet, agoi oitu yuto;
6
ak kit ne kiyachi Datan ak Abiram, werikab Eliab, weritab Reuben; ko u ye kiyat ng’ony kutinnyi, ak kolugui, koboto bikwak, ak emaisiekwak, ak tuguk tugul che soptos che kikwerioti ichek, eng’ kwenutab Israel tugul:
7
ago kigogeer konyekwok boisionik tugul che eechen che kiyai Jehovah.
8
Orib anyun ng’atutiet komugul ne kaang’atak rani, si ogimegitu, si oit emet ne obendi oname kobunjok;
9
si kochang’a betusiekwok eng’ emonoto, ne kiiyosiechi Jehovah kwanisiekwok kole igochin ichek ak iyotenywa ne biitu let, emet ne nyiitat chego ak kumik.
10
Amu ma u emet ne obendi oname kobunjok emetab Misri ne kiobunu, ole kiigole kesweguk, ak kiibisisie keldang’ung’, ko u kabungui:
11
ago emet ne olang’jini omenye, kotinyei tulonok ak tembwosiek, ne eei beek che bo roptab kipsengwet:
12
ribei emonoto Jehovah Kamuktaindeng’ung’; keerei Jehovah Kamuktaindeng’ung’ emonoto koboch taunetab kenyit agoi kogesgei kenyit.
13
Egu anyun, ngot ogas it eng’ kagiiletab ge ng’atutikyuk che kang’atak rani, ngocham Jehovah Kamuktaindeng’wong’, oboisiechi inendet eng’ mugulelwekwok tugul ak eng’ sobonwekwok tugul,
14
agonok anyun ropta ne bo emeng’wong’ eng’ betusiekyik, roptab iwotkut ak ne igesunegei, si iges beguk, ak divaiguk, ak mwaniguk.
15
Ak agonu suswek che bo tuguk eng’ emeng’ung’, ak iamisiei ibiye.
16
Oripgei anyun, si ma kiberber mugulelwekwok, ak omaste, oot kanamonik ak ogutung’ji;
17
ak kolalyo neregekab Jehovah eng’ okwek, ak koger kipsengwet, si ma koroboni, si ma koiyei emet; ak osib obegu eng’ emet ne kararan ne konok Jehovah.
18
Ogonore anyun ng’alechuchuk mugulelwekwok ak sobonwekwok; ak oratyi eunekwok koek kaborunet, ak koek ratutik che kirate anok eng’ turietab togochikwok.
19
Ak onet lagokwok choto, ye ong’alaldosi, ye itebye eng’ gong’ung’, ak ye iwendoti ak ye irue, ak ye ing’eete.
20
Ak isirji tugatugikab gong’ung’, ak ormarichoguk:
21
si ko u ye ta komi kipsengwet ak ng’ony, tesoksei ko u noto betusiekwok, ak betusiekab lagokwok, eng’ emet ne kiiyosiechi Jehovah kwanisiekwok kole igochin.
22
Amu ngorib eng’ kagiiletab ge ng’atutioni komugul kaang’atak rani, oyai; ocham Jehovah Kamuktaindeng’wong’, obendate ortinwekyik tugul, ak onamge ak inendet;
23
koon anyun Jehovah bororiosiechu tugul eng’ taing’wong’, ak oluul bororiosiek che eechen che kimen kosiirok.
24
Bunjinok oldo tugul ole katiech kelyekwok: koboch ong’atet, ak Lebanon, koboch ainet, ainonoto Euprate, agoi nyanjet ne tokyingei ole roroktoe asista, oloto kiwoteng’wong’.
25
Mabiitu chi ne imuchi kotonon eng’ taing’wong’: igochin Jehovah Kamuktaindeng’wong’ koiyweak ak kogonyitok emet komugul ne otieche, ko u ye kimwawok.
26
Ogeero, kande taing’wong’ rani kaberuret ak chubisiet:
27
egu kaberuret ngogas ng’atutikab Jehovah Kamuktaindeng’wong’, che kaang’atak rani;
28
ak egu chubisiet ngo mogas ng’atutikab Jehovah Kamuktaindeng’wong’, ngomaste eng’ oret ne kaang’atak rani, osub kanamonik, che tom onai.
29
Ak ye tun kagoitin Jehovah Kamuktaindeng’ung’ emet ne iname kobunjin, inde kaberuret tulwetab Gerisim, ak inde chubisiet tulwetab Ebal.
30
Tos mami choto Jordan bitonin, ole tokyingei ole roroktoe asista, eng’ emetab Kananik che menyei Araba, ole tokyingei Gilgal, ole negite ketikab More?
31
Amu olandae Jordan obendi oname emet ne konok Jehovah Kamuktaindeng’wong’, kobunjok, ak omeny oloto.
32
Ak orib oyai konetisiosiek ak kiruogutik tugul che kande taing’wong’ rani.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34