bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Deuteronomy 22
Deuteronomy 22
Kalenjin Bible (BUKUIT NE TILIL)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 23 →
1
Ama, ye igeer tetab ne otupche anan kechiriennyi kobetoti, iung’egei: kwerichi iman ne otupche.
2
Ak ngo manegitenen ne otupche, anan ngo mengen inendet, igetu anyun konyo gong’ung’, ak kotebe oldang’ung’ agoi kocheng’an ne otupche, ak iweekyi.
3
Ak iyai ko u noto eng’ sigiriennyi; ak iyai ko u noto eng’ ngoriennyi; yai ko u noto anyun eng’ kiy age tugul ne kabet ne bo tupcheng’ung’, ne kabetyi, ago kainyoru: ameuny ge.
4
Ama, ye igeer sigirietab tupcheng’ung’ anan tennyi ne kagobut eng’ oret taban, iung’egei: kanyol itoret kong’eet.
5
Amat kolaach kobogoriondo che bo murenik, anan kolaach mureno ngoriet ne bo kobogorio: amu age tugul ne yaei tuguchuto, ko wegot eng’ Jehovah Kamuktaindeng’ung’.
6
Ngigeer keswetab taritiet eng’ oret, eng’ ket age tugul anan eng’ ng’ony, komi arek anan koik, kosiebei kamet arek, anan koik, ko mat iib kamet koboto arek:
7
kanyol iunde kamet kwo, ago imuchi iipchigei arek; si komieit eng’ inye, ak kochang’a betusieguk.
8
Ye iteech got ne leel, itegel got barak iyiem kotuiyo, si meipchi gong’ung’ korotik, ngo chirkwin chi eng’ oloto.
9
Ameminji mbareng’ung’ ne bo sabibuk keswek che bo ortinwek aeng’ che terotin: si ma kiistoenen tugul, keswek che kiigol, ak ruratetab mbareng’ung’ ne bo sabibuk.
10
Ameratyine eito ak sigiriet ye ibati mbaret.
11
Amelaach ngoriet ne kigiburuch kororikab kechirek ak katanit.
12
Napchi sawoinik ngorieng’ung’ ne itugegei, eng’ tabanwekyik ang’wan.
13
Ngotun chi osotiot, ak kwo ole mi, ak kowech,
14
ak komwaita ng’alekab tewernatet agobo inendet, ak kotaam eng’ ng’alek che yaach, kole, Kiatun osotiondoni, ak ye kingarikyi, ko mageerji tuguk che iboru bergeinatet:
15
koipchi anyun kwandab cheboto ak kamet boisiek eng’ ormarichetab nganaset tuguk che iboru bergeinatetab cheboto:
16
yeityo kolenji kwanitab cheboto boisiek. Kiagochi murenoni cheptanyu kotun, ago kowech; ma cham;
17
ogeero, kigotewer, kole, Mageerji cheptang’ung’ tuguk che iboru bergeinatet; ago chu tuguk che iboru bergeinatetab cheptanyu. Yeityo koito ngoriet eng’ taitab boisiekab nganaset.
18
Konam anyun boisiekab nganasanato murenonoto kotigon;
19
ak komage inendet sekelisiek bogol che bo feda, si kogochi kwandab cheboto, amu kiitaam eng’ ng’alek che yaach bergeiyat ne bo Israel: ak egu osotiondennyi: maimuchi kobagakta eng’ betusiekyik tugul.
20
Ago ngo bo iman ng’olyondonito, kele ma kinyorji cheboto tuguk che iboru bergeinatet:
21
kimut anyun cheboto agoi kurgetab gotab kwandanyi, ak kolage inendet koik murenikab nganasennyi kot kome: amu kiyai abusnatet eng’ Israel, amu kiyai kugoinatet eng’ gotab kwandanyi: iste anyun ko u noto yaitiet eng’ kwenung’ung’.
22
Nginyoru chi ne ibegei ak kwondo ne kigitunji chito age, kebarei tuwai, chichoto koboto kwonyoto; iste anyun ko u noto yaitiet eng’ Israel.
23
Ngo mi chepto ne bergeiyat ne kigeyachi koito, ak konyorji chi nganaset ak koruiyo ak inendet;
24
omutu tuwai kobwa kurgetab nganaset, ak olage koik kobek: cheboto, amu ma waach, ago kimi nganaset: ak murenonoto, amu kagotewer osotiotab chitab kokwennyi: iste anyun ko u noto yaitiet eng’ kwenung’ung’.
25
Ago ngo nyor mureno chepto eng’ timin, noto kigeyachi koito, ak kosuub, koipgei; kebarei murenonoto inegei:
26
ago meite kiy cheboto; matinyei cheboto tengekto ne nyoljin meet: amu u chito ne kang’eetyi chitab kokwennyi ak kobar, u noto agine ng’olyondonito:
27
amu kinyorji timin; ak kiwaach cheboto kiga keyachi koito, ama biit chi ne kisor.
28
Ngonyor mureno chepto ne bergeiyat, ne tom kigochi chi, ak kosuub, ak koruiyo tuwai, ak ngenyor;
29
ingogochi murenonoto karuiyo tuwai kwandab cheboto sekelisiek konom che bo feda, ak koek osotiondennyi, amu koitewer; maimuchi kobagakta agoi.
30
Amat konam chi osotiotab kwandanyi, anan kong’any ach ngoritab kwandanyi.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34