bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Lamentations 3
Lamentations 3
Kalenjin Bible (BUKUIT NE TILIL)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
1
A chito ne kiageer nyalildab kiroktab neregekyik.
2
Kigondoiywa ak kogena awendote mesundeito ama eng’ lapkeiyet.
3
Iman kiitocha eunnyi konyil ak konyil betut komugul.
4
Kigoyai bortanyu ak iririondennyu koosegitu; kigoiri kowekyuk.
5
Kigong’ota kogirindaa ak koyiemena kipsegetetiet ak ng’wanindo.
6
Kigogona ameng’ot ole imen, ko u che kigobek keny.
7
Kigong’ota, kot ko ma amuchi amanda; kigoyai sirimdanyu konyigisit.
8
Ee, ye arire ak aguursei agobo toretet, kogerjin sang’ saennyu.
9
Kigong’ote ortinwekyuk koik che kigiwai, kigogunur ortinwekyuk.
10
U inendet tiondo ne u keerit ne sapchina, ko u ng’etundo eng’ komoswek che ung’otin.
11
Kigomaas ortinwekyuk, ak kotonatona; kigoyaa aek banan.
12
Kigoriich kwangennyi ak kondea aek kit ne kimwogei.
13
Kigogochi kipchabonikab motiennyi kochut suennyu.
14
Kiaegu ne rorechin bikyuk tugul; ak aegu tiendanywa bet komugul.
15
Kigonyiita ng’wanindo, kigogona abiyo ng’wonet.
16
Kigoirie kelekyuk kibargook, kigotugena orek.
17
Ak kiiste sobondanyuu kolooit eng’ kalyet; kiautie borotet.
18
Ak kiamwa ale, Kagolus kimnatennyu, koboto kamang’unennyu eng’ Jehovah.
19
Ibwat nyalildanyu ak bichiindanyu, ng’wonet ak kipsegetetiet.
20
Ta kobwati sobondanyu choto, ak kong’uruksei eng’ orinnyu.
21
Abwati nito, atinye anyun kamang’unet amu noto.
22
Ki rirenosiekab Jehovah kityo si ma kigeswech, amu mararu rirenosiekyik.
23
Leelachen rirenosiekyik karonet age tugul; o imandang’ung’.
24
Jehovah ko kebebertanyu, mwaei sobondanyu; amang’u inendet anyun amu noto.
25
Mie Jehovah eng’ icheget che igeni inendet, eng’ sobondo ne cheng’ei inendet.
26
Mie eng’ chito komang’ ak kogen eng’ muitaet yetunetab Jehovah.
27
Mie eng’ chito kogesen chogit eng’ betusiekab ming’inatennyi.
28
Ingoteb inegei ak kosis, amu kigesenji Jehovah inendet.
29
Ingotoore kutinnyi temburiek; tamangab kobiit kamang’unet.
30
Ingogochi matandanyi inendet ne irabachi; inginyiit inendet chotisiet.
31
Amu matimdoi Kiptaiyat agoi.
32
Amun agot nga kon arogenet, kota korire ko u chang’indab rirenosiekyik.
33
Amu mainyalilisiei kokwetyin, anan kogochi arogenet werikab bik.
34
Machamei Kiptaiyat kotiechatiech kimonjororinik tugul che bo ng’ony.
35
Anan kimaase chi imaninnyi eng’ taitab Inendet ne Toror Mising’,
36
Anan kibeet chi eng’ ng’olyondennyi.
37
Ng’o inendet ne mwaei ak kosulda kioto, ngot ko mang’at Kiptaiyat kioto?
38
Tos mamong’une kutitab Inendet ne Toror Mising’ yaitiet ak mieindo?
39
Amu nee anyun si kong’unyng’uny chito, chito ne kagibir agobo tengekwogikyik?
40
Ongisiach ak ketiem ortinwekyok, si keweekyige kogeny Jehovah.
41
Ongetokyi mugulelwekyok koboto eunekyok Kamuktaindet ne mi kipsengwet.
42
Kigibistoe ak kigingelelse; ma inyoiywech kaat.
43
Kiitugege neregek ak ionatech; kiibarisie, ma irire.
44
Kiitugege boldet, si ma mong’une sautikyok kobwa ole imi.
45
Kiiyaech keige tuguk che kibuktoi che kilaktoi ak busagariek eng’ bororiosiek.
46
Kigoyatyech kutuswekwak bunikyok tugul.
47
Kabwanjech kaiyweisiet ak keringet, bananda ak ng’emisiet.
48
Rootei beekyuk bo kong’ ko u ainosiek, amu ng’emisietab cheptab bikyuk.
49
Isururtoe beek konyekyuk, ama sisei, ama tinyei kamuung’et,
50
Agoi kogeer Jehovah, kogeer eng’ kipsengwet.
51
Iimi kondanyu sobondanyu amu tibik tugul che bo nganasennyu.
52
Kigoona ichek mising’ ko u tarit, choto ko bunikyuk che kiona buch.
53
Kigoisto sobondanyu eng’ keringet, ak kiwirena koita.
54
Rootei beek kosiirei metinnyu; kiamwa ale, Kagigeswa.
55
Kiaguur kaineng’ung, ee Jehovah, ami keringet ne loo mising’.
56
Kiigas kutinnyu; meung’e iting’ung’ kabusennyu, anan rirekyuk.
57
Kiirigu eng’ betut ne kiaguurin: kiimwa ile, Ameiywei.
58
Ee Kiptaiyat, kiitononji ng’alekab muguleldanyu; kiitiach sobondanyu.
59
Ee Jehovah, kiigeer yaitiennyu; ibesiewa ng’olyondennyu;
60
Kiigeer yaaktaenywa tugul ne bo mugetut ak chobutikwak tugul che kichob agobo ane.
61
Kiigas inye chotisienywa, ee Jehovah, ak chobutikwak tugul che kichob agobo ane;
62
Kiigas kutuswekab ichek che king’eetya ak kabwatutikwak che ibwati agobo ane betut komugul.
63
Keer inye ye tebyei ng’ony ak ye ng’eetos; a tiendanywa.
64
Iyaaktochini ichek ko u boisienywa, ee Jehovah, ko u boisionikab eunekwak.
65
Igochini mugulelwekwak kouuegitu, igochini ichek chubeng’ung’.
66
Ionati ichek eng’ neregek, ak ing’em ichek koistoegei kureretab kipsengwetisiekab Jehovah.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
All chapters:
1
2
3
4
5