Lamentations 5

Kalenjin Bible (BUKUIT NE TILIL)

← Chapter 4 Jump to:

1Ibwat anyun, ee Jehovah, kit ne kagonyonjech: Keer, keer chotisiennyo.

2Kigigochi borotennyo toek, Kigigochi gorikyok kipsagarek.

3Kogeegu chebusoi ak che matinyei kwanda. Kogoigei kametisiekyok mosogik.

4Kigee beek che kigiale feda; Kigeal ketik.

5Negit konamech kaatit bik che onatech: Kigeng’etye ama kitinye kamuung’et.

6Kigenamge eunek ak Misrik eng’ kayosiet, Koboto Asurik, si kobiit kebiye.

7Kigoyai tengekto kwanisiekyok ak ma komi; Ak kigegesen tengekwogikwak.

8Boiywech otwogik: Mami chi ne soruech kemong’une eunekwak.

9Kindoi sobonwekyok ng’oiyondit si kobiit kenyoru amitwogik Amu rotwetab chok ne bo ong’atet.

10Tuuen irirenikyok ko u ole kilaali Amu kemeut ne lalei ne bo iljet.

11Kisuub ichek kwonyik eng’ Sion, Ak kisuub tibik eng’ nganasokab Juda.

12Kiigartat icheget bounik eng’ eunekwak: Ma konyit chi boisiek.

13Ibei neranik koitab bai, Ak kiibutyo lagok kolaei ketik.

14Ma kobendi boisiek ormarich, Ama kotiendos neranik.

15Kigogesgei boiboiyetab mugulelwekyok; Kigowalak ureriennyo koek rirek.

16Kigobut nariet eng’ metowekyok: Bwa achek! Amu kigeyai tengekto.

17Kagotanuiso mugulelwekyok amu noto; Kagogorio konyekyok amu tuguchuto;

18Amu tulwetab Sion, ne kigoek karatia; Bendote lelwek oloto.

19Ee Jehovah, itebye inye koigeny; Bo ng’echereng’ung’ ne bo laitornatet, ibinda age agoi ibinda age.

20Amu nee anyun si iutienech agoi, Ak ibagaktech keny ne te no?

21Welelech ketokyinge, ee Jehovah, si keweleloge; Wal betusiekyok koigei che bo keny.

22Ago kiiesiech mising’, Iting’enech neregek che eechen.

← Chapter 4 Jump to: