Numbers 1

Kalenjin Bible (BUKUIT NE TILIL)

Jump to: Chapter 2 →

1King’alalji Jehovah Musa eng’ ong’atetab Sinai, eng’ emait ne kituiyechin, eng’ betut ne bo tai eng’ arawet ne bo aeng’, eng’ kenyit ne bo aeng’ ngab komong’une emetab Misri, kolenji,

2Iit tuiyet komugul ne bo lagokab Israel, ko u ortinwekwak, ko u gorikab kwanisiekwak, ko u koitetab kainaik muren age tugul, ko u metowekwak;

3koboch che kigotar kenyisiek tiptem ak kwo tai, tugul che imuchi koba luget eng’ Israel, oiit ak Aron eng’ lugosiekwak.

4Ak mi kobotok chitab oret age tugul; age tugul ne o eng’ gotab kwanisiekyik.

5Chu kainaikab murenik che tonondos kobotok: eng’ oretab Reuben; Elisur weritab Sedeur.

6Eng’ oretab Simeon; Selumiel weritab Surisadai.

7Eng’ oretab Juda; Nason weritab Aminadab.

8Eng’ oretab Isakar; Natanel weritab Suar.

9Eng’ oretab Sebulun; Eliab weritab Helon.

10Eng’ lagokab Josep: eng’ che bo Epraim; Elisama weritab Amiud: eng’ che bo Manase; Gamaliel weritab Pedasur.

11Eng’ oretab Benjamin; Abidan weritab Gideoni.

12Eng’ oretab Dan; Aieser weritab Amisadai.

13Eng’ oretab Aser; Pagiel weritab Okran.

14Eng’ oretab Gad; Eliasap weritab Deuel.

15Eng’ oretab Naptali; Aira weritab Enan.

16Chuto che kigiguur eng’ tuiyet, bounik che bo ortinwekab kwanisiekwak; choto che ki metowekab elfusiek che bo Israel.

17Kiimut anyun Musa ak Aron murenichoto kagemwa kainaikwak.

18Ak kiiyum ichek tuiyet komugul kotuiyo eng’ betut ne bo tai ne bo arawetab aeng’, ak kiibor che salu ko u ortinwekwak, eng’ gorikab kwanisiekwak, ko u kainaik, koboch che bo kenyisiek tiptem ak kwo tai, ko u metowekwak.

19Kiit anyun Musa ichek eng’ ong’atetab Sinai ko u ye king’at Jehovah.

20Ak lagokab Reuben, werit ne bo tai ne bo Israel, ibinwekwak, ko u ortinwekwak, ko u gorikab kwanisiekwak, ko u koitetab kainaik ko u metowekwak, muren age tugul ne bo kenyisiek tiptem ak kwo tai, tugul che kiimuchi koba luget.

21Choto che kigiit eng’ ichek, che bo oretab Reuben, ko ki elfusiek artam ak lo ak bogol mut.

22Ak eng’ lagokab Simeon, ibinwekwak, ko u ortinwekwak, ko u gorikab kwanisiekwak, choto che kigiit eng’ ichek ko u koitetab kainaik, ko u metewekwak, muren age tugul ne bo kenyisiek tiptem ak kwo tai, tugul che kiimuchi koba luget.

23Choto che kigiit eng’ ichek che bo oretab Simeon, ko ki elfusiek konom ak sogol ak bogol somok.

24Eng’ lagokab Gad, ibinwekwak, ko u ortinwekwak, ko u gorikab kwanisiekwak, ko u ole te kainaik, koboch che bo kenyisiek tiptem ak kwo tai, tugul che kiimuchi koba luget.

25Choto che kigiit eng’ ichek che bo oretab Gad ko ki elfusiek artam ak mut ak bogol lo ak konom.

26Eng’ lagokab Juda, ibinwekwak, ko u ortinwekwak, ko u gorikab kwanisiekwak, ko u ole te kainaik, koboch che bo kenyisiek tiptem ak kwo tai, tugul che kiimuchi koba luget.

27Choto che kigiit eng’ ichek che bo oretab Juda ko ki elfusiek tamanwogik tisab ak ang’wan ak bogol lo.

28Eng’ lagokab Isakar, ibinwekwak, ko u ortinwekwak, ko u gorikab kwanisiekwak, ko u ole te kainaik, koboch che bo kenyisiek tiptem ak kwo tai, tugul che kiimuchi koba luget.

29Choto che kigiit eng’ ichek che bo oretab Isakar ko ki elfusiek konom ak ang’wan ak bogol ang’wan.

30Eng’ lagokab Sebulun, ibinwekwak, ko u ortinwekwak, ko u gorikab kwanisiekwak, ko u ole te kainaik, koboch che bo kenyisiek tiptem ak kwo tai, tugul che kiimuchi koba luget.

31Choto che kigiit eng’ ichek che bo oretab Sebulun, ko ki elfusiek konom ak tisab ak bogol ang’wan.

32Eng’ lagokab Josep, choto lagokab Epraim, ibinwekwak, ko u ortinwekwak, ko u gorikab kwanisiekwak, ko u ole te kainaik, koboch che bo kenyisiek tiptem ak kwo tai, tugul che kiimuchi koba luget.

33Choto che kigiit eng’ ichek che bo oretab Epraim ko ki elfusiek artam ak bogol mut.

34Eng’ lagokab Manase, ibinwekwak, ko u ortinwekwak, ko u gorikab kwanisiekwak, ko u ole te kainaik, koboch che bo kenyisiek tiptem ak kwo tai, tugul che kiimuchi koba luget.

35Choto che kigiit eng’ ichek che bo oretab Manase ko ki elfusiek sosom ak aeng’ ak bogol aeng’.

36Eng’ lagokab Benjamin, ibinwekwak, ko u ortinwekwak, ko u gorikab kwanisiekwak, ko u ole te kainaik, koboch che bo kenyisiek tiptem ak kwo tai, tugul che kiimuchi koba luget.

37Choto che kigiit eng’ ichek, che bo oretab Benjamin, ko ki elfusiek sosom ak mut ak bogol ang’wan.

38Eng’ lagokab Dan, ibinwekwak, ko u ortinwekwak, ko u gorikab kwanisiekwak, ko u ole te kainaik, koboch che bo kenyisiek tiptem ak kwo tai, tugul che kiimuchi koba luget.

39Choto che kigiit eng’ ichek che bo oretab Dan ko ki elfusiek tamanwogik lo ak aeng’ ak bogol tisab.

40Eng’ lagokab Aser, ibinwekwak, ko u ortinwekwak, ko u gorikab kwanisiekwak, ko u ole te kainaik, koboch che bo kenyisiek tiptem ak kwo tai, tugul che kiimuchi koba luget.

41Choto che kigiit eng’ ichek, che bo oretab Aser ko ki elfusiek artam ak agenge ak bogol mut.

42Eng’ lagokab Naptali, ibinwekwak, ko u ortinwekwak, ko u gorikab kwanisiekwak, ko u ole te kainaik, koboch che bo kenyisiek tiptem ak kwo tai, tugul che kiimuchi koba luget.

43Choto che kigiit eng’ ichek che bo oretab Naptali ko ki elfusiek konom ak somok ak bogol ang’wan.

44Chuto ichek che kigiit, che kiit Musa ak Aron koboto bounikab Israel, ki murenik taman ak aeng’, kibunu age tugul gotab kwanisiekyik.

45Kiek anyun tugul che kigiit che bo lagokab Israel ko u korikab kwanisiekwak, koboch che bo kenyisiek tiptem ak kwo tai, tugul che kiimuchi koba luget eng’ Israel,

46kiek tugul che kigiit elfusiek bogol lo ak somok ak bogol mut ak konom.

47Ago ma kiitito choto Lawik ko u oretab kwanisiekwak.

48Amu kimwachi Jehovah Musa kolenji,

49Oretab Lawi inegei ne maiiti, amat iitite lagokab Israel;

50ago inde Lawik koboi gotab baornatet, ak tugukyik che mi orit, ak tugukyik tugul: ichek che ibei got, ak tugukyik che mi orit; ak koboisiechi goyoto, ak komeny koyiem got.

51Ak ye kimakyin got kwo tai, ko Lawik che butei: ak ye kimachei kitonon got, ko Lawik che lumei: ak kibarei kipsagarindet ne rikyin.

52Ak kiteech lagokab Israel emaisiekwak, chi tugul eng’ nganasennyi, eng’ ole mi songoliennyi, ko u lugosiekwak.

53Ago menyei Lawik koyiemei gotab baornatet, si manyonji nereknatetab tuiyetab lagokab Israel: ak korib Lawik gotab baornatet.

54Kiyai anyun ko u noto lagokab Israel: kiyai ichek kou ye king’at Jehovah Musa.

Jump to: Chapter 2 →