bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Numbers 32
Numbers 32
Kalenjin Bible (BUKUIT NE TILIL)
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Kitinyei akwotisiek che chang’ mising’ lagokab Reuben ak lagokab Gad: ak ye kingogeer emetab Jaser, ak emetab Gilead, kole, ogeero, emet ne bo akwotisiek;
2
kobwa lagokab Gad ak lagokab Reuben kong’alalji Musa ak Eleasar tisiindet ak bounikab tuiyet, kelenji,
3
Atarot, Dibon, Jaser, Nimra, Hesbon, Eleale, Sebam, Nebo, ak Beon,
4
emonoto kibar Jehovah eng’ taitab tuiyetab Israel, ko emetab akwotisiek, ak tinyei otwogiguk akwotisiek.
5
Ak kile, Ngo koginyoru chamet eng’ taing’ung’, ko nyolu kigochi emonito otwogiguk kobunji; amemutech kelandae Jordan.
6
Ak kilenji Musa lagokab Gad ak lagokab Reuben, Bendi tupchosiekwok luget; otebi okwek eng’ yu?
7
Amu nee si omu lagokab Israel si malanda koba emet ne kiigochi Jehovah?
8
Kiyai kwanisiekwok ko u noto, ye kingayokte eng’ Kades-barnea koba kosegei emet.
9
Amu ye kingoba atebwetab Eskol, ak kogeer emet, komu lagokab Israel kole si maba emet ne kiga kogochi Jehovah.
10
Ak kilalyo neregekab Jehovah betunoto, ak kiiyosio kole,
11
Mami iman eng’ bik che kibunu Misri koboch che bo kenyisiek tiptem ak kwo tai, ne imuchi kogeer emet ne kiayosiechi Abraham, ak Isak, ak Jakobo: amu ma isubwa eng’ kagesunatetab ge.
12
Kobate Kaleb weritab Jepune Kenisindet, ak Josua weritab Nun: amu kiisub ichek Jehovah eng’ kagesunatetab ge.
13
Ak kilalyo neregekab Jehovah agobo Israel, ak kiigochi koombeniot eng’ ong’atet eng’ kenyisiek artam, agoi kowong’gei ibinda tugul ne kiyai yaitiet eng’ taitab Jehovah.
14
Ak ogeero, kong’eetye oyai ko u ye kiyai kwanisiekwok, oegu kiptengeginik che tesoksei, otes neregek che koromen che bo Jehovah eng’ Israel.
15
Amu ngomaste omete inendet, kobagaktoi inendet ichek kogeny eng’ ong’atet; ak ong’em bichu tugul.
16
Ak kibwa korik ole mi inendet, ak kole, King’ote biusiekab tukyok eng’ olito, ak keteekyi lagokyok nganasok:
17
ago ki chobotin achek kilaach karik kebe kindoe lagokab Israel, agoi kiit oldanywa: ak komeny lagokyok nganasok che ng’ototin amu bikab emet.
18
Magiweeksei kebendi ga agoi konyor lagokab Israel, chi tugul borotennyi.
19
Amu maginyabani koboto ichek eng’ bitonindo bo Jordan ak olin bo tai; amu mi borotennyo Jordan bitoni tokyingei kong’asis.
20
Ak kilenji Musa ichek, Ngoyai ko u nito, olaach karik obe luget eng’ taitab Jehovah,
21
ak ngwo mureno age tugul ne kagolaach karik kolandae Jordan eng’ taitab Jehovah, agoi koon bunikyik eng’ tainnyi.
22
Ak kiterter emet eng’ taitab Jehovah: oweege anyun, ak oegu che matinyei tengek eng’ taitab Jehovah anan eng’ Israel; ak kobunjok emoni eng’ taitab Jehovah.
23
Ago ngot ko moyai ko u noto, ogeero, ko kaoyai tengekto eng’ taitab Jehovah: ak onai anyun ole ng’ang’dook tengektang’wong’.
24
Oteekyi nganasok lagokwok, ak ong’otyi kechirekwok biusiek, ak oyai noto kamong’une kuting’wong’.
25
Ak kimwachi lagokab Gad ak lagokab Reuben Musa kolenji, Yaei otwogiguk ko u ye kang’at kiptaiyandennyu.
26
Tebe nganasokab Gilead lagokyok, ak osotikyok; ak tukyok, ak che kiyagi tugul:
27
ago landoi otwogiguk, mureno age tugul ne kagolaach karik che bo luget, kobendi boriet eng’ taitab Jehovah, ko u ye kimwa kiptaiyandennyu.
28
Kiiyomis anyun Musa Eleasar tisiindet, ak Josua weritab Nun, ak kandoikab gorik che bo kwanisiekab ortinwekab lagokab Israel, agobo bichoto.
29
Ak kilenji Musa, Ngolandae tugul Jordan koboto lagokab Gad ak lagokab Reuben, chi tugul ne kagolaach karikab luget, si kwo boriet eng’ taitab Jehovah, ak kiterter emet eng’ taing’wong’; ogochi anyun ichek emetab Gilead kobunji:
30
ago ngo macham olande tugul kotinyei karik, konyoru borotet eng’ emetab Kanan kobotok.
31
Ak kiwolji lagokab Gad ak lagokab Reuben kolenji, Kiyae ko u ye kamwachi Jehovah otwogikyik.
32
Kilandoi eng’ taitab Jehovah, kebendi emetab Kanan, ketinye karik, ak ng’etu eng’ Jordan bitoni, che bunjinech che bo borotennyo.
33
Ak kiigochi Musa ichek, choto lagokab Gad, ak lagokab Reuben, ak kebebertab oretab Manase weritab Josep, bororietab Sihon laitoriatab Amorik, ak bororietab Og laitoriatab Basan, emet, ko u nganasokwak koboto ole bochin kiwotosiekwak, agot nganasokab emet che kiyiem.
34
Ak kiteech lagokab Gad Dibon, ak Atarot, ak Aroer;
35
Atrot-sopan, Jaser, ak Jogbea;
36
Bet-nimra, ak Bet-haran: nganasok che ng’ototin, ak biusiek che bo kechirek.
37
Ak kiteech lagokab Reuben Hesbon, ak Eleale, ak Kiriataim;
38
ak Nebo, ak Baal-meon, (kigiwal kainaikwak,) ak Sibma: ak kitochi kainaik alak nganasok che kiteech.
39
Ak kiba lagokab Makir weritab Manase Gilead, ak kinam korebe Amorik che kimi oloto.
40
Ak kiigochi Musa Makir weritab Manase, Gilead; ak kimeny oloto.
41
Ak kiwa Jair weritab Manase konam nganasokwak, ak koguure Habot-jair.
42
Ak kiwa Noba konam Kenat, ak nganasokyik che mengechen, ak kiguure Noba, koguurtoe kainennyi.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36