bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Numbers 21
Numbers 21
Kalenjin Bible (BUKUIT NE TILIL)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
1
Ak kigas laitoriatab Arad Kananindet ne kimenyei Murot ne bo Tai, kole, bwanei Israelik kobunu oretab Atarim; ak kibargei ak Israel, ak kiluul alak eng’ Israelik.
2
Ak kiiyosiechi Israelik Jehovah, kolenji, Ngot igona bichu, ang’eme awong’u nganasokwak.
3
Ak kigas Jehovah ng’alekab Israelik, ak kiigochi Kananik; ak king’em kowong’ ichek koboto nganasokwak: ak kigiguure yoto Horma.
4
Ak kiba eng’ tulwetab Hor kobun oretab Nyanjet ne Birir, koyiem emetab Edom: ak kichootyo mugulelwekab bik amu oret.
5
Ak kiing’unyng’ung’ji bik Kamuktaindet koboto Musa, kole, Kilya si omutwech kemong’une Misri kebwa kebekyi ong’atet? Amu mami amitwogik, anan beek; ak wechei sobonwekyok amitwogichu terteren.
6
Ak kiiyokyi Jehovah bichoto erenok che ng’wonen susenywa ko u mat, ak kisus bik; ak kibek bik che chang’ che bo Israel.
7
Ak kiba bik oldab Musa, kolenji, Kogeyai tengekto, amu koging’unyng’ung’ji Jehovah koboten; sa Jehovah, si koistoenech erenochu. Ak kisachi Musa bik.
8
Ak kilenji Jehovah Musa, Itany erenet ne u mat ak inde ketit ne itononi: ak ye keer chi age tugul ne kagesus, kosob.
9
Ak kiitany Musa erenet ne bo sugunwet, ak kiinde ketit ak kotonon: ak ngo sus erenet chi age tugul, ak konyal erenanato bo sugunwet, kosob.
10
Ak kiba lagokab Israel, komuung’e Obot.
11
Ak kiba eng’ Obot, komuung’e Iye-abarim ne mi ong’atet ne tokyingei Moab, komostab kong’asis.
12
Ak kiba eng’ oloto, komuung’e atebwetab Sered.
13
Ak kiba eng’ oloto, komuung’e Arnon bitonin, ne mi ong’atet, ne bunu kiwotetab Amorik: amu Arnon kiwotetab Moabik, kwenutab Moabik ak Amorik.
14
Sirat eng’ bukuitab Lugosiekab Jehovah amu noto, Ne kiyai eng’ Nyanjet ne Birir, Ak atebwosiekab Arnon,
15
Ak eng’ atebwosiek Che choringei ole menyei Ar, Ne mi ole negite kiwotetab Moab.
16
Ak kiba eng’ oloto agoi Beer: noto keringetab beek ne kimwachi Jehovah Musa, kolenji, Iyum bik, si anaga beek.
17
Kitien anyun Israelik tieni: Ee kutu keringoni bo beek; otienji:
18
Keringet, ne kibalei che toogunotin che bo bik, Koboto ne igoitoi ng’atutik, ak kirokwekwak. Ak kiba eng’ ong’atet agoi Matana:
19
ak kiba eng’ Matana agoi Nahaliel: ak kiba eng’ Nahaliel agoi Bamot:
20
ak kiba eng’ Bamot agoi atebwet ne mi mbaretab Moab, agoi tulwet barak ne bo Pisga, ne ing’ururi ong’atet.
21
Ak kiiyokto Israelik bik koba oldab Sihon laitoriatab Amorik, kolenji,
22
Chamwa abun emeng’ung’: magimastoi kebendi mbarenik, anan mbarenikab sabibuk; ama kiee beekab keringonik: kibune oret ne o ne bo laitoriat, agoi kesiir kiwoteng’ung’.
23
Ago ma chamji Sihon Israelik kobun kiwotennyi: ago kiiyum Sihon bikyik tugul, ak koba kobargei ak Israelik eng’ ong’atet, ak kiit Jahas: ak kibargei ak Israel.
24
Ak kibar Israel inendet eng’ rotwetab chok, ak kinam emennyi koboch Arnon agoi Jabok, agoi kiwotetab bikab Amon: ak king’otat kiwotetab bikab Amon.
25
Ak kiluul Israelik nganasochoto tugul: ak kimeny Israelik nganasok tugul che bo Amorik, eng’ Hesbon ak eng’ nganasokyik tugul.
26
Amu Hesbon ko ki nganasetab Sihon laitoriatab Amorik, ne kiga kobargei ak laitoriatab Moab ne ki bo tai, ak kirebe emennyi komugul ne kimi eunnyi, agoi Arnon.
27
Mwaei eng’ noto anyun ichek eng’ kalewenaik kole, Obwa Hesbon, Ingeteech nganasetab Sihon ak kigimit:
28
Amu kamandae mat Hesbon, Kamandae liblibenetab mat nganasetab Sihon: Kagobeel Ar ne bo Moab, Ak kiptainik che bo ole sutotin che bo Arnon.
29
Bwo, inye Moab Kaolusye, okwek bikab Kemos: Kagogoito werikyik che kichililso kogochi Sihon laitoriatab Amorik, Koboto tibikyik, koek luulenik.
30
Kagemwok; kagolus Hesbon agoi Dibon, Ak kageng’em agoi Nopa, Ne itei Medeba.
31
Kimeny anyun Israelik emetab Amorik.
32
Ak kiiyokto Musa bik kosegei Jaser, ak kiluul nganasokyik, ak kion Amorik che kimi oloto.
33
Ak kiweek kotogosta kobun oretab Basan: ak kimanda anyun Og laitoriatab Basan kwo kobargei ak ichek, inendet ak bikyik tugul, kibargei eng’ Edrei.
34
Ak kilenji Jehovah Musa, Ameiywei inendet: amu kande inendet eung’ung’ koboto bikyik tugul, ak emennyi; ak iyachini inendet ko u ye kiiyachi Sihon laitoriatab Amorik, ne kimenyei Hesbon.
35
Kibar anyun inendet, koboto werikyik, ak bikyik tugul, kot ko ma ng’etyi inendet agot agenge: ak kibunji ichek emennyi.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
Recommended Reading
Commentary
Numbers Commentaries
→
Devotional
Numbers Devotional Guide
→
Get This Bible
Kalenjin Bible (BUKUIT NE TILIL) Study Bible
→