bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Numbers 3
Numbers 3
Kalenjin Bible (BUKUIT NE TILIL)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
1
Chu ortinwekab Aron ak Musa eng’ betut ne king’alalji Jehovah Musa eng’ tulwetab Sinai.
2
Chu kainaikab werikab Aron; Nadab ne bo tai, ak Abiu, Eleasar, ak Itamar.
3
Choto kainaikab werikab Aron, tisiik che kigiil, che kigotaban si kobois eng’ boisietab tiseinatet.
4
Ak kibek eng’ taitab Jehovah Nadab ak Abiu, ye kingogoito mat ne ter eng’ taitab Jehovah, eng’ ong’atetab Sinai, ak kima kotinyei lagok: ak kibois Eleasar ak Itamar eng’ boisietab tiseinatet eng’ taitab kwandanywa Aron.
5
Ak kimwachi Jehovah Musa kolenji,
6
Imutu oretab Lawik korik, ak inde ichek taitab Aron tisiindet, si koboisiechi inendet.
7
Ak korib ichek boisiennyi, ak boisietab tuiyet komugul eng’ taitab emait ne kituiyechin, si koyai boisiet ne bo got.
8
Ak korib tuguk tugul che bo emait ne kituiyechin orit, ak boisietab lagokab Israel koyai boisiet ne bo got.
9
Ak igochi Aron ak werikyik Lawik: kagigochi inendet ichek iman eng’ lagokab Israel.
10
Ak inde Aron ak werikyik, si korib tiseinatenywa: ak kebarei kipsagarindet age tugul ne rikyin.
11
Ak kimwachi Jehovah Musa kolenji,
12
Anendet, keero, kianam Lawik eng’ kwenutab lagokab Israel si ageere werik che bo tai che yatei iyotet eng’ lagokab Israel; bunjina Lawik.
13
Amu chechuk werik tugul che bo tai; kiatabanjige werik tugul che bo tai eng’ Israel, eng’ bik, ak che twatei che kiyagi, eng’ betut ne kiabar werik tugul che bo tai eng’ emetab Misri: egu chechuk choto; ane a Jehovah.
14
Ak kimwachi Jehovah Musa eng’ ong’atetab Sinai, kolenji,
15
Iit lagokab Lawik ko u gorikab kwanisiekwak, ko u ortinwekwak: iit ng’etet age tugul koboch che bo arawet agenge ak kwo tai.
16
Ak kiit Musa anyun ichek ko u ng’olyotab Jehovah, ko u ye kiging’at inendet.
17
Ki kainaikab werikab Lawi chu: Gerson, Kohat, ak Merari.
18
Chu ko kainaikab werikab Gerson ko u gorikwak; Libni ak Simei.
19
Werikab Kohat ko u gorikwak; ko ki Amram, Ishar, Hebron, ak Usiel.
20
Werikab Merari ko u gorikwak; ko ki Mali ak Musi. Chuto ortinwekab Lawik ko u gorikab kwanisiekwak.
21
Salu Gerson gotab Libnik, ak gotab Simeik: chuto gorikab Gersonik.
22
Kiek tugul choto kigiit eng’ ichek, koboch che bo arawet agenge ak kwo tai, murenik elfusiek tisab ak bogol mut.
23
Ingoteech che bo gorikab Gersonik gotab tuiyet batai, eng’ komostab cherongo.
24
Ak ingoek Eliasap weritab Lael bounindetab Gersonik, eng’ gotab kwanisiekwak.
25
Ak ingorib werikab Gerson eng’ emait ne kituiyechin, got, ak Emait, ak tugukyik che kituge, ak ngoriet ne kigere kurgetab emait ne kituiyechin.
26
Ak ngoroik che king’ote seremut, ak ngoriet ne kigere kurgetab seremut, ne negite got, ne yiemei kaptisisiet, ak boroonikyik che bo boisienywa tugul.
27
Salu Kohat gotab Amramik, ak gotab Isarik, ak gotab Hebronik, ak gotab Usielik: chuto gorikab Kohatik.
28
Kiek tugul che kigiit eng’ ichek, koboch che bo arawet agenge ak kwo tai, murenik elfusiek sisiit ak bogol lo, che kiribei boisietab ole tilil.
29
Ingoteech gorikab werikab Kohat tabandab got, murot ne bo tai.
30
Ak ingoek Elisapan werikab Usiel bounindetab got ne bo kwandab gorikab Kohatik.
31
Ak ingorib ichek moinget, ak meset, ak keldab tait, ak kapkorosusiek, ak tuguk che boisie ichek eng’ ole tilil, ak anget ne kioiye got, ak boisiennyi tugul.
32
Ak ingoek Eleasar weritab Aron tisiindet ne o eng’ bounikab Lawik, ak korib ichek icheget che ribei boisietab ole tilil.
33
Salu Merari gotab Malik, ak gotab Musik: chuto gorikab Merari.
34
Kiek tugul che kigiit eng’ ichek, koboch che bo arawet agenge ak kwo tai, murenik elfusiek lo ak bogol aeng’.
35
Ak ingoboi Suriel weritab Abiail bounindetab got ne bo kwanisiekab gorikab Merari: ingoteech ichek komostab murot ne bo katam eng’ got.
36
Ak kigigochi werikab Merari baoinik che bo got, ak rateiywekyik, ak lumeiywekyik, ak kelongonikyik che tononie, ak tugukyik tugul, ak boisionikyik tugul.
37
Ak lumeiywek che yiemei seremut, ak kelongonikwak che tononie, ak tigongenikwak, ak boroonikwak.
38
Musa ak Aron ak werikyik che teechei taitab got, komostab kong’asis, ole chorune asis, eng’ taitab emait ne kituiyechin, che ribei boisietab ole tilil agobo boisietab lagokab Israel; ak kibarei kipsagarindet ne rikyin.
39
Kiek tugul murenik elfusiek tiptem ak aeng’ tugul che kigiit che bo Lawik, che kiit Musa ak Aron eng’ ng’atutietab Jehovah, ko u gorikwak, koboch che bo arawet agenge ak kwo tai.
40
Ak kilenji Jehovah Musa, Iit ng’etik tugul eng’ lagokab Israel che bo tai eng’ siget, che bo arawet agenge ak kwo tai, ak itet kainaikwak.
41
Ak inamwa Lawik kobunja (a Jehovah) kewale werik tugul che bo tai eng’ lagokab Israel; ak che twatei tuga che bo Lawik kewale che twatei tuga che bo lagokab Israel.
42
Kiit anyun Musa, werik tugul che bo tai eng’ lagokab Israel, ko u ye king’at Jehovah inendet.
43
Eng’ ichek che kigiit ko kiek werik tugul che bo tai, murenik elfusiek tiptem ak aeng’ ak bogol aeng’ ak tamanwogik tisab ak somok, ko u koitetab kainaik, koboch che bo arawet agenge ak kwo tai.
44
Kimwachi Jehovah Musa kolenji,
45
Nam Lawik ak iwale werik tugul che bo tai eng’ lagokab Israel, ak inam tugab Lawik iwale tugab Israelik. Bunjina Lawik; a Jehovah.
46
Ak eng’ katiagetab werik che bo tai che bo lagokab Israel, choto bogol aeng’ ak tamanwogik tisab ak somok che siirei Lawik,
47
iibe chi tugul sekelisiek mut che bo met; iibe ko u sekel ne bo ole tilil; (sekel agenge ko gerahisiek tiptem);
48
Ak igochi Aron ak werikyik sekelisiek che bo choto siirtootin che kitiage bichoto.
49
Kitaach anyun Musa sekelisiek che bo katiaget eng’ ichek che kisiir Lawik.
50
Kitaach sekelisiechoto eng’ werikab che bo tai eng’ lagokab Israel; kiek sekelisiek elfut agenge ak bogol somok ak tamanwogik lo ak mut, ko u sekel ne bo ole tilil.
51
Kiigochi anyun Musa sekelisiechoto bo katiaget Aron ak werikyik, ko u ng’olyotab Jehovah, ko u ye king’at Jehovah Musa.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36