bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kurukh
/
Kurukh (पुना गच्छरना NT (BSI))
/
Luke 1
Luke 1
Kurukh (पुना गच्छरना NT (BSI))
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
1
ऎम पत्त'ऊ आलर ही मझी नू येसुसी नंजका नलखन लिख'आ गे बग्गे आलर मुन्द बरचर।
2
एकदन ऒरे तिम इबड़ा कत्थन मेंजका आलर अरा धर्मेसी कत्थन तिंगू आलर एकासे ऎम पत्त'ऊ आलर गे तेंग्रा अन्नेम आर लिखचर।
3
अना महोदय थेओफिलुस, ऎन हूँ अदन निंगा गे तरकूटी ती लिख'आ गे अंगेर नंजकन। ऒड़ तिम मंजका उर्मिन चिहुंक ती मेंजकन ख़ूजकन ती लिख'आलदन।
4
इत्रु ती नीन अख़'ओय का निंगा गे सिखाबाचका कत्था गुट्ठी मानिम दिम हवे।
5
यूदेया राजी ता बॆलस हॆरॊदॆसी परिया नू जकरियास नामे ओरोत नैगस रहचस। आस अबियास नैगासी गोंहड़ा ता रहचस, अरा आसी आली एलिसबेत हूँ आरॊन नैगासी बनस ता रहचा।
6
आर इरबर धर्मेसी ऎरना नू उजगो रहचर, अरा उर्बासी उर्मी पॆसका अरा नॆग गुट्ठी नू बने ईकुर रहचर।
7
लिकिन आर ही ख़द्द-ख़र्रा मल रहचर, एन्देरगेका एलिसबेत बंझली रहचा, अरा आर इरबर हूँ पच्चिका केरका रहचर।
8
उन्दुल जकरियासी गोंहड़ा येरुसलॆम मन्दिर नू नलख ननू ऊसरी नू जकरियास हूँ धर्मेसी मुन्दहारे नैग नलख ननालियस।
9
ख़ने नैगर ही चाल लेक्खा चिठी टिड्डर। ख़ने धर्मेसी मन्दिर नू उर्बासी नेम्हा अड्डा नू कालरकी धूप कुहड़'अना दाँड़ेन अरग'आ गे जकरियासी नामे नू चिठी उरखा।
10
दाँड़े अरग'अना बेड़ा नू आस नेम्हा अड्डा नू कोरचस, अरा ऒड़ लग्गा गे ख़ॊंड़रका बग्गे आलर बहरी बिन्ती ननालियर।
11
तहाँ आस गे ओन्टा उर्बासी पैकस गोड़हा ही तीना पक्खे इज्जका ऎथ्रस।
12
जकरियास आसिन ऎर'अरकी अकबकरस अरा आस गे इल्चिक'आ कोरचा केरा।
13
पैकस गा आसिन बाचस, “अना जकरियास अमा एल्चा, धर्मेस निंग्है गोहरारनन मेंजकादस। औंगे निंग्है आली एलिसबेत निंगा गे ओन्टा ख़द्दासिन नेब्बो, अरा नीन आसी नामे यॊहन पिंजके।
14
निंगा खुसमारना अरा रिझ्रना मनो, अरा आसी कुन्द्रका ती बग्गेम आलर नगदे खुसमार'ओर।
15
आस उर्बासी ऎरना नू कोहाँ आल मनोस। आस अंगुर रासी महले अउर नन्ना निसा मलम ओनोस। आस तंग्है अयंग ही ओदर तिम नेम्हा बॊलतस ती निन्द्रका र'ओस।
16
आस नगदे इस्राऎल आलारिन आर ही धर्मेस उर्बस तरा किर्त'ओस।
17
आस धर्मेसी कत्था तिंगू एलियसी बॊलता अरा सवंग गने उर्बासी मुन्द ऎकोस, का अयंग बंग्गर ही जियन आर ही ख़द्दर तरा किर्त'ओस अरा पॆसका मल मिनू आलारिन उजगो ईकुर ही बुझुरना नू किर्त'ओस। एन्ने उर्बासी बरना गे जॊगे आलारिन सपड़'ओस।”
18
तहाँ जकरियास पैकासिन मेंजस, “ऎन पच्चिका र'अदन अरा एंग्है आली हूँ पच्चकी किरकी र'ई। होले ऎन इदन एकासे पत्त'ओन का ईद मनो?”
19
ख़ने पैकस बाचस, “ऎन धर्मेसी छमहे नू इज्जका र'ऊ गबरिऎल हिकदन। ऎन निंग्है गने कछनख्र'आ गे अरा निंगन ई दौ कत्थन तेंगा गे तइरका र'अदन।
20
अक्कुन नीन गा एंग्है कत्था गुट्ठिन मल पत्ताचकय, औंगे इदही मन्ना उल्ला गूटी नीन कोन्दा र'ओय, अरा कछनख्र'आ पोल्लोय। लिकिन एंग्है बाचका कत्था तंग्है बेड़ा नू मनो।”
21
बहरी नू आलर जकरियासी पाब ऎरालियर, अरा आर हैकटरर का आस धर्मेसी मन्दिर नू एन्ने घड़ही एन्देरगे ननालदस।
22
आस बहरी उरखस ख़ने आर गने कछनख्र'आ पोल्लस। आस आरिन टेवाँ बा'आ हेलरस, ख़ने आर अक्खर का ईस धर्मेसी मन्दिर नू देखार ईरकादस। अरा आस कोन्दा मंजस केरस।
23
इकला धर्मेसी मन्दिर नू आसी नैग नलख नन्ना ही हप्ता पूरचा, ख़ने आस तंग्है एड़पा किर्रिम बिच्चियस।
24
इबड़ा उल्ला गुट्ठी ही ख़ॊख़ा आसी तंग्आली एलिसबेत ओत्थाऎख़ मंजा। आद पांच महिना गूटी तम्है एड़पा ती बहरी मल उरखा। एन्देरगेका आद इदन ब'ओ होले आलर अदही ब'अनन मल पत्त'ओर।
25
आद तंग्है ती बाचा, “उर्बस दिम एंगा गे इदन नंजस। आलर नू एंग्है लज्जेन मेट'अरकी आस ई बेड़ा नू एंग्है मइय्याँ सोग्गे ईरियस।”
26
एलिसबेत ही ओत्थाऎख़ मंजका ही छे महिना नू गलिलेया जिला ही नासरेत पद्दा नू धर्मेस गबरिऎल पैकासिन ओन्टा डिंडा पेल्लो हेद्दे तइय्यस।
27
अदही यॊसॆफ नामे दाऊद बॆलासी बनस ता ओन्टा आलस गने पाही मंजकीचा। आ डिंडा पेल्लो ही नामे मरियम रहचा।
28
मेर्ख़ा पैकस अदही हेद्दे केरस ती बाचस, “कोड़हे आसीस ख़क्खू निंगन ऎन मोंजरा नन्दन। उर्बस निंग्है गने र'अदस।”
29
मरियम गा पैकासी ई कत्थन मेंजा ती नगदे अकबकरा अरा आद सोच'आ हेलरा का, “ईद एका लेक्खा परिछ'अना हवे?”
30
ख़ने पैकस अदिन बाचस, “अनय मरियम अमय एल्चय, धर्मेस निंग्है ती रिझ्रदस।
31
ऎरय! नीन ओत्थाऎख़ मनोय अरा नीन ओन्टा कुक्को ख़द्दासिन नेब्बोय। आसी नामे येसु पिंजके।
32
आस उर्मी ती कोहाँ मनोस, अरा उर्मी ती कोहाँ धर्मेसी तंग्दस बातार'ओस। धर्मे उर्बस आसी पूरखा दाऊद बॆलासी लेक्खा आसिन राजी ननू कम'ओस।
33
आस याकॊबसी बनस ता आलारिन मुंजामलका गूटी राजी ननोस, अरा आसी राजी कहियों माल मुंज्र'ओ।”
34
ख़ने मरियम पैकासिन बाचा, “एन्ने एकासे मनो, ऎन गा डिंडा र'अदन?”
35
पैकस बाचस, “नेम्हा बॊलतस निंग्है मइय्याँ बर'ओस, अरा उर्मी ती कोहाँ धर्मेसी सवंग निंग्है मइय्याँ ऎख़ ननो। औंगे एका बॊलॊ ख़द्दस कुन्द्र'ओस आस नेम्हा मनोस, अरा आस धर्मेसी तंग्दस बातार'ओस।
36
ऎरय, निंग्है पाहिनी एलिसबेत, एकाद बंझली बातारकीचा, आद हूँ पच्चना बेड़ा नू ओन्टा ख़द्दासिन नेब्बो, आद अक्कु ओत्थाऎख़ मनरकी छे महिना मंजकी र'ई।
37
धर्मेस गा इन्द्रिइम हूँ नना ओंग्दस।”
38
ख़ने मरियम बाचा, “ऎन गा उर्बासी जॊंख़ पेल्लो हिकदन, एंगा गे निंग्है बाचका कत्था लेक्खा मनन नेकअन।” ख़ने पैकस असलेक किर्रिम बिच्चियस।
39
अबड़ा उल्ला नू मरियम सपड़ारा अरा लॆम यूदेया ही परता राजी ता ओन्टा नगरे नू केरा।
40
असन आद जकरियासी एड़पा नू केरा अरा एलिसबेत आबोन परिछाचा।
41
एकाबारी एलिसबेत मरियम ही परिछ'अनन मेंजा, ख़नेम ख़द्द अदही ऒदर नू उदकारा, अरा एलिसबेत नेम्हा बॊलतस ती निन्दिया केरा।
42
अरा आद अकबकरनुम जॊरसरिया चिच्चियारनुम बाचा, “नीन मुक्कय नू तकदीर आली हवे, अरा नीन नेब्बोय आ ख़द्द हूँ तकदीर हवे।
43
एंग्है उर्बासी तंगियो नीन एंग्है गुसन बर'आ गे ऎन ई बग्गे सोग्गे ख़क्खिय'अन।
44
निंग्है परिछ'अना कत्था एंग्है ख़ेबदा नू मेन्द्रा ख़ने एंग्है ऒदर नू र'ऊ ख़द्द रिझ ती उदकारा।
45
नीन तकदीर आली हवे, एन्देरगेका नीन पत्ताचकी का उर्बस निंग्है गुसन बाचका कत्था अन्नेम मनो।”
46
ख़ने मरियम बाचा, “एंग्है जिया उर्बासी ओहमा ननी।
47
एंग्है बॊलता एंग्है बछाब'ऊ धर्मेस नू रिरयार'ई।
48
एन्देरगेका आस तंग्है जॊंख़ पेल्लो एंग्है किइय्या ता दसन सोग्गे ती ईरियस। औंगे अक्कु ती उर्मी जुग ता आलर एंगन तकदीर आली ब'ओर।
49
एन्देरगेका सवंग उय्युस धर्मेस एंगा गे कोहाँ कोहाँ नलख नंजकादस। आसी नामे नेम्हा र'ई।
50
अरा नॆ आसिन एल्चनर, आर ही मइय्याँ आस जुग जुग गूटी सोग्गे ऎरदस।
51
आस तंग्है सवंगिय ख़ेक्खा ती कोहाँ नलख नंजकादस। आस तम्है जिया नू मोठाई सोच नू र'उरिन छितिर बितिर नंजस।
52
राजी ननू आलारिन तंम्है गद्दी ती टिड्डस चिच्चस, अरा लुदऊ जिया आलारिन कोहाँ नंजस।
53
आस कीड़ारिन दौ जिनिस ती उड़ताचस, अरा उरुब आलारिन नीदी ख़ेक्खा ओथ्रस चिच्चस।
54
आस नम्है पूरखर गे नंजकादस, अन्नेम अब्राहमस अरा आसी बनसर गे हुल्लो गूटी सोग्गे ऎरा गे सोच्चस।”
56
मरियम एलिसबेत गने मलागूटी तीन महिना रहचा, अरा ख़ॊख़ा नू तंग्है एड़पा किर्रिया।
57
एलिसबेत ही उल्ला अंड़सिया ख़ने आद ओन्टा कुक्को ख़द्दासिन निब्बिया।
58
उर्बस आद मइय्याँ बग्गे सोग्गे ईरकादस, इदन अदही अरबर-परबर अरा पाहियर मेंजर अरा अदही गने खुसमारर।
59
आर ही अरबर-परबर अरा पाहियर ख़द्दासी आठ उल्ला नू खतना नॆत गे बरचर। आर ख़द्दस गे तम्बासी नामे ती जकरिया पिंजा गे सोच्चर।
60
लिकिन ख़द्दासी तंगियो बाचा, “मला, ईसी नामे यॊहन पिंजना मनो।”
61
ख़ने आर अदिन बाचर, “निंग्है पाहियर नू गा नॆखय हूँ एन्ने नामे मलकी।”
62
ख़ने आर ख़द्दासी तम्बासिन चिन्हा ऎद'अरकी मेंजर का, “आसी नामे एन्देर पिंजा बेद्ददय?”
63
आस लिखना ही पट्टियन ने'अरकी लिखचस चिच्चस, “आसी नामे यॊहन” अरा ओर्मर अकबकरर।
64
लेथेम आस कछनख्र'आ हेलरस, अरा आस धर्मेसी ओहमा नना हेलरस।
65
आर ही उर्मी अड्डे-बेड्डे ता आलर नू इल्चका कोरचा केरा। अरा यूदेया ही परता राजी उर्मी नू इबड़ा उर्मी कत्थन आलर कछनख्र'आ हेलरर।
66
अरा इदन मिनू आलर अकबकरर ती बाचर, “ईस परदोस होले ई ख़द्दस एकासे मनोस?” एन्देरगेका आर अक्खर का उर्बासी सवंग आसी गने रहचा।
67
आ ख़द्दासी तम्बस जकरियास नेम्हा बॊलतस ती निन्दियस ती धर्मेसी कत्थन मुन्द तेंगा हेलरस।
68
“इस्राऎल ही धर्मे उर्बस गे ओहमा मनन नेकअन, एन्देरगेका आस तंग्है आलारिन नाड़ा गे बरचकादस।
69
आस तंग्है जॊंख़स दाऊद बॆलासी बनस ती ओन्टा सवंगिय नाड़ुसिन तइय्कादस।
70
आस तंग्है नेम्हा धर्मेसी कत्था तिंगुर ती हुल्लो नू बाचकाचस का
71
नम्है बैरिर अरा नम्है धोकहर जम्मेर ही ख़ेक्खा ती नमन नाड़ोस,
72
अरा तंग्है नेम्हा गच्छरकन सोच'अरकी नम्है पूरखर मइय्याँ सोग्गे ईरकादस।
73
आस नम्है पूरखा अब्राहमस गे किरया मॊख़रकी,
74
नम्है बैरिर ही ख़ेक्खा ती नाड़ोस,
75
अरा नम्है उज्जना उल्ला गूटी आसी मुन्दहारे नेम्हा अरा उजगो नू बिगर इल्चका ती सुसर'आ गे सवंग चि'ओस।
76
अना एंग्है ख़द्दायो, नीन उर्मी ती कोहाँ धर्मेसी कत्था तिंगू आल बार'ओय, एन्देरगेका नीन उर्बासी डहरेन सपड़'आ गे आसी मुन्द ऎकोय।
77
नीन आसी आलर गे तम्है पाप छमा मन्ना ती नाड़रना ही लूर चि'ओय।
78
नम्है धर्मेसी कोहाँ चोन्हा ती नमा गे मेर्ख़ा ती नाड़ुस बर'ओस।
79
ऊख़ा नू उज्जुरिन अरा खे'अना ही एलचना नू र'उरिन बिल्ली ऎद'आ गे अरा नम्है कोड़े ही डहरे नू ऎकत'आ गे आस बर'ओस।”
80
आ ख़द्दस परदनुम अरा बॊलता नू बड़ियर मन्नुम केरस। अरा आस इस्राऎलर नू अरगी ऎथ्रना गूटी टोड़ंग नू रहचस।
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
Recommended Reading
Commentary
Luke Commentaries
→
Devotional
Luke Devotional Guide
→
Get This Bible
BSI Study Bible
→