bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kurukh
/
Kurukh (पुना गच्छरना NT (BSI))
/
Luke 23
Luke 23
Kurukh (पुना गच्छरना NT (BSI))
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
1
तहाँ सौंसे गोंहड़ा चॊचा ती येसुसिन राजी ख़ापू पिलातुस गुसन होच्चा।
2
अरा आर आसी मइय्याँ एन्ने बाचर ती दोस ठेका ब'आ हेलरर, “ऎम ईसिन एम्है आलारिन बहक'अना अरा कैसरस गे मालगुजारी चि'आ गे छेंकना अरा तंगन मसी बॆल ब'अना मेंजका र'अदम।”
3
ख़ने पिलातुस येसुसिन मेंजस, “नीन यहूदीर ही बॆलय का?” येसुस किर्त'अर बाचस, “नीन ब'अदय अन्ने दिम हवे।”
4
ख़ने पिलातुस मुध नैगर अरा गोंहड़ा ती बाचस, “ऎन ई आलस मइय्याँ इन्द्रिइम दोस मल ख़क्खदन।”
5
लिकिन आर कोड़हे ब'आ लगियर, “ईस गलिलेया जिला ती ऒरे ननारकी इय्या गूटी यूदेया राजी नू ओर्मा अड्डा नू सिखाबाचस ती आलारिन भड़क'अदस।”
6
पिलातुस इदन मेनरकी मेंजस, “एन्देर ईस गलिलेया नू र'ऊ आलस का?”
7
अरा आस एन्ने अक्खस का येसुस गलिलेया ता हिकदस अरा आस हॆरॊदॆसी आकुस ता हिकदस। ख़ने आस आसिन हॆरॊदॆस गुसन तइय्यस चिच्चस। अबड़ा उल्ला नू हॆरॊदॆस येरुसलॆम नुम र'आलियस।
8
हॆरॊदॆस येसुसीन ईरियस ती नगदे खुसमारस। आस गा नगदे उल्ला ती आसिन ऎरा बेद्दा लगियस। एन्देरगेका आस येसुसी पत्त नू बग्गे कत्थन मेंजकाचस, अरा आस आसी ती एकअम अकबक नलखन ऎरा बेद्दा लगियस।
9
आस आसिन अजम कत्थन मेंजस, लिकिन येसुस एन्देर हूँ आना मल किर्ताचस।
10
अरा मुध नैगर अरा नॆग सिखाब'उर इज्जर ती मुर्रा मुर्रा आसी मइय्याँ दोस लगा बाचर।
11
ख़ने हॆरॊदॆस तंग्है सैनर गने येसुसिन ख़ाँड़चस, लज्जे मॊख़ताचस अरा बॆलस लेक्खा बिलचना किचरिन अत्ताचस अरा येसुसिन पिलातुस गुसन किर्ताचस।
12
अउलम पिलातुस अरा हॆरॊदॆस सखी मंजर केरर, इदिन ती मुन्द आर बैरी रहचर।
13
तहाँ पिलातुस मुध नैगर दरा नन्ना यहूदी मुद्धर अरा आलारिन मीख़ियस ती ख़ॊंड़चस।
14
अरा आरिन बाचस, “नीम ई आलासिन हुलहुली ननू बाचकर ती एंग्है गुसन ओन्द्रकर। अरा ऎरा, ऎन ईसिन निम्है मुन्दहारे जंच्चकन। लिकिन एका कत्था ही पत्त नू नीम ईस मइय्याँ दोस ठेकबाचकर अदिन ऎन आस मइय्याँ मल ख़क्खकन।
15
अरा हॆरॊदॆस हूँ मल ख़क्खियस। आस गा एम्है गुसन ईसिन किर्ताचस। अरा ऎरा, पिटरना जॊगे एन्देर नलख हूँ ईस मल नंजकादस।
16
औंगे ईसिन ऎन कोर्रा लौत'ओन ती अम्बोन चि'ओन।”
17
[अक्कुन पिलातुस गे चानुम कट्टना परब ही उल्ला नू ओन्टा गुड़ुरकासिन यहूदी आलर गे अम्बना चाड़ रहचा।]
18
लिकिन ओर्मा आलर चिच्चियारनुम ब'आ लगियर, “ईसिन पिटा अरा एमा गे बरब्बसिन अम्बा।”
19
ई बरब्बस नगरे नू हुलहुली नंजका दरा आल पिटका चड्डे जेहेल नू गुड़ुरका रहचस।
20
पिलातुस गा येसुसिन अम्बा बेद्दना चड्डे आलारिन अउर ओंग्होन मेंजस।
21
आर गा, “ईसिन क्रुस नू ठोक'आ, क्रुस नू ठोक'आ” ब'अरकी चिच्चियारर।
22
पिलातुस तिसर हॆल आरिन बाचस, “एन्देरगे, ईस एन्देर मलदौ नंजकादस? ऎन गा ईस नू पिटरना जॊगे एन्देर हूँ गुन्हा मल ख़क्खकन। औंगे ईसिन लौत'ओन ती अम्बोन चि'ओन।”
23
लिकिन आर कोड़हे चिच्चियार चिच्चियार आना लगियर का ईसिन क्रुस नू ठोकना र'ई। अरा आर ही चिच्चियारना दिम जीतचा।
24
ख़ने पिलातुस आर ही ने'अना लेक्खा नना गे हुकमारस।
25
अरा आस हुलहुली नंजका दरा पिटका चड्डे जेहेल नू गुड़ुरकासिन आर ही ने'अना लेक्खा आसिन अम्बियस चिच्चस अरा येसुसिन आर ही मने लेक्खा नन्त'आ गे सोंपचस।
26
सैनर येसुसिन हो'आ लगियर, आ बारी सिमॊन नामे कुरॆनॆ नगरे ता आलस पद्दा तरती येरुसलॆम बर'आ लगियस। आसिन ढेवां नंजर ती क्रुस आबोन चेड़ताचर अरा येसुसी ख़ॊख़ा ख़ॊख़ा हो'आ काला गे बाचर।
27
बग्गे आलर ही गोंहड़ा अरा आस गे चींख़नुम ओलख़नुम मुक्कर हूँ आसी ख़ॊख़ा ख़ॊख़ा काला लगियर।
28
लिकिन येसुस आर ही तरा बिड़दरस ती बाचस, “अना येरुसलॆम ता मुक्कारो, एंग्है चड्डे अमा चींख़ा, निमा गे अरा निम्है ख़द्दर गे चींख़ा।
29
ऎरा, आ सस्ती ही उल्ला बर'आ लगी एकइय्या आलर ब'ओर, ‘बंझली मुक्कर गे दौ मनी, अरा एका मुक्कर इकला हूँ ख़द्द मल्ला पक्का अरा ख़द्दारिन मल्ला पॊसका आर गे दौ मनी।’
30
तहाँ आलर परता गुट्ठिन ब'ओर, ‘एम्है मइय्याँ खत्तर'अय’ अरा टुंगरिन ब'ओर ‘एमन डब'अय।’
31
एन्देरगेका आर हरियर मन्न गने एन्ने नन्नर होले ख़ैका मन्न गने एन्देर एन्देर मल ननोर?”
32
आर दुई झन मलदौ नलख नंजका आलारिन हूँ येसुस गने पिटा गे हो'आ लगियर।
33
आर खपरोही बारना अड्डा अंड़सियर ख़ने, आर असन येसुसिन दरा मलदौ नंजका आलारिन क्रुस नू ठोकचर । ओर्तोसिन तीना अरा ओर्तोसिन डेब्बा पक्खा ठोकचर।
34
[ख़ने येसुस बाचस, “अना बबा, ईरिन छमा नना, ईर गा एन्देर नन्नर अदिन बलनर।”] अरा सैनर चिठी टिड्डर ती आसी किचरी गुट्ठिन ख़ट्टरर ।
35
आलर इज्जर ती ऎरना बारी रहचर। अरा यहूदी मुद्धर येसुसिन लज्जे मॊख़ताचर ती बाचर, “ईस गा नन्नारिन नाड़ियस, ईस धर्मेसी चज्जिका आल मसीस हिकदस होले तंगन नाड़दस नेकअन।”
36
अरा सैनर हूँ आसिन लज्जे मॊख़ताचर, अरा बरचर ती आस गे तिस्सा अंगुर रासी चिच्चर।
37
अरा बाचर, “नीन यहूदीर ही बॆलय हिकदय होले निंगन नाड़ा।”
38
अरा दोस चिठी हूँ आसी मइय्याँ क्रुस नू लिख्रकी रहचा का “ईस यहूदीर ही बॆलस हिकदस।”
39
क्रुस नू ठोकचका मलदौ आलर ती ओर्तोस येसुसिन निंदा नंजस दरा बाचस, “नीन मसी मलदय का? अन्ने होले निंगन अरा एमन हूँ नाड़ा।”
40
लिकिन नन्नस आसिन घुड़काचस ती बाचस, “एन्देर नीन धर्मेसिन हूँ मल एल्चदय? नीन हूँ गा अन्नेम दंडे ख़क्खालदय।
41
अरा नम्है दंडे गा नॆग ती मानिम र'ई, नाम नम्है नलख ही जोक्खा दंडे ख़क्खा लगदत। लिकिन ई आलस एन्देर हूँ मलदौ मल नंजकादस।”
42
ख़ने आस बाचस, “अना येसु, इकला नीन निंग्है राजी नू राजी ननोय एंगन सुरत'अके।”
43
येसुस आसिन बाचस, “ऎन निंगन मानिम ब'अदन, इन्नम नीन एंग्है गने परदेसोस नू र'ओय।”
44
अक्कु मलागूटी लोहाड़ी बारा बजे रहचा। ई बारी ती तीन बजे गूटी गोट्टा चक ऊख़ा मंजा केरा।
45
बीड़ी ऊख़ा मंजा। अरा धर्मेसी मन्दिर ही परदा मइय्याँ ती किइय्या गूटी चर्रा ती दुई फड़ा मंजा केरा।
46
अरा येसुस जॊरसरिया चिच्चियारनुम बाचस, “अना बबा, ऎन एंग्है बॊलतन निंग्है ख़ेक्खा नू अम्बदन।” अरा एन्ने बाचस ती आस तंग्है जियन बिच्छरस।
47
ई मंजकन रोमी सैनर ही मुद्धस ईरियस ती धर्मेसी ओहमा नंजस अरा बाचस, “मानिम ई आलस उजगो रहचस।”
48
अरा असन ख़ॊंड़रका उर्मी आलर ई मंजकन ईरियर ती दुक्खे ती तम्है एवंख़न ठोकोरनुम तम्है एड़पा किर्रियर।
49
अरा येसुसी ओर्मा चिन्हार आलर अरा गलिलेया जिला ती आस गने चॊंख़्रका मुक्कर गेच्छम इज्जर ती इबड़ा उर्मिन ऎरा लगियर।
50
असन यॊसॆफस नामे यहूदीर ही सभा ता आलस रहचस। आस दौ अरा उजगो आलस रहचस।
51
आस यूदेया जिला ही अरिमतिया पद्दा ता आलस रहचस। आस गे यहूदी मुद्धर ही इबड़ा चिताबुता अरा नलख ती मने मल रहचा। अरा आस धर्मेस इकला तंग्है आलारिन राजी ननोस अदिन आस पाब ऎरालियस।
52
आस पिलातुस गुसन केरस ती येसुसी मॆदन नॆचस।
53
अरा अदिन एत्ताचस ती ओन्टा दिगहा कफन किचरी ती मुसगियस अरा चचड़ी नू पत्तरकी कम्रका ओन्टा मसड़ा नू कीदस, अइय्या इकला हूँ नॆकन हूँ मल उइय्का रहचा।
54
आ उल्ला सपड़'अना ही उल्ला रहचा अरा बीड़ी पुत्तका ती ख़न्न ऎख़ना उल्ला ऒरे मन्ना रहचा।
55
अबड़ा मुक्कर नॆ येसुस गने गलिलेया जिला ती बरचका रहचर आर यॊसॆफसी ख़ॊख़ा ख़ॊख़ा केरर दरा मसड़न दरा आसी मॆद एकासे उइरा अदिन ईरियर।
56
ख़ने आर किर्रियर ती येसुसी मॆद नू नलबा गे गमगमरना आलॊन दरा गमगमरना इसुंगन सराजमा नंजर। अरा ख़न्न ऎख़ना उल्ला ही मूसासी नॆग ही लेक्खा ख़न्न ऎख़रर।
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24