1 John 1

Luganda (BIBU1) (BIBULIYA ENTUKUVU)

Jump to: Chapter 2 →

1Ekyo ekyaliwo okuva mu masooka, kye twawulira, kye twalabako n'amaaso gaffe, kye twatunulako ddala ne tukwatako n'engalo zaffe, kikwata ku Kigambo ow'obulamu -

2obulamu obwo bwayolekebwa, ne tubulaba, era bwe tutegeeza, era tubabuulira obulamu obutaggwaawo obwalinga ne Taata, obwatwolekebwa.

3Ekyo kye twalaba, kye twawulira, kye tubabuulira, mulyoke mubeere kimu naffe; anti tuli kimu ne Taata n'Omwana we Yezu Kristu.

4Bino tubiwandiise essanyu lyaffe lituukirire.

5Buno bwe bubaka bwe twawulira okuva gy'ali, era bwe tubabuulira, nti Katonda kitangaala, mu ye temuli kizikiza n'akatono.

6Bwe tugamba nti tuli kimu naye, naye nga tutambulira mu kizikiza, tuba tulimba, tuba tetukola mazima;

7naye bwe tutambulira mu kitangaala, nga ye bw'ali mu kitangaala, olwo tuba tuli kimu, n'omusaayi gwa Yezu Omwana we gututukuzaako ebibi byonna.

8Bwe tugamba nti tetuliiko kibi, tuba twerimba, n'amazima tegatuliimu.

9Bwe twatula ebibi byaffe, ye mwesigwa era mutuufu, ajja kusonyiwa ebibi byaffe, atutukuzeeko buli butali butuukirivu bwonna.

10Bwe tugamba nti tetukolanga kibi, tumufuula mulimba, n'ekigambo kye kiba tekituliimu.

Jump to: Chapter 2 →