Lamentations 5

Luganda (BIBU1) (BIBULIYA ENTUKUVU)

← Chapter 4 Jump to:

1Ayi Katonda, jjukira ekitugwiridde; tunula, olabe obuswavu bwaffe.

2Obusika bwaffe buweereddwayo mu bagwira, n'amaka gaffe mu b'amawanga.

3Tufuuse bamulekwa, abataliiko kitaabwe, bannyaffe bali nga bannamwandu.

4Amazzi gaffe tunywa ga ssente, n'enku zaffe zijjirako omuwendo.

5Tusindikirizibwa n'ekikoligo ku nsingo, tukooye, naye tetuweebwa kuwummula.

6Twayanjalira Misiri ne Assuri engalo tufuneyo ku mmere emala.

7Bajjajjaffe baayonoona; tebakyaliwo, kati ffe twetisse obuzito bw'ebibi byabwe.

8Abaddu be batufuga, ate tewali atununula mu mikono gyabwe.

9Okufuna ekyokulya tutunda mwoyo, olw'okubeera ekitala mu ddungu.

10Olususu lwaffe lwokya ng'akabiga olw'olubabu lw'enjala.

11Abakazi mu Siyoni bagwagwawaziddwa, n'abawala embeerera mu bibuga bya Yuda.

12Abakungu baasibwa emikono ne baleebesebwa ku kalabba, n'abakadde tebassibwamu kitiibwa.

13Abavubuka babbinkana n'emmengo, obulenzi bugwirana n'ebinywa by'enku.

14Abakadde bavudde ku nzigi z'ekibuga, n'abavubuka basirissa ennyimba zaabwe.

15Essanyu lituwedde ku mutima, amazina gaffe gafuuse miranga.

16Engule ewanuse ku mitwe gyaffe. Zitusanze, kubanga twayonoona!

17Olw'ekyo emitima gyaffe gyennyise; olw'ebyo amaaso gaffe gayimbadde,

18olw'olusozi Siyoni olwabuliddwa, ebibe nga bye bitaayaaya wonna.

19Sso ggwe, ayi Mukama, ofuga emirembe gyonna; nnamulondo yo ya kubeerawo mu mazadde n'amazadde.

20Lwaki okutwerabira bulijjo? Lwaki otwabulira ebbanga eggwanvu lityo?

21Tuzze gy'oli, Ayi Mukama, tudde, ennaku zaffe zizze buggya nga luli edda.

22Wabula mpozzi ng'otusuulidde ddala, ng'otusunguwalidde nnyo.

← Chapter 4 Jump to: