Hosea 3

Lugbara (E’yo Siza Alatararu Munguniri BIBLIA)

← Chapter 2 Jump to: Chapter 4 →

1Yehova nga ’yo ma tia, Mi mu nga dika, mi ma le oku agupi eri vilerini lele tu, te ali o’bapi saaruri; tro tro ekile Yehovani anzi Israelini lelerile, ka tro yi oja yi adrou ma vuti bizu, zabibu ’wiza olie ngulunguluri lezu indi ti.

2E’yo ’dirisi ma onze eri ma dri silingi mudri drini towisi, azini ondu afazu amborua tre azini drinia ondu ali afazu wereari ma aliarisi indio Baali ma eli Opi mani.

3Te ma nga ’yo eri tia, Mi ma te ma be ’dani o’du kakau; mi ma aci saaru ali o’bazu ku, te mi ma ovu ’ba azini ma okuru ku; te ma nga ovu mi vu bani ’dinile.

4A’disiku anzi Israelini nga adri o’du kakau opi kokoru, opianzi nga ovu yo, edeta edeza yo, pati i’diza yo, bongo ’ba edeta edepi ’diyini yo, wura inzitaru vini yo.

5Te vilerisi anzi Israelini nga emvi Yehova Mungu yiniri pi ndazu Daudi opi yini be; yi nga emu Yehova vu urisi onyi erini a’izu o’du vileria.

← Chapter 2 Jump to: Chapter 4 →