bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Hosea 7
Hosea 7
Lugbara (E’yo Siza Alatararu Munguniri BIBLIA)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 8 →
1
Ma ka nga suru mani ’bani ejile ati’baruri omvi dika ’boria, ma ka le Israelini ati ra, e’yo onzi Efiraimuni nga e’da ra, azini e’yo onzi Samariani indi; ’yini e’yo inzoru ’yelerisi, oguou fi joa, azini oguou yi okupi tualu ’diyi afa opa ayii.
2
Te yi droni asisile yi ma asia ku kini ma ega e’yo onzi yini dria ’dinini ku. Curu’do ’yeta yi ma ngulupini ’diyi ace yi ageia kuru, yi ovu ma milia.
3
Yi fe ayiko opi dri e’yo onzi yinisi, azini opianzi dri inzo liza yinisi.
4
Yi dria ovu ’ba ali o’bapi ’diyi; yi ovu ekile atuluku ’ba mikate a’dipirinirile; eri ka mikate eti ’bo eri nga ku ad sozu ja de nga pini ku.
5
O’du ambo opi amanirinisi, opianzi yi ati ewasi adru; eri eju dri ini ’ba eganaru ’diyi be.
6
E’yo ’disi yi ede asi yini ekile atuluku acirule, yini ’ba teria ambasi; ’ba yini mikate a’dipiri ko o’du ini be rra; o’bitisi eri ve aci dipi dirile.
7
Yi dria ovu adru atuluku acile, yi ’ba yi ma e’yo lipi ’diyi ove ra. Opi yini ’diyi o’de va dria ’bo; ’ba aluni yi ma eselia ma omvepini yo.
8
Efiraimuni i osa suru azini be; Efiraimu ovu ekile mikate ’bani ojale kurile.
9
’Ba jururu yi nya okpo erini, te eri nini ku; dribifu enga eri ma dria alu alu, te eri nini ku.
10
Afu Israeliniri e’yo eti nza ezima milia; te ti, yi emvini Yehova Mungu yini vu ku, yi ndruni vini eri e’yo ’disi ku.
11
Efiraimu eri ovu ekile a’balau azazaru, e’yo vapi kurile; yi omve Misiri, mi mu Asuriaa.
12
Yini muria, ma nga emba mani ’be yi ma dria; ma nga yi li va ekile aria ’buarile; ma nga panga fe yi dri, ekile ’ba ongulumuru yini ’diyini erile ’borile.
13
Drileonzi yi dri, yini apale masi ’borisi! Dri jaza yi dri, a’disiku yi eza ma ra! Te ma ka le yi onze ti, yi ’yo e’yo inzoru ma ruaa.
14
Yi wuni ma vu asi yinisi ku, te yi lulu oga gbolo yini dria; yi oku yi anya yini ma e’yosi ewa be, re yi mbu ma ruaasi amve.
15
Ma ka ndra yi imba ma’i ti, ma ka ndra yi ma dri mba ma’i ti, yi e’yo onziniru otu maruaa ’dani.
16
Yi emvi ra, te emvini Mungu ovupi Uru Turi vu ku; yi ovu ekile osu i trapi godorile; opianzi yini ’diyi nga e’de sei sia ti ad yinisi. E’yo ’diri nga ovu yi dri ajidimaru angu Misiria ra.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 8 →
All chapters:
1
2
3
4
5
6
7
8
9
10
11
12
13
14