bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Genesis 42
Genesis 42
Lahu Bible Edited © Thailand Bible Society and Bible Society of Myanmar, 2010, 2020.
← Chapter 41
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 43 →
1
Eˇjiˇtu‸ mvuhˇmiˬ hkʼaw caˬ shiˍ hkʼa biˇ cawˬ ve awˬ hkawˇ hta‸ Yaˍkoˆ gʼa kaˇ ve te yanˇ, yawˇ ve yaˇ teˇ hpaˍ hta‸ kʼoˆ piˇ ve, Aˬ hto‸ ma pa taw, nawˬ hui hkʼe leˇ jo baˬ taˍ ve le.
2
Eˇjiˇtu‸ mvuhˇmiˬ hkʼaw caˬ shiˍ hkʼa biˇ cawˬ ve awˬ hkawˇ ngaˬ gʼa kaˇ ve yoˬ. Ngaˬ hui a sha‸ gʼa te‸ tuˬ, oˇ kaˬ lo kʼai leh caˬ shiˍ ca vuiˬ-o‸, teh‸ yawˇ hui hta‸ kʼoˆ piˇ ve yoˬ.
3
Hkʼe te leh, Yoˇseh‸ ve awˬ viˉ paˍ oˇ ve teˇ chi gʼaˇ lehˬ caˬ shiˍ ca vuiˬ tuˬ Eˇjiˇtu‸ mvuhˇmiˬ lo kʼai ve yoˬ.
4
Ya‸ hkʼaˇ, Yaˍkoˆ lehˬ Yoˇseh‸ ve awˬ nyi paˍ Beˍyaˍmenˍ hta‸ yawˇ hui geh maˇ kʼai peu. Awˬ lawn kʼo, yawˇ hta‸ teˇ ceuˬ ceuˬ hpeh‸ la puiˉ-aˆ teh‸ dawˇ hkiˉ ve pa taw yoˬ.
5
Hkʼe te leh, Iˉsaˍreˍlaˆ ve yaˇ teˇ hpaˍ lehˬ awˬ nu ve chaw teˇ hpaˍ geh teˇ geh caˬ shiˍ ca vuiˬ tuˬ Eˇjiˇtu‸ mvuhˇmiˬ lo kʼai ve yoˬ. Awˬ lawn kʼo, Hkaˍnanˍ mvuhˇmiˬ hkʼaw lo htawˇ, meu‸ lonˉ kaˆ lonˉ gaˬ la ve pa taw yoˬ.
6
Awˬ yanˇ oˇ ve hkʼaw, Yoˇseh‸ lehˬ Eˇjiˇtu‸ mvuhˇmiˬ hkʼaw jawˇmawˇ te chehˇ leh, mvuhˇmiˬ yaˇ hkʼa peu-eˬ ve hta‸ caˬ shiˍ hawˇ piˇ chehˇ ve yoˬ. Yoˇ seh‸ ve awˬ viˉ paˍ teˇ hpaˍ laˬ leh, yawˇ mehˆ gʼuˇ suhˍ lo boˆ taˍ ve yoˬ.
7
Yoˇseh‸ yawˇ hui hta‸ mawˬ ve teˇ yanˇ, yawˇ yawˇ hui hta‸ teˇ cawˬ haˉ shiˍ ve yoˬ. Ya‸ hkʼaˇ, yawˇ lehˬ yawˇ hui hta‸ maˇ shiˍ ve hkʼe te leh, Nawˬ hui hkʼaˬ lo laˬ ve le, teh‸ na nyi ve yoˬ. Oˇ htaˇ yawˇ hui lehˬ, Ngaˬ hui Hkaˍnanˍ mvuhˇmiˬ hkʼaw chehˇ ve yoˬ, teh‸ kʼaw‸ yaw hkʼaw‸ piˇ ve yoˬ.
8
Yoˇseh‸ yawˇ hui hta‸ shiˍ ve htawˇ, yawˇ hui yawˇ hta‸ maˇ shiˍ.
9
Yawˇ lehˬ, ponˬ laˬ htaˇ yawˇ zuh‸ maˆ mawˬ ve hta‸ kʼaw‸ dawˇ nawˇ la ve yoˬ. Hkʼe te leh, yawˇ yawˇ hui hta‸ kʼoˆ piˇ ve, Nawˬ hui lehˬ chaw jaˆ hpeh‸ leh, ngaˬ hui ve mvuhˇmiˬ hkʼaˬ lo teˇ kaˬ gʼaˇ nuˇ kuiˬ cawˬ ve hta‸ ca jaˆ nyi la ve yoˬ, teh‸ kʼoˆ piˇ ve yoˬ.
10
Yawˇ hui kʼaw‸ kʼoˆ ve, Jawˇmawˇ-oˬ, oˇ hkʼe maˇ heˆ. Ngaˬ hui lehˬ nawˬ ve awˬ ceˬ hpeh‸ leh, choˬ kaˬ lo caˬ shiˍ ca vuiˬ la ve yoˬ.
11
Ngaˬ hui lehˬ, awˬ viˉ awˬ nyi deˇ deˇ hpeh‸ ve yoˬ. Ngaˬ hui lehˬ, hteˇ ve cawˇ ve chaw hpeh‸ leh chaw jaˆ maˇ heˆ, teh‸ yawˇ hta‸ kʼoˆ piˇ ve yoˬ.
12
Ya‸ hkʼaˇ Yoˇseh‸ lehˬ, Nawˬ hui chaw jaˆ hpeh‸ leh, ngaˬ hui ve gʼaˇ nuˇ kuiˬ hta‸ ca jaˆ nyi la taˍ ve yoˬ, teh‸ kʼaw‸ kʼoˆ piˇ ve yoˬ.
13
Yawˇ hui kʼaw‸ kʼoˆ ve, Jawˇmawˇ-oˬ, ngaˬ hui lehˬ Hkaˍnanˍ mvuhˇmiˬ hkʼaw chehˇ ve chaw teˇ gʼaˇ tiˉ ve yaˇ teˇ hpaˍ hpeh‸ leh, ngaˬ hui awˬ viˉ awˬ nyi teˇ chi nyiˇ gʼaˇ cawˬ ve yoˬ. Awˬ nyi paˍ leh teˇ gʼaˇ lehˬ, ngaˬ hui ve awˬ pa geh chehˇ taˉ leh, teˇ gʼaˇ leh suh kʼai peuˬ, teh‸ kʼoˆ piˇ ve yoˬ.
14
Ya‸ hkʼaˇ, Yoˇseh‸ teˇ pawˆ kʼaw‸ kʼoˆ ve, Ya‸ sheh ngaˬ kʼoˆ peuˬ ve hkʼe nawˬ hui lehˬ chaw jaˆ hpeh‸ ve yoˬ.
15
Nawˬ hui hta‸ lawˇ nyi tuˬ chi hkʼe gʼa te tuˬ yoˬ. Nawˬ hui ve awˬ nyi paˍ leh hta‸ choˬ kaˬ lo maˇ shiˍ veu laˇ ve ceh ceh, nawˬ hui choˬ kaˬ lo maˇ gʼa tawˆ kʼai.
16
Nawˬ hui awˬ hkʼaw lo teˇ gʼaˇ kʼaw‸ kʼo‸-e leh, nawˬ hui ve awˬ nyi paˍ leh hta‸ ca kʼaw‸ shiˍ-o‸. Awˬ nu ve chaw hkʼa peu-eˬ ve hta‸ htawnˍ hkʼaw lo keu taˍ tuˬ yoˬ. Chi hkʼe te ve hkʼaw, nawˬ hui kʼoˆ ve hkʼe cawˇ maˇ cawˇ ve hta‸ chaˬ nyi tuˬ yoˬ, teh‸ kʼoˆ piˇ ve yoˬ.
17
Hkʼe te leh, yawˇ hui hta‸ shehˆ nyi hkʼa gaˬ htawnˍ hkʼaw yuˬ keu taˍ ve yoˬ.
18
Shehˆ nyi gaˬ ve teˇ yanˇ, Yoˇseh‸ yawˇ hui hta‸ kʼoˆ piˇ ve, Ngaˬ kʼoˆ ve hkʼe te-o. Oˇ hkʼe te ve kʼo, nawˬ hui hta‸ hpehˇ laˇ tuˬ yoˬ. Awˬ lawn kʼo, ngaˬ lehˬ Gʼuiˬsha hta‸ kawˆ ve chaw teˇ gʼaˇ hpeh‸ ve yoˬ.
19
Nawˬ hui hteˇ ve cawˇ ve chaw hpeh‸ ve hta‸ gʼa shiˍ tuˬ, nawˬ hui awˬ hkʼaw lo ve chaw teˇ gʼaˇ htawnˍ hkʼaw chehˇ taˉ leh, awˬ nu ve chaw teˇ hpaˍ lehˬ nawˬ hui ve yehˬ kʼa awˬ pon loˍ ve caˬ shiˍ pfuhˇ kʼo‸-e loˬ.
20
Ya‸ hkʼaˇ, nawˬ hui ve awˬ nyi paˍ leh hta‸ ngaˬ geh lo gʼa shiˍ veu laˇ ve yoˬ. Oˇ hkʼe te ve kʼo, nawˬ hui kʼoˆ ve tawˇ teˇ hpaˍ cawˇ ve hta‸ ngaˬ gʼa shiˍ leh, nawˬ hui gʼa suh tuˬ ve maˇ heˆ, teh‸ kʼoˆ piˇ ve yoˬ.
21
Oˇ htaˇ, yawˇ hui teˇ gʼaˇ leh teˇ gʼaˇ kʼoˆ da‸ leh kʼoˆ ve, Ngaˬ hui ve awˬ nyi paˍ hta‸ te piˇ taˍ ve hkʼe, chi beu‸ ngaˬ hui gʼa kʼaw‸ hkanˍ ve yoˬ. Awˬ lawn kʼo, yawˇ dawˇ haˍ hpeh‸ bawˬ jaˇ leh ngaˬ hui hta‸ lawˬ hkawˉ ve htawˇ, ngaˬ hui yawˇ ve tawˇ hta‸ maˇ na yuˬ piˇ. Chi hta‸ pa taw, chi beu‸ ngaˬ hui chi hkʼe gʼa kʼaw‸ hkanˍ ve yoˬ, teh‸ kʼoˆ ve yoˬ.
22
Oˇ htaˇ Ruˇbenˍ lehˬ, Yaˇ paˍ chi hta‸ te‸ chiˉ taˇ te piˇ, teh‸ ngaˬ nawˬ hui hta‸ kʼoˆ piˇ ve maˇ heˆ laˇ. Ya‸ hkʼaˇ, nawˬ hui lehˬ ngaˬ kʼoˆ ve tawˇ hta‸ maˇ na yuˬ. Chi beu‸ yawˇ ve awˬ suhˍ ngaˬ hui awˬ hkʼoˆ gaˬ la peuˬ. Ngaˬ hui gʼa hkanˍ ve tiˉ yoˬ, teh‸ kʼoˆ ve yoˬ.
23
Yoˇseh‸ yawˇ hui hta‸ tawˇ yaw da‸ ve teˇ yanˇ, tawˇ caˉ te paˍ hta‸ cuˇ leh tawˇ yaw piˇ chehˇ ve pa taw, yawˇ hui kʼoˆ da‸ ve tawˇ hta‸ Yoˇseh‸ na gʼa chehˇ ve hta‸ yawˇ hui maˇ shiˍ.
24
Yoˇseh‸ yawˇ hui geh tawˆ kʼai leh hawˬ ve yoˬ. Yawˇ yawˇ hui geh teˇ pawˆ kʼaw‸ laˬ leh, Suˉmonˍ hta‸ yawˇ hui gʼuˇ suhˍ hpeh tsuh‸ maˍ piˇ ve yoˬ.
25
Oˇ ve hkʼaw‸ nawˉ, yawˇ hui ve htuˉ pui hkʼaw caˬ shiˍ hkʼa biˇ nyiˉ keu piˇ leh, yawˇ hui ve hpu hta‸ htawˇ yawˇ hui ve htuˉ pui hkʼaw kʼaw‸ keu piˇ tuˬ, yawˇ ve chaw teˇ hpaˍ hta‸ tawˇ piˇ ve yoˬ. Chi hkʼoˆ, yawˇ hui ya‸ kʼaw kʼaˉ lo caˇ kʼo‸-e tuˬ ve caˇ tuˬ teˇ hpaˍ ka‸ piˇ tcuh ve yoˬ.
26
Yawˇ hui lehˬ, caˬ shiˍ oˇ ve teˇ hpaˍ hta‸ piˉlaˬ hkʼoˆ tsuh‸ keu peuˬ hkʼaw‸ nawˉ, oˇ kaˬ lo tawˆ kʼai ve yoˬ.
27
Mvuhˇ hpeu‸ la leh ya‸ kʼaw kʼaˉ lo haˉ tuˬ gu chehˇ htaˇ, yawˇ hui awˬ hkʼaw lo ve teˇ gʼaˇ lehˬ piˉlaˬ hta‸ caˬ shiˍ caˍ piˇ tuˬ yawˇ ve htuˉ pui hta‸ hpeu‸ ve teˇ yanˇ, htuˉ pui hkʼaw lo yawˇ ve hpu hta‸ gʼa kʼaw‸ mawˬ ve yoˬ.
28
Oˇ htaˇ yawˇ lehˬ, Ngaˬ ve hpu ngaˬ hta‸ kʼaw‸ hkʼaw‸ laˇ ve law. Choˬ kaˬ nyi sheˬ. Ngaˬ ve htuˉ pui hkʼaw hpu oˇ ve cawˬ taˍ laˇ ve yoˬ, teh‸ yawˇ hui hta‸ kʼoˆ piˇ ve yoˬ. Yawˇ hui hkʼa peu-eˬ dawˇ maˇ tawˆ leh, Gʼuiˬsha ngaˬ hui hta‸ hkʼaˬ hkʼe te laˇ ve le, teh‸ teˇ gʼaˇ leh teˇ gʼaˇ kʼoˆ da‸ ve yoˬ.
29
Yawˇ hui Hkaˍnanˍ lo kʼaw‸ gaˬ ve teˇ yanˇ, hpeh‸ la peuˬ ve awˬ lawn hkʼa peu-eˬ yawˇ hui ve awˬ pa hta‸ hto maˍ piˇ leh kʼoˆ ve,
30
Mvuhˇmiˬ oˇ ve hkʼaw jawˇmawˇ te chehˇ ve chaw teˇ gʼaˇ lehˬ, ngaˬ hui hta‸ tawˇ hehnˇ chaweh yaw laˇ leh, Ngaˬ hui lehˬ chaw jaˆ hpeh‸ ve yoˬ, teh‸ kʼoˆ laˇ ve yoˬ.
31
Ya‸ hkʼaˇ ngaˬ hui kʼaw‸ kʼoˆ piˇ ve, Ngaˬ hui lehˬ chaw jaˆ hpeh‸ ve maˇ heˆ. Hteˇ ve cawˇ ve chaw hpeh‸ ve yoˬ.
32
Ngaˬ hui lehˬ, awˬ viˉ awˬ nyi teˇ chi nyiˇ gʼaˇ cawˬ leh, awˬ pa teˇ gʼaˇ tiˉ ve yaˇ hpeh‸ ve yoˬ. Teˇ gʼaˇ lehˬ suh kʼai peuˬ. Ya‸ hkʼaˇ, yaˇ paˍ leh teˇ gʼaˇ lehˬ ngaˬ hui ve awˬ pa geh Hkaˍnanˍ mvuhˇmiˬ hkʼaw chehˇ taˉ ve yoˬ, teh‸ yawˇ hta‸ kʼoˆ piˇ ve yoˬ.
33
Chaw oˇ ve kʼaw‸ kʼoˆ ve, Nawˬ hui hteˇ ve cawˇ ve chaw hpeh‸ ve hta‸ ngaˬ gʼa shiˍ tuˬ, chi hkʼe te shaˍ. Nawˬ hui awˬ hkʼaw lo teˇ gʼaˇ ngaˬ geh chehˇ taˉ leh, awˬ nu ve chaw teˇ hpaˍ lehˬ a shu yawˇ miˇ yaˇ awˬ pon loˍ ve caˬ shiˍ pfuhˇ leh kʼo‸-e loˬ.
34
Nawˬ hui hteˇ ve cawˇ ve chaw hpeh‸ leh, chaw jaˆ maˇ heˆ ve hta‸ gʼa shiˍ tuˬ, nawˬ hui ve awˬ nyi paˍ leh hta‸ ngaˬ geh shiˍ veu laˇ-oˆ. Oˇ hkʼe te ve kʼo, ngaˬ nawˬ hui ve chaw chi teˇ gʼaˇ hta‸ hpehˇ laˇ leh, nawˬ hui lehˬ ngaˬ ve mvuhˇmiˬ chi hkʼaw ha lehˬ ha kʼa gʼa te toˇ tuˬ yoˬ, teh‸ kʼoˆ laˇ ve yoˬ teh‸ yawˇ hui ve awˬ pa hta‸ kʼoˆ piˇ ve yoˬ.
35
Teˇ gʼaˇ le le a shu yawˇ ve caˬ shiˍ hta‸ ngeuˍ tawˆ nyi ve teˇ yanˇ, a shu yawˇ ve htuˉ pui hkʼaw hpu htiˆ hta‸ gʼa mawˬ ve yoˬ. Oˇ htaˇ, yawˇ hui hkʼa peu-eˬ kawˆ jaˇ ve yoˬ.
36
Oˇ htaˇ yawˇ hui ve awˬ pa kʼoˆ ve, Nawˬ hui ngaˬ ve yaˇ teˇ hpaˍ mehˉ kʼai tuˬ te laˇ chehˇ ve laˇ. Yoˇseh‸ mehˉ kʼai peuˬ. Suˉmonˍ htawˇ mehˉ kʼai peuˬ. Chi beu‸ Beˍyaˍmenˍ hta‸ htawˇ nawˬ hui kʼaw‸ shiˍ kʼai tuˬ kʼoˆ chehˇ ve yoˬ. Ngaˬ lehˬ dawˇ haˍ jaˇ ve yoˬ, teh‸ yawˇ hui hta‸ kʼoˆ piˇ ve yoˬ.
37
Oˇ htaˇ Ruˉbenˍ kʼoˆ ve, Nawˬ ve yaˇ paˍ leh hta‸ ngaˬ nawˬ geh maˇ kʼaw‸ shiˍ hkʼaw‸ veu laˇ kʼo, ngaˬ yaˇ paˍ nyiˇ gʼaˇ gʼaˇ hta‸ nawˬ tiˇ pehˍ-o‸. Yawˇ hta‸ ngaˬ hkʼa deh‸ ha‸ shaˉ leh nawˬ geh lo kʼaw‸ shiˍ hkʼaw‸ veu laˇ tuˬ yoˬ, teh‸ yawˇ ve awˬ pa hta‸ kʼoˆ piˇ ve yoˬ.
38
Ya‸ hkʼaˇ Yaˍkoˆ lehˬ, Ngaˬ yaˇ paˍ hta‸ nawˬ hui geh peu laˇ maˇ hpeh‸. Awˬ lawn kʼo, yawˇ ve awˬ viˉ paˍ suh peuˬ leh, yawˇ teˇ gʼaˇ ceh tiˉ cawˬ taˉ ve yoˬ. Ya‸ kʼaw kʼaˉ lo yawˇ teˇ ceuˬ ceuˬ hpeh‸ ve kʼo, ngaˬ dawˇ haˍ jaˇ leh gʼa suh-e tuˬ yoˬ, teh‸ kʼaw‸ kʼoˆ piˇ ve yoˬ.
← Chapter 41
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 43 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50