bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Genesis 43
Genesis 43
Lahu Bible Edited © Thailand Bible Society and Bible Society of Myanmar, 2010, 2020.
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 44 →
1
Hkaˍnanˍ mvuhˇmiˬ hkʼaw meu‸ lonˉ kaˆ lonˉ cawˬ chehˇ sheˬ leh,
2
yawˇ hui Eˇjiˇtu‸ mvuhˇmiˬ lo yuˬ veu laˇ ve caˬ shiˍ hta‸ caˇ peuˬ ve teˇ yanˇ, yawˇ hui ve awˬ pa lehˬ, Eˇjiˇtu‸ mvuhˇmiˬ lo teˇ pawˆ kʼaw‸ kʼai leh ngaˬ hui awˬ pon caˬ shiˍ ca kʼaw‸ vuiˬ-o‸, teh‸ yawˇ ve yaˇ teˇ hpaˍ hta‸ kʼoˆ piˇ ve yoˬ.
3
Oˇ htaˇ Yuˇda‸ lehˬ, Chaw oˇ ve nawˬ hui ve awˬ nyi paˍ leh hta‸ maˇ shiˍ veu laˇ ve kʼo, ngaˬ mehˆ gʼuˇ suhˍ maˇ gʼa laˬ, teh‸ ngaˬ hui hta‸ kʼoˆ laˇ taˍ ve yoˬ.
4
Ngaˬ hui ve awˬ nyi paˍ leh hta‸ nawˬ ngaˬ hui geh kʼai peu laˇ ve kʼo, ngaˬ hui kʼaw‸ kʼai leh nawˬ awˬ pon caˬ shiˍ ca kʼaw‸ vuiˬ tuˬ yoˬ.
5
Ya‸ hkʼaˇ, nawˬ yawˇ hta‸ maˇ kʼai peu laˇ ve kʼo, ngaˬ hui htawˇ maˇ kʼai taˬ. Awˬ lawn kʼo, chaw oˇ ve lehˬ, Nawˬ hui ve awˬ nyi paˍ leh hta‸ maˇ shiˍ veu laˇ ve kʼo, ngaˬ mehˆ guˇ suhˍ maˇ gʼa laˬ, teh‸ kʼoˆ laˇ taˍ ve yoˬ, teh‸ kʼoˆ piˇ ve yoˬ.
6
Oˇ htaˇ Yaˍkoˆ lehˬ, Aˬ hto‸ ma pa taw nawˬ hui chaw oˇ ve hta‸, Ngaˬ hui ve awˬ nyi paˍ leh teˇ gʼaˇ cawˬ sheˬ, teh‸ kʼoˆ leh ngaˬ hta‸ dawˇ haˍ tuˬ te laˇ ve le, teh‸ kʼoˆ piˇ ve yoˬ.
7
Yawˇ hui lehˬ, Chaw oˇ ve ngaˬ hui awˬ to awˬ lawn leh ngaˬ hui teˇ yehˬ kʼa awˬ lawn hkʼa deh‸ na nyi laˇ ve yoˬ. Nawˬ hui awˬ pa te‸ chehˇ sheˬ laˇ. Nawˬ hui geh awˬ nyi paˍ teˇ gʼaˇ cawˬ sheˬ laˇ, teh‸ na nyi laˇ ve pa taw, ngaˬ hui hkʼa deh‸ gʼa kʼaw‸ yaw hkʼaw‸ piˇ ve yoˬ. Ngaˬ hui ve awˬ nyi paˍ hta‸ yawˇ geh shiˍ veu laˇ-oˆ, teh‸ yawˇ kʼoˆ laˇ tuˬ ve hta‸ ngaˬ hui hkʼaˬ hkʼe te shiˍ hpeh‸ tuˬ le, teh‸ kʼoˆ ve yoˬ.
8
Oˇ htaˇ Yuˇda‸ yawˇ ve awˬ pa hta‸ kʼoˆ piˇ ve, Yaˇ paˍ hta‸ ngaˬ hui geh kʼai piˇ lawˬ-o‸. Ngaˬ hui la‸ haˉ tawˆ kʼai hpeh‸ ve yoˬ. Oˇ hkʼe te ve kʼo, ngaˬ hui gʼa meu‸ gʼa kaˆ suh tuˬ ve maˇ heˆ.
9
Yawˇ hta‸ ngaˬ hkʼa deh‸ nyi ha‸ shaˉ leh yawˇ teˇ ceuˬ ceuˬ hpeh‸ ve kʼo, ngaˬ hta‸ nawˬ te gaˇ ve hkʼe te-o. Yawˇ hta‸ nawˬ geh ngaˬ maˇ kʼaw‸ shiˍ hkʼaw‸ veu laˇ ve kʼo, ngaˬ a sha‸ te‸ chehˇ ve teˇ co nawˬ ngaˬ hta‸ venˇbaˆ taˍ hpeh‸ ve yoˬ.
10
Ngaˬ hui awˬ yanˇ chi maw maˇ te shonˇ guiˇ chehˇ ve hkʼe kʼo, chi beuˬ lehˬ nyiˇ pawˆ ka‸ kʼai taˉ leh kʼaw‸ gaˬ la peuˬ, teh‸ yawˇ hta‸ kʼoˆ piˇ ve yoˬ.
11
Oˇ htaˇ yawˇ hui ve awˬ pa kʼoˆ ve, Oˇ hkʼe yoˬ law kʼo, chaw oˇ ve hta‸ la‸ shawnˍ te piˇ tuˬ ngaˬ hui ve mvuhˇmiˬ hkʼaw tawˆ ve da‸ jaˇ ve mawˇ teˇ hpaˍ yuˬ kʼai piˇ-oˆ. Suhˆ tcuhˇ, pehˇ gʼuiˬ, sha hawnˉ leh maˉ kuˇ shiˍ teˇ hpaˍ yuˬ kʼai piˇ-oˆ.
12
La‸ sheh hkʼaw hpu nyiˇ pun yuˬ kʼai-o. Nawˬ hui ve htuˉ pui hkʼaw gʼa mawˬ ve hpu oˇ ve teˇ hpaˍ hta‸ htawˇ yuˬ kʼai-o. Oˇ ve lehˬ yawˇ hui maˇ dawˇ nawˇ ve pa taw, gʼa te ya‸ ve leh naˍ maˇ shiˍ.
13
Nawˬ hui ve awˬ nyi paˍ hta‸ shiˍ leh chaw oˇ ve geh hteˇ lehˍ kʼai-o.
14
Chaw oˇ ve nawˬ hui hta‸ ha kʼaˉ laˇ leh, Suˉmonˍ leh Beˍyaˍmenˍ hta‸ kʼaw‸ hpehˇ laˇ tuˬ, kanˇ paˆ uiˍ ve Gʼuiˬsha te laˇ piˇ-oˆ. Ya‸ hkʼaˇ, ngaˬ lehˬ ponˬ laˬ htaˇ dawˇ haˍ tuˬ gʼa hpuˇ ve hkʼe, chi beu‸ ka‸ gʼa hpuˇ tuˬ sheˬ ve yoˬ, teh‸ yawˇ hui hta‸ kʼoˆ piˇ ve yoˬ.
15
Hkʼe te leh, yawˇ hui la‸ shawnˍ oˇ ve teˇ hpaˍ leh hpu nyiˇ pun yuˬ peuˬ hkʼaw‸ nawˉ, Beˍyaˍmenˍ hta‸ shiˍ leh Eˇjiˇtu‸ mvuhˇmiˬ lo kʼai ve yoˬ. Yawˇ hui oˇ kaˬ gaˬ leh Yoˇseh‸ mehˆ gʼuˇ suhˍ huˉ chehˇ taˍ ve yoˬ.
16
Yawˇ hui geh lo Beˍyaˍmenˍ chehˇ taˍ ve hta‸ Yoˇseh‸ gʼa mawˬ ve teˇ yanˇ, yawˇ ve yehˬ ha‸ shaˉ shehˍ hpaˇ hta‸ kuˬ leh, Chaw chi ve teˇ hpaˍ hta‸ ngaˬ ve yehˬ lo shiˍ kʼai-o. Ceˇ teˇ hkeh tiˇ leh caˇ tuˬ hkʼa deh‸ gu taˍ-oˬ. Awˬ lawn kʼo, chaw chi teˇ hpaˍ ngaˬ geh ya‸ nyi sha gʼuˇ awˍ caˇ tuˬ yoˬ, teh‸ yawˇ hta‸ kʼoˆ piˇ ve yoˬ.
17
Chaw oˇ ve lehˬ Yoˇseh‸ kʼoˆ ve hkʼe te leh, chaw oˇ ve teˇ hpaˍ hta‸ Yoˇseh‸ ve yehˬ lo shiˍ kʼai ve yoˬ.
18
Yawˇ hui Yoˇseh‸ ve yehˬ lo gaˬ la htaˇ kawˆ jaˇ leh kʼoˆ ve, Awˉ lawˉ teˇ pawˆ ngaˬ hui ve htuˉ pui hkʼaw keu taˍ laˇ ve hpu oˇ ve hta‸ pa taw, ngaˬ hui hta‸ choˬ kaˬ lo shiˍ laˬ ve yoˬ. Yawˇ ngaˬ hui hta‸ venˇbaˆ ca leh, ngaˬ hui ve piˉlaˬ hkʼa peu-eˬ hta‸ yuˬ kʼai tuˬ yoˬ. Ngaˬ hui hta‸ ka‸ awˬ ceˬ te tcuh laˇ tuˬ yoˬ, teh‸ kʼoˆ da‸ ve yoˬ.
19
Hkʼe te leh, yawˇ hui Yoˇseh‸ ve yehˬ ha‸ shaˉ shehˍ hpaˇ geh yehˬmiˉhpe‸ lo kʼai leh yawˇ hta‸ tawˇ yaw piˇ ve yoˬ.
20
Jawˇmawˇ-oˬ, choˬ kaˬ lo ngaˬ hui caˬ shiˍ teˇ pawˆ ca vuiˬ la taˉ peuˬ ve yoˬ.
21
Ya‸ kʼaw kʼaˉ haˉ kuiˬ lo gaˬ leh, ngaˬ hui a shu yawˇ ve htuˉ pui hta‸ hpeu‸ nyi ve teˇ yanˇ, a shu yawˇ ve hpu hta‸ gʼa kʼaw‸ mawˬ ve yoˬ. Hpu oˇ ve hta‸ ngaˬ hui kʼaw‸ yuˬ veu laˇ taˍ ve yoˬ.
22
Chi hkʼoˆ ka‸ caˬ shiˍ kʼaw‸ vuiˬ tuˬ hpu htawˇ, ngaˬ hui yuˬ veu laˇ taˍ ve yoˬ. Ngaˬ hui ve htuˉ pui hkʼaw a shu teˇ gʼaˇ hpu chi teˇ hpaˍ keu taˍ laˇ ve hta‸ ngaˬ hui maˇ shiˍ, teh‸ kʼoˆ piˇ ve yoˬ.
23
Oˇ htaˇ awˬ ceˬ oˇ ve lehˬ, Taˇ kawˆ. Taˇ dawˇ haˍ. Nawˬ hui ve htuˉ pui hkʼaw hpu keu laˇ shehˍ hpaˇ lehˬ nawˬ hui ve Gʼuiˬsha hpeh‸ ve yoˬ. Nawˬ hui piˇ laˇ ve hpu hta‸ ngaˬ gʼa taˍ peuˬ, teh‸ kʼoˆ piˇ leh Suˉmonˍ hta‸ yawˇ hui geh shiˍ veu laˇ ve yoˬ.
24
Awˬ ceˬ oˇ ve lehˬ yawˇ hui hta‸ Yoˇseh‸ ve yehˬ hkʼaw shiˍ kʼai leh, yawˇ hui hkui sheh tsuhˇ tuˬ iˉ kaˆ piˇ leh, yawˇ hui ve piˉlaˬ teˇ hpaˍ hta‸ caˇ tuˬ caˍ piˇ ve yoˬ.
25
Yawˇ hui oˇ kaˬ lo sha gʼuˇ awˍ gʼa caˇ tuˬ ve hta‸ shiˍ taˍ peuˬ ve pa taw, mvuhˇ law‸ kʼaw htaˇ Yoˇseh‸ gaˬ la ve kʼo, yawˇ hta‸ piˇ tuˬ ve la‸ shawnˍ teˇ hpaˍ hta‸ hkʼa deh‸ gu taˍ ve yoˬ.
26
Yoˇseh‸ yehˬ hkʼaw lo‸ la ve teˇ yanˇ, yawˇ hui yawˇ mehˆ gʼuˇ suhˍ lo boˆ taˍ leh, yawˇ hui yuˬ veu laˇ ve la‸ shawnˍ teˇ hpaˍ yawˇ hta‸ piˇ ve yoˬ.
27
Nawˬ hui chehˇ sha laˇ, teh‸ Yoˇseh‸ yawˇ hui hta‸ na nyi peuˬ leh, Nawˬ hui ve awˬ pa chaw mawˇ paˍ ka‸ chehˇ sha chehˇ-aw laˇ, teh‸ na nyi ve yoˬ.
28
Yawˇ hui lehˬ, Yoˬ, jawˇmawˇ-oˬ, ngaˬ hui ve awˬ pa chehˇ sha chehˇ ve yoˬ, teh‸ kʼoˆ leh yawˇ mehˆ gʼuˇ suhˍ boˆ taˍ ve yoˬ.
29
Yoˇseh‸ chiˇ nyi leh Beˍyaˍmenˍ hta‸ gʼa mawˬ ve teˇ yanˇ, Nawˬ hui ngaˬ hta‸ kʼoˆ laˇ ve, nawˬ hui ve awˬ nyi paˍ leh kʼoˆ ve chi hpaˇ yoˬ laˇ. Ngaˬ yaˇ paˍ-oˬ, Gʼuiˬsha nawˬ hta‸ awˬ bon na‸ piˇ-oˆ, teh‸ kʼoˆ piˇ ve yoˬ.
30
Yoˇseh‸ lehˬ, yawˇ ve awˬ nyi paˍ hta‸ gʼa mawˬ ve teˇ yanˇ, ha kʼaˉ jaˇ ve pa taw mehˆ gʼuiˬ tawˆ la paˇ neˇ ve yoˬ. Hkʼe te leh, yawˇ ve bawehˇ hkʼaw lo‸-e leh hawˬ ve yoˬ.
31
Oˇ ve hkʼaw‸ nawˉ, yawˇ mehˆ hpfuhˇ tsuhˇ leh, caˇ tuˬ yuˬ veu laˇ tuˬ tawˇ piˇ ve yoˬ.
32
Hkʼe te leh, yawˇ awˬ pon teˇ kaˬ, yawˇ awˬ viˉ paˍ teˇ hpaˍ awˬ pon teˇ kaˬ leh, yawˇ geh chehˇ ve Eˇjiˇtu‸ chaw hui awˬ pon teˇ ka‸, caˇ tuˬ ve chehˇ kuiˬ gu piˇ ve yoˬ. Awˬ lawn kʼo, Heˍbrehˇ chaw hui geh yawˇ hui awˍ maˇ mui caˇ gaˇ ve pa taw yoˬ.
33
Oˇ htaˇ, Yoˇseh‸ lehˬ awˬ viˉ paˍ lonˉ teˇ gʼaˇ hta‸ te leh awˬ leh ve teˇ gʼaˇ hkʼa gaˬ, a shu yawˇ ve a sha‸ hta‸ nyi leh yawˇ mehˆ gʼuˇ suhˍ mui caˇ tcuh ve yoˬ. Yawˇ hui teˇ gʼaˇ hta‸ teˇ gʼaˇ anˇ ve hkʼaw nyi da‸ chehˇ ve yoˬ.
34
Yoˇseh‸ lehˬ, yawˇ mehˆ gʼuˇ suhˍ lo teh taˍ ve caˇ tuˬ teˇ hpaˍ, yawˇ hui geh yuˬ kʼai tcuh ve yoˬ. Beˍyaˍmenˍ lehˬ, awˬ nu ve awˬ viˉ paˍ teˇ hpaˍ a‸ kehˉ ngaˇ pun gʼa caˇ ve yoˬ. Hkʼe te leh, yawˇ hui Yoˇseh‸ geh hti caˇ hti dawˬ leh, ha lehˬ ha kʼa te chehˇ ve yoˬ.
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 44 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50