bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Genesis 47
Genesis 47
Lahu Bible Edited © Thailand Bible Society and Bible Society of Myanmar, 2010, 2020.
← Chapter 46
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 48 →
1
Yoˇseh‸ lehˬ, yawˇ ve awˬ viˉ paˍ ngaˇ gʼaˇ hta‸ shiˍ veu leh jawˇmawˇ geh kʼai ve yoˬ. Yawˇ kʼoˆ ve, Ngaˬ pa leh ngaˬ viˉ paˍ teˇ hpaˍ lehˬ yawˇ hui ve ceˇ caˬ leh yawˇ hui ve mawˇ jeˬ hkʼa peu-eˬ hta‸ yuˬ veu laˇ leh, chi beu‸ Gawˍshenˍ mvuhˇmiˬ lo gaˬ la taˍ peuˬ, teh‸ jawˇmawˇ hta‸ kʼoˆ piˇ ve yoˬ.
2
Oˇ ve hkʼaw‸ nawˉ Yoˇseh‸ lehˬ, yawˇ shiˍ veu laˇ ve awˬ viˉ paˍ teˇ hpaˍ jawˇmawˇ hta‸ maˍ piˇ ve yoˬ.
3
Oˇ htaˇ jawˇmawˇ lehˬ, Nawˬ hui aˬ hto‸ ma kanˉ te caˇ ve le, teh‸ yawˇ hui hta‸ na nyi ve yoˬ. Yawˇ hui kʼoˆ ve, Jawˇmawˇ-oˬ, ngaˬ hui lehˬ ngaˬ hui ve awˬ puˍ awˬ pi teˇ hpaˍ hkʼa shuˍ, ceˇ hu caˬ hu ve kanˉ hta‸ te caˇ ve yoˬ.
4
Mvuhˇmiˬ chi ve hkʼaw ca chehˇ la tuˬ ngaˬ hui gaˬ la taˍ ve yoˬ. Awˬ lawn kʼo, Hkaˍnanˍ mvuhˇmiˬ hkʼaw meu‸ lonˉ kaˆ lonˉ gaˬ la ve pa taw, ngaˬ hui ve ceˇ teˇ hpaˍ awˬ pon kʼaˆ caˇ kuiˬ maˇ cawˬ. Hkʼe te leh, Gawˍshenˍ mvuhˇmiˬ hkʼaw ngaˬ hui hta‸ chehˇ tcuh laˇ tuˬ, nawˬ geh lawˬ ve yoˬ, teh‸ kʼoˆ piˇ ve yoˬ.
5
Oˇ htaˇ jawˇmawˇ Yoˇseh‸ hta‸ kʼoˆ piˇ ve, Nawˬ pa leh nawˬ viˉ nawˬ nyi teˇ hpaˍ nawˬ geh gaˬ la peuˬ law leˇ.
6
Eˇjiˇtu‸ mvuhˇmiˬ lehˬ yawˇ hui ve mvuhˇmiˬ hpeh‸ ve yoˬ. Yawˇ hui hta‸ da‸ jaˇ ve Gawˍ shenˍ mvuhˇmiˬ hkʼaw chehˇ tcuh-o. Yawˇ hui awˬ hkʼaw lo puiˉ jaˇ cheuˬ jaˇ ve chaw teˇ gʼaˇ gʼaˇ cawˬ ve kʼo, yawˇ hta‸ ngaˬ ve ceˇ hkʼa peu-eˬ awˬ hkʼoˆ nyi ha‸ shaˉ shehˍ hpaˇ te tcuh-o, teh‸ yawˇ hta‸ kʼoˆ piˇ ve yoˬ.
7
Oˇ ve hkʼaw‸ nawˉ, Yoˇseh‸ lehˬ yawˇ ve awˬ pa hta‸ jawˇmawˇ geh shiˍ laˬ leh, Yaˍkoˆ lehˬ jawˇmawˇ hta‸ awˬ bon na‸ piˇ ve yoˬ.
8
Jawˇmawˇ lehˬ, Nawˬ a sha‸ hkʼaˬ nyiˇ hkʼaw‸ gaˬ peuˬ le, teh‸ Yaˍkoˆ hta‸ na nyi ve teˇ yanˇ,
9
Yaˍkoˆ kʼoˆ ve, Miˬguiˬ hkʼoˆ ngaˬ a sha‸ te‸ leh te toˇ chehˇ ve teˇ ha shehˆ chi hkʼaw‸ gaˬ peuˬ ve yoˬ. Ngaˬ a sha‸ gʼa te‸ chehˇ ve awˬ yanˇ lehˬ, i jaˇ leh haˍ jaˇ ve yoˬ. Ngaˬ pa teˇ hpaˍ a sha‸ te‸ chehˇ ve awˬ yanˇ hta‸ a ciˉ ka‸ maˇ shuˍ da‸, teh‸ kʼaw‸ yaw hkʼaw‸ piˇ ve yoˬ.
10
Oˇ ve hkʼaw‸ nawˉ, yawˇ jawˇmawˇ hta‸ awˬ bon kʼaw‸ na‸ piˇ taˉ leh tawˆ kʼai ve yoˬ.
11
Hkʼe te leh, Yoˇseh‸ lehˬ yawˇ ve awˬ pa leh yawˇ ve awˬ viˉ awˬ nyi hkʼa peu-eˬ hta‸ jawˇmawˇ lonˉ kʼoˆ taˍ ve hkʼe, Eˇjiˇtu‸ mvuhˇmiˬ Raˍmaˍseˍ venˇ paˇ lo cawˬ ve da‸ jaˇ ve chehˇ kuiˬ hkʼaw chehˇ tcuh ve yoˬ.
12
Peuˬ hkʼaw‸ nawˉ yawˇ awˬ pa, awˬ viˉ awˬ nyi leh yawˇ hui ve miˇ yaˇ hkʼa peu-eˬ hta‸ caˇ tuˬ dawˬ tuˬ hkʼa deh‸ ga piˇ ve yoˬ.
13
Meu‸ lonˉ kaˆ lonˉ oˇ ve hta‸ pa taw, teˇ kaˬ ka‸ caˇ tuˬ maˇ cawˬ. Eˇjiˇtu‸ mvuhˇmiˬ leh Hkaˍnanˍ mvuhˇmiˬ lehˬ meu‸ ve kaˆ ve hta‸ gʼaˇ hte‸ gʼa hkanˍ chehˇ taˍ ve yoˬ.
14
Yoˇseh‸ lehˬ, Eˇjiˇtu‸ mvuhˇmiˬ leh Hkaˍnanˍ mvuhˇmiˬ hkʼaw caˬ shiˍ hawˇ gʼa taˍ ve hpu hta‸ hkʼa deh‸ shaw hpoˆ leh, jawˇmawˇ ve hawˉ yehˬ hkʼaw keu taˍ ve yoˬ.
15
Eˇjiˇtu‸ mvuhˇmiˬ leh Hkaˍnanˍ mvuhˇmiˬ hkʼaw hkʼa cawˬ ve hpu hkʼa peu-eˬ, vuiˬ caˇ peuˬ sheˬ ve teˇ yanˇ, Eˇjiˇtu‸ chaw teˇ hpaˍ Yoˇseh‸ geh laˬ leh, Ngaˬ hui hta‸ awˍ caˍ laˇ-oˆ. Nawˬ maˇ caˍ laˇ kʼo, ngaˬ hui gʼa suh tuˬ yoˬ. Ngaˬ hui ve hpu hkʼa peu-eˬ peuˬ kʼai peuˬ, teh‸ yawˇ hta‸ kʼoˆ piˇ ve yoˬ.
16
Oˇ htaˇ Yoˇseh‸ kʼoˆ ve, Nawˬ hui ve hpu peuˬ kʼai ve kʼo, nawˬ hui ve ceˇ teˇ hpaˍ ngaˬ geh yuˬ laˬ-o‸. Oˇ hkʼe te ve kʼo, ngaˬ nawˬ hui hta‸ caˬ shiˍ piˇ laˇ tuˬ yoˬ, teh‸ yawˇ hui hta‸ kʼoˆ piˇ ve yoˬ.
17
Hkʼe te leh, yawˇ hui lehˬ a shu yawˇ geh cawˬ taˍ ve iˉ mvuhˇ, yawˬ, nuˇ leh piˉ laˬ teˇ hpaˍ yawˇ geh sheh veu laˇ leh, Yoˇseh‸ yawˇ hui hta‸ caˬ shiˍ pa piˇ ve yoˬ. Yoˇseh‸ lehˬ ceˇ oˇ ve teˇ hpaˍ hta‸ hkʼa deh‸ ha‸ shaˉ taˍ ve yoˬ.
18
Awˬ hkʼaw‸ nawˉ teˇ hkʼaw‸ yawˇ hui Yoˇseh‸ geh kʼaw‸ laˬ leh kʼoˆ ve, Jawˇmawˇ-oˬ, ngaˬ hui nawˬ mehˆ gʼuˇ suhˍ te‸ chiˉ ka‸ faˉ taˍ maˇ gʼa. Ngaˬ hui ve hpu peuˬ kʼai peuˬ. Ngaˬ hui ve ceˇ teˇ hpaˍ htawˇ, nawˬ ve deˇ deˇ hpeh‸ kʼai peuˬ. Chi beu‸ ngaˬ hui geh te‸ chiˉ maˇ cawˬ. Ngaˬ hui ve awˬ to leh ngaˬ hui ve miˬguiˬ ceh tiˉ cawˬ ve yoˬ.
19
Ngaˬ hui hta‸ taˇ suh-e tcuh laˇ-oˆ. Ngaˬ hui ve mvuhˇmiˬ hta‸ htawˇ, gawˬ cu gawˬ pehˆ taˇ hpeh‸ kʼai piˇ-oˆ. Ngaˬ hui leh ngaˬ hui ve miˬguiˬ hta‸ yuˬ leh, oˇ ve awˬ tan ngaˬ hui hta‸ caˇ tuˬ pe‸ laˇ-oˆ. Ngaˬ hui teˇ hpaˍ jawˇmawˇ ve awˬ ceˬ te tuˬ yoˬ. Ngaˬ hui maˇ gʼa suh leh mvuhˇmiˬ chi gawˬ cu gawˬ pehˆ maˇ gʼa hpeh‸ kʼai tuˬ, ngaˬ hui hta‸ caˇ tuˬ leh caˬ yawˇ pe‸ laˇ-oˆ, teh‸ yawˇ hta‸ kʼoˆ piˇ ve yoˬ.
20
Meu‸ jaˇ kaˆ jaˇ leh Eˇjiˇtu‸ chaw teˇ hpaˍ a shu yawˇ ve miˬguiˬ hawˇ keu piˇ ve pa taw, Yoˇseh‸ lehˬ miˬguiˬ oˇ ve hkʼa peu-eˬ hta‸ jawˇmawˇ awˬ pon vuiˬ yuˬ taˍ ve yoˬ. Hkʼe te leh, miˬguiˬ oˇ ve hkʼa peu-eˬ jawˇmawˇ ve miˬguiˬ hpeh‸ la ve yoˬ.
21
Yoˇseh‸ lehˬ, Eˇjiˇtu‸ chaw oˇ ve teˇ hpaˍ hta‸ awˬ ceˬ hkʼa shuˍ kanˉ te tcuh ve yoˬ.
22
Yawˇ maˇ gʼa vuiˬ yuˬ ve miˬguiˬ lehˬ, paw hkuˇ teˇ hpaˍ ve miˬguiˬ ceh tiˉ cawˬ ve yoˬ. Awˬ lawn kʼo, yawˇ hui hta‸ jawˇmawˇ caˍ piˇ taw piˇ chehˇ ve pa taw yoˬ.
23
Oˇ htaˇ Yoˇseh‸ chaw moˍ lonˉ hta‸ kʼoˆ piˇ ve, Na sheˬ. Ya‸ nyi nawˬ hui leh nawˬ hui ve miˬguiˬ hta‸ jawˇmawˇ awˬ pon ngaˬ vuiˬ taˍ peuˬ. Choˬ kaˬ lo nawˬ hui awˬ pon caˬ yawˇ cawˬ taˍ ve yoˬ. Awˬ yawˇ chi teˇ hpaˍ hta‸ yuˬ leh sheˬ-o‸.
24
Nawˬ hui caˬ gʼeu‸ ve teˇ yanˇ, caˬ shiˍ ngaˇ pun teˇ pun jawˇmawˇ hta‸ gʼa piˇ ve yoˬ. Cawˬ taˍ ve awˇ pun lehˬ, nawˬ hui ve miˬguiˬ awˬ pon awˬ yawˇ leh, nawˬ awˬ to, nawˬ hui ve miˇ yaˇ awˬ pon caˇ tuˬ hpeh‸ ve yoˬ, teh‸ yawˇ hui hta‸ kʼoˆ piˇ ve yoˬ.
25
Oˇ htaˇ chaw oˇ ve teˇ hpaˍ kʼoˆ ve, Nawˬ lehˬ ngaˬ hui ve a sha‸ hta‸ ponˬ laˇ leh, ngaˬ hui awˬ pon dawˇ nyi laˇ puiˉ ve yoˬ. Ngaˬ hui jawˇmawˇ ve awˬ ceˬ te tuˬ yoˬ, teh‸ kʼoˆ ve yoˬ.
26
Oˇ ve hkʼaw‸ nawˉ, Yoˇseh‸ lehˬ awˬ shiˍ awˬ nu ngaˇ pun teˇ pun jawˇmawˇ hta‸ piˇ tuˬ, Eˇjiˇtu‸ mvuhˇmiˬ hkʼaw awˬ liˇ teh piˇ taˍ ve yoˬ. Hkʼe te leh ya‸ nyi hkʼa gaˬ awˬ liˇ chi hta‸ yehˇ chehˇ taˍ ve yoˬ. Jawˇmawˇ ve la‸ sheh hkʼaw maˇ gaˬ ve miˬguiˬ lehˬ, paw hkuˇ teˇ hpaˍ ve miˬguiˬ ceh tiˉ cawˬ ve yoˬ.
27
Iˉsaˍreˍlaˆ chaw teˇ hpaˍ lehˬ, Eˇjiˇtu‸ mvuhˇmiˬ Gawˍshenˍ teh‸ kʼoˆ ve chehˇ kuiˬ lo chehˇ taˍ ve yoˬ. Yawˇ hui paw sha la leh, awˬ yaˇ awˬ duˬ maˇ maˇ cawˬ la ve yoˬ.
28
Yaˍkoˆ lehˬ, Eˇjiˇtu‸ mvuhˇmiˬ hkʼaw teˇ chi suhˍ hkʼaw‸ chehˇ leh yawˇ ve a sha‸ 147 hkʼaw‸ gaˬ peuˬ ve yoˬ.
29
Yawˇ suh la paˇ neˇ htaˇ, yawˇ ve yaˇ paˍ Yoˇseh‸ hta‸ kuˬ leh kʼoˆ piˇ ve, Ngaˬ suh-e ve kʼo, nawˬ ngaˬ hta‸ choˬ kaˬ Eˇjiˇtu‸ mvuhˇmiˬ hkʼaw maˇ tuˍ laˇ tuˬ, nawˬ ve la‸ sheh ngaˬ ve pfuhˬ tehˉ kʼu hawˉ keu leh ka ti‸ te laˇ-oˆ.
30
Ngaˬ hta‸ Eˇjiˇtu‸ mvuhˇmiˬ hkʼaw yuˬ tawˆ-e leh, ngaˬ pa teˇ hpaˍ ve tuˍ hpfuh awˬ paˇ lo ca tuˍ laˇ-oˆ, teh‸ yawˇ hta‸ kʼoˆ piˇ ve yoˬ. Oˇ htaˇ Yoˇseh‸ lehˬ, Nawˬ kʼoˆ ve hkʼe ngaˬ te tuˬ yoˬ, teh‸ kʼaw‸ yaw hkʼaw‸ piˇ ve yoˬ.
31
Ya‸ hkʼaˇ Yaˍkoˆ lehˬ, Nawˬ oˇ hkʼe te tuˬ yoˬ teh‸ hkanˍ sheˬ, teh‸ kʼoˆ piˇ ve yoˬ. Hkʼe te leh, yawˇ hkanˍ ve yoˬ. Oˇ htaˇ, Yaˍkoˆ lehˬ yawˇ ve zuh‸ hpui hkʼoˆ lo boˆ taˍ leh bon chiˇ mvuh ve yoˬ.
← Chapter 46
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 48 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50