John 15

Lao Bible (ฉบับอักษรลาว)

← Chapter 14 Jump to: Chapter 16 →

1“ເຢຍ ເຊ ຕສຽນ ອະຫງຸ່ນ ເຮມີຍ. ເຢຍ ເຍີຍ ເຕຍ ໂຕສ໋ວ ໂກ໋ວ ຫຮວີງ ວົ້ວ ເຕົ້າ.

2ຫາຍ ຕິ້ວ ອກວ້າ ຕສຢັ້ງ ຈ໊ຽນ ເຢຍ ຢ່າ ໄມ້ ຕສຢັ້ງ ປ໊ຽວ ນໍ, ນິ່ນ ພິດ ກວັ່ງ. ຫາຍ ຕິ້ວ ອກວ້າ ຕສຢັ້ງ ປ໊ຽວ, ນິ່ນ ແອ໋ງ ຕ໊າ ອກອຍ ເຕວີ໊ຍ ປຸນ ຕສຢັ້ງ ປ໊ຽວ ເກົ້າ ກິ໊ດ.

3ເຢຍ ອຈ໋າວ ເຍີຍ ຫວ່າ ເຊ ຮນັ້ງ ຕ໊າ ເຮມີຍ-ອກວ້າ ເຕວີ໊ຍ ນໍ, ຫລິ່ວ ເລີ໌ຍ ເມີ່ຍ ບົວ ເຍີຍ ໂຮຍ້ວ.

4ເມີ່ຍ ບົວ ອ໋ອຍ ຕສຸ ຕສຢັ້ງ ຈ໊ຽນ ເຢຍ, ເຢຍ ຕສ່ຽວ ຕສຢັ້ງ ຈ໊ຽນ ເມີ່ຍ ບົວ. ເຮມີຍ-ອກວ້າ ໄມ້ ຕສຢັ້ງ ເຮມີຍ-ໝ່າ, ອກວ້າ ໄມ້ ໄຮ່ ຕສຢັ້ງ ປ໊ຽວ. ເມີ່ຍ ບົວ ຢ່າ ຟີ່ ຮນັ້ງ ເຍີຍ. ເຊ ກ໊ອງ ໄມ້ ຕສຢັ້ງ ຈ໊ຽນ ເຢຍ ນໍ, ເມີ່ຍ ບົວ ໄມ້ ໄຮ່ ຕສຢັ້ງ ປ໊ຽວ.

5“ເຢຍ ເຊ ອະຫງຸ່ນ ເຮມີຍ. ເມີ່ຍ ບົວ ເຊ ອະຫງຸ່ນ ອກວ້າ. ຫາຍ ເຕົ້າ ຕສຢັ້ງ ຈ໊ຽນ ເຢຍ, ເຢຍ ຢ່າ ຕສຢັ້ງ ຈ໊ຽນ ນິ່ນ, ວົ້ວ ເຕົ້າ ຕສ່ຽວ ຕສຢັ້ງ ປ໊ຽວ ກິ໊ດ ອ໊ະ. ເມີ່ຍ ບົວ ເລີ່ຍ ອກອຍ ເຢຍ ນໍ, ເມີ່ຍ ບົວ ໄມ້ ໄຮ່ ໂຕສ໋ວ ຫາຍ ຫຍູ່ງ.

6ຫາຍ ເຕົ້າ ໄມ້ ຕສຢັ້ງ ຈ໊ຽນ ເຢຍ, ຕສ່ຽວ ຮນັ້ງ ຕິ້ວ ເຮມີຍ-ອກວ້າ ຕສຸ ພິດ ກວັ່ງ, ອກາຍ ມີ່ງ ຢ່າ ຕສຸ ເດສົ໌າ ຕ້າຍ ຕັ໊ບ ໂຕ໌ວ-ເດສົ່າ ປົ໊ວ ກວັ່ງ ມີ່ງ.

7ເຊ ກ໊ອງ ເມີ່ຍ ບົວ ຕສຢັ້ງ ຈ໊ຽນ ເຢຍ, ເຢຍ ເຍີຍ ຫວ່າ ຢ່າ ຕສຢັ້ງ ຈ໊ຽນ ເມີ່ຍ ບົວ, ເມີ່ຍ ບົວ ໂທ້ ຫາຍ ຫຍູ່ງ ເມີ່ຍ ບົວ ຕສ່ຽວ ຕຸ໊ ວົ້ວ ຫຍູ່ງ ອ໊ະ.

8ເຊ ກ໊ອງ ເມີ່ຍ ບົວ ຕສຢັ້ງ ປ໊ຽວ ກິ໊ດ, ເມີ່ຍ ບົວ ຕສ່ຽວ ປຸນ ມ່ຽນ ທ່າຍ ເຢຍ ເຍີຍ ເຕຍ. ຮນັ້ງ ໜ່າຍ ເມີ່ຍ ບົວ ຕສ່ຽວ ເປ໋ນ ເຢຍ ເຍີຍ ໄຊ-ກໍ໋.

9“ຕສັ່ງ ເຕ໋ຍ ຮນັ້ງ ຫາຍ ນໍ ຮນ້ຳ ເຢຍ, ເຢຍ ຢ່າ ຮນັ້ງ ວົ້ວ ນໍ ຮນ້ຳ ເມີ່ຍ ບົວ. ເມີ່ຍ ບົວ ອ໋ອຍ ຕສຸ ເຂົາ ວ້ວນ ເຢຍ ຮນ້ຳ ມ່ຽນ ເຍີຍ ໂຮຍ້ວ.

10ເຊ ກ໊ອງ ເມີ່ຍ ບົວ ເອີຍ ຈ໊ຽນ ເຢຍ ເຍີຍ ຫລີ່ງ ໂຕສ໋ວ, ເຢຍ ຕສ່ຽວ ຕສັ່ນໆ ຮນ້ຳ ເມີ່ຍ ບົວ, ຮນັ້ງ ເຢຍ ເອີຍ ຈ໊ຽນ ເຢຍ ເຍີຍ ເຕຍ ເຍີຍ ຫລີ່ງ ໂຕສ໋ວ, ນິ່ນ ຕສ່ຽວ ຕສັ່ນໆ ຮນ້ຳ ເຢຍ.

11“ນ້າຍ ເຕີ໋ຍ ຫວ່າ ເຢຍ ບົ໋ວ ເມີ່ຍ ບົວ, ປຸນ ເມີ່ຍ ບົວ ໄຮ່ ຕຸ໊ ເຢຍ ເຍີຍ ອຈຽນ-ໂຢ້ວ, ຢ່າ ອຈຽນ-ໂຢ້ວ ເຖົາ ຕ້າວ.

12ເຢຍ ເຍີຍ ຫລີ່ງ ເຊ ຮນັ້ງ ນ້າຍ, ລ່ານ ອ໋ອຍ ຕສຸ ຮນ້ຳ ລ່ານ ຮນັ້ງ ເຢຍ ຮນ້ຳ ເມີ່ຍ ບົວ ວົ້ວ ນໍ.

13ໄມ້ ມ່າຍ ຫາຍ ເຕົ້າ ໄຮ່ ຮນ້ຳ ນິ່ນ ເຍີຍ ກໍ໋-ໂຢ໌ວ ເກົ້າ ທສ້ຳ ເຈ໋ຍ ນ້າຍ. ເຊ ມ່ຽນ ເຫວີ່ຍ ນິ່ນ ເຍີຍ ກໍ໋-ໂຢ໌ວ ເຊ້ຍ ແໝ່ງ ໄຕ່.

14ເຊ ກ໊ອງ ເມີ່ຍ ບົວ ເອີຍ ຈ໊ຽນ ເຢຍ ບົ໋ວ ເຍີຍ ຫວ່າ ໂຕສ໋ວ, ເມີ່ຍ ບົວ ຕສ່ຽວ ໂຕສ໋ວ ເຢຍ ເຍີຍ ກໍ໋-ໂຢ໌ວ ອ໊ະ.

15ຢັ້ງ ນ້າຍ ເຈ໋ຍ, ເຢຍ ໄມ້ ເຫ່ວ ເມີ່ຍ ບົວ ໂຕສ໋ວ ໂປວ, ເຫວີ່ຍ ຕສຸ ໂປວ ໄມ້ ຮິ້ວ ຕຸ໊ ນິ່ນ ເຍີຍ ຕສ໊ຽວ ໂຕສ໋ວ ຫາຍ ຫຍູ່ງ. ອີ້ ຕສັ່ນ ເຢຍ ເຫ່ວ ເມີ່ຍ ບົວ ໂຕສ໋ວ ເຢຍ ເຍີຍ ກໍ໋-ໂຢ໌ວ ເຫວີ່ຍ ຕສຸ ເຢຍ ເຍີຍ ເຕຍ ບົ໋ວ ຫາຍ ຫຍູ່ງ ເຢຍ, ເຢຍ ບົ໋ວ ເດສ່ງ ເມີ່ຍ ບົວ ໝີ່ ອ໊ະ.

16ໄມ້ ເຕສີ໌ຍ ເມີ່ຍ ບົວ ກິ໊ນ ເຢຍ, ເຊ ເຢຍ ກິ໊ນ ເມີ່ຍ ບົວ. ເຢຍ ພ້າຍ ເມີ່ຍ ບົວ ທສວດ ມີ່ງ ຕສຢັ້ງ ປ໊ຽວ ທສ້ຳ, ຕົ້ງ ຢຽດ ລິ໌ວ ໄມ້ ໄຮ່ ຫວ່າຍ ເຍີຍ ປ໊ຽວ. ຮນັ້ງ ໜ່າຍ ເມີ່ຍ ບົວ ເຕ໊ງ ເຢຍ ເຍີຍ ບົ໋ວ ເຖງ ຕສັ່ງ ເຕ໋ຍ ໂທ້ ຫາຍ ຫຍູ່ງ, ນິ່ນ ຕສ່ຽວ ເຖສີຍ ວົ້ວ ຫຍູ່ງ ປຸນ ເມີ່ຍ ບົວ.

17ນ້າຍ ເຊ ເຢຍ ເຍີຍ ຫລີ່ງ, ລ່ານ ອ໋ອຍ ຕສຸ ຮນ້ຳ ລ່ານ.

18“ເຊ ກ໊ອງ ປ້າມ ມ່ຽນ ດສອງ ເມີ່ຍ ບົວ, ເມີ່ຍ ບົວ ອ໋ອຍ ຕສຸ ຈັ໋ງ ຈ໊ຽນ ນິ່ນ ບົວ ດສອງ ເຢຍ ດ່າງ.

19ເຊ ກ໊ອງ ເມີ່ຍ ບົວ ເກວີຍ ປ້າມ ເກນ, ປ້າມ ມ່ຽນ ອ໋ອຍ ຮນ້ຳ ເມີ່ຍ ບົວ ຮນັ້ງ ຮນ້ຳ ເຖສົາ ນິ່ນ ບົວ ເກວີຍ ປ້າມ ເກນ ວົ້ວ ເຕີ໋ຍ. ມປ່າ ເມີ່ຍ ບົວ ໄມ້ ເກວີຍ ປ້າມ ເກນ. ເຢຍ ກິ໊ນ ເມີ່ຍ ບົວ ທສວດ ຕ້າຍ. ເຫວີ່ຍ ນ້າຍ ປ້າມ ມ່ຽນ ດສອງ ເມີ່ຍ ບົວ.

20ເມີ່ຍ ບົວ ອ໋ອຍ ຕສຸ ຈັ໋ງ ຈ໊ຽນ ເຢຍ ບົ໋ວ ເຈ໋ຍ ເມີ່ຍ ບົວ ນ້າຍ ເຕີ໋ຍ ຫວ່າ, ‘ໂປວ ໄມ້ ເກົ້າ ໂຮລ ຕສ໊ຽວ.’ ເຊ ກ໊ອງ ມ່ຽນ ໂຕສ໋ວ ໂຕະ ປຸນ ເຢຍ, ນິ່ນ ບົວ ຢ່າ ອ໋ອຍ ໂຕສ໋ວ ໂຕະ ປຸນ ເມີ່ຍ ບົວ. ເຊ ກ໊ອງ ນິ່ນ ບົວ ເອີຍ ຈ໊ຽນ ເຢຍ ເຍີຍ ຫວ່າ, ນິ່ນ ບົວ ຕສ່ຽວ ເອີຍ ຈ໊ຽນ ເມີ່ຍ ບົວ ເຍີຍ ຫວ່າ.

21ເຫວີ່ຍ ເມີ່ຍ ບົວ ໂຕສ໋ວ ເຢຍ ເຍີຍ ມ່ຽນ, ນິ່ນ ບົວ ອ໋ອຍ ໂຕສ໋ວ ນ້າຍ ເຕີ໋ຍ ຢຽດ ຕສູ໊ງ ສີ່ ປຸນ ເມີ່ຍ ບົວ, ຫລາຍ ນິ່ນ ບົວ ໄມ້ ຮິ້ວ ຕຸ໊ ພ້າຍ ເຢຍ ຕ້າຍ ວົ້ວ ເຕົ້າ.

22“ເຊ ກ໊ອງ ເຢຍ ໄມ້ ຕ້າຍ ອຈ໋າວ ເຈ໋ຍ ນິ່ນ ບົວ, ນິ່ນ ບົວ ໄມ້ ມ່າຍ ຕສຸ໌ຍ. ມປ່າ ອີ້ ຕສັ່ນ, ນິ່ນ ບົວ ໄມ້ ມ່າຍ ຕ໋ອງ ໄຈ໊ ຕສຸ໌ຍ ອ໊ະ.

23ຫາຍ ເຕົ້າ ດສອງ ເຢຍ, ຢ່າ ດສອງ ເຢຍ ເຍີຍ ເຕຍ.

24ເຊ ກ໊ອງ ເຢຍ ໄມ້ ຕ້າຍ ຢຽມ ນິ່ນ ບົວ ບຸດົ໋ງ ໂຕສ໋ວ ມ່ຽນ ໄມ້ ແກ້ງ ໂຕສ໋ວ ເຈ໋ຍ ເຍີຍ ສີ່ ນໍ, ນິ່ນ ບົວ ຕສ່ຽວ ໄມ້ ມ່າຍ ຕສຸ໌ຍ. ມປ່າ ອີ້ ຕສັ່ນ ນິ່ນ ບົວ ຕຸ໊ ປວັດ ລິ໌ວ ເຢຍ ໂຕສ໋ວ ເຍີຍ ສີ່, ນິ່ນ ບົວ ຖສໍ່ ດສອງ ເຢຍ, ຢ່າ ດສອງ ເຢຍ ເຍີຍ ເຕຍ.

25ນ້າຍ ເຕີ໋ຍ ສີ່ ທສວດ ຕ້າຍ ເຫວີ່ຍ ປຸນ ຕ໋ອຍ ເດສ່ງ ເຟ້ຍ ຈ໊ຽນ ນິ່ນ ບົວ ເຍີຍ ເລີ໌ຍ-ຫລັດ ນ້າຍ ເຕີ໋ຍ ຫວ່າ, ‘ນິ່ນ ບົວ ດສອງ ເຢຍ ຢ່າ ໄມ້ ມ່າຍ ກອນ-ແປ໋ງ.’

26“ເຢຍ ອ໋ອຍ ພ້າຍ ເຖງ ມ່ຽນ ວົ້ວ ເຕົ້າ ຕ້າຍ ລໍ໌ ເມີ່ຍ ບົວ. ນິ່ນ ຢຽມ ຕສັ່ງ ເຕ໋ຍ ວົ້ວ ຕ້າຍ, ຕົ້ງ ນິ່ນ ປຸນ ມ່ຽນ ຮິ້ວ ຕຸ໊ ຕສຽນ ເລີ໌ຍ ວົ້ວ ເຕົ້າ ສີງ ລີ່ງ. ນິ່ນ ຕ້າຍ ຕສ່ຽວ ເຖງ ເຢຍ ໂຕສ໋ວ ຕສອງ-ເຕສ໋ງ.

27ເມີ່ຍ ບົວ ຢ່າ ອ໋ອຍ ຕສຸ ເຖງ ເຢຍ ໂຕສ໋ວ ຕສອງ-ເຕສ໋ງ ເຫວີ່ຍ ຕສຸ ຢຽມ ກອນ ເຖົາ ອີ້ ຕສັ່ນ ເມີ່ຍ ບົວ ເຖສົາ ເຢຍ ຢຽມ.

← Chapter 14 Jump to: Chapter 16 →