bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Chronicles 16
1 Chronicles 16
Mossi MPBU (WẼNNAAM SEBRE 2014)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 17 →
1
B sẽn tall Wẽnnaam kaoolã koglgã n wa wã zugẽ, b ning-a-la fu-roog ning a Davɩɩd sẽn dag n segl a yĩnga pʋgẽ, la b maana maand sẽn yõogd bugum ne zems-n-taar maand Wẽnnaam taoore.
2
A Davɩɩd sẽn maan maoong sẽn yõogd bugmã ne zems-n-taar maoongã n sɛ, a ninga nebã zug bark ne Sẽn-Ka-Saab yʋʋre.
3
Dẽ zugẽ, a pʋɩɩ Israyɛll nebã fãa rɩɩbo. Pag ne rao fãa paama bur-gilg a yembre, tamaaro-gilg a yembre, la reezẽ-koeem-gilg a yembre.
4
A Davɩɩd kɩtame tɩ Leevi neb kẽer yals Sẽn-Ka-Saab kaoolã koglgã taoore, n yɩɩl n pẽg Sẽn-Ka-Saab sẽn yaa Israyɛll Wẽnnaamã. Nin-bãmb la woto:
5
B taoor soabã yaa a Azafe, yiibẽ soab yaa a Zakari, sẽn pʋgd yaa a Yeyiyɛlle, a Semiramote, a Yekiyɛlle, a Matitiya, a Eliyaabe, a Benaya, n paas a Yeyiyɛlle. B rag n wẽeda kʋla, ne pendse. A Azaf rag n wẽeda kɛma.
6
Maan-kʋʋdb a Benaya ne a Yakaziyɛll rag n peebda tãntãad Wẽnnaam kaoolã koglgã taoor wakat fãa.
7
Yaa badaar la a Davɩɩd kɩt t'a Azaf ne a ba-biisã lebg Sẽn-Ka-Saab yɩɩn-yɩɩndba. B yɩɩllã la woto.
8
Bɩ y waoog Sẽn-Ka-Saabo, la y zẽk bãmb yʋʋrã! Kɩt-y tɩ nebã bãng bãmb tʋʋm-kãsemsã!
9
Yɩɩl-y bãmb yĩnga, pʋd-y yɩɩl bãmb yĩnga! Tags-y bãmb tʋʋm-kãsemsã fãa yelle!
10
Maan-y sũ-noog bãmb yʋ-sõngã yĩnga! Bɩ sẽn baood-b Sẽn-Ka-Saabã maan sũ-noogo!
11
Bao-y Sẽn-Ka-Saabo, bao-y bãmb pãngã, bao-y bãmb wakat fãa!
12
Yãmb sẽn yaa b tʋmtʋmd a Israyɛll yagensã, yãmb sẽn yaa a Zakoob yagense, n yaa bãmb nin-tũusdsã! Tẽeg-y bõn-yɛɛsds nins bãmb sẽn maanã yelle, tẽeg-y bõn-kãsemsã ne b bʋ-kaoorã yelle!
14
Bãmb yaa Sẽn-Ka-Saabo, n yaa tõnd Wẽnnaam. Bãmb yaa dũniyã gill fãa bʋ-kaooda.
15
Tẽeg-y bãmb kaoolã yell wakat fãa, Tẽeg-y b gomd ning b sẽn yeel zamaan tusr yĩngã yelle.
16
Tẽeg-y kaool ning b sẽn maan ne a Abrahaamã yelle, la wẽeneg ning bãmb sẽn wẽen ne a Izakã yelle.
17
Bãmb vigla kaool-kãng tɩ yɩ noor a Zakoob yagensã yĩnga, la kaool Israyɛll nebã yĩng wakat fãa,
18
N yeele: «Mam na n kõo foom Kana tẽngã tɩ yɩ yãmb pʋɩɩre.»
19
Yãmb sõorã rag n ka waoog ye, y rag n yaa neb bilf bala. Yãmb dag n yaa sãamb beenẽ.
20
Bãmb dag n yita buud a to pʋga, n kẽng buud a to pʋga, la b yit soolem a to n kẽng neb a taab nengẽ.
21
La Sẽn-Ka-Saab ka bas tɩ ned ba a yembr nams-b ye. Bãmb lenga rĩm-dãmb bãmb yĩnga, n yeele:
22
«Da saag-y n sɩɩs-y mam nin-tũusdsã ye, la y ra maan mam no-rɛɛsdbã wẽng ye!
23
Bɩ dũniyã gill nebã yɩɩl Sẽn-Ka-Saab yĩnga! Moon-y bãmb fãagr koe-noogã daar fãa!
24
Togs-y bãmb ziirã bu-zẽmsã sʋka! Togs-y bãmb tʋʋm-kãsemsã nebã fãa sʋka!
25
Bala, Sẽn-Ka-Saab yaa kãsenga, la b zemsa ne pẽgr buud fãa, bãmb seka zoees n yɩɩd wẽnnaam-dãmbã fãa.
26
Bala, buud a taabã wẽnnaam-dãmbã fãa yaa zĩrẽ wẽnnaam-dãmbã, la yaa Sẽn-Ka-Saab n naan saasã.
27
Sẽn-Ka-Saab nengã tara ziir n pɩnda. Bãmb sẽn beẽ wã pida ne pãng la sũ-noogo.
28
Buud toay-toayã roto, pẽg-y Sẽn-Ka-Saabo! Kõ-y bãmb waoogre, wilg-y b pãngã!
29
Kõ-y Sẽn-Ka-Saab yʋʋrã waoogre! Tall-y kũun n wa bãmb taoore. Wõgemd-y Sẽn-Ka-Saab taoore, b sõmblmã sẽn wat n pukdẽ wã.
30
Bɩ dũniyã neb fãa rig bãmb taoor ne rabeem! Bãmb naana dũniyã t'a yas kãenkãe n ka vigsdẽ ye.
31
Bɩ saasẽ maan sũ-noogo, la bɩ dũniyã kɩdme! Bɩ b moon n yeel buudã fãa, tɩ Sẽn-Ka-Saab n yaa rĩmã!
32
Bɩ ko-kãsengã ne bũmb nins fãa sẽn be a pʋgẽ wã maan dãamde! Bɩ weoogã ne bũmb nins fãa sẽn be a pʋgẽ wã kɩdme!
33
Bɩ weoogã tɩɩs kaas ne sũ-noog Sẽn-Ka-Saab taoore, bala, bãmb watame! Bãmb wat n na n kaoo dũniyã bʋʋdo.»
34
Pẽg-y Sẽn-Ka-Saab tɩ b yaa sõngo. Bala, bãmb nonglmã paada wakat fãa!
35
Bɩ y yeele: Wẽnnaam sẽn yaa tõnd fãagda, bɩ y fãag-do, tigm-y tõnd n fãag-d bu-zẽmsã nugẽ, tɩ d tõe n balem yãmb yʋ-sõngã, la tɩ tõnd zu-zẽkrã yɩ yãmb waoogr yĩnga!
36
Bɩ Sẽn-Ka-Saab sẽn yaa Israyɛll Wẽnnaamã paam pẽgr zamaan woo zamaane! Dẽ, nebã fãa yeelame: «Ãmina!» La bãmb pẽga Sẽn-Ka-Saabo.
37
Dẽ, a Davɩɩd basa Sẽn-Ka-Saab kaoolã koglgã ne a Azaf la a ba-biisã, tɩ b tõe n maan b tʋʋmd koglgã taoor wakat fãa, wa sẽn zems daar fãa tõogã.
38
A yãka a Yedutun biig a Obɛɛd-Edom, ne a Ooza, n paas b saam-biis pis-yoob la a nii wã, tɩ b yɩ rigno-gũudba.
39
La a basa maan-kʋʋd a Sadok ne maan-kʋʋdb a taabã sẽn yaa yẽnda saam-biisã Gabawõ zĩ-sõngẽ wã,
40
tɩ wakat fãa bɩ b maand maoong sẽn yõogd bugmã beenẽ yibeoog la zaabr Sẽn-Ka-Saab yĩnga, la b maand bũmb nins fãa sẽn gʋls tõog ning Sẽn-Ka-Saab sẽn vigl Israyɛll nebã yĩngã.
41
Neb nins sẽn dag n be beenẽ ne bãmb yaa a Eman ne a Yedutun, n paas neb a taabã b sẽn dag n yãk tɩ b yɩɩl n pẽg Sẽn-Ka-Saabo, b nonglmã sẽn paad wakat fãa wã yĩnga.
42
A Eman ne a Yedutun dag n peebda bardo, la b wẽed kɛma, n paas Wẽnnaam yʋʋr waoogr yʋʋm-teed a taabã. A Yedutun kom-dibli wã la b rag n yãk tɩ b yaa rignoorã gũudba.
43
Dẽ poore, ned fãa kuila a yiri, la a Davɩɩd me lebg n kuila a yir n na n tɩ ning a yirã rãmb barka.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29